明記咖啡糖水小食 (Closed)

同成班中學同學食完夜晚，照例搵地方做下場食甜品，好自然就又一次黎到明記啦。剩係唔計食物質素，明記已經有兩大好處，開得夠夜同地方夠大。唔好睇門口好似好細，明記有樓上位夠2 30人坐。而且，明記menu夠晒多選擇，唔驚無岩心水，只係驚揀唔落手。經過一番掙扎，我決定試下凍朱古力餅。我一直對明記既印象係中式甜品好好食，所以都有少少驚。點知一食落去好有驚喜，朱古力味夠濃唔在話下，個餅底夠實，餅身凍得黎又唔會太冰或者太硬，影響味道同口感。個餅比我想像中大好多，但係唔知點解食落一啲都唔濟，愈食愈開胃，味道真係非常好。

系學校忙完野，就同女朋友去左佢屋企附近搵好野食。從佢口中得知幾出名既西灣河明記，於是就一齊去左食。第一次食，我就揀左最正路既芒果西米露。相比起其他甜品店，西米露確實系比較大碗，而且西米都好大粒，粒粒分明；芒果粒亦都多又甜；整體食落啖啖芒果肉又有椰香，令人好滿足！女朋友就叫左碗蘆薈涼粉，一樣甘大碗！食落雖然就冇芒西甘甜，但系就好清爽，一樣感好食。甘大碗既甜品都系二十零蚊左右，真系想叫多幾碗繼續嘆。下次有機會一定會再黎西灣河嘆！

明記糖水家姐番完工買咗外賣番嚟食啦，有黃金小丸子同埋芒果pancake。芒果超甜，啲甜品又大碗，而且都係三十蚊內，所以真係好超值實惠，好抵！係食晚餐後食，大碗到食唔落飯後生果。黃金小丸子有西米、小丸子、芒果爆珠、芒果布丁。聽講堂食黃金小丸子會有埋雪糕添㗎，希望下次可以試堂食啦，有埋雪糕應該會更加好味㗎。芒果pancake好大舊，cream超好味，芒果都好甜，所以我同家姐都隊芒果pancake好滿意！

住港島既朋友們對明記糖水應該好熟悉 ;) 今晚食左我my飛佛~芒果木槺凍餅($35) 食左咁多餐廳既甜品，明記凍餅係其中一間我食完會再想去食lol 雖然個名係凍餅，但其實食落似係雪糕，入口唔係即溶，你會feel到d 好香既芒果同奶味，最底仲有少少木槺，加埋一齊食一流!!!!芒果班戟($27) 正丫!! 班戟皮唔厚，入面好多cream, 而且芒果夠哂厚肉!! 性價比高!!!

邊爐過後，相約了一位住係筲箕灣附近的朋友再吃一下飯後甜品～友人就介紹我到他最常吃的一間平靚正甜品店「明記糖水」～到Openrice看看資料，好評竟達100個之多！真的要去一試！舖內環境不大，只有數張圓枱，而且已經爆滿，店員就帶我們到旁邊的分店，環境同樣不大，但設有上層雅座小店以售賣中式甜品為主，亦設有少量新式甜品，如綿綿冰及木糠蛋糕，另外還設有榴槤特區～岩晒榴槤愛好者～朱古力木糠凍餅 ($25)分為杯裝及件裝兩款，原以為杯裝會是一隻雪糕杯狀，份量不會太多，來到時發現竟然是大大個圓形的，就像一個小蛋糕般，而店員還會預先切成8小份，方便食客進食凍餅的底面兩邊也壓上了一層厚實的朱古力餅碎，而中間則是朱古力味雪糕，另外再夾著原味的消化餅碎。整件凍餅也雪得非常硬身，進食時，叉子也不易拮進去。入口滑膩，充滿著濃濃的朱古力味，雖然只是普通的雪糕配上餅碎，但當兩者混合同吃，卻有著不一樣的感覺～榴槤冰 $40+$8［評分：7.5/10］最後還是選擇了榴槤的，綿綿冰一層一層的疊合著，壓得比較實，份量頗多。入口則比較實在，溶化口然後散發著一陣榴槤香，味道尚算濃郁而且甜度不高。還想一試小丸子，就額外多加了$8

食飽飯，走咗去明記食碗糖水潤一潤先^.^ b仔爸爸叫咗個凍腐竹蛋糖水，嘩....好足料，有銀杏，有薏米，不過就唔多夠凍，玥凍d就好啦^.^我就叫咗楊枝金露，又係勁足料，粒粒大西米，重要好多有柚子肉同芒果粒，讚!!! 不過又係凍d就會更好味^.^B仔就叫咗香蕉班戟，班戟皮唔太厚，厚厚嘅cream同中間夾著超香超熟嘅香蕉，讚!!!!

