新川美食

Open Now

Now Closed

📍太子 新川美食𓇠 秘製醬汁腩肉撈紅薯寬粉 $31 𓇠 想食新川好耐，咁岩去開太子就試下佢😎（平時都食開貴香園）因為我揀咗麻辣腩肉，姐姐就建議我碗薯粉要唔辣，但放咗樽辣椒醬係枱面，話唔夠辣我可以落😉碗薯粉本身有炸醬、芽菜、芫荽、蔥同花生，好足料！腩肉瘦，岩我！成碗粉比較重口味，鹹咗少少，同埋好重花椒油味～Btw 食食下店主隻貓施施然咁由廚房行出舖面，吸引好多客影相😂〰️總結：價錢好抵，足料，鍾意重口味/麻辣可以試下🌶▪️類別：#yinkifoodie_noodles🔺味道：4.5/5🔹服務：4/5🔸環境：3.5/5

平時我最愛吃湯米線今次試試這店的薯粉一試有驚喜🤣🤣佢既薯粉分兩種，一寬一幼寬果種平時甚少有得食今次試了一碗炸醬湯幼薯粉及醬汁撈粗紅薯粉我唔食得辣叫了小辣好彩我食湯粉，因為於我而言小辣都有點後勁🙈（我廢）但真係好味湯底唔似出面咁重味精酸菜都好足料(不過我始終鍾意多酸少辣，所以仲係好似有啲差咁啲啲）🙈🙈另外撈紅薯粉都好正寬薯粉更有咬口非常入味同場加影肥肥貓店主巡視業務🤣真係好大個肚肚整體黎講，cp 值高亦都好好味👍😋會多啲再黎。

價格非常非常平 食物質素和一般車仔麵檔一樣勝在湯底肉碎加分夠辣味店員服務態度亦良好 加上店內有很可愛的小動物非常加分這樣的價位收這樣的價錢沒有什麼不滿意了 希望加餸菜式可以多一些

難得出到太子,一個人食飯,緊係要支持小店。黎到一間門面唔算光鮮,但又充滿人情味既舖頭第一次幫襯,老闆娘已經好好傾。仲有一隻店長貓,肥嘟嘟,唔怕生保。成餐飯都食得好舒服。🟠滷水豬大腸同豬耳撈紅薯粉講返佢個紅薯粉先。紅薯粉份量超多,完全食唔晒。醬料有得自行選擇辣度,因為第一次食所以揀咗少辣,唔算太辣,下次可以嘗試中辣。🌶️辣肉醬一D都唔吝嗇,幾乎每一啖都食到辣肉醬既味道。配料揀選咗滷水豬大腸同豬耳,相當入味。🤔本身仲想試下佢個炸雞翼。可惜,只有一個人去食,食唔晒,唯有留返下次再試。💁🏻‍♀️晚餐黎講,價錢絕對親民,份量又多,唔洗驚食唔飽。

外賣大辣雞絲蘿蔔撈紅薯寬粉🍜紅薯寬粉煙韌彈牙🥰口感十足❗️·炸醬調味出色🤩用料實在食到肉既質感👍🏻·雞絲🐥口感味道正常蛋白質來源✅·蘿蔔大舊淋甜無渣🉐·整體而言，外賣依然好食💯愛辣既煙韌控表示好滿足😇😋

有一日路經太子，突然好想食米線，仲要有黃店，梗係要入去支持下啦。老闆娘好熱情，會同你傾吓計。點左冬菇，腩肉同牛柏葉，麻辣寬薯粉。啲餸嘅份量都好夠多同入味。麻辣薯粉最緊要就係個湯底，我個人比較鍾意食比較麻嘅湯，而呢一間就做到啦！麻未比較勁，辣味都好夠喉！薯粉都煮得啱啱好，因為自己試過係屋企煮寬薯粉，所以知道煮呢啲寬粉真係好需要時間同埋好不容易。最最最最後介紹嘅係，令我印象深刻嘅凍檸茶！雖然我唔係好識形容，唔知係咪飲開嘅凍檸茶都係差唔多款，所以冇乜太大嘅期待。但係嗰日飲果杯，唔知係個檸檬特別新鮮定係點樣呢？杯凍檸茶真係好好飲，有一陣好香嘅茶味同埋好新鮮嘅檸檬味。起初我以為自己太誇張，然後比朋友試飲一啖，朋友都覺得係有啲特別~ 所以可以試吓過去叫佢個檸檬茶，不過唔知係咪咁啱我哋嗰日好彩呢？

