新嚐泰泰國餐廳

Open Now

Now Closed

泰國野食耐唔耐就好掛住🥹, 朋友介紹呢間泰國餐廳食過都唔錯, 今晚就黎幫襯下先!! 位置有的神秘需要通過大閘再上一樓, 但現場坐位好寬敞, 下次黎要坐係到食!!1/ 串燒沙嗲 (豬雞各半) $88佢地有6串同12串既選擇, 我地兩個人就食6串, 最正係佢地可以一半一半份量, 雞豬各半, 熱辣辣送上門好正, 肉質嫩滑!2/ 木瓜沙律🥗 $88泰國菜既經典之一, 每次食泰國野必叫, 佢地木瓜新鮮爽脆! 用花生同青檸調味, 味道清新爽口, 好入味!!3/ 噴靚咖喱(蔬菜)🍛 $98噴靚呢個味道第一次食, 味道比平時食既咖喱淡身但反而好岩口味! 我地冇叫菜所以選擇左蔬菜為主材料👍🏾另外佢仲配左兩件薄餅, 配埋咖喱食好夾!!4/ 菠蘿海鮮炒飯🍛 $108以新鮮既海鮮同菠蘿炒製，非常香口惹味!!5/ 芒果糯米飯🥭 $69佢地既芒果好新鮮而且非常甜!! 另外糯米好綿但有咬口, 口感Q彈, 食完好足!!6/ 鹹青檸七喜🍹 $32半個青檸黎做, 同七喜混合非常解渴!!

未裝修前都有來過這裡吃中午飯，但未來過的要找鋪，也不容易。在點心店隔離有個大廈入口位，要按貼上黃色紙的門鐘就會解鎖大閘。店內壁畫充滿泰國船河風味，位與位之前空間感十足，非常寬敞。我們被安排於卡位，私隱度極高。柚子蝦沙律 $108作為頭盤，酸酸辣辣，加埋柚子本來是甜甜的，很開胃，蝦亦爽口彈牙，而且岩哂重口味人士。泰式燒豬頸肉 $95大大份，燒得外皮微燋，肉汁又多，個醬汁100分，微辣又酸，好味!泰式燒魚 $163主食來了，有兩款醬汁，一款是同豬頸肉一樣的，另一款似辣椒醬，用刀輕輕推開，就可以見到全肉，附上青檸一按，香氣撲鼻，燒得十分到位，魚肉很Juicy，醮兩款醬都很合適。馬拉盞通菜 $78微辣，通菜非常翠綠新鮮，好味!椰青$48清清涼涼既椰青，岩哂食完辣野，好舒服，必飲。 

最近見好多人recommend呢間泰式小店就去左試，食物質素都幾高同埋價錢唔貴，會encore小食拼盤必試性價比極高嘅小食拼盤，小食有魚餅、蝦餅、春卷同肉丸生菜包，全部都即炸熱辣辣上枱，當中最有驚喜係魚餅，估唔到有陣冬蔭功味，魚肉mix左啲豆類好有口感，配埋泰式甜酸醬好夾👍🏻另外生菜都fresh，好似第一次夾肉丸而唔係肉碎，肉丸脆口偏辣好惹味~馳名炒黄咖喱跟薄餅主食首先試炒黄咖喱，揀左配軟殼蟹，咖喱嘅份量勁多！軟殼蟹應該有2-3隻，同樣炸到香口，配料亦都豐富有洋蔥、青椒、芹菜等所以唔會好齋，至於薄餅係有微微煎過，外表少少脆得離入面好鬆軟，點咖喱食係絕配醉酒佬辣炒豬肉片肥粉另一款主食叫左炒豬肉片肥粉，係出面通常都係炒河好少見肥粉呢個term🤣肥粉比起河粉口感彈牙好多，食得出有鑊氣每條粉都沾到辣醬汁，而豬肉片雖然厚身但都唔會好鞋～椰汁冰大大杯椰汁冰應該可以當2人份量，味道方便係好濃嘅椰汁味，飲落唔會覺得溝水咁，透心涼仲可以解下辣

