曾記粿品

Open Now

Now Closed

潮州妹又出動...今次跟爸媽黎到上環...想試左好耐ga la, 不過之前佢地黎次次都無我份成為雙失梗係要跟住佢地痴飲痴食...0係陳春記叫左個中豬雜湯...好失望呀...(另文)0係曾記就叫左兩個韮菜粿, 一個糯米粿, 一個芋頭粿, 蠔餅&水瓜烙各一...幫我地寫野個姐姐好好咁提議我地唔好要蠔餅同水瓜烙各一因為兩樣野差唔多, 佢建議我地試第二樣...嘻...我地身為潮州人點會唔識呢, 不過想兩樣都試呀!其他炒糕粿同埋粿什下次再試啦...曾記既粿出名好食就唔在講, 真係好少食到咁地道既潮州野不過估唔到佢d 蠔餅同水瓜烙一樣咁出色! 韮菜粿真係香到不得了...陣皮又軟又糯...好正!糯米粿入面咪糯米囉...好香ga...塊皮煎到碎卜卜...芋頭粿d 涵都好靚...可惜我唔鍾意食芋頭...蠔餅同水瓜烙真係用薯粉去煎...好有細個屋企食既風味薄薄地...唔錯唔錯, 唔似而家一般既蠔餅厚dup dup厚得黎全部都係面粉, 只有少量鴨蛋同薯粉...蠔餅充滿左鴨蛋同薯粉...yum yum yum~~~水瓜烙水份充足, 唔似上次創發咁乾爭爭...好難食呢度仲要除左水瓜仲有蝦同肉絲...好好味啊不過

真的是專程走來食的韮菜粿$3.5 ~ 其實韮菜不算多,但勝在煎得軟糯,不會糊成一團筍粿$6 ~ 沒有平時D筍一陣味,餅內還有其他粒粒,我估是蘿蔔粒,東菇粒等黑桃粿 ~ 軟撻撻的，加上太甜，感覺不大好。

因為想下午食頹o的，自個兒行兩個字，去了試o下咁多人話好o既皇后街熟食中心的曾記粿品要了$20 的粿什濃濃的湯但不是味精，也不令人口乾。除了"粿皮"外，仲有o的腩仔、豆卜、爆蒜，非常惹味但佢只得兩桌係自己o既，多o的人就唔慌有位，整體上係一個好細o既熟食中心同桌的人叫了鮮蝦水瓜烙，好似都好正咁我諗有無位坐真係運氣，但如果你食其他o既店都可以叫佢o既o野再拎過o黎

筆者小時候父母已經常帶我們去曾記吃炒糕粿，後來由於要收地起樓，父母不知曾記遷往哪裡，已好久沒有吃過曾記，但仍然懷念那種原始的味道。最近知道曾記於皇后街熟食中心經營，因此特別請假於平日幫襯。炒糕粿味道好像跟記憶中的遜色一點，可能與雞蛋加得唔夠有關，而且譋味亦好像差了一點味道，不知是否跟筆者已長大有關。炒糕粿有點似炒蘿蔔糕嘅味道，，不過仍值得一試。除了炒糕粿外，還叫了椰菜粿、韮菜粿及芋頭粿。只有椰菜粿較好吃，韮菜粿跟芋頭粿沒有特別之處。但服務不行，本來還想加兩個荳莎粿，但伙記話廚房唔肯加單，叫我就咁要兩個唔煎嘅，話仲建康d咁話。筆者見所有來買外賣的人客都被伙記勸喻自已拿回家煎因為起碼要等成個鐘咁話。筆者十分奇怪，食飯時間來買外賣的人客多是打工仔，食飯時間只得一個鐘，如果可以自已煎就唔駛幫襯食肆啦?就服務水平來說，曾記人手已經老化，而且不擅經營，仍然懷著露天走鬼檔口的心態，如果真係想試的人士，千奇唔好食飯人多嘅時候去。

因為我一家人都係潮州人,所以都愛吃潮州野,有時會落九龍城創發食!今次就去西環,喺皇后街熟食市場入面,有幾檔賣潮州食物既舖頭都係好好味!!買左陳春記既細豬什湯(另文),另外幫襯左曾記既韮菜果添呀,買左兩隻食,煎得好香,好好食,臨走仲買左三隻韮菜同三隻羅白俾媽媽食,等佢開心吓!

難得來到這區。吃完科記，怎肯就此罷休 ? 順步走進皇后街，吃一吃曾記的潮州粿...韮菜、蘿蔔、筍、鼠殼粿....甜的、鹹的，應有盡有。但胃只得一個，又剛剛吃了豬扒飯，怎辦 ?堂食最少要叫三個。對甜粿興趣不大，就要韮菜及蘿蔔...煎得香香的，表皮還有一點脆；一嗅，是下了豬油煎的，大樂；皮比想像的薄，夠煙韌，非常出色。韮菜餡份量澎湃，蘿蔔絲亦然，不過蝦米粒下得不多，不然會更香口....可說是全港有數出色的潮粿了....

