新川美食

Open Now

Now Closed

今日要喺太子做野，難得收早就搵下有咩米線食，原來去左想試既米線舖，原來交通好方便，係喺太子站一出就到。去到舖頭填google form資料，好快就可以坐底叫野食啦。👍🏻普通麵底樣樣$24，以為自己睇錯，另外再可以叫想叫既餸，都係$6/7有無搞錯。今日唔太餓，叫左紫菜腩肉酸辣米線（小辣多酸），上到枱以為碗米線好少，食下食下食極都未食完既🤣味道佢係偏清淡，唔似得有啲米線舖好油好濃味，但略嫌唔夠酸，放左枱上面可以自己添既醋。至於個辣味，開始食唔覺得好辣，但會愈食愈麻。食完之後差唔多到晚飯時間，陸續有客人入嚟，怪唔得知咁多人食，cp值真係超高！

呢個米線舖價錢真係好平，唔計餸都只係$24，不過可能我見識少，如果有再平啲嘅話歡迎留言話我知🤪店內仲有隻貓🐱坐鎮，勁乖唔會周圍走😚環境方面真係麻麻地，尤其係張櫈勁污糟，見到好多頭髮同塵都唔開胃☹️==============================🍜 新川美食📍 太子砵蘭街414號 ⏰ 星期一至日 11:00 - 22:00==============================1️⃣ 【酸辣炸醬湯米線 】$43配雞絲🐔滷水蛋🥚生菜🥬我揀辣度係小辣🌶湯底超惹味，又夠酸😖完全可以刺激你味蕾😂米線都好出色，唔會煮到太淋，仲有啲咬口同爽口👍🏻蛋🥚同生菜🥬就正常發揮，不過蛋滷得唔夠入味，如果再入味啲就好啲啦🤤雞絲🐔反而驚艷到我，完全同譚x比下去，無嗰種冰鮮味之餘食到有雞味，而且佢嘅調味同醃製方法都做得好好，完全辟走雞嘅腥味，保留咗雞嘅原味😋(🔥怒食指數：8.5/10)==============================🔥評分：環境：6/10 味道：8.5/10性價比：9/10總分：7.8/10==============================

我一直都鍾意食麻辣米線，見一個我追開既YouTuber推介，趁今日經過太子就特登買咗個外賣返屋企試吓。由於會返屋企食中午，同埋其實只係想試吓個麻辣米線，所以冇特別嗌餸。就試咗一個麻辣撈米線：米線份量算幾多而且幾有咬口；麻辣亦都好夠麻得來又唔會辣死；仲附有一啲肉醬，可以話係變相既餸——$25真係好抵食。見到有好多打工仔喺度買外賣或者糖食，應該都幾受歡迎，隔離仲有一間我幾鍾意食嘅cafe。如果係喺附近返工，我絕對會經常食！！

人不可以貌相之真係要自己去Fact checked😅話說兩年前我住響太子始創附近，嗰度有間叫新川美食嘅川味米線薯粉拉麵超級好食😋嗰陣時我一個禮拜可以去食四五次，因為佢隻四川味真係做得好正宗，而且又超大碗勁好味😋而且佢有隻貓貓勁可愛我成日過去同佢玩😺.但係前年開始我主要幫襯良心店，因佢嘅樓面主要係由兩個操唔咸唔淡嘅廣東話大陸姨姨主理，成間鋪嘅裝修環境至味道又好有地道好有大陸味，所以我一開始咪以為佢唔係同路人囉，加上我之後又搬離開咗太子，所以呢間舖頭我就漸漸遺忘咗。.點知我喺網上見到有人話佢哋都係好愛香港的良心店💛我就非常之驚喜啦，今日咁岩經開太子，離遠見到佢門口有啲碼我心當場涼咗一節，我仲以為佢係要嘟安心碼，點知近睇原來係連豬Google form，Scan左之後入面仲話佢哋其實好鍾意香港💛😍原來佢哋真係同路人！💛我即刻就好安心入去坐低食返碗好耐冇食嘅麵！.一入去見到個電視係播ViuTV好順眼👍而且貓貓仲響度，我即刻坐響佢隔離同佢玩😍當然嗰兩個姨姨都仲響度啦，成年幾冇食，而佢啲面一樣咁大碗咁好食！係我都覺得大碗！不過我以前會加多個底🤣而且超抵食$24個面底已經有辣肉燥有菜同埋配料，我最鍾

