新興麵家

Open Now

Now Closed

屯門紅橋野食多不勝數，附近兆康、富泰既人都會去紅橋食野是常識吧!今日去到紅橋，朋友帶我去試下屯門人認為屯門最好食既牛腩牛筋粉麵，新興麵家!依間鋪夾係唔同食店中間，認住佢個紅色招牌就搵到。我地慕名而黎，就試左佢牛腩同牛筋河。佢既牛腩半肥瘦，好重牛香，咬落去每啖都係滋味。牛筋炆得淋+入味，全部牛筋都軟身，非常好食。而河粉方面就同普通粉都店無分別，但牛果Part真係令碗麵生色不少! 好食!總結: 依間麵店雖然外觀平平無奇，但味道好，一碗都係三十頭，絕對可以搭車入黎屯門食!

一直喜歡光顧小店，喜歡小店的快捷、用心製作而且限量供應的美食、小店老闆與熟客的人情味和微妙默契；反觀連鎖式經營的餐廳，雖然多數地理位置較優越、食物卻愈趨公式化，是工廠大量生產的結果這天來到屯門美食集中地新墟，雖已過午餐時間良久，但這家麵家仍人頭湧湧，想起已很久沒有補充過骨膠原🤣就去嘗嘗牛筋撈麵吧點了雙併的「牛筋撈麵併墨丸」($37) 牛筋不是爽彈那種，而是我最愛口感軟糯腍滑的那種，大大加分! 而且牛筋份量超多超瘋狂，幾乎完全覆蓋了撈麵；牛筋炆煮時間明顯充足，柱侯醬炆得十分入味，香濃誘人。幼麵麵質出色，彈性十足，配上腍軟的牛筋造成強烈口感對比在外吃撈麵很容易「中伏」— 原因是往往麵條會帶有鹼水味，苦苦的讓人吃不下。這間店卻沒有這問題，撈麵不但沒有鹼水味、口感乾爽層次分明。配上濃香的牛筋腩汁和蔬菜，更是讓人回味的港式老味道另外還點了限量供應的「新鮮炸魚皮」($18)和很久沒見的支裝可樂($6)庶民美食推介— 人情和方便之間，我們一直可以選擇

放工ot 成十點鐘先去到舖頭 原來未收 佢哋都做好夜 而且不乏食客今次叫咗牛筋同牛腩河粉 牛筋太正 所以次次必食 牛腩第一次試 原來都好食 牛腩夠淋滑 而且好似係叫牛坑腩嘅部位牛筋唔使講 又淋又入味 盛惠四十五大元 好抵食 都係多到食唔哂

新興絕對係大件夾抵食嘅平民食店首先價錢平 第二係選擇多牛筋牛腩牛雜牛肚等等都係30零蚊左右就有一碗第三樣亦都係好緊要嘅就係好夠味 牛筋牛肚全部都好入味 啲牛筋都整得好林滑但又可以帶小小爽嘅口感最後就係餸多 基本上如果你嗌雙拼 例如牛肚牛筋就45蚊啦 佢嘅餸嘅份量係另外加上去嘅 唔會每樣餸得返一半 基本上一個男人都食唔曬呀

難得今日早收工 終於可以同朋友聚下舊，我哋今日嚟咗呢間位於屯門井財街，其實呢間都開咗好耐，一直都想試下，黎到麵檔都唔使點睇餐牌，即刻嗌過牛腩撈粗，朋友就叫咗牛雜河，同樣地配罐凍冰冰既可樂，簡直一流講下環境，一邊嘅衛生程度都OK既，但係比較擠迫， 坐得唔係好舒服傳統的麵檔鋪面傳統的麵檔餐牌走飲管的冰凍可樂牛腩撈粗必跟既湯 開動前先呷一口湯  牛腩輕軟爽口 香氣十足朋友叫既牛雜河粉都幾出息，湯底都幾濃郁，不過如果俾我 我會叫加腩汁，味道會更佳

