村爺爺車仔麵 (Moved) New Location

聽到有龍蝦湯㡳的車仔麵，這種平民與高級食法的結合，當然好奇去試下。首先要在門口點餐，跟著才入內找座位。但不用怕沒座位，因為店員很心水清的記著有幾多人在出面點餐，沒座位的話她會告訴你。門口牆身全是餐牌，要花些眼力才行。看走了眼就錯過了好多美食啦。我就是沒留意到$58半隻龍蝦這個伊麵餐！不過我點的餐也很有水準啊！這是龍蝦湯底配油麵。很喜歡她加了沙律菜，感覺清新。而且承載著麵的碗也很西式簡约。喝一口龍蝦湯，龍蝦味很濃郁又不鹹，感覺沒有味精。油麵也彈牙滑溜。餸和麵是分開上的。我要了頂級蠔油冬菇，炸墨魚手指，蘿蔔，咖哩魚蛋。底下有滷水汁。蘿蔔很清甜多汁又大件，好好味！咖哩魚蛋算彈牙，好有咖哩味但不算辣。炸墨魚手指表層香囗，內層彈牙有不少粒粒墨魚，好有口感！冬菇肥美又腍，味道不錯但可以更入味少少。有三種醬料：沙嗲、麻辣、咖哩。我要了沙嗲，夠辣。其實食車仔麵加以上三種醬都一絕。之不過這碟餸已經不用加醬料去提升味道已經很好味，而龍蝦湯底我更想要原汁原味的品嚐。所以我沒加太多沙嗲，有點浪費了這惹味的醬料。枱面貼有食法，可以跟著試。同場加映對面枱的$58半隻龍蝦。原本是連湯連麵上。但店員額外多給一隻碟方便

返工放工都冇特別留意，原來呢度有間車仔麵，睇落去細細間，但見到牆上有好多雜誌報導，見到老闆年紀輕輕有咁多諗頭，加埋好多明星推薦，好似好勁咁。仲有 step 教你點樣嚐美食：先一囗品嚐湯的鮮味，再食自選餸菜，再倒入和牛油令美食升華。龍蝦湯加粗面嘅鹼水味至為美味並幾清爽，麺浸在龍蝦湯中更加好食，龍蝦湯鮮味濃郁，叫左個冬菇幾鮮味嫩滑，牛腩燜到軟硬適中，酥而不爛，味道香濃，都需要技巧，蘿蔔入味鮮甜冇腥味，加個新鮮菜心清清腸胃，最後湯底一啖不剩

永不淘汰的車仔麵，今次座落於油麻地，地鐵站A1 出口的村爺爺帶來新驚喜！ 遠望己有些人在店鋪外但我們等了一會兒便入座了！ 共有三款大餐（殿、極上-春/夏），主打就是特濃龍蝦麵！也少不了車仔麵懷舊餸，包括豬皮、大腸牛肋條等等。。。。。。 而且價錢又夠貼地，很吸引上菜後，又大又甜的龍蝦很快地便解開並放進口裡，肉新鮮且很多肉，連龍蝦湯一起吃後，口內的龍蝦味仍留在口中。而其他餸是分開放，這樣不會影響了本身湯的味道。不錯不錯！

新假x喺facebook賣廣告話佢啲湯係龍蝦煲幾十個鐘而成，我本身好鍾意食龍蝦伊麵，所以就試下。一黎到喺外面點左要咩麵咩餸之後就入去坐低等上菜，一入去好大陣龍蝦香味，令我更覺得個湯底會好香好鮮甜，等左一陣間，最令人期待既龍蝦伊麵就就黎啦，個賣相夠曬霸氣，但聞落龍蝦味唔夠，挾落去時已經有定心理準備……先飲一啖湯底，感覺冇咩味精，但就連龍蝦鮮味甜味都冇乜，個湯就係飲到8成伊麵味，2成龍蝦味……再食伊麵……用既伊麵同酒樓用伊麵冇分別，沾左啲湯再食就掛到dd龍蝦味上麵度（真係好dd既dd），都算好味嘅，但味道就偏向清淡，而非我想像中好似日本拉麵店《別天神》蝦味拉麵咁鮮甜咁香。餸方面叫左墨丸，魚蛋。墨丸佢寫係用真墨魚整，食落冇味精，但冇咩特別，唔覺特別彈牙。魚蛋一般，同埋唔知點解一定要係辣。最後食主角龍蝦，原來隻龍蝦似乎係成碗麵值咁貴既原因，龍蝦膏多，肉結實得黎彈牙，鮮味十足，成碗麵連埋啲餸原來最好食就係呢半隻龍蝦。總括而言，以58蚊黎講，呢碗麵最抵食只係呢半隻龍蝦，如果再黎會叫返普通餸，唔會再叫呢個gimmick野。