灣仔內街平時有好多唔少嘅地道美食，咁啱今日經開水渠道，發現咗呢間超級隱世嘅正宗泰菜。餐廳應該新開無耐，入面裝修充滿泰國風，座位都闊落，牆身有唔少嘅泰國壁畫做背景，環境算乾淨特別。入面啲店員同埋個廚師都係正宗泰國人，充滿地道風味。我哋要咗個蟹肉奄列，大大份，入面包住超多蟹肉同肉鬆，好有泰國街頭嘅味道。之後我哋要咗個好特別既咖喱，叫噴靚咖喱雞跟薄餅，餐廳嘅擺盤都10分美觀，薄餅煎得香脆熱辣辣，配埋個咖喱汁一齊食，簡直係絕配，咖喱帶點椰汁香，送飯都一流，帶有少少微辣。最推介係佢嘅查泰式炸盲曹，呢款平時好少機會食到，蔓草多肉無骨，炸起來好香口，再配埋佢嘅自製泰式醬汁10分惹味，令人念念不忘。估唔到佢連甜品芒果糯米飯都咁吸引，佢會特登整熱糯米飯，增加口感，芒果份量都唔少大大隻，成餐飯令人置身於泰國一樣。

今晚同老友聚舊, 去灣仔食泰國菜, 間店舖位於石水渠道某商業中心1 樓, 在地下要㩒門鐘才開門的.舖頭裝修簡單但又極具泰國特色打開 meun 就見晒所有食物、飲品先嚟個蒜蓉包, 好香脆, 蒜蓉又多, 加上牛油, 非常好食 乾炒海鮮肥粉有蠔、鮮魷、大蝦、芥蘭、紅蘿蔔、蛋絲, 主角肥粉類似河粉, 大大塊, 煙煙韌韌, 幾特別, 出面好少食到.黃咖喱跟薄餅揀了雞肉, 仲有薯仔、蕃茄仔、洋蔥、青椒, 黃咖喱夠香濃, 配薄餅食, 一流 小食拼盤魚餅、蝦餅、春卷 & 肉丸生菜包, 蝦餅夠彈牙, 春卷唔油膩, 肉丸係辣嘅, 點埋甜酸醬 珍多冰, 好有椰汁香味, 綠豆粉條又夠多, 食咗咁多熱辣嘢, 飲杯珍多冰簡直透心涼開心, 就係咁簡單

黎到灣仔呢頭食野，我同朋友搵到呢間泰國餐廳，就去試下！呢間泰國餐廳係樓上鋪黎，一入到黎覺得環境不錯，座位闊落，坐得幾舒服🥰食物方面，我地揀左豬肉碎生菜包、椰汁雞湯、酸辣青檸蒸魚同埋串燒沙嗲（豬,雞）豬肉碎生菜包，豬肉碎味道辣辣地好惹味呀。配埋新鮮爽脆嘅生菜，一啖咬入口，好juicy, 豬肉唔會太乾身。份量都好多！適合中意食辣嘅朋友😍椰汁雞湯，味道非常濃郁，椰汁味好香，配埋嫩滑嘅雞肉，好味呀！酸辣青檸蒸魚，佢雖然話係蒸魚，但其實都係用爐上嘅，我中意呀😚 滾下滾下開心D! 魚嘅肉質都好嫩滑，而且條魚都好大條好多肉。配左酸酸辣辣嘅湯底，好開胃。串燒沙嗲，揀左細份6串，可以揀一半豬一半雞。沙嗲味道非常濃郁。好惹味呀。

朋友剛剛翻黎香港，咁耐無見當然要聚下啦。 見佢話好想食泰國菜，上網揾到依間餐廳見到啲價錢都幾公道，一於上黎試下。餐廳雖然係唐樓上面，但一入到去個裝修都幾有特色，2面牆身畫左好靚既壁畫，位與位之間好闊落。 食泰國菜點可以無生蝦，$98有7大隻，個汁酸酸辣辣好開胃。 小食有太多選擇，所以叫左個小食拼盤，有蝦餅、魚餅、春卷同生菜包。 我同朋友最欣賞就係蝦餅，蝦肉鮮甜彈牙。主食叫左潘靚咖喱雞，雞肉既份量幾多，咖喱香滑。 包2件薄餅，女仔食嘅份量剛剛好。野飲叫左2杯青檸梳打，超大杯好抵飲，最欣賞佢糖漿可以按自己需要加。最後一定要有甜品，個芒果糯米飯賣相幾靚，糯米飯香甜軟糯，芒果唔算太甜但夠香。 餐廳有既菜式好多，下次可以試下個冬陰功湯，現到現場都好多人食。

