新志興至尊燒鵝大王

Open Now

Now Closed

今日同屋企人嚟到一間好有歷史味嘅茶樓，第一陣就嚟個糯米卷，古味百份百🤤！咬落去，米香味夠晒濃郁，每一啖都好滿足。蝦餃就真係出色，粉咘咘嘅皮透出吓微微嘅光，裏頭嘅蝦整隻新鮮又彈牙，真係唔錯。雞札又正，腐皮炸得金黃，啖啖雞肉，食落去有嚼勁之餘又唔乾。至於鳳爪，真係腍到化，啖啖肉味甘香，揼埋嘴都唔緊要清潔都唔使擔心！搞到我超難揀，每樣都想一試再試！這裡嘅氣氛勁似打邊爐，食客人聲鼎沸，坐落食得好寫意。總結一句：每一啖都係滿足，食得心滿意足，抵食嗰間茶樓，一定要再嚟過！🍽👍💕

食香港嘅地道打冷，一定會叫燒鵝、油雞、切雞、燒肉，再加超多個海鮮種類，呢日簡簡單單同屋企人嚟叫咗呢個燒味全體（？）雖然地方唔算話特別乾淨，我哋都要坐室外，但係好在依家天氣唔算太熱，可以用少少時間同屋企人去享受呢一餐嘅美食都真係唔錯希望香港可以keep住有呢啲餐廳嘅存在

今日去咗呢間位於牛池灣村嘅舊式餐廳。附近仲有唔少local嘅餐廳。豉椒炒爽肉味道不錯，但係有啲偏鹹。加埋買飯一齊食會好啲。份量也相當大份👌🏼價錢： $78鹹魚雞粒飯炒飯味道岩岩好加上飯粒粒分明🤩鹹魚嘅味道唔係好出，但加添左炒飯嘅香味☺️好有鑊氣值得一讚👍🏼👍🏼價錢： $78 價錢唔算平，勝在食物比較有鑊氣加上份量幾大。店員服務態度都算有禮貌😉平日夜晚時候人流都比較多😎好有大排檔氣氛。好熱鬧🥳

這家餐廳的服務態度惡劣，店員不友善且漠不關心。食物太鹹，份量也相當少，不符合價格的期望。整體來說，首先，店員對客人的需求完全不在乎。在整個用餐過程中，我們感受到了明顯的冷漠和不友善。他們沒有提供適時的服務，也沒有回應客人的問題或需求。這樣的態度讓整個用餐體驗變得非常糟糕，讓人感到不舒服和不受重視。其次，這家餐廳的食物質素也令人失望。菜餚的味道太過重口味，部分菜品過於油膩或油炸過度，品質不佳。此外，讓人感到欺騙。考慮到菜品的品質和價格，這家餐廳的價值非常差。建議選擇其他餐廳以獲得更好的用餐體驗。

星期四夜晚十點幾佢話last order 但可以照入 但要即刻落order坐低睇一睇menu 已經即刻叫餸叫咗生炒骨 椒鹽鮮魷 啫啫通菜煲 3枝藍妹啤酒唔夠凍 鮮魷極唔新鮮 肉質好霉 又腥 炸醬好厚 唔夠枝鹽啫啫通菜煲 啲菜淋到好似比無牙婆妹下妹下咁唔知以為自己食緊菠菜食通菜就係要食佢個爽口 佢真係好似淋到無哂咬口生炒骨就好似普通茶記咁 無特別 但唔好食食咗3個字左右 就熄燈喺度趕客雖然佢唔趕我都食唔落但感覺好差整體嚟講 極差啲餸拎去餵狗 隻狗都應該調頭走