從小已經很喜歡吃明記的糖水有幾年逢星期五晚上爸爸也會買我一碗糖水當宵夜我和爸爸也最喜歡吃雜果西米露/涼粉可能你在menu上看到雜果西米露/涼粉的價錢絕對不便宜，可是絕對是值得的雜果西米露/涼粉是用湯碗去盛的，就是平常喝湯/吃麵那種碗，裝得滿滿的我覺得水果與西米露/涼粉的比例是一比一雜果絕對不是用罐頭雜果，而每一款水果也是新鮮的，有：香蕉、芒果、西瓜、哈蜜瓜、蜜瓜等等，多不勝數而涼粉的話碗底還有秘製的糖水，有幾種材料混合而成的，雖然賣相顏色不好（灰灰的），但味道一流！（左邊是西米露，右邊是涼粉）這樣老實的良心小店越來越少，有些糖水店的雜果西米露/涼粉價錢與明記差不多，但份量卻少一半，他們還給罐頭雜果要吃真正的雜果西米露/涼粉的話，一定要去明記！

今晚深夜我地到這舖，落了order 3個甜品 (楊枝金露, 西瓜涼粉和芒果糯米糍), 楊枝金露內的料不是後多很豐富, 奶較多; 西瓜涼粉亦驚喜不大。而我叫既芒果糯米糍亦跟其他店分別不大, 不過不失, 但不知是不是環保無跟叉或牙簽，於是乎我便再問番那個女仔“唔該有無牙簽”，佢唔應，跟住仲要“啪”一聲放低個牙簽桶. 老實句如果踢晒腳，忙亂我唔怪佢，但當時唔係lor!中間小插曲: order後一陣, 後生長馬尾女伙計拿著３個甜品過來問: "係咪你地呀"，(無笑容，好似想兇我地咁)，我地３人即時o晒咀, 全層連我地得３檯人, 其他人都食得七七八八，唔係我地仲有誰呢？！總結: 整體食物質素普通, 而對於甜品店不應講甚麼服務，如食物出眾便最好, 故基本服務都應有!

琴晚，走左去明記食甜品 ，我同fd 嗌左 士多啤梨冰同黃金小丸子。一開始我以為係沙冰，原來係一杯飲品!!!xddd我個人覺得芒果好飲過士多啤梨lol sosad!!! 士多啤梨有少少酸 最正係有果肉 不過個waiter唔記得比支spoon等 ~.~價錢唔太貴 正

椰果黑糯米,依個黑糯米又有別稱為依個長壽米,雖然我真係唔知點解,不過對佢都算係有特別既感情,因為都幾鍾意食依個嫁,，不過依到令我對依個有少少失望,依個黑糯米既真係唔夠香又唔算甜，食落都仲有少少煙韌既,依個算係好好少嚀,，份量就真係唔算太多，不過甜甜既糖水同埋椰果反而就好大份，有依到既少少特色,味道同口感都總算唔錯,算係兩種口感,同黑糯米一齊有少少反比咁樣喇誰,之後朋友就要個芋頭西米露 ,依個都幾好笑既,芋頭質感控制得幾好,都算幾粉嫁,加埋奶味適中岩岩好，唔會太濃,依個幾好既,又唔會話太甜太膩。幾好,最後要多個鮮什果涼粉,份量真係嚇死人,水果同埋涼粉都十分之多，又有西瓜,蜜瓜,香蕉,芒果等,差唔多咩果都有,都算好新鮮,涼粉都唔錯,。 

年初六市面好多食市都仲未開門，睇完戲回家途中想食甜品，所以試吓去明記碰吓運氣。 明記喺西灣河有兩間店舖，平時去開新店但仲未開舖，於是再去睇吓百佳對面舊店，好彩有開門仲全場滿座。明記供應多款新舊甜品，仲不時有新產品推出。桑寄生蓮子茶: 桑寄生具補肝腎、強筋骨、祛風濕等功效，亦具有降血壓、抗氧化、利尿等作用。 明記嘅桑寄生茶特別濃郁甘甘甜甜，原本包括一隻雞蛋但因之前食得太飽所以要求唔加蛋。蓮子份量唔少非常鬆化。杧果西米露: 以為好單調點知係非常豐富，有多汁香甜杧果、香濃杧果汁，椰汁西米露。杧果同椰汁係一個完美嘅配搭，西米粒粒分明唔會黐埋一舊，椰汁要一讚因為加入另一好拍檔芋頭碎但好難擦覺，我覺得如果可以加多啲芋頭或大粒啲，會更加完美好味。