屯門麵店唔少，但好食嘅一隻手數得晒，位於虹橋嘅新興麵家冇三甲都五甲，好多識食嘅街坊熟客都會嚟幫襯。雖然都稱得上老字號，但服務態度唔錯，尤其老闆娘(?)經常笑口滿面，而且盡量跟足客人要求，叫腩汁有腩汁，叫肥腩有肥腩，淨係呢點已經好難得，唔似啲名店串串貢，唔憂做假日座無虛席，搭枱係基本；一般粉麵都有供應，廿零至三十零蚊碗，牛腩、牛雜都係招牌，各有粉絲。鮮牛肉肥腩米 多青$45鍾意呢度嘅牛腩，切腩，入味得嚟又夠腍，但唔會痴牙，自己偏好食少肥，更加爽口，呢度嘅腩汁香濃而唔油，另外鮮牛肉就唔係間間麵店有得食，無調過味，碗上啱啱熟，純粹食牛嘅鮮味雲吞麵$29有5粒雲吞，大少適中，雖然唔係爆蝦類型，但食到蝦同肉嘅鮮味，又無太多肥肉，加埋辣椒油，香而辣，麵質中規中矩啦。炸魚皮 $6/小

初嘗這間「新興麵家」，聽說被不少街坊列為必吃的粉麵餐廳。虹橋有不少美食，這裡卻是朋友必推的餐廳之一，十分期待。店內裝修簡單殘舊，地板凸凹，卻有不少街坊光顧，相信必是味道取勝。枱面乾淨店內只有牆上餐牌，但有點不清晰是不是只有我看不明白？？另外還有四種油菜選擇，覺得挺多的🥗枱上提供基本的調味料(但已經很夠味了~喜歡辣可以加一點)我們兩個人點了兩碗麵，一碟油菜。後來還加了支汽水(共$90)，不算特別平，但完全可以接受。這碟通菜長度真是剛好，不會太大條，容易放入口的大小。醬汁很多，腐乳的味道很香很濃，是自己調製過的醬汁。建議全部攪拌才吃，因為初初吃的時候心想：「怎麼這麼咸！？」 原來占太多醬汁啦哈哈我點的牛筋麵，牛筋份量很多，而且很軟很入味，有些更是入口即溶，像是煮了很久的感覺完全不硬！ 雖然聞落去沒有很大的香味，但食落有很濃很濃的牛腩味，偏重口味，完全不需要額外加醬料。不過麵的份量有點少哦！（好像比配菜少......)朋友點牛腩麵，湯底味道一樣，牛腩也是有很多，而且煮得很軟！雖然麵的份量少，但竟然吃到這裡覺得很飽！！(最後當然有冒撐爆肚的風險把它吃完)

作為一個屯門人，不可能不認識這家店，若要說屯門粉麵第一的話非它莫屬。開業多年一直屹立不倒，店內還是很老舊的裝修，價廉物美吸引了一大堆街坊捧場客，開店的時間多半不定，很多時候下午兩點多經過門外已經有幾個街坊在等開門了，它的魅力在紅橋這小區還是可見一斑。這天朋友特地山長水遠過來剪髪，剛好想起很久沒有吃過新興，午餐又想吃便宜一點，心血來潮便帶他試一試屯門區內我覺得數一數二的粉麵店。有點意外，我們下午兩點左右來到，星期六來說不算很多人，門口竟然只有一兩個人在等位，我們很快就找到一張枱「搭枱」，餐牌款式不算多，全部都貼在牆上，幾年前來的時候還把菜式寫在粉色的熒光紙上，保留了老字號的風味。現在已經轉了膠牌了，但分類和價位都列得很清楚，一看便懂。而這裡的招牌則不外乎幾種，牛腩、牛筋和牛雜，由於我不太吃內臟的關係，所以沒法品評，但經常在店內都可以看到其他食客叫牛雜，夠色水入味，相信亦不輸牛腩和牛筋。而當天點了牛腩拼牛筋河粉，新興的牛腩炆得非常夠火候，肉質軟腍，淡淡的滷汁完全滲透到肉裏，又不會像坊間的死鹹。牛筋則比牛腩更勝一籌，說它是主角也不過份，是我吃過的牛筋之中算是第一，用了非常長時間炆煮，令牛筋完

