明道

Open Now

Now Closed

銅鑼灣這間樓上日本餐廳真的是滿足了我甚麼都想吃的心態，從鍋物、串燒、小食、主食到甜品都有，酒類除了清酒梅酒，連啤酒都有手工黑啤！🔹雅不知道點甚麼的話，兩個人點這份鍋物套餐也不錯，裡面有五種時令海鮮、三種廚師推介日本牛肉（山形牛A4西冷、佐賀牛A4三角肉、飛驒牛A4肩胛肉），還有雜菜盛，最後會用湯底來煮手打稻庭烏冬或自家製粥，上桌的時候滿滿的海鮮和紋理鮮明的牛肉吸引了目光，而且份量真的很大🤣最開心是雜菜盛給的蔬菜完全滿足到我菜菜子的要求🤤老闆推薦我們選自家製鮮濃鱲魚湯，確實是最搭配的選擇，濃濃的魚湯一開始是奶白色，煮起鮑魚、魷魚的時候讓這些食材鮮味更突出，沒想到用來煮油脂比較高的和牛（特別是飛驒牛）也不錯，入口即融😍店員還會很貼心幫你照顧鍋底，讓你吃到最好狀態！基本上吃完海鮮和牛肉已經很飽，但真的，真的要吃到最後煮烏冬或粥，個人覺得粥更好吃，特別是把蝦頭放去熬湯的時候，湯底的海鮮鮮味和粥的蟹膏（還加了蛋漿）融合在一起，鮮味大爆發～🦐🦀好久沒吃過這麼濃郁的海鮮粥了。🔹清酒煮大蜆 大蜆真的很大🤣而且每一隻都很乾淨，肉質飽滿，這裡的甲殼類海鮮都是在缸中養著即叫即處理，所以特別新鮮，湯底也是比預

上網搵到一間好多好評既日料店 , 同朋友咁岩去 cwb 就順便黎食個 lunch , 估唔到咁高質先黎每人一碗茶碗蒸 , 好香滑 , 熱辣辣暖胃首先好耐冇食 shabushabu 所以揀左個特上至尊鍋 - 黑豚肉 和 美國牛肉 配特選串燒兩款湯底揀左鮮濃鱲魚湯 , 奶白既湯底魚香鮮濃 , 唔腥得黎好香甜 , 配上蔬菜落去煮更加入味好食 , 而黑豚肉同牛肉唔洗講當然用料高級 , 肉質軟腍得黎好鮮嫩 , 最特別係食完之後店員會將蟹膏蟹籽同粥撈埋入去個魚湯底一齊煮 , 再加埋蛋黃 , 睇見都已經流口水 , 粥底煮得好軟綿 , 份量仲要好足 . 每人食到兩大碗 . 勁抵食 , 呢個鍋再配上串燒兩款 , 超豐盛另外午市套餐 串燒盛 (六串配烏冬)汁燒大蔥雞肉 , 汁燒雞頸肉 , 汁燒雞腿肉 , 鹽燒雞軟骨 , 鹽燒雞翼 , 冬菇串 , 全部即叫即燒 , 燒得好香好好味海鹽雪糕 & 榛子雪糕最後仲有甜品 , 可以解下肉類的油膩感 , 榛子雪糕好好食 , 軟綿綿又好香甜

首先地方超方便，銅鑼灣F1出口，左手邊華御結斜對面，就到亨利中心。地方光亮而乾淨，坐得舒服，好岩同一班好朋友，坐低傾吓偈，飲吓嘢。食材產品新鮮，特別係魚生海膽 刺身瀨尿蝦天婦羅一流因為係廚師發辦 ，唔需要擔心當晚食咩好😌每款食物都高質素，配搭都好岩味道👍🏻每款食物都感受到厨師既用心製作。職員都會好細心提示食物食用配搭先後，亦好細心觀察客人有否需要幫忙地方☺️俾客人感覺好有親和感😊

睇社交媒體網站介紹佐呢間餐廳，晚上就同朋友一齊去食 。環境乾淨，又吾會好嘈吵 。我地叫左個前菜「明太子沙律」，開胃菜好好味 。之後「象拔蚌刺身」「和牛海膽卷」 真係好鮮甜，超值 。跟手我地再叫左啲串燒 -「牛舌」真係又厚又彈🤤🤤「免治雞肉棒」燒得剛剛好 。之後再黎個招牌日式火鍋和串燒～鹿兒島A 4和牛西冷店員會好好咁幫你掉晒啲野落去烚吓烚吓，和牛真係入口即溶🤤🤤其實我哋一開頭落晒單，佢哋上菜都係有次序咁幫我哋上唔會搞到我哋成枱都係，食完一樣再上 。之後再食埋開心果雪榚，滿足了🤤🤤

