明輝茶餐廳 (Closed)

由於我身上的「八達通」，在我從西貢墟乘坐專綫小巴前往「德福廣場」的時候，已經完全用盡。偏偏我體內一毛不拔，斤斤計較的劣根性此時又忽然發作，所以我寧願徒步前往「彩雲邨」，然後才坐巴士返回西貢。雖然我已經在「德福廣場」裡面，購買了外賣自取「雞肉飯」，但是還有「牛腩」食品未購買，所以需要在「牛頭角」購買外賣自取「牛腩粉」。結果我在「牛頭角道」旁邊的粉麵茶餐廳「明輝茶餐廳」裡面，購買了一碗「牛腩河粉」。不過我後來徒步穿越「彩德邨」和「彩霞邨」，前往「彩雲邨」巴士站期間，發現時間已經接近十點。結果我連「德福廣場」的飯都未食到，反而變成需要先食七年前因為腦中風而需要長期服食的藥。直到返回西貢之後，我第一時間打開「牛腩粉」的外賣膠蓋，發現「牛腩粉」裡面的湯快要被河粉所完全吸收了。「明輝茶餐廳」的「牛腩粉」，河粉完全吸收了牛腩湯裡面的鹹味和少許甜味，一用筷子勉強夾起河粉，河粉都已經潰不成形，要夾起完整河粉變得十分困難。幸好「牛腩粉」裡面的「牛腩」，雖然「牛腩」裡面的肉也被灸熱的湯所完全灼熟，所以「牛腩」實際的口感還未變得非常韌，勉強能夠用牙齒撕開和嚼爛。不過由於「牛腩」跟「河粉」都已經完全吸收湯裡面的

幫襯左呢間茶餐廳好多年, 公道講句, 佢係抵食好味既可惜果度有個對客極冇禮貌, 説話尖酸刻薄, 對客呼呼喝喝, 成日黑口黑面既呀姐...佢對我無禮已經好多次, 我都盡忍, 但每次都好不快, 所以盡量唔搵佢落單, 點知今次, 佢自己會走過撩人, 勁冇禮貌咁要我轉枱, 又話一個人食就咪阻住啦, 仲要一行開左都仲講仲發嘮叨我實在忍唔住呢個人, 咁樣對客, 真係惡過老細, 間餐廳佢開咁, 老闆係度都照鬧客(真係好大支野)間餐廳我本來好欣賞, 但呢個巴閉倒米大王, 令我嬲到震, 嬲到食唔落就走

收工仲要去買外賣養活我家老小嘅我，搵咗呢間食評不錯嘅粉麵茶餐廳，去到門面幾舊，入內茶餐廳格局，門口係個粉麵區，桌椅好窄，先去收銀落單，好在有枱無客，仲可以坐低等（門外利人路都好窄又人來人往）店員好忙，應該有張大order，見佢哋不停包外賣入紙箱！外賣普通膠袋同發泡膠碗！我加錢叫了湯另上！湯：另上嘅湯，坐咗半小時車都仲熱，加了青蔥花同芫茜，飲落鹹香幾濃味！牛什米（$42）媽咪食魚蛋河（$42）今日無晒魚片，所以只有魚蛋，潮式魚蛋彈牙有魚味，河粉幾滑，加上湯好味！店員豪爽唔廢話，我落單先記起叫湯另上，女店員即刻叫廚房改包裝，好快手！其他時間唔多說話！粉麵可以一試

同朋友食左個下午茶就去睇死侍2,睇完出返黎成9點幾不過由於食左下午茶所以都唔係好肚餓,所以搵下D粉麵食就算結果行返出去食明輝茶餐廳入到去最入仲有一個卡位,不過就比較熱坐低望下有咩吃先我地每人叫左一碗豬手撈麵同墨魚丸河+紫菜豬手撈麵---幾香口都唔肥,咬落一流..個撈都幾好食墨魚丸河+紫菜--墨魚丸都OK,加埋個紫菜更加好