當晚食頭圍。 叫了差不多成十個菜，包括燒鵝，開頭呢嗰啲都還可以，最後上嗰隻燒鵝簡直不知所謂，係叫全隻燒鵝，到嗰陣嘅燒鵝已經柴皮到根本係用微波爐叮出嚟，跟住撈埋其他燒鵝切出黎，兩隻係唔同色，跟住投訴，個老闆話唔好意思就算數，我話你收人哋五百蚊隻燒鵝，仲叫燒鵝大王，你畀啲咁嘅嘢人食，佢耷低頭當聽唔到，完全冇下次，請大家不要中伏另外叫咗個西芹牛柳粒腰果，簡直不知所謂，你唔識煮都煮到，  啲西芹根本硬到食唔到，啲牛肉根本入面都未熟， 腰果林到阿媽都唔認得， 收人百幾蚊

2個人4個餸2個白飯再加2罐汽水合共$356真係抵到嚇死人，而且D野食仲要味道唔錯，極力推介。黃金涼瓜雖然有少少邪惡不過味道真係唔錯，涼瓜件外加鹹蛋黃炸粉再落鑊炸，餸飯餸酒都唔錯。柱候牛腩煲中規中矩，食完唔明白點解呢一個會係廚師推介。琵琶豆腐味道唔錯，個汁做得幾好，另外好難得D菜幾嫩。椒絲腐乳通菜係夏天必叫的，因為當造。

聽講呢間位於牛池灣嘅老店必食燒鵝同埋油炸鬼焗魚腸，所以訂位嘅時候已經訂定費事到時冇得食啦。燒鵝肉質鮮嫩，鵝肉味濃，個燒鵝皮都做得好好，夠香夠脆，果然係招牌菜一啲都唔失禮。雞蛋焗魚腸就嫌佢覺得唔夠乾身，外面最面嗰層係燶燶地夠晒香，不過入面就似乎濕咗少少，但係佢都幾足料，好多魚腸，唔似其他地方咁樣雞蛋多過魚腸。豉椒魚雲只屬一般，始終佢個魚雲唔算好新鮮，不過佢個豉汁係做得唔錯嘅。椒絲腐乳通菜都幾大碟，不過鑊氣唔係好夠。最後加多一個豉油王炒麵，呢個做得好好，夠熱夠乾身炒到少少燶，好好食。

今日去咗呢間位於牛池灣村嘅懷式茶樓飲茶，非常有風味。兩個人叫咗四個點心已經飽晒，因為佢嘅份量都幾大。唔好睇佢個糯米卷只係得兩件，其實佢係舊式好大件嘅糯米卷，所以一人一件都已經飽咗起碼一半。我就係鍾意呢啲舊式嘅糯米卷，因為佢嘅卷皮比較厚，另外佢d糯米都幾香。蝦餃都做得唔錯，一啖一粒嘅size，隻蝦都幾新鮮。雞札d用料又係唔錯，連塊腐皮都好食，d雞肉都算幾新鮮。碟鳳爪都幾大碟，肉質都有彈性，唔會煮到成pat野咁。

豬肚雞燒賣出面真係好少地方有得食，印象中只有上環嗰間老牌酒家先至有。呢度個豬肚燒賣嘅豬肚、雞肉同埋冬菇都好味道，見豬肚好大件，冬菇都幾厚身。乾蒸牛肉又係出面好少地方有得食，呢間嘅乾蒸牛肉做得唔錯，牛肉真係有牛肉味。黑白糯米包仲以為有乜嘢刁鑽嘢，其實佢只係糯米包入面除咗普通糯米仲有黑糯米。味道還可以，因為覺得個糯米唔夠香，另外塊燒賣皮又包唔晒個糯米包，佢個底係穿窿嘅。蝦腸入面啲蝦有啲霉，真係失望。不過佢個腸粉係做得唔錯，衰係衰喺啲餡料度。總括而言，呢間酒家夠晒風味，不過食物味道就一般般。

