振興肉丸

Open Now

Now Closed

自從疫情之後，很多香港人都喜歡買餸回家做飯或者火鍋，很多凍肉店和自家製的肉丸，便成機興起了。這裏除了有自家製的肉丸之外，還有花生炆豬手、即食咖喱、梅菜扣肉、和牛粒、西班牙豬妹片、雲吞、水餃、花膠、澳洲和牛和黑豚肉。牛骨濃汁牛丸$39，爽口彈牙，帶有牛骨的濃香味道，用來煮公仔麵，非常配合。豬骨濃汁貢丸$39，和台灣正宗的貢丸，味道沒有太大的分別，只是多了豬骨的香氣。墨汁墨魚丸$36.9，墨魚汁味道香濃，還有墨魚碎在墨魚丸內，如果粉少一點，口感更佳。魚籽包心丸$30.9，外及爽滑彈牙，內裏的魚籽味道鮮甜。

星期日去開銅鑼灣，醒起附近有振興肉丸分店，一於去入啲貨，平時煮粉麵可以加料。之前食過佢地出品嘅牛丸真係冇得輸，本來想再買返牛丸，但係見佢舖頭仲有賣超多其他丸類，有啲仲做緊8折優惠，就改變主意買咗4類試新嘢。芝士南瓜包心丸我係芝士控，一咬開魚肉外皮，芝士就咇出嚟，芝士奶香，味道好好，南瓜味就唔太突出，少少南瓜嘅甜甜地味。麻辣魚旦小籠包麻辣味唔會太辣，咬開魚旦，有一啲肉餡，幾惹味，幾特別。芥末魚籽丸咬開出邊嘅魚蛋之後creamy嘅醬餡會咇出來，裏邊有啲蟹子，呢個淡淡的芥末味有啲日本風味。香辣粉絲豆腐呢個其實係魚腐，口感軟綿，帶少少爽滑，有啲粉絲增加口感，味道有一點辣辣的，幾惹味。

其實標題一d都冇 誇張，因為是咁的……有一日原本去吉之島買都幾出名下的魚蛋返屋企煮通粉的。點知行到個魚蛋附近，有一個做緊展銷的阿姐同我講，“請你食粒牛根丸吖，包你食完一定會買”我心諗，唔係嘛，唔通粒牛根丸有迷藥……不理啦！就試食咗一粒，哇！真係好好食喎，有肉汁留口腔，有肉味，又彈牙。咁就緊係即刻問咩名堂啦！原來就係“振興肉丸”出品嘅牛根丸。阿姐仲話，食過振興肉丸，一定返唔到轉頭食其他的。我即時笑咗。未免真的太 誇張吧！跟住我又望吓價錢，其實比其他係貴咗少少。不過都係試試啦！就買咗牛根丸及貢丸試吓。就呢次之後，我真係已經轉買振興肉丸了。不過就會等特價先買。但我今日去完灣仔，見到有振興專門店，當然入去行吓啦！原來有好好款式的。除了所有平時買開的丸類，仲有紅多不同顏色的丸。所以今次我揀咗以下幾款嚟試吓。而家買有8折, 仲有冰袋送的. 松露小籠包，一咬開裡面有肉汁，而且黑松露味道濃。好味道。芝心南瓜包心丸，外面係黃色，咬開裡面係南瓜蓉加芝士。食落好creamy。芥末蟹籽丸，橙+白，頂部尖尖的，外型得意，顏色又靚。以為有芥末一定係辣的。原來一d都唔辣。咬開好香芥末味。仿海膽包心丸，黃+白，頂部

食過振興牛丸真係食唔返普通既丸, 所以一經過佢既鋪頭就要買番D補倉.款式多就一定, 五花八門, 花多眼亂都唔知點揀好. 但一次唔可以買太多, 因為冰格無位擺, 因為買其中四款可以送一個環保保鮮袋, 所以我決定是但揀四款, 就算唔係即刻返屋企都唔怕.有時遲左收工, 會用呢D振興牛丸做餸, 煎香佢就最惹味. 今次我用牛骨濃汁牛丸, 豬骨濃汁貢丸, 芥末沙律球, 炙燒芝心丸同菜一齊炒.佢地既牛丸, 貢丸保持水準夠晒彈牙, 每一粒都咁大粒.牛丸有好濃郁既牛味, 入面仲有細細粒既軟骨夠晒口感. 貢丸咬落亦夠質感, 口感實在, 有肉鮮味.沙律球都係我喜愛, 因為入面既芥末甜甜酸酸, 好開胃野味.芝心丸既芝士唔算好濃味, 無咁覺漏.永遠都能保持最初既原味道, 雖然價錢可能比一般既街市丸貴少少, 但我覺得絕對值得.