端午節前諗住去試, 點知佢地果段時間只包潮州粽; 端午後再去, 佢地又放大假!! 直到今個星期一又再闖上去, 今次終於都有開喇~~呢間店除左賣粿之外, 仲有其他潮州小食, 例如蠔烙, 炒糕粿, 粿什, 同埋潮式糖水。唔知係咪星期日經蔡瀾嚮節目到介一介紹, 炒糕粿同椰菜粿一早賣哂, 於是試其他野, 每種粿都買來一試。最好味係老闆娘推介既韮菜粿, D韮菜夠稔夠香; 蘿蔔粿都好, 不過淡左D; 有一種餡料係芋頭混花生, 帶少少五香粉味, 初初食覺得怪怪地, 不過愈食愈好味!! 咁多種粿入面比較失色係糯米粿, 比較乾同硬。個人比較喜歡佢地既甜粿, 試左紅豆, 綠豆及芋泥饀。甜粿同咸粿唔同, 用左糯米做皮, 因此口感比較黏糯, 粿底亦舖左腐皮防痴底。去到果陣岩岩出爐, 老闆娘仲好貼心咁同我用膠袋分隔開一個個, 如果唔係就會痴埋一團架喇!! 最好食係紅豆, 餡料係靚野, 有種好特別既紅豆香~~~個人最喜歡係佢地既粿雜!! 粿什係好傳統既潮州小食, 係卤水湯汁, 加上豬肉, 豬雜, 豆卜加 粿片, 嚮香港真係從來未食過, 反而泰國就有!! 幾年前嚮泰國食過一次簡直係驚為天人, 估唔到嚮香港都食得到

之前看過有前輩介紹,於是趁落開上環交收股票到此一遊!但原來都幾難搵架上到去,發覺d枱係共用,揀左一張比較近曾記粿品既枱坐低左,叫左兩件韮菜同一件蘿蔔食,皮煎得好香,辣椒醬咸咸地好好食,d韮菜應該有用豉油炒過,所以好有味,蘿蔔粿就比韮菜粿爽口,一樣美味!十蚊五角食到飽,又好食又抵食

因為我係潮州人,所以好想食到好吃的潮州食物貢到上環海味街,自不然又上嚟熟食中心吃潮州野,這裡的店子很多都是以前潮州巷搬過來,當時的年輕小伙子如今都變了中坑,真是歲月不饒人說回食物,今次點了兩隻韮菜粿跟一碟炒糕粿,韮菜粿煎得金黃,咬落脆口的外皮給我無限滋味,點辣椒醬吃更是錦上添花!炒糕粿不夠甜,跟以前味道有少少分別潮州的(嫁己冷),不要錯過!

除左豬什湯之外,仲嚟左曾記買左碟炒糕粿食炒糕粿其實只係麵粉做的條狀東西,加入九菜,旦,用醬油炒而成,味道有點似蘿蔔糕,但沒有蘿蔔的味道這碟炒糕粿,味道幾好,有獲氣,醬油味道不錯,帶點甜,愈深色的愈好味,因為黏上的醬油較多,味道重d,可惜的是如果旦多一些會更好食

承上篇食篇，同日與友離開勝香園後，意猶未盡下，天寒地凍徒步走到上環，吃兩口正宗潮洲煎粿品，朋友要了兩個甜的，筆者則要了兩個咸的：一個蘿蔔、一個韮菜，溫暖窩心也。不過，味道依舊但每件已加價 $0.5 至 $3.5 了 。P.S. 飲品自攜，此小店並沒有飲品售賣的。

4 月26日下午，專誠去試吓曾記粿品，要了三個粿煎，一個蘿蔔、一個韮菜，一個芋泥；粿煎皮煎得脆，但皮太厚及硬身，頗油膩，不如想像般脆薄。韮菜很香，但餡料太小，如果韮菜能夠再多些會更好。蘿蔔絲餡料很足夠，但味道較淡，沒什麼特別。芋泥最好吃，清甜不膩，粿皮和芋泥口感很夾。未試過蒸的，可能用蒸的，皮的口感會變得更薄和軟熟。是特色小食，但感覺並非非吃不可。接著試了一碗綠豆邊白果清心丸糖水，餡料很多，但似乎下了太多庶糖，糖水底有點杰和膩，太甜；勉強吃完。可能粿煎對於我的腸胃來說，是太油膩了，回程時腸胃開始不舒服，中途要在中環下車找 washroom。

粿種類夠多, 好味! 粿既潮州話係"gwair"綠豆邊白果清心圓就甜左少少.

之前見到cable介紹過,都好想嚟食吓佢d潮州糕品,終於有機會食到,因為其實我平時比較少去上環!我食左一個韮菜,一個芋頭,個粿煎到個皮脆卜卜,味道幾好,點辣椒醬食好正!兩個粿我鍾意芋頭多少少,因為韮菜口感好似比較臭青,芋頭就無咁既問題!個熟食中心仲有好多潮州野食,價錢都唔貴,而且都幾乾淨!

上嚟熟食中心買出名既九菜果同埋炒糕果,上次喺有線介紹過,已經想試!買左十隻返屋企食,叮左三隻,煎左七隻,煎既好似好食好多,我自己喺屋企煎,煎到有少少燶,味道好好!叮既就原味好多,九菜味好突出!炒糕果味道有d似蘿蔔糕,點辣椒醬好好食!