呢間餐廳我已經食過好幾次，早上會係茶樓食一盅兩件，夜晚就會係大排檔食小炒，早上同夜晚都各有特色。早上既茶居除左一般點心仲有好多而家好少見既點心，係酒樓以外飲茶既好選擇。🐷黑白糯米包(中) $19呢樣係係出包好少見既點心，一籠有3大個糯米包，佢既外皮係燒賣既皮，黑白糯米故名思義係有黑糯米同白糯米混合，糯米好煙韌，大大個飽肚之選👍🏻🐷鵪鶉蛋燒賣(大) $21呢樣同樣係好少見既，出面酒樓一般都係得蟹子燒賣；一籠有3粒，同樣係大大粒，夾起好實淨唔會話即刻散開，咬落去燒賣都好彈牙，而且味道岩岩好，唔會好咸👍🏻🐷四寶滑雞扎(大) $21雞扎好足料，有火腿，魚肚，芋頭同埋雞。芋頭好粉，其他料都好入味，魚肚仲好大件爽口。👍🏻🐷爽滑牛肉腸粉(大) $21腸粉皮拉得好薄，入邊好足料，每條腸粉都脹卜卜；入口腸粉好滑，點埋甜甜地既豉油同牛肉涵同腸粉皮呢個配搭無得輸👍🏻

由地鐵站行前多廿步食新志興，懷舊點心：豬肚燒賣，大包，燒腩卷，當然最出名係燒鵝😋，沙薑豬手！百幾蚊真係祇有舊式茶居先食到，剩係嗰碟腐皮卷係大酒樓就要幾十蚊喇！

餐廳名都highlight咗燒鵝證明燒鵝係佢哋嘅招牌菜，味道亦都非常之出色，係必叫嘅一個餸。油炸鬼雞蛋焗魚腸係另一個非常受歡迎嘅餸，魚腸都洗得幾乾淨，焗得好香，有埋油炸鬼係會特別好食嘅。呢間嘅乳豬都非常之好味，皮燒得夠脆，肉算瘦，呢間嘅燒味好掂。西洋菜豬肺燉湯好好味，個湯好清，有冇味精，好足料，不過啲豬肺都幾大嚿。腐乳炒通菜正常發揮啦。香麻柚子骨其實即係類似韓式柚子醬做嘅咕嚕肉，不過呢度用嘅係豬扒，而且啲豬扒比較肥。沙薑豬手味道只屬一般，最主要係啲豬手唔夠入味，沙薑還沙薑豬手還豬手。個小炒王真係麻麻哋，冇乜鑊氣。呢間嘢嘅蠔餅都係唔掂嘅，雖然炸到好脆，不過我本身唔鍾意食炸嘅蠔餅，蠔餅都係煎嘅好食啲，最好仲要有薯粉，所以你明點解我話呢間嘅蠔餅唔掂啦。呢個避風塘茄子都係麻麻哋，痛樂脆漿炸咗佢再落返啲乾蒜頭就等於避風塘咩。總結係呢間嘢似乎燒味好掂，其他就一般，不過佢啲嘢真係好平。

從未見過態度如此差的店，打電話提前book了二樓6-7人的位置，去到卻被告知沒位，安排到了廁所旁邊的位置。這還沒完，找服務員説能不能換位，告知早已訂好二樓位置，結果服務員複述原話，竟然大庭廣眾下大喊: 對電話裡訂二樓就是我說的，我這就是這樣，你是不是要打架？我聽到簡直不可理喻，沒了位竟然理直氣壯要打架的店家，請問天底下有這樣做生意的？真是從未見過態度這麼差的店

兩個人食五碟餸都米話唔勁﹗黎得呢間梗係要試佢嘅燒鵝啦。例牌燒鵝兩個人食啱啱好，真係燒到皮脆肉香，而且佢層皮真係好薄，又唔會太肥，果然係招牌菜。沙薑豬手就真係麻麻地，最敗筆係一D都唔入味，沙薑還沙薑豬手還豬手，呢個唔推薦。黃金苦瓜都唔錯，不過如果層鹹蛋黃可以薄D應該效果會更好。豆腐斑腩煲都幾好食，豆腐夠香滑，斑腩外面層粉都算薄，可惜唔夠惹味。鮮魷蒸肉餅D鮮魷幾好食，不過肉餅太薄，咬落去唔係太好feel，肉餅始終要厚返少少先好食。總結係燒鵝掂其他野(起碼呢4款)只屬一般。