Video
5-min walk from Exit B1, HKU MTR Station
continue reading
Telephone
68579993
Payment Methods
Above information is for reference only. Please check details with the restaurant.
今日同教友崇拜之後去食Lunch，叫咗幾味小菜，好味又抵食！我地點咗招牌雞，好有雞味，煎蝦餅非常彈牙，豉汁龍凳翅骨，新鮮又入味，牛腩煲啲蘿蔔好好味，上湯菜心等，每一味都好有水準，下次叫多啲人去就可以多試幾味，值得推介的溫馨小店。
continue reading
做冬中學同學聚餐，選了文聚。我同文聚的緣份源自數年前北角店，輾轉至今呢一間已經係我經歷過佢第三間舖。之前因為店舖座位所限，未有機會呼朋換友來幫襯，今次換了新店手，無論裝修同座位都比以前更適合聚會，就同同學去馬食文聚。做冬菜單（7位用）1. 蝦多士（12件）$120 - 用了海蝦，炸得香脆不膩。2. 鮮奶炒蝦球 $180 - 相對普通。3. 鎮江骨煲 $120 - 非常軟腍入味。4. 鹹魚煎肉餅 $120 - 充滿豬肉的甜香同咸魚的咸香，不會有坊間死咸的通病，一口一個的大小剛好。5. 胡椒豬肚雞煲 $230 - 很出色！豬肚沒有燥味，軟腍得嚟有一定咬口，雞依然嫩滑，胡椒湯頭熱辣辣十分惹味，連同仿翅彈牙， 令人飲不停口！6. 水晶雞（半）$120 - 文聚招牌菜式。而家好多人北上，食走地雞已經平靚正。但文聚水晶雞完勝內地走地雞，果種鮮、嫩同香濃，只此一家！7. 炸大腸 $120 - 外脆內嫩，完全沒有臭味，好吃！8. 翅湯娃娃菜 $80 - 盡收文聚秘方翅湯精華的一道菜！絕非街外雞湯浸菜可比！9. 蘿蔔牛腩煲 $120 - 水準一如以往地好，我第一次食文聚就是食呢個牛腩陳村粉。但原來晚餐是座住火上的，老闆娘話因為牛凍左就會韌，所以要熱住食。我最欣賞墊底的蘿蔔，吸晒味，好正。10. 雞絲花膠翅 （$108/位）- 我覺得北角時的出品更出色，但呢個價錢都無投訴。11. 紅棗雪耳糖水（送）-不太甜，滿滿的骨膠原，為今餐美食畫上完美句號。咁食法，7位用埋單才$1700, 大家都十分滿意。呢個價呢個水準，學朋友講，真係只有深圳才能匹敵🤣另外，呢度唔收開瓶費，但酒杯等都有提供。我地同老闆娘講會有汽酒，佢仲準備左冰桶👍
continue reading
WHATSAPP落單唔使等,收工行過去舖即可取, 盧師傅話平時要等20分鐘左右. 最後嗌左4個餐(少飯),送既例湯轉為上湯娃娃菜(湯底好有心)+豆漿(唔算甜,非常好), 健康好選擇!1, 香橙豬扒飯 $58, 橙有少少苦味,豬扒少少乾,溝埋汁一齊食唔錯!2, 水晶雞飯$55, 雞好滑,唔似海南雞既無味,自己好仲意!會再ENCORE!3,牛根坑腩蒸陳村粉$58,小朋友都仲意食!牛根坑腩好入味,口感好!唔算濃味.4,上湯水餃烏冬$55, 廣東水餃,乾乾淨淨既感覺平時因為屋企人煮得麻麻地,屋企有要求既家人就食得好少. 依一間得到佢地既認可,可以長期幫襯!健康得黎,仲KEEP到咁既難得價錢,街坊們平日既好選擇
continue reading
喜歡小店，是有濃厚人情味。文聚前身在北角開業，其後搬至鰂魚涌，由同事carry，原來老闆兼大廚盧浩基爽有來頭，曾於多間酒店擔任總廚，因此技藝精巧，而且講求食材質素，因知道他在西環重開後，立即重訪。店子其貌不揚，以實力取勝，老闆娘說新店提供更多菜式選擇，午餐依然有套餐，款式多多，更配蔬菜和豆漿，相當抵食。希望各位街坊多多幫襯小店呀！◾️ 椒鹽蝦多士蝦多士炸至超脆，$120有10件無得輸，加點點椒鹽更惹味，而且沒有油膩感。◾️ 水晶雞（例）我推的招牌水晶雞！醃過夜再烹調，雞味濃，而肉質亦好滑溜，與自家製蔥油同吃，白飯小偷！◾️ 脆皮炸大腸炸至香口卻不油膩，每一件都有滿滿肥膏，別想太多，快快將啖啖的邪惡感放入口！◾️ 話梅豬手炆至好軟腍，且有豐富骨膠原，加上微微話梅味，愈食愈滋味。◾️ 紅燒花膠雞翅$108位，份量多多，湯頭入口鮮香味濃，更食到有花膠和翅，CP值高！◾️ 紅燒瑤柱花膠雞絲$68位亦絕不遜色，更食到瑤柱絲呢！🔸 自家製糖水就算再飽都要食的糖水，經長時間烹調，煮至收哂水，滿滿的膠質滋潤十足，與坊間的雪耳糖水不同，絕尊對是女生最愛！餐牌：
continue reading
北角中期開始幫襯，錯過了鰂魚涌店，好彩在開飯找到他們搬到西環水街這裡的新店啊！地方大了和美觀，很適合做私房菜！首先食了闊別差不多兩年，至愛嘅蘿蔔牛筋腩蒸陳村粉，鎮江骨(北方)，上湯浸娃娃菜(用很多材料餚製的)和豆漿(有豆味好幼滑，老板娘主理)！ 水晶雞要下次了！味道保持水準，非常入味，大廚師傅依然是絕不用味精雞粉來調味的，如食慣味精才覺得好味嘅人仕，這裡就不是你杯茶了！這裡除了中午套餐和火煱外，餐牌上也多了很多新菜式，我諗我一個人每次來都要打孖食才可快d試完，下次要試試這裡的"順德菜"，希望你們新店生意興隆，生意陸續有來啊！
continue reading