相信係屯門居住的屯門人，都知道井財街係一個美食天堂今日我就去試呢間港式麵食小店地方不大，同一般港式麵店環境相似店內客人多數似係附近的居民為主，多數都係「姐姐」同「哥哥」坐低諗緊食乜好之時，我留意到有不少食客除左堂食之外仲會叫多份外賣講返食物，以牛內臟出名，牛肚，牛腩，抗腩、牛筋而我就點了一碗牛肚河河粉好食，牛肚就比較瘦，都有口感鐘意的話可以叫多碟油菜食下不過呢到就無咖啡奶茶檸水，只有汽水，有懷舊玻璃樽汽水

中午又黎到屯門搵食喇, 依間麵店我間唔中都會黎架!新興係做街坊生意, 環境比較破舊, 而且有點逼, 但碗牛肉米絕對值得我成日黎! 鮮灼牛肉米加魚皮餃 ($41)個牛肉係鮮灼, 同平時食既牛肉唔同, 有d坑紋, 質感特別 係我的最愛呀!平時我仲鐘意叫墨魚丸同牛丸, 牛丸唔算大粒, 但非常彈牙, 值得一試! 而墨魚丸就質感較淋, 但就大大粒。個湯底好鮮甜! 大大碗好抵食! 男士如果唔夠可以加底, 我見現場不少男士會再加魚皮同菜。依間麵舖中午12點先開, 但12:10入去已經冇乜位喇, 想食就可能要等下

我自己好鍾意食呢度嘅牛腩河牛腩份量夠多 肉質亦夠淋👍🏻湯底都唔會話好重味精加多啲腩汁再多葱真係不得了☺️☺️❤️👍🏻相反我冇咁鍾意食幼麵粗麵覺得嗰陣鹼水味太重 影響咗個湯底

這天一大早便在屯門工作，直至十二時終於走得人本想走回吃碗粥，但經過這裡時看到便宜又好耐冇食，便走進去一試叫左碗雲吞麵，共五粒超大粒雲吞，每粒雲吞有2隻小鮮蝦蝦肉爽口彈牙，豬肉用料新鮮！麵底一般，份量都夠，勝在無鹼水味，湯底是清湯的那種~食得很暢快見有不少街坊捧場，也見過阿姐新鮮即場包雲吞環境是典型的街坊店 桌子和椅子也不多，地方當然是「迫迫地」店外店內可用乾淨、整齊、企理來形容，二十多元一碗麵走平民街坊路線！難怪客似雲來﹗

去到屯門井財街，點少得食一碗好好味嘅牛筋河，新興麵家，表面提上嚟似平凡無奇嘅粉麵檔，其實呢間粉麵檔係老字號，營業咗好多年，我由學生年代已經來幫襯，我今日叫咗個牛筋河加炸魚皮，麵一上枱已經被色水同香味吸引住，先飲啖湯先，味道同事覺預期一樣咁濃郁，牛味香濃，飲得出係用好足材料煮成，牛筋炆得微軟好入味，可粉又煮得啱啱好夠曬滑。，不過蝶炸魚皮就差啲 浸咗落湯度食都好硬身。埋單都係40蚊。水準仍然保持得到，難怪舖頭仲係人頭湧湧。

抱歉，食左多年既粉麵鋪都要BLACK LIST一段時間事因外賣買左碗雲吞坑腩河，俾錯左坑腩河，仲要俾左肥腩質素既坑腩河，而河粉煮太耐過淋，撈晒成碗粉都唔見有雲吞最後決定囉番去換，只係俾番雲吞，我同老闆娘講D坑腩係我食咁多次以來最差都冇肥得張，最後先叫師父切多小小腩俾我（但河粉和碗內既肥腩冇換走，返到去再食D河粉散到要用匙羹食，今次之後可能再一段時間先敢去食，食左十幾年咁多次以來最差一次，希望質素唔會再差下去

係冬天唔知點解食極都唔飽🤦🏻‍♂最近行開屋企附近，見到喱間麵檔幾多人食，所以就入左去食😆.#鮮蝦雲吞麵 ($26)😋好味指數：(7/10)麵既份量都幾多，細食既話2個人share都應該還可以😆另外雲吞都有成5粒，絕對冇偷工減料😍👍🏼食落去啲皮唔算厚，蝦肉又大又鮮😎另外啲麵食落都幾彈牙，又唔會煮得太淋 😳.⭐溫馨小提示📌喱間啲辣醬都幾辣，可以少少少少咁落😂📌如果太夜去既會冇哂牛賣🤔