成發潮州菜館

Open Now

Now Closed

今晚朋友聚餐，無食泰國菜，反而食潮州野，不過潮州菜是耐唔耐想食的。廢話少說去相。胡椒豬肚湯正常，夠胡椒味，豬肚一般。鹵水鵝片必點的，唔差，反而個豆腐又幾好食喎。香脆蠔烙十分好食，蠔夠大隻，炸得唔錯，蠔仔十分新鮮。炸大腸夠肥，唔靭。椒鹽九肚魚，正常。正常啦，無咩評分。糖醋麵比較麻麻，主要是個麵唔夠香脆。整體食物正常，炸物是唔錯的，價格正常，環境比較舊式，周圍都有唔少物品，尤其飲品會放在腳踏到的地方。

九龍城一間食潮州菜的小店, 店舖面積不大, 大約五至六張枱, 裝修偏舊. 店舖員工看似家庭式成員主理我們叫了以下食物👇凍烏頭服務員送上這條凍烏頭, 一望條魚的觀感已經覺得好失色, 欠缺魚油(黃油), 魚肉也比較削&乾身. 味道非常失望👎韮菜豬紅韮菜豬紅本身個汁像沙嗲汁, 味道偏濃味, 有少少辣. 豬紅一般, 韮菜有點韌(偏老)香脆蠔烙用油炸方式烹調, 香脆可口而不油膩, 蠔粒數量也算多潮香骨拼潮香大腸原先我們只是叫潮香骨, 店員介紹潮香大腸, 用酸梅作烹調醬汁, 一種味道兩種食材, 這個餸的味道算是不錯腩肉春菜這個腩肉春菜有別於其他舊式潮州店, 因為這個菜湯底有濃濃的薑味, 春菜不是煮好耐/好淋嗰種(不像平時阿公阿婆冇牙也食到嗰隻), 這個像平時食店的上湯浸時菜

食物質素差劣，份量比一般打冷店少好多，價錢偏貴，加埋收取10%服務費，唔值得。諗住九龍城潮州菜應該唔會伏啦，點知沒有最差只有更差，希望有緣睇到呢個post嘅你千祈唔好入去試。

今次我地試左呢間成發潮州菜館, 食物質素, 價錢, 招呼樣樣都好好, 值得推薦! 每次打冷我地都必食滷水鵝, 呢間的鵝肉冧滑， 滷水汁味道好好。馬友, 油份足, 我個人認為好食過大眼雞好多! 韮菜豬紅, 豬紅唔會散，汁濃而不咸, 怪不得枱枱都叫。 另外潮香骨都好好味，可以一試!

今日來到九龍城，沒有揀食泰菜，反而選擇了食潮州菜。來到這間成發潮州菜館。鹵水鵝食潮州菜，鹵水鵝及蠔仔粥都是潮州菜的代表特色菜式，所以我先要了這2個菜。鹵水鵝用豆腐墊底，鹵水鵝切得比較細件，肉質都比較腍，鹵得都較為入味。潮州肉碎蠔仔粥蠔仔比較細粒，湯底雖然不是很清甜，但肉碎的份量都算多。鹵水鵝掌翼鵝掌翼比較細隻，肉質太韌鹵得未夠腍滑，及鹵得不是很入味。

Terrible service and always place wrong order. My food was delivered to another table, and placed there for more than 5 minutes before transferring to my table. I refuse to accept that dish and insisted to have a new one. But they only told me the food was sold out after 15 minutes. And the worst part is just right before they me, I saw them given the same dish to the table next to me. 😡😡😡 The food is not as good as other chiu chow restaurant in the same area. The traditional 滷水 food is tasteles

太耐無來呢間開餐，今天放假可以過來！由於六點幾已到，仲有枱唔駛等位！叫返之前食過嘅油鹽水煮蜆，喜歡有芹菜同粉絲一齊煮，蜆雖然唔大隻，但入口幾鮮同差不多全部開口，最緊要係無沙！仲有鵝片拼墨魚，有豆腐墊底，鵝片片得夠薄，入口少少嚡，點酸醋汁食都可以，墨魚太細塊，相當有嚼口！最後有韮菜豬紅，豬紅份量都幾多，唔會一夾即散，用濃味醬汁煮，送白飯會好d，唯韮菜偏少！自從易手之後，感覺比上一手差左d，雖然仍有舊伙記，但味道及份量始終差少少！

鹵水死鹹，並無任何味道，差！一間打冷店連鹵水都未做好，開什麼打冷店？開玩笑吧！價錢偏貴，一間連枱布都沒有的小店，四份一鹵水鵝收$210？唔緊要，但碟頭明顯偏少，一片$10？比百樂還貴！另外冷氣唔夠，絕無下次！