-【新嚐泰泰國餐廳。灣仔】————————————————位於灣仔石水渠街的泰國餐廳，環境舒服，門口一入就見到水吧位每張枱之間的空位非常闊落，和朋友高談闊論也不怕被旁邊聽到🫢有飯麵，咖喱，湯，串燒，沙律，主食，頭盤，種類繁多，亦係我喜愛既泰式菜既其中之一原因😁✨蒜茸包金黃香脆，仲有少少燶邊，熱辣辣上碟，蒜蓉味重唔慳皮🫢 有四塊，加適量黃咖哩食，更惹味✨泰式炒椰苗用蒜蓉及麵豉炒，配上少少辣椒，美味可口，而椰苗質感較爽口，偏硬身✨黃咖喱雞跟薄餅超喜歡泰式黃咖哩，有香料香茅檸檬菜配合椰漿，比起港式或印度更易入口🤤薄餅皮脆薄身，好好味，但份量就相對較少只有兩塊，重質不重量😗✨冬蔭公湯爐蒸脆炸烏頭魚整個晚餐最期待的菜式，海南雞固然好食，但晚餐而言魚必定是首選😁 果然無令我失望🤤上碟果下已經聞到好香，配料都多，有菇、椰菜、蔥、辣椒🫣 啖啖滋味，濃濃酸辣湯底，非常開胃❗️脆炸烏頭魚則喜出望外，勁大條😭啖啖肉，鮮嫰惹味，配埋個湯一流🫶🏻另外店員好貼心會多放置一碗冬陰功湯，可以隨時添加到爐中😁✨雞油飯香噴噴雞油飯, 香口而不油, 成碗食哂都唔膩🤓✨椰青&珍多冰椰青非常清甜，珍多冰感覺到唔似有糖漿，反而偏向

去咗灣仔探朋友，我哋一行三人去食晚飯，地膽就帶我哋轉入巷仔搵食，仲要搭𨋢上一樓先至到「新嚐泰泰國餐廳」。從地下門面行入去，我會以為好噏耷，點知上到去發現室內環境唔錯喎。牆身畫上壁畫，色彩鮮艷，整體環境嘅光猛、闊落。餐牌設計簡潔，一眼睇晒，餐廳所提供嘅菜式選擇繁多，價錢屬正常水平，但原來份量超多。見到實物之後，我直頭改口話係抵食！黃咖喱海鮮跟薄餅($108)，咖喱有幾款口味可選，我要咗嘅黃咖喱香而不辣，仲帶微微椰香，實屬老少咸宜之選。醬汁正之餘，跟配嘅薄餅更加係畫龍點睛，蘸汁食一流，而薄餅本身都好軟熟。海鮮包括爽彈鮮蝦、青口同魷魚等，另外仲有三色燈籠椒同薯仔。曼谷海南雞($98/半隻)，半隻海南雞好足秤，海南雞既肥美又厚肉。除咗雞翼位置，其他部位經已去骨。雞胸位置白𠽌𠽌，肉質嫩滑，一啲都唔嚡。泰式口味主要係跟辣醬，辣辣哋幾惹味。粉絲大頭蝦煲($208)，我哋無嗌主食嘅原因，係因為嗌咗粉絲煲。大頭蝦煲真材實料，面頭兩隻大蝦先聲奪人，蝦頭充滿蝦膏，蝦香十足，唯一美中不足就係肉質結實啲就好。粉絲墊底索盡大頭蝦精華，而且仲加咗各種食材同香料調味，例如花椒八角同肉桂等，一啲都唔馬虎。串燒沙嗲($8

