德成號

Open Now

Now Closed

今早途經北角德成號竟然不見人龍，況且也不見售罄的告示，二話不説便進店購買了一罐蛋卷，感覺幸運。我選的是我喜歡的小罐原味家鄉雞蛋卷。一罐一佰元的細罐雞蛋卷份量也不少。一條一條長長的雞蛋卷填滿了那鐵罐，每拿一條蛋卷來吃也要小心翼翼，為的是要保存蛋卷的原整，吃起來更有口感更滿足。這店的雞蛋卷好吃程座街知巷聞，簡單材料：雞蛋、麵粉和糖已能做出鬆化脆口原蛋味的蛋卷。標榜全無添加防腐劑是吸引力之一，再者每條蛋卷都是人手製作，已是非常難得，怪不得顧客天天也絡繹不絕。

張燈結彩 大事慶祝 🎉🎊驚喜發現 - 於北角「素」街 老字號 蛋捲世家 《德成號》今日唔使排2句鐘長龍 可以買到知名嘅美味蛋捲，仲有原味家鄉雞蛋卷，鮮牛油蛋卷 及鮮椰汁蛋卷揀!!!Let the egg roll feast begin! 🥚🍥Must be my lucky day with all the stars aligned! 💫 Strolling through North Point and stumbled upon the legendary home-made egg roll shop - 🐤 “Duck Shing Ho” with no usual 200-people long queue! Immediately maxed out my 4-tin quota 🤣Recommended dishes 必吃Original Homemade Egg Roll 原味家鄉雞蛋卷 ™️🥚Fresh Butter Egg Roll 鮮牛油蛋卷 🍳🧈Fresh Coconut Egg Roll 鮮椰汁蛋卷 🌴🥥

我好鍾意食蛋卷，一向食開元朗真香，聽聞北角德成號都好好食，自由行期間一罐難求，而家易買左少少，於是就學人去買返罐！Walk-in 買就一定要9:00am去到排隊，而且設限買，大嘅一人限兩盒，細嘅就一人限四盒，想買多少少就要預訂啦！佢地嘅蛋卷有椰子味，牛油味同原味，因為未試過椰子味，就預訂左幾盒同朋友開心share，開罐時聞到淡淡椰子味，食落蛋卷鬆脆，唔會過甜，蛋卷有蛋香，夾左少少椰香味，味道對於我嚟講係新奇又討好！食開真香嘅我覺得下次可以試試唔同口味🥰

好多次行過呢個舖，都見佢落咗閘，或者開住門但貼住「售罄」。經過打聽後，先知店家一星期只開三日：星期四、五、六。營業日的早上9:30開賣，賣完就無貨 亦可以提前訂貨，但只限指定日子取貨，通常每月只有1-2日可預訂。據說以前未開門已經有人龍在等開店。疫情關係，少咗遊客，所以星期六早上10:30路過，仍然買到。 有三種口味可選，原味、牛油、椰子，亦有細盒和大盒。今次買了細盒原味和細盒牛油。德成號的蛋卷真的很鬆脆，脆得來又不會太乾/硬，感覺上好似無咁熱氣 所以顏色又會比市面的其他蛋卷淡黃色一點。吃了一半後的補照。半個月後仍然鬆脆。原味蛋卷（$100）較吃到蛋香味，雖然營養標簽寫的含糖量不少，但吃的時候又不覺得太甜，反而比一般的蛋卷少甜。牛油蛋卷 （$105）除了多了牛油味，吃的時候亦感覺甜得多。個人比較欣賞原味