明輝在牛頭角已開了多年，我卻在幾個月前才首次幫趁，自此便常來食下午茶。記得第一次來時，幾乎全部坐滿客，要迫坐在一角，十分狹窄。附近食客大部份都是叫湯粉麵，因這裏有牛雜供應。但其後我試食過牛肚河，覺得只是一般，而且套餐連飲品要$40，實在不算便宜。我多數叫炒粉麵，下午茶時段套餐連飲品才$35。我最深印象的，是見到檯上的調味架，沒有豉油，卻放了樽魚露。暫時我只見過德昌魚蛋粉，也是以魚露代替豉油的，心想老闆真識食呢！餐牌上的炒粉麵餐，我已試過大部份，水準都不錯。最合心意的是全部少油，真怕見到炒粉麵上檯，碟底像是油浸的！像這碟星洲炒米，就算是少油，也能做到濃香惹味，廚房師傅真了得，抵讚！順帶一提，炒粉麵餐只是星期一至五$35，星期六日和假期，要加$5的。

受了源記的粗糙冷硬待遇⋯⋯和選了牛頭角道地下吃牛今晚要趕去恩師講座隨便一餐喜歡給我這麼多薄皮筋但夠林奶茶也驚喜幾好喝可能心情太怱忙吃到牛腩夠多肉軟酥河粉都還可以（但比不上越一）而牛頭角又是吃牛勝地不知不覺就像相當滿意的一起快餐當然下次下午茶時間希望可以攻陷他們最終好處如泰式料理至少杯靚奶茶是送的

晚餐諗唔到食乜好，經過明輝，見到晚餐都抵食，有湯有茶有白飯，入去點咗兩個晚餐，漁香茄子火腩煲同西蘭花炒牛肉。首先上枱係漁香茄子火腩煲，侍應阿姐知我叫咗兩個晚餐，一次過上晒兩個白飯，真貼心；火腩同漁香茄子汁好鹹好鹹，茄子汁撈飯都覺得鹹，廚師似乎手重咗，好彩茄子冇事，軟硬適中，兩個人就咁搶食晒尐茄子食，火腩就要逐件放入杯茶度洗過至食得，平時我好少咁做；洗碗阿姐今次真係多得我唔少。西蘭花炒牛肉都唔掂，牛肉冇乜味就預咗喇，但西蘭花仲差，有少少似牛油味，有少少似。。。。，味道好複雜，唉﹗我都唔識得形容，總之係「奇」味無窮，可能尐西蘭花放入雪櫃度太耐，吸收咗雪櫃其他食材嘅味道啦﹗結果成碟喺番度，我自己都覺得好浪費。呢間餐廳我幇襯過幾次，一向都幾OK架，唔知點解今次咁失去手勢。

一早上到九龍灣做野交收，搞左一輪。就到附近食早餐。不想太飽，就叫了奶漿多及熱檸茶啦！大約5分鐘，便來了。麵包不太厚，叫做白𠽌𠽌，都外脆內香軟，打開麵包花生漿同煉奶很多，見到這樣我忍不住。一大口咬下去。花生漿很香花生味，煉奶也很香甜，其實呢兩隻漿分開食我就麻麻，但兩隻合二位一，就很喜了。可能由細吃大啦！個檸茶就一般喇！茶味很淡又苦。不過又吾知有咩好吃是旦一間喇！下次去到九龍灣可能有好野呢！

太太上課，我作為一名好丈夫，當然要去接放學啦，亦由於收工晚了，我無暇在別區尋食。在九龍灣地鐵站一落巴士，就直接行去牛頭角道，鑽研一下這兒有什麼好食的地方。在每一個小型及大型商場行了一圈，日月星亦早已吃過，我得出的結論是冇乜好食，在冇乜好食的情況下，我決定簡單食碗麵算數。結果，我看見《明輝茶餐廳》門前有一個很大的麵檔，就決定一來了。麵，我最愛的依然是牛腩麵，店方握介了牛丸，那我的雙併就是牛腩併牛丸了。先說我點的粗麵，說真，小時候我最愛食粗麵，原因是粗麵比是幼麵更爽，而且沒有那麼韌，吸汁能力亦較好，而牛九丸的味道很香濃，充滿了牛肉的香，再者是夠爽，咬入口是一 "shok" 一聲的，而牛腩，肉質可以說只是一般，但味道夠濃烈，入口香腍，也可以叫好的。不叫油菜，反而點了一客魚皮，魚皮夠厚，夠香，夠脆，但硬度亦十足。奶茶，未算是最好的，但奶落得足也就算了。簡單的一餐，絕對無所求，幸好是麵食有返小小水準，也不至於我評價得太差既。