今日嚟到太子 梗係要食返啲平民美食❤️太子大家都知道有好多嘢食~~米線都有幾間好出名 而我呢就推介呢一間 今次都已經係我第三次嚟呢度食啦 真係超級值得推介！ ！ ！ ！點解我要咁講呢 唔單單只係因為佢夠大碗仲要好足料 上次食咗撈米線 今次就同我最愛嘅H先生 食咗撈拉麵同埋撈米粉 見到嘅時候真係覺得超級大碗 食落去仲誇張 我哋兩個咁大食都覺得超級飽😂😂😂我哋已經唔係正常人嘅胃架啦 不過我覺得麻辣口水雞就麻麻哋啦 係凍凍地嘅 應該算係凍口水雞 但係上面有超級多嘅花生碎 加落去口水雞度真係怪怪地 加上啲雞唔算多肉太多雞皮 好多都係骨 有點美中不足呢度最特別嘅我覺得係佢哋特製嘅汁 唔算涼面 有少少熱熱地撈落去啲面度 真係一流 唔知老闆到底用咗啲咩方法撈出嚟 真係好好味呀 首先好香濃 又唔會好稀 最重要嘅係炸醬真係超級好食 個面係會配埋炸醬 我就揀咗芝士丸肥牛😋😋😋同埋叫咗一個麻辣口水雞 首先份量應該有兩碗咁多 我哋每次都食到頂住個肚走😂😂😂😂如果唔夠汁嘅話仲可以叫佢比多啲㗎 入面啲員工全部都服務態度好好㗎 我哋琴日去到嘅時候一有卡位佢都即刻俾我哋轉位唔使坐圓枱 俾我哋坐得舒服啲 入面仲有一隻招

間唔中經過呢間鋪，都見有人等緊外賣，今日咁岩經過呢頭，就買黎試下。禁堂食令下，就唯有買外賣番去食，叫左兩碗面，一碟菜，埋單都係80幾蚊，唔貴。同埋最緊要佢有粗薯粉，好耐冇食啦，唔係好多鋪頭有。番到屋企，一打開個蓋，嘩，勁多餸，豬紅多到數唔哂。對於我呢個豬紅粉黎講，岩哂。碗面好足料，勁大碗，一個女仔食真係未必食得哂。個醬爆丸就麻麻地，普普通通，下次可以簡第2款餸試下。個湯底唔錯，本身都好多配料，好惹味，叫左小辣，都唔算好辣，下次可以試下中小辣。

以綠色為裝修主調的餐廳🤣在旁走過也不容易移開視線👀店舖主打各式酸辣粉麵，分別提供湯麵和撈麵兩種選項，而配菜方面可以自由配搭，每款價錢由$6～$7不等👅#酸辣炸醬紅薯寬粉(兩餸) $37小編選了蘿蔔和麻辣腩肉🤤首先配菜份量足夠，蘿蔔入味而且煮至入味，而且不會有太多渣滓😚而腩肉不算太辣，肉質偏硬和乾，不過配搭湯寬粉，所以問題不太大～寬粉偏厚，所以飽足感也十分足夠～味道小評分：😋😋😋😋/5#秘製醬汁撈紅薯粉條(兩餸) $38另外的配菜選了肥牛和雞絲，有很多片肥牛，絕對沒有手軟🤣而雞絲口感跟普通手撕雞差不多，最吸引的是秘製醬汁！味道濃郁而且微辛，開胃而不會太辣～薯粉條相對份量較多☺️而薯粉屬於有紋路的，所以不太容易掉落～味道小評分：😋😋😋😋/5🌟喜歡的話可以Like & Follow, 有你的支持是小編的動力🌟整體味道指數：👍🏻👍🏻👍🏻👍🏻/5性價比：💰💰💰💰💰/5環境：💕💕/5打卡指數：📸📸/5

-{黃店💛永遠懷念黃埔撈薯粉🥺}黃埔分店2年前開始由當時嘅rm帶領 食左一次就落坑了🙁食左2年最後光榮結業☹️🤤幼薯粉撈🤤 (無價)私心最愛肥牛豬大腸😋炸醬勁大pat一定撈倒每條薯粉都有醬🤩薯粉好彈 仲有少少咬口 好好食🥺豬大腸好重味 肥牛份量好多😢👖褲評: 9/10黃埔店嘅姐姐好好人 我每逢帶朋友去 下午茶啲時間吹水吹幾個鐘都從來冇趕過我走🥺每次黎到都大大碗 朋友嗌多薯粉一定唔洗加錢 仲有學生優惠🥲太掛住嘅話就去太子店食啦😭性價比: 8.6/10服務: 8.6/10環境: 7/10🚩新川美食🚩地址: 太子砵蘭街414號 #fuudjai #fuudjai黃店 #fuudjai中菜 #fuudjai太子 #fuudjai黃埔

之前評論過新村美食係我同老公每周必食嘅comfort food...... 後來樓下食開嗰間執咗，一直好懶唔想跑到太子食。兩個星期前決定一定要去食，太子分店比原本紅磡店大好多，我哋一向都係食開果幾樣野所以一坐底就下單！ 以酸辣米線來講，佢ok嘅，但係唔係紅磡果個味道，我嗰碗係比較鹹嘅😭😭😭 好抵讚嘅係佢啲炸醬同酸菜都好多，啲炸醬好似係一個餸送比你咁， 同埋貨錢都係好抵！！ 我個人就唔會跑去太子食佢， 老公話雖然味道唔同，但係佢會再次光臨