振興肉丸在屋企附近的凍肉店試過很好吃，今天經過鵝頸橋街市，看到原來振興肉丸有專門店店內光猛整潔，而且肉丸的種類是超多的！今天買了四款，最適合是在家食宵夜時加餸馬蹄木耳貢丸 - 咬一口，爆出濃濃豬肉鮮香，彈牙有咬口，再配上爽口的馬蹄和木耳，多重口感，鮮甜多汁、不太乾或太粉鮮蝦腐皮卷 - 長長的，用了新鮮的蝦,配上了魚肉及甘筍做餡,用腐皮去卷成,加上花竹蝦的鮮味，令人吃不停口仿龍蝦丸 - 龍蝦丸是由蟹柳，魚肉和飛魚卵籽製成，龍蝦丸充滿色彩，令人食慾大增！口質則爽口彈牙零添加墨魚丸 - 買振興肉丸的其中一個原因是無添加人造色素、無添加防腐劑、無添加任何香精，原汁原味，吃得健康。墨魚丸可吃到墨魚粒，同樣彈牙振興肉丸果然名不虛傳，這間專門店有超多選擇，下次再來必定要試試其他口味

自從吃過振興的豬骨濃湯貢丸之後，屋企的雪櫃長期都會放着幾包以備不時之需。又到時候要補貨，可惜超市又缺貨，就到灣仔門市購買啦！店舖除有多款丸類選擇之外，還有其他急凍的食品。<豬骨濃湯貢丸>彈牙爽口，還吃到一粒粒的冬菇，肉汁豐富，味道香濃，簡簡單單涮一陣就可以啦！今次仲試其他丸子。<墨魚汁墨魚丸>一粒烏卒卒、黑蚊蚊的丸，外型真的不討好，但裏面會吃到一粒粒白色的墨魚肉。<魚子包心丸>裏面橙黃色一粒粒的魚子入口有少少脆，外層就較軟。<牛骨清湯牛丸>顏色和豬骨濃湯貢丸相似，入口就知道分別，牛味很濃，口感都彈牙。吃過多種丸，還是較愛吃豬骨濃湯貢丸，賣飛佛！

振興肉丸是老字號肉丸專家，突顯香港製造和無添加防腐劑，所以是大家都安心食用嘅健康肉丸，產品多元化，今日光顧銅鑼灣分店，店內顧客很多，雪櫃陳設各種肉丸供顧客選擇。牛肉丸真材實料全牛肉製作，牛味濃厚，爽口彈牙，令人讚不絕口。麻吉燒四四方方色澤金黃魚肉，軟熟而充滿魚肉香味，嫩滑可口，中間是白色軟滑年糕，清新美味。菠菜魚丸細細粒青青綠綠幾得意，入口彈牙而又有肉汁。豬骨濃汁貢丸肉質彈牙，充滿豬肉湯汁，肉味濃厚有層次感，令人再三回味嘅貢丸。黑松露魚丸魚丸外形吸引，中間是流心黑松露饀料，香滑又美味。多元化又多色彩嘅產品，增加食肉丸嘅樂趣。

天氣悶熱唔想餐餐食飯，間中食吓肉丸是不錯嘅選擇。振興肉丸這個品牌經常在超級市場找到，質素有一定保證，這間位於銅鑼灣鵝頸橋附近嘅專門店必能提供更多選擇。豬骨濃汁貢丸大大粒貢丸，肉質結實彈牙，有濃厚豬骨味，非常可口，又係招牌產品。香菇貢丸同樣大大粒肉丸，啖啖爽口貢丸夾著香濃菇味，肉汁清香，吃起來甚為滋味。牛肉丸呢款真係招牌肉丸，牛味非常濃厚兼爽口彈牙，充滿肉汁，多吃幾粒都不覺膩。鮮蝦腐皮卷長條形狀很特别，腍腍地得嚟又有嚼口，甜甜地幾得意，腐皮卷內有蝦肉，食落味道幾清新。

打邊爐要打得過癮，個爐固然重要，萬事俱備，最重要不單是肥牛海鮮，而丸類才「殺食」！大人小孩對丸都有一種莫名的喜愛。加上素丸也普及，無謂食肉獸還是素食者，都有得揀！可是，好「丸」難求呀！這店有名的是牛丸相信大家也沒甚麼疑問，喜歡黑椒的當然要嚐一下他家的黑椒牛丸。黑椒味是點綴，把濃濃的牛肉香提起來，最重要咬下去有勁道又多汁！對刺激感有所追求的不妨試試這款台灣製造的芥末沙律丸。魚肉外皮包裹着少甜微辛的芥末龍蝦沙律醬內餡，咬下去絕對有驚喜。另外一款能咬出驚喜的就是這芝士小籠包，一樣是魚肉的外皮，包着滿滿的車打芝士，一咬就爆出來！不喜歡太多調味的話，這款健康豬肉丸也是好選擇。丸最好的就是吃不完，可以平時煮麵的時候加一兩顆，加添美味。

這間店舖位於灣仔，由灣仔地鐵站出發路程需要十分鐘左右，還算方便，但有更近的方法就是由銅鑼灣出發，約需要五分鐘左右，餐廳和他的名字一樣，主打的就是肉丸，過去早已在他的總店大埔店購買過， 這次我挑選的也就是 黑椒牛丸和豆腐魚蛋， 黑椒牛丸方面，爽口彈牙不在話下，每粒的大細又均稱，最重要沒有因為黑椒味，而蓋過了牛肉本身的鮮味， 另外，豆腐魚蛋方面，最擔心的就是他的口感，沒想到口感做得不錯，有點咬口，又不會太彈牙，做得出豆腐的口感，味道又帶點豆香，加上加熱時間無需太久，很快便可以進食，作為宵夜的選擇，絕對是不錯，加上價錢合理，性價比高。