真心推介！一間好有心機做、食物又好味嘅餐廳個日食咗2人餐及不少一品料理當中個豬膶串驚艷到我！師傅將一副鮮豬膶切出邊邊部分（其餘唔要架喇）燒完出嚟勁嫩滑、無腥！連平日唔太食內臟的他都話好好味！😋.海膽蝦膏燒蝦超鮮香！蝦又多肉鮮甜。燒蠔勁好食！🦪脹卜卜肥美多汁燒到外層焦香而中間好juicy👍🏻👍🏻魚鮫又係～皮脆肉滑好好味！芝士魚餅用醬汁燒香 一咬流出芝士🤤.2人餐當中嘅赤貝刺身好爽口新鮮用鯛魚奶白湯烏冬真係用魚去熬製 好純粹嘅魚甜味我將佢一飲至盡～🩵.串燒燒物都好有水盡吖～ 仲有個蔬菜餅天婦羅蔬菜夾雜薯條 炸完超好食😋.🩷真心推介！🩷

呢度叫明道，佢哋嘅設計好日式木質風格，除咗普通嘅餐桌，仲有個吧枱同埋一間獨立房。如果你喺銅鑼灣附近做嘢，想同同事食 Welcome / Farewell Lunch，或者開 Lunch Meeting 都好適合嚟呢度，環境舒適又可以坐得舒舒服服。仲有我諗明道嘅老闆一定係 Molly 嘅粉絲 👩🏻‍🚀 佢哋有個幾抵嘅午市套餐優惠 #買4送1！你可以揀蒸蛋、麵豉湯、主食、飲品或者雪糕，價錢由 $158- $368 不等。先講下前菜，茶碗蒸蛋滑嫩，蛋香味濃，裡面仲有冬菇、雞肉同白果等，味道豐富 🥚🍄 海鹽活鰻魚飯 $268 用鹽燒法煮嘅鰻魚幾有特色！雖然鰻魚燒得比較乾身，但食落彈牙，而且冇咩魚骨，配埋珍珠飯同紫菜絲，味道可以 🍚🐟🔥 銀鱈魚西京燒配飯 $198 銀鱈魚經過白味噌、酒同味醂調味，肉質香甜又嫩滑，而且無骨，夾起嚟都唔易散開，配埋西京燒汁同埋沙律醬，開胃又 #好食！佢哋嘅套餐仲送一碗熱辣辣嘅麵豉湯，唔會太鹹，味道啱啱好！最後，仲有冰凍嘅雪糕，嗰日係榛子咖啡同雲尼拿口味！咖啡香味濃郁，甜度適中，好啱依家炎夏食 🍦☕

銅鑼灣真係一個美食天堂，無論想食咩菜食都有好多選擇，特別係日本野！最近同朋友去咗呢間專食串燒同埋火鍋嘅餐廳。聽講呢到嘅串燒好出色，我地先點咗多款串燒。厚燒牛舌，超爽口，食得好滋味！鹽燒鰻魚，燒得啱啱好，鰻魚好多汁，又夠彈牙。汁燒免治雞肉棒，點落蛋黃到食，非常好味！蛋香十足，免治雞好多汁，燒得好香。汁燒雞肝又係令人回味無窮，軟嫩嘅雞肝入口即溶，好食！鹽燒雞皮，同鹽燒七里香都燒得好香口，雞皮超脆口，七里香更係充滿油香，美味至極！另外點了「雅」火鍋套餐，包括時令海鮮五款、廚師推介日本牛肉三款及自家製粥底。海鮮上桌非常大盤，賣相好吸引。整體海鮮都好新鮮，鮑魚好爽彈，蠔肉同帶子都好鮮甜。牛肉方面，三款都油花分佈好平均，脂香十足。最後店員幫我地整埋個粥底，勁正！吸盡海鮮同埋牛肉嘅精華，yummy yummy ！爽口