明記在西灣河同一條街連開三間街舖，真的不能少覤﹗小妹曾試過街角分店的雪花冰及楊枝金露等，驚喜不大，故較少光顧。曾Aunt早前請小妹食明記外賣腐竹雞蛋糖水，腐竹介乎融與半融之間，薏米夠軟腍，真的頗有水準﹗今晚，小妹請其兒子杜比食糖水，疑似熟客的杜比嚷著要去位於街中間的總店，小妹只好順從。誰知，竟中伏了﹗椰果黑糯米 $21小妹對有「長壽米」之稱的黑糯米情有獨鍾，奈何店家的作品卻是失敗之作﹗黑糯米既不香甜，又不軟糥煙韌，份量更加極少，巧如在汪洋中浮沉般，令人極度失望。 相反，甜膩膩的糖水椰果份量卻極多，讓人生厭，且味道和口感均與黑糯米格格不入﹗誰知，這還不叫差劣﹗更差的在後邊……杜比有選擇困難症，看了餐單良久仍不能下決定，在小妹催促下，決定嚐新，要了芒果蛋白。芒果蛋白 $32芒果粒明顯不是呂宋芒，酸咪咪的，難以下嚥。芒果醬也明顯不是以新鮮芒果熬製的，甜膩膩且人工化，難吃﹗芒果及乳酸爆爆珠內藏糖漿，甜膩且帶一股藥水味已是意料中事。然因儲存不當，爆爆珠已失去Q勁十足的口感。換言之，像在吃糖漿也﹗原以為真的可嚐到幼滑的蛋白，奈何徒有一大團疑似豆腐的東西而矣﹗唯一的亮點竟是配角 - 夠煙韌有嚼口的小

「明記糖水」細細過已經去幫襯，不是在現鋪，而是在附近的冷巷位置。幾個女人仔開的，每晚都有幾個放滿糖水的大桶，款式不太多，但味道傳統料足；因此每晚宵夜時間，都大排長龍；沒有堂食，只有外賣。幾經多年努力，她們終於搬入鋪，這就是中香港人的精神吧！今天回娘家，再去幫襯「明記糖水」；地面已坐滿食客，於是被安排坐於二樓，但上去二樓的路段不清潔，有少少想走．．．終於上到二樓，只有數張枱，沒有窗沒有裝修．．．很怕這些焗蓄的環境。真係想快D食完走。甜品選擇多，新式甜品比傳統的中式糖水多。價錢都不是以前冷巷凡時代，漲價不少；價錢跟大型連鎖甜品鋪差不多，但室內環境完全比不上。芒果西米露 $24芒果果肉多，而且唔酸，甜甜的；西米露大大粒合桃糊　$24合桃味不太重，口感滑；但直覺不是即磨，因食時沒有磨不清的合桃渣。食食下，會有人打擾來收錢；$24都有人走數？！雖然經常大排長龍，但食物一般，環境不舒適，名大於實那個冷巷位置，現在換了一個嬸嬸，努力地用新鮮的水果做糯米磁，而且大排長龍；相信她會是繼明記班女人仔後，另一靠自己雙手養活一家，改變自己命運的香港精神！

係石澳燒野食燒到12點同朋友意猶未盡，決定下場依糖水繼續吹搭了小巴出左筲箕灣後慢步到西灣河明記店內裝修好舊，有老店FEEL～想叫薑汁豆腐花，但係所有豆花賣晒朋友嫌自己燒完野食都唔夠燥，想食榴槤，但係榴槤系列都沽清最後叫了雜果西米露，好似係呢樣野出名的？多年前食過，冇乜印象，重溫下先生果有香蕉，西瓜，哈蜜瓜，蜜瓜，芒果，又唔係特別甜西米露都很普通，唔彈牙，淋淋地，希望椰汁底都很稀唔掂！SIGNATURE DISH？？？朋友叫了腐竹白果，腐竹煲到溶晒係靚野，啲白果去左芯，但係冇去衣，可能D 衣有特別療效啦仲有綠豆沙，合格，但係好多地方好食過佢真係唔明點解咁出名？？？

來到西灣河，不試一試明記糖水好像說不過去呢。我和朋友到了門口後被指去了隔了兩間店位的分店坐下，我想質素應該一樣吧?1) 桑寄生蓮子蛋茶我是很迷桑寄生蓮子蛋茶的，只有餐牌上有我便會點，而且會加錢要多一點蓮子，所以大家平時吃的應該沒有這麼多蓮子呀。這裡的有很重的桑寄生藥材味，但敗筆是味道太甜了!! 似乎是下了很多糖。吃下去感覺頓時十分不健康，好像桑寄生的好處被甜味除去了。不過，蓮子倒是鬆化，蛋亦是很入味。2) 木槺布甸雖然店舖不是主打西式甜品，但其出品的木槺布甸水準正常，不會用cream來欺騙顧客。3) 芝麻糊我不太懂分辨芝麻糊是新鮮磨還是沖粉，但這裡的吃下去有頗重的芝麻味道，質感細滑亦沒有沖粉失敗而產生的一舊舊，而且不太甜，吃罷很飽很滿足雖然明記有分店，但仍算是街坊生意，侍應伯伯不時太聲的自說自話十分滑稽。由於到訪時下雨，伯伯極力游說我們要坐多陣待雨停，這亦是很貼心啊!