🍜酸辣炸醬紅薯寬粉（配豬肚肥牛）新川美食主打酸辣粉，有得揀湯粉或者撈粉，而我今次就揀咗湯粉！以前食酸辣粉都係食普通幼身嘅紅薯粉，但今次想試下新野，所以揀咗寬粉～紅薯寬粉好彈牙，比普通紅薯粉更有咬口！湯底有唔同辣度可以揀，我揀咗小辣，下次會挑戰中辣🤣豬肚同肥牛都俾咗好多，好足料🤩酸菜同炸醬係成碗酸辣粉嘅精髓，酸菜酸酸甜甜，炸醬辣辣地好好味！原本舖頭有隻貓貓🐱但可能因為天氣太凍，所以去匿埋咗唔出嚟，希望下次可以見到貓貓啦😆

自從新川嘅紅磡分店執咗之後，好多紅磡街坊都話好掛住新川嘅味道為咗想知道到底有幾好味，我哋特登走咗出去太子嘅分店嘗試我自己叫咗豬紅加魚皮餃撈米線，個人覺得非常之普通，秘製醬汁都係普通炸醬咁樣，冇咩特別，覺得覺得最失望嘅係豬紅完全冇味。。 食完的確係幾滿足，價錢亦都非常抵，不過唔會係特登想出嚟食嘅嘢點知返到去問其他朋友，佢哋都話酸辣粉同埋涼拌粉皮先係新川嘅頭號美食，真係有啲後悔叫咗撈粉食總括而言個人覺得撈粉非常普通得來都係好食嘅，係合格抵食嘅午餐自選 ，下次會再去試酸辣粉的！

第一次食，估佢唔到係一間咁有誠意嘅小店。雖然坐得唔係幾舒服，但食得米線其實預咗，唔好要求咁高。店員有禮貌，上菜嘅時候一定會事先提你小心邊度辣手。湯底好味而且要辣有辣，要麻有麻。蘿蔔又稔又甜又入味，麻辣豬耳爽脆；結果豬腸被比下去。米線軟硬度剛好又唔係熟到粉嗰種。差啲連啲湯都飲晒。最後係難得係連杯奶茶都咁出色，茶底夠濃，奶夠滑，味道剛剛好；仲要比啡糖真係要比10個like！完全係一間尊重自己、尊重食客嘅誠意小店 💛👍🏼

第一次遇到這個美食是在紅磡店的，是讀書時期經常光顧的小店，但最近得知紅磡店無再經營，正當失望之際便發現太子店仍然經營，便馬上約朋友前來。我十分喜歡它的原因除了是經濟實惠外，味道亦非常有質素，同時亦是對這家店有一種情意結。餐牌上可以看到可以選湯或者撈，每次到來我一定會選撈麵，因為撈的醬汁會更濃，而且麵底亦不會過軟。如果想更濃味吸汁的話，選寬粉和薯粉最為適合。今次我選了撈米線加酸菜和魚腐，見到酸菜比其他配料較貴，就知道它一定很出色。撈麵有炸醬，芽菜，花生，芫荽，所以本身已經非常入味，不加配料都非常可口，所以魚腐或其他肉類在這碗麵起不了任何作用。不過加了酸菜真的提升了層次感，酸菜酸度恰到好處，增加了香味同時爽脆度增加口感。米線的口感亦煙靭爽彈，沾滿了醬汁非常濃味，頭幾啖非常滋味，但吃得多便覺得炸醬偏鹹，需要用豆漿緩解一下。吃到底見到芽菜吸盡了醬汁但仍保持爽口感覺，很好吃。這個米線份量超級多，佔滿整碗，性價比程度極高。這家店舖的水準與以前紅磡店一樣出色，絕對會想專程過海再次品嘗。

吃完早餐已经5个多小时，下午四点多先找一些吃完不会太饱的东西。这家店说是四川口味，有卖工薯粉，而且还有一些小吃，正好合我胃口。门外有介绍红薯粉是健康食品，有点吸引力。价格也很亲民，单要粉条已经有炸酱和花生做配料，可以不加其他配菜。这个时段客人不多，环境极清静。服务员很热情地介绍她们的东西，而且不厌其烦的解释。本来是想再点一份小吃，但恐怕吃完太饱，会影响晚餐，只好点了一份捞面。捞红薯粉本身已有肉酱和花生，再加了一份猪腩肉，然后把碗内全部东西捞起来。肉酱的份量不少，它带起了红薯粉的味道，也不需要再加其他调味料。红薯粉是煙韧的，配上花生和肉酱，咀嚼时可以吃出香味。听店员说汤面是猪骨汤，不加味精，下次可以试试。

📍太子 新川美食𓇠 秘製醬汁腩肉撈紅薯寬粉 $31 𓇠 想食新川好耐，咁岩去開太子就試下佢😎（平時都食開貴香園）因為我揀咗麻辣腩肉，姐姐就建議我碗薯粉要唔辣，但放咗樽辣椒醬係枱面，話唔夠辣我可以落😉碗薯粉本身有炸醬、芽菜、芫荽、蔥同花生，好足料！腩肉瘦，岩我！成碗粉比較重口味，鹹咗少少，同埋好重花椒油味～Btw 食食下店主隻貓施施然咁由廚房行出舖面，吸引好多客影相😂〰️總結：價錢好抵，足料，鍾意重口味/麻辣可以試下🌶▪️類別：#yinkifoodie_noodles🔺味道：4.5/5🔹服務：4/5🔸環境：3.5/5