可能係香港最好食嘅蛋卷由細到大都好鍾意食蛋卷由元朗餅家恒香，榮華，奇華，美心……到後尾有人介紹德成號先知，原來人外有人，天外有天，卷外有卷我食咗德成號大概10年年資曾經推介過比唔同嘅朋友同事親朋戚友，但奇怪既係反應都幾唔同有啲人覺得好好食；有啲人就覺得普普通通。但當我同佢哋講我要特登搭車由大西北嘅屯門晨咁早搭邨巴去到中環，再轉地鐵再排兩個鐘隊。佢哋就只會覺得我痴鬼線。今時今日冇晒自由行亦都冇人炒蛋捲，好事定係唔好事，港豬真係唔知。淨係知：終於可以正常Walk in買到三個字「好興奮」總括嚟講德成號有三隻味（原味，牛油味，椰汁味）三隻我當然試過晒第一次嚟買嘅人我建議去買牛油味（細罐$105大罐$198）鬆脆得來帶有牛油嘅香味，人手做既「香」「鬆」「脆」，唔係咁易比機器取代到至於原味同埋椰汁味，其實都OK不過個香味就淡啲你試過牛油味覺得好食先再翻兜試吓啦Mcmug 綜合評分：9/10，強烈推介，肥豬最愛Mcdull 綜合評分：8/10，幾好食，幾香口

上星期六在北角德成號，買咗一盒400g 家鄉雞蛋卷，到今日7月1日放假先得閒開黎食。無透明膠紙包裝，直接打開蓋就可以食啦。睇落每一條雞蛋捲個形狀都唔一樣，家人說應該可能係人手包嘅，而雞蛋卷身比較細長、亦都冇咁厚身，顏色上都比較深色，唔知係咪同佢地製作既火候有關係。食落牛油味比較少，蛋味比較濃，口感都唔錯。對我來說，都是覺得比較甜，營養資料上每一百克糖分的確比其他雞蛋卷高，此德成號雞蛋卷每一百克有35.5克糖，比我家另一牌子雞蛋卷每一百克只有26.9克的糖高不少。另外，我都建議買左無耐都立刻食，怕此盒包裝不緊，容易受潮。包裝上面標明是香港製造，沒有含防腐劑，用植物油製造。今次我買嘅家鄉雞蛋卷有效期係三個月，到9月26號先到期。而$100先一盒雞蛋卷真心唔算抵食。

好彩3月時打得通去訂等咗2個月仲有到手 !!!!好細個時媽媽去北角都會捧一罐返嚟之後大個問返媽媽先知原來食開係老字號加上自由行, 一直都係一罐難求因為疫情好似無咁多旅客要搶朝頭早9:00-9:30左右去排隊都有機會買到原味係蛋味比較重我自己覺得牛油味係最香比原味更加重牛油味椰汁就偏甜, 同只係聞落去有椰味食落就唔覺嘅呢款蛋卷嘅口感係鬆脆唔係好脆或者係好實淨嗰種大家可以根據自己口味先決定去唔去搶😂😂😂我覺得同恆香就有啲似嘅

20210410喜歡吃蛋卷的人應該認識德成號這店，這是一間老字號。很多人慕名而來。我在早上9：10去到排隊，等待店舖9：30開門。最後十時買了蛋卷。店舖只售賣三款蛋卷(鮮牛油蛋卷、家鄉雞蛋卷和鮮椰汁蛋卷)。買了不同味，先試試鮮牛油蛋卷，牛油味濃，質感鬆化。如果可以整多幾層，厚實少少更好。還有，如果有即整即食，熱烘烘，一定更好味。

這間聞名已久嘅蛋撻店舖終於食到了。有日同朋友提開好想食，同佢講好難買，佢竟然話等佢放假就去買比我食前幾日紅色假期，朋友9點就到德成號，但已見一條人龍。9點半準時開門，朋友都要排到10點至輪到佢，限量發售，大罐每人可買兩罐，細的就可買四罐。攞到就已經急不及待要試食，椰汁味係我首選，打開有點椰香，但唔算強烈，食落一樣，食多幾啖至覺有點點椰子味，失望。再試埋牛油味，點解蛋味勁過牛油味，再一次失望。蛋捲真心鬆脆，算好食，但要限時限刻至買到，而價錢亦唔算平黎講，應該無下次，或者只係我唔識欣賞吧！