=========================📍超大碗抵食紅薯粉 -- 新川美食🍜💛Bookmark咗呢間粉麵舖好耐啦，前排終於同咗朋友一齊去食，終於一嚐呢到嘅紅薯粉🥰呢到仲有紅薯寬粉簡，不過今次就食咗普通嗰隻先🤪------------------------------⭐️雞絲·白蘿蔔 ·紅薯粉（$37）紅薯粉嘅份量好多，細食嘅朋友share食都無問題🙈湯底清清哋唔會鹹👍紅薯粉口感滑捋捋好煙韌😍麵底附送嘅炸醬好有驚喜，食落好惹味😍雞絲比湯浸過後好入味，但有少少鞋口🙈蘿蔔有四大件，食落好清甜，而且無渣👍------------------------------整體嚟講呢間真係好抵食，配料又多選擇!!小編一定會再食🤪中意食米線嘅朋友都不妨試下🤭另外店入面有隻肥喵喵，貓奴們可以同佢selfie下🤣🐱------------------------------賣相：7.1/10味道：8/10性價比：8.5/10回頭率：8/10------------------------------店舖資料名稱：新川美食地址：太子砵蘭街414號前往方法：太子站D出口

知道而家疫情嚴竣，好多黃店更需要香港人支持！喺ig 見到有人力推呢間紅薯粉，話紅磡店貼左唔歡迎狗嘅告示，我地去嘅分店喺太子，雖然無呢張告示，但舖頭播viutv, 起碼食得舒服先！叫左魚腐腩肉紅薯粉，個酸辣湯層次分明得嚟又水乳交融，好味呀😗😗😗紅薯粉煙靭彈牙，正！豬腩肉就係一般食米線嗰啲腩肉，無話特別好今，當然，唔難食，keep到水準囉！但係魚腐我就RR地頭喇，魚蛋嚟㗎啵🧐🧐🧐唔知佢比錯定點，但我無乜所謂總括嚟講 係好味嘅紅薯粉

位於太子地鐵站D出口附近，地理位置方便。星期六午飯時間尚有空位，所以就進去試了。秘制醬汁撈紅薯寛粉(唔辣) $24 加豬肚+$7 點了餐後大概等了3-4分鐘就有了。先攬勻了醬汁和寛粉時，透着有微微熱氣♨️不能吃辣的我沒有點飲品，所以不敢點辣，店員則提醒如果想加辣，可以用桌上的辣椒醬。由於吃下去真的沒甚麼味覺上的刺激😂所以我就加了一小匙的辣椒醬~這款辣椒醬的辣只會停留在舌上，相較其他店的，這款不是特別香和惹味。說回寛粉，質地厚身煙韌，而且容易咬斷。肉燥帶點甜，有點像家裏的味道😂另外還有芽菜，花生等配料~我加了豬肚，煮得很稔，加分!

用心經營的小店，標榜不加味精。米線每碗$24起，可選米線、米粉、拉麵、薯粉，甚至可以揀菜底，餸每款$6-7，份量十足，如果唔扣底，普通女子好難食得曬。配料特別推薦雞絲、紫菜、炸醬。雞絲雞味濃郁，手撕得十分幼細，有咬口但不柴，凸顯店主處理食物的誠意；紫菜爽口無沙，即使食到尾都不會發漲變淋，選料很好；精心烹調的炸醬味道濃郁，令湯頭更惹味。店主堅持不用味精，湯底雖濃但不會令人食後口渴，抵讚。新川美食除左米線外，小食都十分出色，尤其係炸雞翼，外脆內嫩，又醃得好入味，有人話日本「世界之山」雞翼好食，但如與新川美食嘅雞翼相比，我認為後者完勝，屬世界級好食，無得輸。雞翼控一定要黎試試。不過溫馨提示，由於係即點即炸，雞翼送上枱時香氣撲鼻，熱辣辣的，試過幾次太心急食，俾啲雞翼肉汁燙傷個咀，勸大家真係要放涼少少先食。另外，店主整嘅尖椒皮蛋亦非常美味。佢哋特別揀選用成本較高的黃金皮蛋，沒有普通皮蛋的腥澀味，配上特別調配的尖椒辣汁，惹味而不嗆喉，開胃之選。同場加映：店內養了肥貓一大隻，貓咪個性溫馴，愛貓食客可以隨便抽水。

