Video
12-min walk from Exit B, Kowloon Bay MTR Station
continue reading
Opening Hours
Mon - Sun
06:00 - 00:00
Above information is for reference only. Please check details with the restaurant.
由於我身上的「八達通」，在我從西貢墟乘坐專綫小巴前往「德福廣場」的時候，已經完全用盡。偏偏我體內一毛不拔，斤斤計較的劣根性此時又忽然發作，所以我寧願徒步前往「彩雲邨」，然後才坐巴士返回西貢。雖然我已經在「德福廣場」裡面，購買了外賣自取「雞肉飯」，但是還有「牛腩」食品未購買，所以需要在「牛頭角」購買外賣自取「牛腩粉」。結果我在「牛頭角道」旁邊的粉麵茶餐廳「明輝茶餐廳」裡面，購買了一碗「牛腩河粉」。不過我後來徒步穿越「彩德邨」和「彩霞邨」，前往「彩雲邨」巴士站期間，發現時間已經接近十點。結果我連「德福廣場」的飯都未食到，反而變成需要先食七年前因為腦中風而需要長期服食的藥。直到返回西貢之後，我第一時間打開「牛腩粉」的外賣膠蓋，發現「牛腩粉」裡面的湯快要被河粉所完全吸收了。「明輝茶餐廳」的「牛腩粉」，河粉完全吸收了牛腩湯裡面的鹹味和少許甜味，一用筷子勉強夾起河粉，河粉都已經潰不成形，要夾起完整河粉變得十分困難。幸好「牛腩粉」裡面的「牛腩」，雖然「牛腩」裡面的肉也被灸熱的湯所完全灼熟，所以「牛腩」實際的口感還未變得非常韌，勉強能夠用牙齒撕開和嚼爛。不過由於「牛腩」跟「河粉」都已經完全吸收湯裡面的鹹味，所以等到我回家，再食完「牛腩粉」，「河粉」口感也完全變腍和散開，只能夠用膠匙羹刮起「河粉」享用。至於「牛腩河」食完所有「河粉」和「牛腩」之後，「牛腩河」最後剩下的湯已經所餘無幾，而且湯的鹹味味道變得十分濃縮，鹹得有點不能喝下去。我發覺我自己，因為一時大意忘記為「八達通」增值，換來需要徒步返回巴士站和使用現金乘坐巴士，回想也覺得自己的做法很傻，感覺十分無謂。可惜西貢始終沒有「港鐵」站，想查閱「八達通」餘額一點也不容易，下次唯有在西貢早點提款，早點為「八達通」增值。
continue reading
幫襯左呢間茶餐廳好多年, 公道講句, 佢係抵食好味既可惜果度有個對客極冇禮貌, 説話尖酸刻薄, 對客呼呼喝喝, 成日黑口黑面既呀姐...佢對我無禮已經好多次, 我都盡忍, 但每次都好不快, 所以盡量唔搵佢落單, 點知今次, 佢自己會走過撩人, 勁冇禮貌咁要我轉枱, 又話一個人食就咪阻住啦, 仲要一行開左都仲講仲發嘮叨我實在忍唔住呢個人, 咁樣對客, 真係惡過老細, 間餐廳佢開咁, 老闆係度都照鬧客(真係好大支野)間餐廳我本來好欣賞, 但呢個巴閉倒米大王, 令我嬲到震, 嬲到食唔落就走
continue reading
收工仲要去買外賣養活我家老小嘅我，搵咗呢間食評不錯嘅粉麵茶餐廳，去到門面幾舊，入內茶餐廳格局，門口係個粉麵區，桌椅好窄，先去收銀落單，好在有枱無客，仲可以坐低等（門外利人路都好窄又人來人往）店員好忙，應該有張大order，見佢哋不停包外賣入紙箱！外賣普通膠袋同發泡膠碗！我加錢叫了湯另上！湯：另上嘅湯，坐咗半小時車都仲熱，加了青蔥花同芫茜，飲落鹹香幾濃味！牛什米（$42）媽咪食魚蛋河（$42）今日無晒魚片，所以只有魚蛋，潮式魚蛋彈牙有魚味，河粉幾滑，加上湯好味！店員豪爽唔廢話，我落單先記起叫湯另上，女店員即刻叫廚房改包裝，好快手！其他時間唔多說話！粉麵可以一試
continue reading
同朋友食左個下午茶就去睇死侍2,睇完出返黎成9點幾不過由於食左下午茶所以都唔係好肚餓,所以搵下D粉麵食就算結果行返出去食明輝茶餐廳入到去最入仲有一個卡位,不過就比較熱坐低望下有咩吃先我地每人叫左一碗豬手撈麵同墨魚丸河+紫菜豬手撈麵---幾香口都唔肥,咬落一流..個撈都幾好食墨魚丸河+紫菜--墨魚丸都OK,加埋個紫菜更加好
continue reading
明輝在牛頭角已開了多年，我卻在幾個月前才首次幫趁，自此便常來食下午茶。記得第一次來時，幾乎全部坐滿客，要迫坐在一角，十分狹窄。附近食客大部份都是叫湯粉麵，因這裏有牛雜供應。但其後我試食過牛肚河，覺得只是一般，而且套餐連飲品要$40，實在不算便宜。我多數叫炒粉麵，下午茶時段套餐連飲品才$35。我最深印象的，是見到檯上的調味架，沒有豉油，卻放了樽魚露。暫時我只見過德昌魚蛋粉，也是以魚露代替豉油的，心想老闆真識食呢！餐牌上的炒粉麵餐，我已試過大部份，水準都不錯。最合心意的是全部少油，真怕見到炒粉麵上檯，碟底像是油浸的！像這碟星洲炒米，就算是少油，也能做到濃香惹味，廚房師傅真了得，抵讚！順帶一提，炒粉麵餐只是星期一至五$35，星期六日和假期，要加$5的。
continue reading