最近發現銅鑼灣呢間有好味牛腸鍋食，之前喺日本食過已愛上，餐廳環境都幾大幾舒適，以木系為主先嚟蟹膏龍蝦，係用上新鮮龍蝦起肉，再加入蟹膏去炒，濃厚蟹膏味非常邪惡，需龍蝦好新鮮夠哂爽口彈牙牛腸鍋用嘅牛腸夠哂肥美，最緊要洗得好乾淨好放心咁食，而湯底裡面除咗牛腸外，仲有豆腐、蘿蔔、菇菌及韭菜等，整體非常美味，仲有少少香辣味道雅-海鮮和牛鍋物，係用上數款肥美和牛，在鱲魚湯恰一陣就食得，入口嫩滑滿滿和牛脂香，另外呢個鍋會有5款海鮮，鮑魚及海蝦非常新鮮又夠爽口彈牙，帶子及蜆肉都好鮮甜，不得不大讚最後嘅粥底，由店員代勞去煮，成個粥好綿密，充滿海鮮甜味及和牛肉香，簡直好味到癲

天氣極度炎熱，行行吓街都熱到好似游完水咁，最岩就搵返間店坐下飲下野chill 下。咁就搵到銅鑼灣既居酒屋，有串燒有火鍋有酒飲，咁樣先有返生活既模樣。呢度環境整潔，冷氣充足，夏天條街三十幾度都唔覺熱。一開波就梗係叫返杯冰凍既啤酒同串燒先啦燒青椒 - 唔係尖椒，所以唔辣既，好清新好開胃燒雞肝 - 味道香濃，口感特別厚切牛舌 - 燒完都仲咁厚，仲要爆晒汁燒雞腎 - 大大粒，十分惹味燒鱔啖啖肉，外層好脆，魚肉又好爽口食完串燒就梗係到主菜Shabu shabu啦樣樣海鮮都係即叫即切，勁新鮮！有蠔，蝦，帶子，鮑魚同埋大蜆，隻隻size 十足，冇渣流灘！蠔熟左都好大隻，好鮮甜。和牛雪花超靚！煮完配上芝麻醬味道更加豐富加上濃郁既牛味配搭，係炎炎夏日都會冇咁膩。最開心係食完火鍋仲會用返個湯底黎做返個粥，本身就吸晒啲海鮮同和牛既精華，勁鮮甜。

放假同爸爸出去銅鑼灣行街順便食LUNCH ❤️佢話想食日本野，上網搵到呢間明道✨午市套餐定食都有頗多選擇，價錢又合理，一於兩個人去撐枱腳試吓先💁🏻‍♀️💁🏻‍♀️前菜有🔹茶碗蒸🥚口感極致滑嫩，蛋香十足，小小一口滑嫩鮮味🥳🔹海鹽活鰻魚飯爸爸一見到鰻魚飯就即刻心心眼話要試！一試之下果然高質！新鮮活鰻魚咬落特別Q彈，帶飽滿脂肪，肥腴度恰好～用鹽燒製法保有鮮美多汁口感，帶出鰻魚原味道，肉質鮮嫩又飽滿😻 😻🔹銀鱈魚西京燒配飯經白味噌、酒、味醂等調味醃製後魚肉特別香甜，肉嫩骨少，含油量較高，一梳梳魚肉入口即化，油脂豐厚又多汁，好快就比我清咗成碗飯🎊套餐附送熱辣辣🔹麵豉湯，鹹鹹甜甜相當滋味💋最後仲有冰凍🔹雪糕，是日口味係榛子同咖啡，甜度適中，岩哂而家炎炎夏日食用，舒爽透心涼🍦明道✨📍銅鑼灣恩平道42號亨利中心7樓

一直想試下食OMAKASE，唔係太食生嘢嘅我，俾我搵到一間可以揀全熟😍😍，上到去店內環境乾淨寬敞舒適，服務非常好，會幫我keep住枱面乾淨，shabu shabu全程幫我哋淥埋，可以同朋友慢慢傾偈，食嘢。食過咁多間呢間真係最抵食，因為食物質素非常高質，用心製作，食材新鮮，味道唔會過鹹過淡海膽👍🏻蟹膏炒龍蝦👍🏻臘魚湯底勁鮮甜❤️甜品亦有驚喜今日係超濃厚抹茶牛乳奶凍😍😍仲有我最鍾意嘅開心果味雪糕😍😍😍

