新蔡潤記魚旦粉麵 (Closed)

星期曰返大埔行吓,細細個係大埔大到中四嗰年先搬走，小學時都係新蔡潤記附近補習,到中學都時常去食.但今次簡直難忘.佢D水準簡直不堪入目.我今次叫咗魚蛋牛腩粉加腩汁和魚蛋腸米加腩汁.同炸魚皮和芥蘭.兩碗上枱一睇就知中招,飲一啖湯是無味,粉都未熟魚蛋是無味,牛腩連牛肉味和滷水味都無.碟魚皮攞D發粉炸過但D粉好厚擺係湯到成分鐘都未軟.碟菜重離譜煮得太熟連菜味都無,全餐最得係包檸檬茶但唔係佢出品.

同公司司機去到元朗辦事, 車輛仲未裝 Autotoll, 我們便由新界東方向去. 中間, 我們決定停一停大埔, 食個飯先再上路. 找什麼地方泊車好, 又多野食, 大埔區, 始終都係大埔墟方便. 我們時間不多, 就決定快快趣食碗麵算. 就近停車場, 就是老字號, "新蔡潤記". 司機說早點霸位, 免得一陣學生放lunch, 迫爆所有食肆. 這話來有因, 大埔墟加埋運頭塘, 一有5間中學. 中午要同學生哥仔爭飯食, 又的確幾辛苦. 而且學生哥未到達時, 一樣要等位. 同舊果間蔡潤記一樣, 都是以魚旦粉馳名. 不過自己又想吃點紅肉. 就來一個雙拚, 牛腩魚片粗麵. 麵來啦, 看起來, 水汪汪的一碗麵. 水的確落得太多了. 多到不見麵, 不見魚片, 只有絃片牛腩係面. 湯底加了腩汁, 味道尚可, 魚片, 就算是有水準. 不過牛腩呢, 食落完全冇味, 好似食緊未經醃製既肉類咁.......就算係清湯腩都應該有番D味吖. .....有人說新不如舊, 新蔡潤記新左咁多年, 新到變老字號...好彩舊蔡潤記仲係度...是魚旦粉, 唔上街市的話. 都係去舊果間好.

吃過美味的腸粉，拉隊過來吃麵，聽說出名是其自家製的魚蛋，一於試試。一行四人來到了這間粉麵店，但不知怎地是黑沉沉的，真的有點奇怪的，怎說也好，也是食咗先講，地頭蟲朋友問店員還有沒有片頭，店員說太晚了，沒有了，心想不是嗎，現在只是五時正過了一點，太晚？算吧，也可能是沒有吃緣吧，所以最後友人們點了魚蛋河、牛肚魚蛋河、牛肚魚片河，而我自己又想吃牛，又想吃魚，所以最後點了牛腩魚片粗，另外見有樽裝汽水，也是二話不說的點了一支忌廉。在等吃的時候，見到店內盡處有一個像是工場的地方，內裡有一座機器，像是在製造魚蛋中，真有趣。朋友們的河粉也沒有機會試，而今回也只評自己的那碗牛腩魚片粗，粗麵沒有鹼水味，麵也挺身有咬口，不錯，魚片可能是個人對它的期望太高吧，只可以說是不過不失，基本有魚味及軟硬適中，但說到彈口，也真的是很麻麻，跟謝記的不能相提並論，而牛腩也真的是失敗之作，不香不太有牛味之外，肉質也是嚡得要命，真是吃得我嚡嚡聲，但總括來說也可以吧。吃過後，又是時間返回港島區這個石屎森林了，也適時再來新界區覓食的。

一個想掃街扒格仔下午,找來蒸餾水同我癲,第一店本來想去群記食清湯腩,點知撞正無開,即刻轉去新蔡潤記.雖然近年水準已下降,但個人感覺總比蔡潤記好.先來一碗魚片頭粉腸麵,而蒸餾水要了魚蛋牛腩米.魚片頭粉腸麵:呷一口湯,是咸了點,而且麵的鹼水味已沁入湯內,麵亦淥得過火,唔係咁好,粉腸洗得唔淨,魚片頭則水準依舊,魚味香濃,而且炸過的地方,味道更出,但如果能炸耐d仲好,始終色澤淡了些.魚蛋牛腩米:同蒸餾水交換幾件大家試試,牛腩炆得夠淋同入味,魚蛋無炸過,雖然香味無咁出,反而淡淡然的魚味,是另有一番滋味.辣椒油:當然及不上粉嶺群記,辣味有餘,香口不足.