在附近辦完事，找吃的了。沒太多挑剔，吃碗粉亦可。整碗牛什河，想不到各樣都似模似樣，至少不會有異味，牛肚也爽口不韌，牛肺牛腸的口感，較得我歡心。另外加左碟菜，要西生菜，又幾大碟喎，爽脆，好吃。天寒地凍，在病未癒唔敢飲咖啡時，熱檸檬茶會成為我朋友。喝一杯下肚，舒服。

那天早上朋友要相機，相約他到九龍灣還相機給他，見他還未到便是旦走入間茶餐廳吃早餐。入到去眼見時間尚早，但都有十幾二十人個客人，不理啦都肚餓。早餐的我不大喜歡吃粉面的，因好像很豐富，所以叫了熱狗，熱O茶。很快杯熱O茶便到了。用咗厚厚既瓷杯，吾知是否個杯太厚，檸檬也有成四五塊，感覺杯茶吾係好熱，飲落口冇乜茶未，不禁很冇隱。等多陣。熱狗來了。見到個熱狗出奇地熱。個熱狗包，烘有格仔紋又香又脆，有心機WO，條腸都炸過，有酸瓜番茄，不過沙津醬小D。一口咬下去，味道不錯，成個包都很香很美味。如果杯茶好飲D，會感覺更好。在九龍灣有間禁既茶餐廳都算OK既，若果連杯茶都能改進下，相信我會常來的，但現在只吃在一次，希望佢能改進下啦。價錢可以接受$26，OK喇！出去是旦都吾指呢個價。所以都可以一讀下佢。

好典型的街坊茶餐廳, 我至愛牛腩面, 云吞面, 牛腩面- $20/碗 餐飲+6 - 牛腩好淋, 好入味. 云吞面- $20/碗 餐飲+6 -好大隻蝦, 又有肥猪肉, 好味, 真係見師傅自己包架......其他焗飯, 炒飯,炒粉面都ok, 不過不失.......大約$30左右, 餐飲+4其實九龍灣好多茶餐廳, 但牛頭角下村拆左後, 好多好味的面檔,茶餐廳,都搬走左......... 這間都算是近期我在九龍灣好食的茶餐廳, 最正係營業時間 6:30 -02:00, 宵夜又一去處

今早搭了老公順風車來吃早餐, 早上人不多, 有些靜靜地看報紙, 有些則看新聞報導, 選了個卡位, 慢慢嘆!例牌 : 茄蛋治 (留邊走油) + 奶茶, $20, 香港的茶餐廳多的是, 我想這一輩子在街吃早餐的日子也能嚐到不同特色的例牌早餐! 說回早餐....方包是薄薄的, 不夠鬆軟, 但蕃茄卻有很多, 蛋煎得過熟, 整體是合格的! 奶茶茶味不太濃, 但奶和茶卻很融和, 飲落都幾順滑可口!

平時好少行去淘大後面呢一頭食野，不過今日就行左過黎呢度食，呢度冷氣都幾涼，雖然街外好熱，不過入黎坐一坐就涼哂，叫左焗白汁煙肉雞扒飯，即叫即焗，所以要等耐D，不過唔緊要啦，都預左。雖然都等左接近二十分鐘，不過黎到碟焗飯都冇令我失望，炒飯底OK，雞扒好嫩滑，芝士焗得好香，不過白汁有少少杰身，整體都唔錯既，不過個焗飯真係太大碟，份量多到我食唔哂。

好耐都無食過呢間野，今日再試﹗簡簡單單只係叫左個粟米豬扒飯加杯野飲，佢送例湯$28例湯不提，都係師傅到，點整都可以甜的﹗個粟米飯用料都幾多，豬扒有幾塊，做得挺鬆軟﹗我就最鍾意食粟米，味道帶甜，個汁不杰不稀，很怕有0的茶記將呢個飯汁整到杰攤攤的，黐到0的飯成舊野咁﹗呢度的可算是岩岩好﹗