一向都會買定D肉丸放係屋企，方便平時煮麵或者打邊爐用。今日去開灣仔，順便去振興肉丸補下存貨~今次買左傳統黑椒牛丸、仿干貝燒、三星蔥醬爆貢丸同黃金魚籽球。皇牌產品黑椒牛丸無加入額外添加劑，選用上乘牛後腿肉製作，亦無任何E-number。食落彈牙爽口，夾雜上等南洋黑椒，特別香濃惹味。仿干貝燒以天然魚肉製造，金黃圓柱外型，創意十足，咬落有絲絲質感，軟滑多汁。三星蔥醬爆貢丸加入台灣特產三星蔥，咬落蔥味香濃同時有豐富醬汁，創新又滋味，好有驚喜!黃金魚籽球天然魚肉外皮好有咬口，內裡有彈牙魚籽混合千島味沙律醬，鮮甜獨特好有特色。期待下次再試下其他口味既肉丸

有時口痕不想外出，種類眾多不用動腦袋就能乾脆俐落選購，愛吃一啖一件簡單烚煮或做打便爐食材既可做出唔同菜式又夠多元化，入廚步驟幾分鐘就食得勁快捷「墨魚腐皮卷」爽彈外層金黄捲成，口感不單止夠平均用上皮薄腐皮捲合，內裏以墨魚肉搭配魚肉餡咬口煙韌很鮮美「健康豬肉丸 - 椒麻味」以味道、肉汁比例搓成，肉香鮮嫩分布帶點辛辣椒麻，香濃帶出原汁原味風味烹調享用讓人回味相對味出味出獨特混上，丸狀質感豐富爽彈「墨汁墨魚丸」丸內鹹香魚鮮味食多也唔會厭「振興牛肉丸」咬開賣相香滑，澎湃多汁滲透挺有趣味儲定貨在家中的確系最佳好方法

我自己最鍾意食嘅就係健康豬肉丸🥰彈牙之餘仲好多肉汁鎖住喺入邊，口感唔錯唔錯～而且肉質唔會實的的，感覺上真材實料💁🏻‍♀️第二款喜歡食嘅就係麻辣小籠包，外型真係好似小籠包一樣，比較少見嘅味道，細細粒，但係入邊餡料都唔少，有啲似福州肉丸，但就有淡淡的麻辣香味，麻辣愛好者可以過下癮😆同時都唔會太辣，大人小朋友都啱食💕同埋值得一提嘅係，份量都幾大包，比我預期中多，所以平均計返價錢都幾抵，去專門店就更加多選擇🤗

平常我超喜歡吃這家的牛骨濃汁牛丸，所以每次在店舖看到有貨，都會大量入手😂 今天經過專賣店，這裏貨源充足，當然要買點回去，另外也試試其他丸和包。牛骨濃汁牛丸 $39這家的濃汁牛丸真的很好吃，是目前我吃過最好吃的牛丸！他們採用澳洲牛，牛味名副其實非常濃郁，肉汁鮮甜，口感彈牙帶嚼勁，而且還有透明一粒粒的牛孖筋。真的是一分錢，一分貨💯魚豆腐 $31.7咬開後我以為自己在吃豆腐，無論是外觀還是口感都像豆腐！味道方面則帶淡淡的魚鮮味，很適合因為魚的腥味而不喜歡吃魚的人（即是我😂）健康豬肉丸 $29.7肉眼都看到有粒粒香菇，肉味香濃，口感彈牙，不是普通貢丸的貨色👍🏻松露小籠包 $18.2黑松露味很濃郁，咬開後有豬肉餡，口感介乎小籠包和丸子之間，挺有趣～振興的丸子種類多，職員態度不錯，下次可以再試試其他丸子😋

之前已經食過振興既丸，真心超高質！但有時超市既款唔算太多，甚至有時會缺貨。點知灣仔開左間專門店，仲要係港島，真係勁方便~一入門口已經見到幾個大雪櫃，真係令人興奮！！款式多花多眼亂，睇真啲原來凍肉都有得買。不過今日重點係肉丸~今次買左4隻丸，除左平時可以係超市買到既包裝，仲有磅裝。第二咩即刻煮番碗美味公仔麵🍜🔸黑椒牛丸零添加食得安心又健康，牛丸爽口彈牙之餘，黑椒唔會太辣，入口溫馴。🔸濃芝士豆腐燒好有芝士味(唔係流心款)，係軟軟的質地，真係好似食緊豆腐。🔸小籠包外面係魚蛋既質地，入面包左肉餡，食落真係好似食小籠包，有湯汁流出。🔸黃金魚籽球濃濃既流心沙律餡，包住魚籽，增加咬口。香港品牌一定要支持！！！