曾記粿品

Open Now

Now Closed

最近上榜的新面孔見有曾記這個名字, 滿懷希望的去食好野可幸的, 係今次的希望得到了引證, 買回來的韮菜粿百折不扣係一樣美食, 在網上已經看了食友之形容, 其實都略略知道係咩, 不過估唔到原來平時無咩點食的韮菜可以做出如斯好味的小品, 有點始料未及呢!粿品咸的有六至七款, 我只係試韮菜同芋頭, 兩者之中韮菜比較優勝, 可能芋頭本身的質地問題, 有少少乾啃的感覺, 但味道都係好! 韮菜入面比較濕, 易入口!食完仲買一打返去自己煎嚟食!

尋晚因為相公接了一份小外快, 要到上環影相, 去前要食少少野先, 出去前緊係要做定功課啦...我地尋晚去到曾記都6點了, 佢地唔係得返好多款既裸, 我地2個要了:韮菜裸 x 1 - 很香, 很多韮菜~椰菜祼 x 1 - 很多椰菜, 但味道較淡花生裸 x 1 - 只係有幾粒花生...都可以...甜綠豆蓉裸 x 1 - 很香綠豆味, 唔太甜, 我鐘意啊~有時令既裸, 如荀裸 & 甜紅豆裸, 可惜我地去到已賣晒....無緣試... 希望下次可以試到啦~

這間叫曾記的還是第一次去, 很少到上環一帶覓食, 自己主要在銅鑼灣食野, 如果唔係openrice的話, 根本不會認識此店很多人讚好的潮州粿點, 究竟係咩味道, 我都好想知, 於是買了半打九菜粿跟半打筍粿食! 三個人一人食四隻, 因為其實佢size 唔係好大, 直徑三吋倒, 煎香左先食, 味道真的不差, 九菜粿比筍粿更好味, 因為筍粿d皮厚得多, 就算煎左, 都唔夠脆, 無咁好食!果然無介紹錯, 一隻3.5元, 可以話又平又正!

今日到了新上榜的曾記食, 試試大家讚好的潮州小吃"三件九菜果吖唔該", "煎埋" 買完便找位坐, 只係曾記得兩張專用枱, 用其他舖的枱都要俾人趕, 可惡, 呢個美食中心的管理真係好差雖然俾隔離舖激親, 但好彩個九菜果真係好好味, 食家們無介紹錯! `不過.. 原來三隻係唔夠食架, 所以要去隔離買餃子食lu, 因為唔想食同樣的食物太多呢

想起上環的潮州食檔, 老遠又去食一次款式有咸有甜, 咸的除筍之外一律三個半, 甜的就四蚊個, 唔知點解, 咸, 甜, 一樣咁大個, 但係會貴五毫, 不過點都好, 都係平吃了兩個椰菜跟兩個蘿白, 這個小糕點最引人之處, 係煎的時候用上豬油, 不信可以試試買個回家但用花生, 粟米, 又或者芥花子油煎, 一定無現場咁好食, 蔡瀾講得啱, 豬油的確有佢可愛的地方, 這又是一例證!老友愛吃韮菜, 但這個不是我杯茶, 味道有點似草, 還是吃蘿白好

or的榜上, 發現這間冒起得很快, 於是就去試食去到熟食廣場上面, 有點混亂, 因為原來唔係張張枱都可以坐的, 每張枱都有"專人"打理, 連聲sorry 之下, 坐番去曾記張枱, 就叫了韮菜粿, 芋頭粿同蘿白粿每款兩件食, 因為見其他人講一個人可以食三隻以上, 所以兩個人食六隻就剛好啦不過原來size都幾大隻, 味道十分之好, 韮菜係最好食的一種, 煎到脆卜卜, 有豬油的香味, 芋頭就無咁好食, 入面的芋頭切成一粒粒, 如果再細粒少少就perfect! 蘿白係白蘿白, 切成絲來包粿, 味道都唔錯價錢都好平, 三個幾至六蚊一件, 經濟又美味, 值得大家嚟試食

之前睇食評,見太多人讚喇,所以忍唔住好遠都要去買黎試下,(我住大埔架,返工就喺旺角)我乜都要左啲..咸o既有:韮菜,蘿蔔,糯米,芋頭!甜o既就要左:紅豆,黑桃,緣豆蓉,芋泥!另外重有炒糕粿!(我屋企人多,買埋佢地果份)我就食左韮菜:幾好味丫,外脆內軟,同埋裡面有好多汁,唔會乾淨淨! 芋頭:咸咸地,有啲花生喺裡面,我就鍾意食!(不過我覺得唔係人人都鍾意) 蘿蔔:唔錯,幾香!! 甜: 紅豆:好味呀,有好多紅豆,軟錦錦! 緣豆蓉:都幾甜,幾溜,好香口!(鍾意甜食o既朋友會鍾意) 黑桃:都好好味!至於糯米我見我叔叔食左三份二就唔要,唔知係咪太滯呢?芋泥就我阿姨食,應該都唔差,我見佢食得幾滋味!反而令我有啲失望係個榚粿,我真係抱住個期望去試,點知真係覺得好普通,而且無咩味道,淡得滯!我媽咪都話麻麻地!佢俾o既辣椒醬都係一般o既豆瓣醬,普普通通!!

個食評其實係笑同ok 之間做決定, 因為覺得佢地個服務只係一般..不過, 考慮到個韮菜果的味道實在係好, 於是都係俾個笑臉, 唔推介俾大家好似好可惜咁服務唔夠好係因為買左半打拎走, 三個現場食, 現場食完之後發覺唔夠, 因為太好食了, 於是叫阿姐同我煎多兩件, 點知阿姐就講一係煎哂, 一係唔煎, 結果成盒拎走的韮菜果就俾佢煎哂不過一隻三個幾, 平, 靚, 正! 美食當前, 個心都涼哂了, 算吧, 六師弟!