今日同朋友去太子藥房排隊買口罩，到差不多午飯時間，佢話有啲肚餓，問我附近有冇好嘢介紹 ，我就話帶佢去太子好出名嘅四川薯粉餐廳試下啦。呢間我食過幾次，覺得唔錯，所以先敢帶朋友去咋。我哋不約而同叫咗秘製醬汁撈紅薯粉條，因為餐廳嘅秘製醬汁好惹味，又香濃，食過返尋味。 面盆咁大碗先23蚊，邊度搵，而且真係好食㗎喎。紅薯粉條通透晶瑩，顏色透明，沾上秘製醬汁，食到停唔到口，而且入面嘅配料好豐富，有芫茜，蔥花，芽菜，秘製醬汁，炸醬及花生😋

#cassiegomk-瘦編今日行程好緊密，要去旺角攞野，之後又要趕去其他地方，就快閃食碗醫下個肚仔。見到依間「新川美食」門面唔錯，就入左去食啦！😋-望一望Menu見到非常抵食，一碗米線平消消費24元起，取決於所點餸料款式，價錢不算貴，抵食指數滿分！我就揀左秘製醬汁撈米線，材料有炸醬、芽菜、花生、蔥花等等，我另外加左蘿蔔($5)。一上菜見到秘製撈米線份量很多，雖然米線未夠乾身，但醬料惹味，這個價錢來說真係划算！個個秘製撈米線醬料，肉碎好夠惹味，蘿蔔超足料好大舊，一個女仔黎夠已經好飽。🤣-可選餸料款式達四十款，數量很多，但都是常見的配料。而辣度則有分不辣、小辣、中小辣、中辣、大辣，更設麻小辣、麻中辣、麻大辣，好貼心！另外店裏面有養隻貓仔，好可愛，見到啲熟客都同貓仔好熟，依間店應該係依頭好受歡迎。💕-味道評分▶️🌕🌕🌕🌕🌑 (4)抵食評分▶️️🌕🌕🌕🌕🌗 (4.5)回購評分▶️️️🌕🌕🌕🌕🌗 (4.5)-➡️ 新川美食 (太子)📍 太子砵蘭街414號-

每到月尾必定搵又平又正既野食，今次黎開太子，又想食碗粉，就揀左呢間舖,一出地鐵行幾分鐘就到。呢度主打食薯粉既，但亦有米粉，拉麵，米線提供有湯粉同撈粉兩款選擇。平時食湯粉食得多，今次就試下撈薯粉就叫左秘制醬汁撈紅薯粉條($23)另外加配麻辣豬耳(+$6)，鹵水雞翼(+$6)，雞絲(+6)。嘩，未撈既份量已經好大碗。雞絲佔了一半，豬耳不是幾條都有十條鹵水雞翼非常入味。薯粉好滑口感彈牙而醬汁方面帶微辣，唔咸味道剛好。食到最尾成碗薯粉仍有很多醬汁，所以食落唔會太乾。$41 絕對食到飽住肚走。(舖仔細細，座位都很多，如果遇著食飯時間可能會迫一些)有多款飲品提供

今日行街經過太子突然好想食酸辣粉🤤就去左新川美食食碗面😊位置好方面，係地鐵站D出口一出行1分鐘就到🐌餐牌有好多選擇，但樣樣都係20几蚊就有一碗粉，好抵啊😎我就叫左碗酸辣炸醬紅薯寬粉$24，再加一個餸魚腐$5，total都係$29就有大大碗好味抵食既酸辣粉😏炸醬好惹味又多，仲有酸菜好開胃，再加上有一大棵菜，真係食到好飽😋魚腐好新鮮而且好有魚味😋而我最欣賞既係個紅薯寬粉，好有口感而且份量都好多呢😘

久不久都會來這家太子的新川美食用晚餐每次都會點的一定是撈拉麵雖然這家也有湯麵，而且麵類選擇也很多例如主打的薯粉、還有米線和拉麵等但這家的拉麵口感質地確實不錯，是幼麵但是較硬，我愛有爵勁硬硬的拉麵它的點餐方式就像車仔麵自選材料而且可以自選麻辣程度，愛吃辣的朋友都說很惹味而我自己最愛就是撈麵中配搭了的花生和炸醬頓時令整碗麵又香又濃郁這晚還外加點了炸雞翼和通菜炸雞翼是即叫即炸的 非常香口 脆卜卜勁好吃是太子中我最愛的麵店之一