原來潮州嘢系咁好食㗎😎😎九龍城大家都知好多嘢食本身想去食返泰式燒王 但係朋友今晚想試吓食潮州嘢經過呢一間門口見到又黃子華又好多明星已經感覺E!!好似可以喎😂😂重點係呢度唔收+1有冇收茶芥食左滷水鵝片 烏頭 蠔餅 炸乳鴿 心形糖醋麵 油鹽水蜆豉油王鵝腸 蒜香骨 潮州粥 欖菜肉鬆韭菜花 大眼雞全部都好高水準呀 特別係個潮州粥 食潮州粥一定係室溫編凍 最後想食條大眼雞老闆好好人 講都唔明佢手頭上有一條不過質素唔好重新同我地蒸一條再馬上吹乾凍俾我哋食 個心形糖醋麵都好特別 一睇到令人好開心😂😂朋友真係介紹得好啊！收凌晨兩點 又可以book mark去宵夜list最後仲有龍眼做甜點🤙🏻🥰

上星期六去九龍城搵潮州菜吃, 看見有好些人在順發外面排隊, 決定入去試試。我和Honey點了胡椒豬肚湯, 滷水鵝片, 煎蠔烙及蒜蓉炒芥蘭。胡椒湯同滷水鵝片賣相雖然平實但味道十分不俗, 什有地道風味。但最令我們有驚喜是煎蠔烙！點菜時亞姐已教曉了我們煎蠔烙是脆的而煎蠓餅是不脆。上菜時分量頗大, 蠔烙呈金黃色, 上面佈滿炸脆了的蠔仔, 可以說是真材實料！入口外面香脆而不膩, 內裡蠔仔肉甘香, 其肉汁保存得啱啱好, 實在太美味了！

最印象深是這店份量算足，總體味道都很好。蠔餅$70😊脆口，如果粉少些少會更好。心形糖醋麵$75😊煎得脆口，特別❤️造型。鵝片$105😊份量挺足，豆腐也多，不會太鹹。鹹菜胡椒豬肚湯一窩$85🆗多餸，夠多豬肚鹹菜，鹹味則有點太鹹。八寶糯米大腸$80😊料多，煙韌度稍可提高少許。反沙芋$85😋😋推介，好好味，糖面好脆口，一碟有12條，份量多。每枱有水有茶有厠紙。臨走時小朋友還可以抽張牌看能否中獎有個彈彈波，小朋友好喜歡。

話說，我今晚去九龍城係因為專成去一間好出名嘅潮州甜品舖食糖水（我係可以先食甜甜😆後食鹹點/正餐嘅人）之後喺同一條街，前幾個舖位，見到有間食潮州菜嘅餐廳，好啦，橫掂啱啱食完潮州糖水，咁就食潮州菜做晚餐啦！這就是「成發潮州菜館」，呢度應該個只此一家嘅小店，店員都好親切。見佢個menu 有個餸超吸引 - 椒鹽蠔仔 ⭐️⭐️⭐️⭐️⭐️ 喺出面其他餐廳通常只會有椒鹽九肚魚、椒鹽鮮魷、椒鹽豆腐、或者椒鹽瀨尿蝦，不過我冇乜見過有椒鹽蠔仔（我本身對任何關於蠔嘅食品特別喜歡♥️）而且隻隻蠔仔成隻手指公咁大，勁正勁惹味！🤩推~推~推！👍🏽

蠔餅好正！ 馬友魚一定要食！每次去都滿座 老闆嫁好貼心 溫暖家庭嗌餸食飯佳選 位於九龍城核心地 好方便！快靚正!! Oyster pancake is so good! Ma yao fish is a must try!!! Full house every time I go and the boss and his wife is super genuine. Perfect choice for warm family style! Convenient location at the heart of Kowloon city

座位尚算舒服，不是摺櫈，而是有椅背的櫈。餐牌明碼實價，清清楚楚。胡椒豬肚湯：胡椒味可以再濃一點。鹹菜仍未完全出味。糖醋麵：心形挺可愛的，但不夠脆身，麵質偏軟偏濕。豬大腸：處理得算好，仍有丁點豬味，但不是尿壓味。 韭菜花：很 翠綠，炒得很清爽，可惜太油膩。不錯。 蠔仔粥：味道沒有什麼特別的地方，中規中矩吧。九肚魚：已去骨，但亦因這個關係，整碟碎碎的，賣相不討好。很脆身，但味道太鹹。滷水味不錯，雖然比較鹹，但多人分享，每人只吃一點點的話，還是可以的。 蠔仔烙：不會太油，味道尚可。清心丸很煙韌，綠豆爽不會太杰身，甜度剛剛好。ｰｰｰｰｰｰ大部份食物偏鹹，讓人口渴，而且以健康考慮來說是不太好的。姐姐們挺友善，感覺好像街坊，很有親切感。

成發潮州菜館算是九龍城中數一數二的潮州店！價錢適中， 食物質素亦在近年進步了很多，轉了新老闆後比以前做事更有心，是家庭式作業。今天還帶了家人和小朋友來吃，店主熱情招待。反沙芋和糖醋麵比大酒樓更高水準。一定要試凍蟹和凍魚，吃了不得不回頭！韭菜朱紅很入味鵝下裝不見天有肉汁，鵝肉嫩滑。唯獨廚房小菜有點咸，可能是個人喜歡吃清一點。值得一試，但記得要訂枱，因為星期五六日都比較多人，要等位。讚好！👍🏻👏🏻