我以前都一個月黎食兩次, 但呢期的品質差左, 尤其個湯, 都唔係熱騰騰!我最鍾意食粉腸,但有一次仲苦苦地添同小份量.....唉啲魚旦同魚片都冇咁彈牙啦

星期日同媽媽去行街~經過呢間野勁多人~心諗都應該OK ar ~於是我地入去~~叫左個旦河同埋一碟炸魚皮~~um~~唔好食~河粉湯底唔夠味~d 魚皮又炸多唔好食~~應該唔會再去gar lar ~~

沒有食神的一天。連天大雨，一心又想去上水吃甘蔗粥，不果；搭車去粉嶺群記吃豬手，又只賣剩牛丸；最後再來大埔找蔡潤記，竟然找不著，唯有先試這裡。要了魚蛋粉，加一碟炸魚皮。看店後那部製魚蛋的機器在不停的運作，轉眼已打起不少的魚蛋，原來速度都可以幾快。魚蛋粉湯很多，喝一口，味道幾濃，應該不會是沒有加味精，但相信不多吧；魚蛋偏小的，幾彈牙，魚肉味淡，但也不是「粉蛋」，也收貨；河粉滑溜，索起湯底也美味，整體來說，不錯；也要了一碟炸魚皮，粉漿下得厚，吃起來是又硬又不脆的，吃了幾塊已沒有興趣再吃，水準以下，或者新鮮炸起時是會好一點吧。埋單33蚊，加強了去試本想去的那一間魚蛋粉店的決心。

聽過經過這舖頭好多次啦, 今次先第一次食, 價錢都唔貴, $17蚊有足夠的份量, 我食牛肚麯, 友人都係食牛腩麯, 另叫了淨魚旦, 有13粒! 牛肚唔可以用爽去形容, 不過都証明佢無用化學野拿過~ 牛腩友人話ok, 魚旦細細粒, 比其他地方硬, 結實, 又ok有味~

新蔡潤記，可以話由細「幫襯」到大。由佢以前五點鐘打烊，到宜家週六日到七點都有得食．．．我反而覺得，以前要趕頭趕命四點九去到鋪頭食，0個陣d 野會好食d。犯了大部分食肆犯的錯誤－－店越紅，質素便下降。點都好，呢間出名的都是魚蛋魚片魚皮（早的話有片頭喔！）牛腩牛肚粉腸。魚蛋魚片魚皮：保持到一定水準，有魚味、彈牙。牛腩牛肚：呢個要睇彩數，有時牛腩會好靭、好瘦；牛肚個質素會維持到，但係又無牛腩咁入味。粉腸：本人只點過一次，苦的，以後bad list 左。湯底：都係睇彩數，朝早去，會好d；晏去，可能因為原本煞0個d 湯已經「溝淡」哂，所以會冇乜味。我見過佢點樣整d湯底．．．講真味精唔算多既．．．但係真係有溝稀囉．．．辣椒油：我不吃辣的，但係都鐘意落少少，好似落左好味d；我有朋友會外賣返屋企撈公仔麵食。服務：可能係街坊關係，無預期佢地會好好招呼，講真0個d 阿姐做左好多年啦．．．．．都係一般茶餐廳咁樣囉，落單算快，執野算密，佢鋪仔咁細坐到咁多人．．．其實個場都幾惡做架．．．．．．

看你運氣如何- 有時湯不熱、粉只微暖, 有時湯太鹼, 有時魚蛋太硬，有時牛腩未入味, 但地方依舊dirty, 亞姐依舊晚娘口臉, 吃後依舊要大量喝水, 依舊要等位- 真需要改革, 否則....

踓然話兩間都係同一個師傅教出梨，但係點解差別就越梨越大？如果東昌街係徒弟，師傅一定好高興，因為連自己個仔都保存唔倒既技術，竟然徒弟有能力接倒。至於新個間。。唉。。。

早上去d 湯會好d 清d 晏左去就唔多掂好勁味精魚蛋有時好林有時都幾彈牙

話說老闆蔡潤有感年事已高，於是想找接班人，眼見兒子唔接棒，唯有把廚藝及東晶街的鋪位傳給姪仔，但過了不久，兒子突然又改變主意想繼承父親衣缽，於是在廣福道另新鋪，結果蔡潤個徒弟兼姪仔主持東昌街的「蔡潤記」，蔡潤的兒子則經營廣福道的「新蔡潤記」，所以唔好話邊間先係正宗，咁樣講法唔多正確，因為兩間都係老闆蔡潤的親傳，差別只在一位係徒弟，一位係兒子！

以前都keep 住一個月黎食兩次, 阿姐講住粗口黎落單或上菜己經見怪不怪, 但近年的品質差左少少, 尤其d 湯, 永遠都唔係熱騰騰咁上台的, 只係微暖, 而我最愛既粉腸, 每次叫都係得短短既三、四條, 個人覺得偏淋左少少, 有一次仲苦苦地添.........所以最近寧可早少少起身去返老字號食, 或上新街巿慢慢揀.

魚旦+炸魚皮河粉+腩汁+大(碗),這是每次都例叫的魚旦雖不是頂級,但很合我口味,炸魚皮水準依舊,只是偶然會失準,河粉+辣椒油+腩汁湯+少許炸魚皮碎+,混合成美妙的味道...當然扣分的就是服務依舊麻麻,洗碗阿姐成日運碗,地方亦不能強求,如果計美味應當有笑面,但計整體只屬OK.