上星期六同朋友上去曾記買韮菜粿食, 要推介推介先得因為實在太好食喇, 韮菜粿煎到香噴噴, 我同個friend 叫左八隻食, 一人食左四隻, 食到lam 哂脷, 實在太美味, 而且一隻只賣三個半, 兩個人三十蚊都唔使, 十分超值食完仲買左一打番屋企, 不過如果你地買記得同佢攞埋辣椒醬先好食架呢

不知為何隔幾個星期就會想去一次曾記買韮菜粿食, 在九龍城街市側邊條街都有得賣, 但味道都係唔夠好!今次買左一隻筍粿同三隻韮菜即場同老公食, 筍粿六蚊一隻, 韮菜好似四蚊一隻! 筍粿入面好多切到細細粒的筍, 味道ok, 不過個粿皮比較厚, 好似無韮菜咁好食, 但係都唔差韮菜唔使多講, 煎到卜卜脆, 哈, 唔知點解上次自己攞番屋企煎好似無咁香同咁好食? 可能係d油唔同掛! 不過都係比佢煎埋即場食好過, 反正唔使加錢!佢真係好好食呀

上次去皇后街熟食市場食過, 覺得味道唔錯, 今次再去, 可惜陳春記居然無開門 反而上次無開的曾記就有開, 食家們都大讚過, 於是就食呢檔糕點都係預先做好等人選購, 有蘿蔔, 韮菜, 筍, 芋頭幾款, 買左半打韮菜食, 阿姐問使唔使煎, 我就梗係要啦, 唔熱點食播, 原來佢以為我買外賣.....韮菜粿煎到金黃色, 一個人已經食三隻, 韮菜粒有種好可口的味道, 少少的甜, 唔知係點整, 但係就好好食, 皮薄, 餡靚, 上次無食原來走大雞, 今次食番補數味道好, 令我更加想上嚟食野!

原來有好多好食的食物都可以在 FOODCOURT 食到三個半一個韮菜果, 超特級好食一買四個, 食完仲覺得唔夠咁, 點解?好食囉, 韮菜果個皮好脆, 仲有煙UN 的感覺, 入面的韮菜炒香左, 咬落有好好味的汁, 令人回味無窮食左一隻之後發現原來有辣椒醬點, 點左更好食, 不過有點辣一句到尾, 正呀

對於上環皇后街這個熟食中心, 因為工作的關係, 每日與我隔鄰相對而我第一次先聞其名的, 就是這間曾記由於是 "架ge 冷", 又喜歡吃 "粿"所以一定要試一試點解佢甘出名以我的品嘗試味, 我最喜愛仍是"九菜" 粿, 濃濃及豐滿的九菜, 很香及juicy,而且皮薄, 一點不油膩且佢優勝之處: 是夠新鮮( 因為多人買)但當你買的時候是放涼了的,我建議不要立刻吃, 否則你不會覺得它很美味熱騰騰時及煎過才好吃但我略歉佢幫你煎就用太過多油自己回家煎就最好其他仍有數款潮州特色食品水瓜烙、炒麵線、湯粿都是很特色, 在其他地方已絕少吃到那麼的傳統所以不論是否 "架 ge 冷"也值得一嘗那潮味!順便一說, 在曾記隔離有間尼泊爾餐廳我覺得都幾好食, 因我喜歡香料及spicy餐盤是一個長方的鐵盤, 有幾格有一些開胃小菜及dressing配埋加哩飯或nana(薄餅), 味道好夾令人吃得開懷

去了皇后街熟食街市，吃了一頓不太滿意的晚餐，打算離開的時侯，見到這售賣潮式小吃的老店，除應節地掛著大堆粽子，附近也預備一大盤古怪的餡料，好奇之下，也就買了一隻。自來粽的餡料，不是鹹味，就是甜味，偏偏這裡的潮式粽子，包含著兩款極端味道的餡料，有點卡通片「鐵甲萬能俠」入面的修羅男爵一般。其實這也反映潮州菜系「鹹甜相間」的特色，否則就不會出現糖醋麵這種食品。說回這隻粽，蒸熟後中間剖開，一面是滲了豬油的豆沙，另一面則有冬菇、肥肉和粟子，面對這兩種味道，當然可以分開來開，但混起來吃的話，確有一股難以形容的味道，個人覺得甚為不錯，起碼未品嚐過的，值得試一次。特別一提的是，其糯米不知用甚麼調味料醃過，其實即使沒配上任何餡料，這糯米的香味，已經是一道開胃的東西；說實話，可能久未吃粽，吃完也不覺十分飽滯。廿四元一集，有興趣的，途經那裡可以找尋，當然各款潮式粿品，亦不可錯過。

根據朋友的提議, 到了西環食潮州餸去這個叫做皇后街熟食市場的地方最近都有些朋友提起, 說有不少有質素的食店經營, 一呼百應, 都多了人嚟食, 午飯時間全場爆滿, 害得我同朋友要搭枱而坐先到了曾記買東西食, 朋友買了幾件九菜粿, 但我不喜歡食九菜, 反而對這個炒年糕有點興趣!材料很簡單, 沒有什麼肉類可言, 只有雞蛋, 九菜, 年糕, 用醬油炒香而成, 味道唔錯, 熱辣辣的年糕讓我吃了一件又一件值得一提係朋友對個九菜粿讚不絕口, 雖然我不懂欣賞!