🇭🇰德成號·呢間我一路都聽好多人講過 但係佢實在太難買啦 所以我一路都無嘗試過去買😂😂咁岩個日同我個朋友仔講起 佢屋企有呢個蛋卷多 我就問佢攞左😈·家鄉雞蛋卷$96佢一開已經睇得出好手工 因為佢每一條個樣都唔同既😏佢個蛋味同埋牛油味都好出但係佢質感係比較實嗰啲嚟既 而且雖然佢好酥化 但係又無好脆咁 係一個傳統老口味既蛋卷🙊我自己都係鍾意空氣感多翻少少個種 因為呢個食一條已經好飽😂·#rbyeat#rby港式#rby北角·📍北角渣華道64號地下

呢間位於北角渣華道64號地下，店舖名叫德成號，是一間老字號專賣蛋卷嘅店舖，從來都唔識呢個品牌，係同事介紹，今日不用上班，終於有機會專程去買，此店真是把閉，只賣星期一至六，上午9:30前必須去到排隊，店舖開9:30，大約9:40就會截龍，一但截龍，就要第二日再來排隊買啦，每人亦有限購，大罐800克，每人限購兩罐，細罐400克，每人限購四罐，品種得三種味道，家鄉雞蛋卷、鮮牛油蛋卷、鮮椰汁蛋卷，真的很誇張，我去到大約9:25，人龍已很長，約有百幾人排隊中，大約10:15已經可以排到門口，等入舖付款、取貨，見到店舖內裏真係要用老字號來形容，古舊裝修，掛上黑字金底嘅招牌，一入店舖，一陣好香蛋卷味道。諗左一陣，決定今次先試原味家鄉雞蛋卷，買到後即刻回家，急不及待試下，一試更加覺得值得一早去排隊買，濃濃蛋香，鬆脆，好味。

Tak Shing is famous for its hand made egg rolls. There are three types, namely, classic egg rolls, butter egg rolls and coconut egg rolls. Before when there were a lot of Chinese visitors, their egg rolls are always in short supply as daily production is limited. Recently when I visited North Point, I happened to see customers queuing outside the shop for egg rolls. There is a quota system. Every one may buy 4 half pound cans or two one pound cans. I heard an old lady in the queue expressed

自從疫情開始，旅客幾乎絕跡香港🍂🍂以前要預約/排隊的鋪頭已不再，就連聞名中外嘅蛋卷鋪也不例外，今日經過德成號竟然唔駛排隊就可以買到蛋卷，當然有幸買回來試試啦！😊😊可能是全人手製作，所以差唔多要$100一盒有點貴💸💸，但打開餅盒蓋就聞到好香的牛油味了，蛋卷鬆化兼有淡淡蛋味，食完一條仲停唔到口添🙊🙊

鮮雞蛋卷，非常脆口，帶有小小牛油味，不是太甜。鮮牛油雞蛋卷，非常脆口，帶重牛油味，比較甜啲。鮮棷汁雞蛋卷，非常脆口，帶重棷汁味，再甜一點。這間店是非常，非常，非常之難買！要一早去到排隊，排隊成兩粒鐘，等鋪頭開門！真係唔知為乜？雖然蛋卷真係非常之脆口，其實同級可選擇皇后蛋卷，其實味道差不多，係價錢貴少少！最重要係唔使排隊嘛⋯⋯其實店外有幾個婆婆可幫手代排隊，但每盒要加＄20！真係想試下，又唔想排隊嘅，咪幫襯下囉⋯⋯

香港地,無奇不有,北角就有一間,聞名世界既蛋卷名店 手工蛋卷專家,凡係中秋,過新年都要用搶去訂才吃到得沒有網上訂購服務,只有兩種方法買到 (代購不計)親身到門外排隊買,未開店前一小時前已有人在等侯當中二. 新年貨期,要搶打電話,不停打電話,打通之後留貨,付錢,指定時間去取新年前會提早收爐,新年後最少放2-3星期假基本上要食到,十分困難手工製作,數量有限,口感鬆化,濃郁蛋香甜味客戶一半以長者為主,一半送禮自用一罐難求分別為一磅裝或兩磅裝家鄉雞蛋卷、鮮牛油蛋卷及鮮椰汁蛋卷 限量買,每人限4磅,即最多買4罐細或兩罐大的港島北角渣華道64號地下+852 2570 5529