朋友介紹左灣仔一間新開的泰國嘢食，地鐵站出口對面小街就係，夜晚行入去有d靜，幾間店都係賣泰國嘢。大廈入口唔太顯眼，窄窄的樓梯行上去，二樓就係餐廳，裡面都幾寬敞舒服，新裝修都感覺乾乾淨淨的，黎食的應該都係附近的上班族。同其他泰國餐廳有點不同的是，呢度裝飾清簡，修飾唔會太過份！幾好～嘢食都係揀左d比較大眾的選擇。黃咖哩跟薄餅：比想像中辣左d，但香味濃郁，薄餅外面脆，裡面薄薄的一層疊一層的淡淡麵粉香，搭配上咖喱的濃厚香辣，最後還叫多左一份薄餅。蝦餅：彈牙香脆的蝦餅每次都會點，點可以每隻都炸到咁金黃，蝦又好足料！大蝦金邊粉：金邊粉味道幾好，但本人比較鍾意乾身少少的，隻蝦幾大隻。芒果糯米飯：一定要試下，上檯時糯米還是溫溫熱熱的，濃厚的椰子醬鋪在糯米飯上，香濃軟滑的糯米搭配米脆，覺得就是泰國的味道了！芒果也是實實在在，香甜可口的，絲滑～推薦推薦餐飲熱奶茶也不錯

灣仔嘅樓上泰菜新嚐泰，店名食字好盞鬼！店舖由泰國人主理，因為係樓上舖嘅關係，價錢相宜，而且味道都幾出色，極得推薦！Singha Draft 610ml $58新嚐泰嘅泰國生啤係勁抵飲，大大杯都只係$58！人多仲可以嗌tower！鮮生蝦 $98爽甜美味嘅泰式生蝦，香辣嘅醬汁令人欲罷不能！泰式燒豬頸肉 $95燒到有少少燶邊嘅豬頸肉，真係特別惹味！黃咖喱雞跟薄餅 $98黃咖喱又香又濃，雞肉幼嫩，同薄餅係絕配！醉酒佬辣炒豬肉碎肥粉 $88肥粉滑溜帶點煙靭，索滿醬汁嘅精華，十分美味！

今日同朋友黎灣仔食泰國野，朋友推薦味道唔錯之外，地方舒服唔會好嘈，可以慢慢享受野食同傾計。我地分別叫左 炸蝦餅，明爐蒸魚，青咖喱跟薄餅(雞)同埋 醉酒佬辣炒豬肉碎肥粉。⭐️炸蝦餅$82第1款就係我至愛炸蝦餅，上枱出煙熱辣辣已經加哂分。炸漿唔厚，蝦肉彈牙鮮味，加埋特別調較甜酸醬，又開胃又好味。⭐️青咖喱跟薄餅（雞）$98第2款係男朋友揀既青咖哩雞跟薄餅。青咖哩好有椰香味，雞肉煮得好嫩，加上配菜，就咁食已經好好味。同薄餅一齊食就可以食到更多咖哩汁，辣到又停唔到口。另外，薄餅係好鬆軟，撕開一層層好有口感，值得一讚！⭐️明爐蒸魚$172然後係蒸魚同埋肥粉。鱸魚肉厚鮮甜，配上大量肉碎粒，混起黎好好味。⭐️醉酒佬辣炒豬肉碎肥粉$88肥粉滑得黎充滿彈性，一啖沾滿左辣味肉碎仲有其他蔬菜配菜，口感豐富。

呢間係我收藏咗好耐嘅泰國菜，佢係位於灣仔，超近地鐵站，行一分鐘就到🤭舖頭係正宗泰國人開，由於係樓上店鋪，感覺係做街坊生意，座位不算多，目測有七八張枱，但吸引了不少人泥食，坐左一半枱！今次我叫左以下食物:1.明爐鳥頭魚 $172條魚唔多骨，食落酸酸辣辣好惹味，湯都飲得🤭叫魚唔怕凍，因為有明爐開火，一路食一路煮，熱辣辣！！ 加個雞油飯 $20 就會食到飽飽！平時食開出面嘅雞油飯都係黃色嘅，初初見到白色仲問侍應係咪上錯左白飯！呢個雞油飯一定要叫，係精粹！😗😗😗2.小食拼盤$138款式都算多 鍾意食小食係必叫有(魚餅/蝦餅/ 春卷/肉丸生菜包) 👏🏻👏🏻👏🏻3.泰式生蝦 $98有青苦瓜圍邊，蝦係好新鮮 又大條！我係極力推薦大家必叫！但有小小辣的 所以我叫左杯飲品:凍青檸梳打水$45 解辣🥵 勁大杯！好正4.芒果糯米飯 甜品必選？熱辣辣嘅糯米飯，超級好食！但係好可惜佢嘅芒果唔甜又唔酸我諗應該係當刻不是芒果季節🙁新嚐泰泰國餐廳灣仔石水渠街10-12號匯富閣1樓