銅鑼灣亨利中心有唔少優質餐廳，呢日朋友揀咗呢間日式餐廳。餐廳走日式木系風格，佈置雅緻。除一般餐枱外，亦有吧枱，更有一間獨立房，環境相當舒適。午餐有多款套餐選擇，套餐包括蒸蛋、麵豉湯、主食、餐飲或雪糕，價錢由$158- $368不等。日式蒸蛋 - 首先要讚吓佢上枱夠晒熱辣辣，蛋蒸得非常滑溜，入面有白果、蟹柳同埋冬菇，味道相當唔錯。海鹽或汁燒活鰻魚飯 （$268）- 店員推介下，我哋揀咗海鹽燒活鰻魚飯。呢個鰻魚飯非常有驚喜，鰻魚燒得非常香脆，加埋海鹽調味，味道好有層次。鍾意食鰻魚嘅朋友，一定要試吓。銀鱈魚西京燒（$198）- 銀鱈魚燒得好香，肉質鮮嫩好味，點埋醬料一齊食，好開胃好味嘅一餐。雪糕可點開心果或咖啡味，我哋點咗開心果味，入口帶濃濃開心果味，質地軟滑。餐廳環境舒適，座位闊落，食物質素相當高，價錢合理，啱晒同朋友傾偈食飯，值得推介。

週末同朋友去銅鑼灣逛街，想食日本菜就去明道。裝潢以日式木系簡約設計週末也有午市套餐，還有4送1的優惠。套餐有蒸蛋、主食、麵豉湯及甜品。蒸蛋嫩滑有蛋香味，內有冬菇、銀杏、蟹柳等材料。銀鱈魚西京燒（配飯） $198銀鱈魚燒得好靚，魚肉好嫩滑，西京燒汁味道帶甜相當美味。旁邊的椰菜絲新鮮爽口，配沙律醬一流。串燒盛6串+烏冬 $158串燒有冬菇、嫩滑的雞肉、香口雞軟肉，燒得剛好。另外3串有牛味香濃的和牛、香脆的雞翼入味嫩滑的雞柳串燒烏冬入口好滑身甜品是雲呢拿及芝麻雪糕，雲呢拿有雲呢拿籽好高質，雪糕好滑好香，很不錯。

貼地日本菜，Set Dinner唔限2位起叫！叫一個Set再單點都得厚燒牛舌 $88、鹽燒鰻魚 $88、芝士魚餅 $78我哋叫咗一個「道」Set Dinner再加單點串燒、炸物等，可以試多啲唔同嘅嘢！串燒可以話係呢到必點，厚燒牛舌十分爽脆，鹽燒白鰻魚嘅魚皮燒得香脆，一啲油膩感都無，同時食到鰻魚香。炸明太子魷魚 $150、特色炸茄子 $68炸明太子魷魚🦑特色炸茄子🍆 同好特別，同樣都用咗紫蘇葉提香，仲包左紫菜，酥脆感再提升，呢2款都勁推😍清酒煮大蜆 $108仲有清酒煮大蜆好清甜，清酒味烹煮後無揮發得太多，同樣必食！ 「道」Set Dinner $880/位- 包括：日式小食、日本雞肝醬薄脆、⁠日本活北寄貝刺身、鹽燒雞皮、⁠汁燒雞頸肉、燒吞拿魚下巴、⁠鹽燒和牛串或神戶黑豚柳串、⁠自家製免治雞肉棒、日式雜菜餅天婦羅、⁠鐵板蟹膏炒大蝦或鮑魚、鮮鯛魚濃湯稻庭烏冬及⁠日本雪糕至於「道」Set Dinner 包12道菜，前菜有雞肝醬多士配上飛魚籽及魚子醬，對於本身唔太食內臟嘅我嚟講，味道都容易接受，又唔覺太膩。活北寄貝刺身十分新鮮，係當日下午五點多才到貨（我哋7點半到訪），先沾醬油再加少許Wasab

今日放假，同朋友去銅鑼灣食日本菜。餐廳環境好乾淨企理，而且裝潢都好有日本簡約風格。我們簡左lunch set ，包茶碗蒸，主食，味噌湯同埋甜品或者餐飲。茶碗蒸蛋十分滑，滑既程度係一擺入口都未咬得切，佢就滑左去食道!蛋應該用左高湯去蒸，所以食落好夠味，亦都有種清甜既味道。主食 - 日式豚肉生薑燒配飯份量好足夠，洋蔥都好甜! 豚肉片吸曬汁好好食。整體醬汁既味道甜甜地，配埋薑味就減低油膩既感覺。特別係夏天，咁悶熱既天氣，生薑既味仲增強食欲 。主食 – 滑蛋吉列黑豚飯蛋真係好滑，仲有D蔬菜係入面，感覺好有營養。吉列黑豚唔會皮肉分離，炸得剛好，外皮仲包住D滑蛋，醬汁帶甜，撈飯食都好正。甜品今日甜品係芒果雪糕，好岩夏天食，透心涼! 整體食物質素高，而且服務都好好，會再次黎食。