今日嚟灣仔做嘢，收工唔想煮飯，打算喺附近買埋外賣先返屋企。有人話想食泰菜，上網 Search 到石水渠街有間「新嚐泰泰國餐廳」，據說店舖係由泰籍廚師主理，水準穩定，而且菜式繁多，一於試下。餐廳嘅設計好有特色，以色彩繽紛嘅彩繪牆及繩製吊燈作點綴，配上胡桃木色桌子同室內嘅擺設，裝潢充滿泰國風情！點咗三個餸，另外再加咗炒飯同炒粉，全部都即點即做，拎到返屋企仍然熱辣辣。曼谷海南雞 ($98)，估唔到半隻嘅份量都唔少，雞皮油亮滑潤，肉身緊實鮮美，雞味亦很濃郁，加上已全部去骨，非常方便享用，配上泰式醬汁，味道超正！滷汁軟皮豬手 ($88)  豬手滷得好入味，肉質軟硬適中，有口感得嚟又唔會太稔，滷汁味道亦啱啱好，不太鹹，連皮食，啖啖骨膠原，味道一流。泰式燒豬頸肉 ($95)  呢個真係必叫！豬頸肉燒到好香又唔燶，外皮少少焦脆，肉質肥瘦均勻，爽口帶稔滑，蘸點醬汁食，更添滋味。乾炒海鮮肥粉 ($92)  呢個肥粉堅多料，有大蝦、青口、魷魚同芥蘭等。肥粉炒得好香口，外表晶瑩剔透，入口爽滑有韌勁，油而不膩，非常美味。另外盒菠蘿海鮮炒飯 ($108) 用料亦唔手軟，海鮮份量十足，大蝦爽彈、魷魚鮮甜。米飯炒得夠

今日honey帶我去試好味泰國菜 ，原來喺石水渠街樓上鋪有一間地道嘅泰國餐廳， 味道好不單止，仲好實惠 。我哋試咗幾個菜都非常滿意，其中最滿意嘅就係咖哩豬肉配薄餅， 薄餅係現叫現做， 酥香鬆軟， 係我試過最好食嘅薄餅，我哋食完一份， 意猶未盡 ，再叫多一份， 用來點咖哩汁，絕配。 食泰國菜點少得冬陰功湯 ，我哋都鍾意食蝦 ，叫咗個大頭蝦冬陰功湯， 兩隻蝦有手板咁長，好多肉，鮮味爽甜， 湯入面仲有好多菇 ，車厘茄 ，檸檬香葉， 煮得濃香，小小辣， 特別惹味， 好快又畀我哋掃清。 再來一份無骨海南雞， 皮薄肉滑 ，加上特製嘅酸辣汁， 用嚟點海南雞 ，雞味濃郁，食到舐舐脷。 有肉就一定要有菜， 叫咗碟泰式炒椰菜苗， 炒得好好味，不過椰菜苗好似成熟咗啲。 食到最後好似唔夠喉，又叫咗一個蒜蓉包， 有四大塊 ，烘得熱辣辣，加蒜蓉醬 ，香脆美味。 估唔到我哋兩個人可以食咁多嘢， 餐廳嘅牆上畫滿曬泰國風情畫， 牆上嘅人喺度食， 我哋又喺度不停咁食 ，鬥食得多， 個畫面都幾搞笑開心。 喺度食飯好舒服 ，地方闊落 ，隔離左右啲人都食得好斯文好安靜 ，全部都係有修養嘅食客。