晚上跟朋友去食飯，經過呢間車仔麵好似唔錯就入去試下賣點係可連湯飲，原本想試響螺湯，但已賣完只剩豬骨湯了在門口揀麵揀餸再入去坐，入面都係四四方方的木枱木凳，幾有以前小店風味。麵除左一般選擇，比較特別有銀針粉同瀨粉。揀左4餸：牛肋條味道唔錯，軟腍腍幾好味，牛筋好入味，但略嫌切得大舊唔容易咬開，蘿蔔好大舊好清甜，推介，另外仲叫左青菜，加咖哩汁麵同餸分開上，呢點幾好，豬骨湯好清，真係可以飲，不過我的餸加左咖哩汁味道太濃太搶，唔加應該更好

今晚晚餐在油麻地的村爺爺車仔麵，我都好喜歡食拉麵，會經常晚餐去不同店食。店內環境舒服，一坐下就好想即刻叫野食，好有胃口，叫了一個豬骨湯拉麵，其實可自選好多不同配菜，真是花多眼亂，最後配麻辣汁、燒賣、蝦丸、芝士丸、雲吞、炸墨魚手指等。豬骨湯拉麵有秘製麻辣湯汁，雲吞食落好似食緊蝦，食炸墨魚手指充滿墨魚味，令人有食緊海鮮的感覺，真是食落好彈口美味，芝士丸有口感及符合我想食的芝士味，燒賣同蝦丸又都是我喜愛的車仔麵的食材，今餐食得很快又美味，加上美味的凍豆漿，令人食到飽飽。

自己一人食晚餐在油麻地的村爺爺車仔麵，豬骨湯拉麵配麻辣汁、燒賣、蝦丸、芝士丸、雲吞、炸墨魚手指等。拉麵有秘製麻辣湯汁，食炸墨魚手指覺得好香口脆口，充滿海鮮味，雲吞好大粒食落好彈牙。

呢度出名龍蝦車仔面，所以揀左龍蝦餐，感覺新鮮碗面有龍蝦半隻，龍蝦鮮味十足，龍蝦肉彈牙，肉質口感豐富，仲有龍蝦膏，好味餸選了豬大腸、鹵水雞翼、火雞腎、門鱔魚片頭太多餸可以選擇，眼花撩亂豬大腸好煙刃，口感十足，沒有豬味雞翼十分入味，鹵水香味十足，好入味，鹵水味不太咸又不太淡，不錯火雞腎好爽口，入味門鱔魚片頭我最喜歡，入口爽而彈牙，鮮甜無比面彈牙不太林，龍蝦湯底濃厚，不禁飲埋d湯另附的通菜，不會太老，咬落冇溠，新鮮爽口

每次經過油麻地呢間車仔麵都見到好多人食緊～今日都一樣，不過都只係等左一陣就好快有位～舖頭入面座位唔係好多～係門口點完餐～ 就可以入去坐定定等佢地送餐黎到你枱到～睇一睇佢地既餐牌，第一眼就比呢個「殿 龍蝦湯車仔麵餐」吸引左哇，好豐富～ 除左有半隻龍蝦之外⋯重可以揀兩個車仔麵既餸非常夠飽～而且最重點係個龍蝦湯底好濃既龍蝦味～食完個麵可以當湯咁飲埋～ 好滋味～唔洗怕食到隻手好污糟因為佢地會提供埋龍蝦鉗⋯叉同濕紙巾～都幾貼心

其實小時候媽媽lunch 喜歡帶我食車仔麵，漸漸也愛上了，傳統車仔麵雖然沒有高級環境沒有矜貴食材，但好開心每次都可以揀唔同嘅麵&餸！食極唔厭😆聽過村爺爺的龍蝦湯車仔麵好出名，今日終於有時間去食la！不過佢哋點菜係門口，都幾得意！豬血爽口唔易散。韭菜一種獨特的辛香氣味，味道香濃牛筋味道濃香撲鼻，肉質天然爽滑，嚼起來彈壓筋道，回彈力強，卻又綿軟滑嫰。雞腎甘香爽而不韌，整體都很不錯。雞翼尖入味。飲左個出名的龍蝦湯，又香又杰又濃，鮮味十足些許甜滋滋龍蝦味，很濃郁，清爽幼滑的口感是您絕對不能錯過的好味道。 加多個凍豆漿完全解渴！

之前有段時間要做物理治療, 總會經過油蔴地咸美頓街, 見到有間叫村爺爺車仔麵, 當初只係覺得個名好特別, 但車仔麺週圍都有, 無諗住幫襯。今日老公同朋友晚上有聚會, 唯有自己ㄧ個吃飯, 當苦惱食咩好既時候, 剛巧經過咸美頓街, 即刻想起村爺爺車仔麵。入内牆上掛滿村爺爺創辧人跟多位明星及客人合照, 及各雜誌推介村爺爺車仔麵食肆, 舖入姐姐見到我即刻上前招呼我, 示意我到點餐處, 點餐處那裏已列明各款食物, 包括經常係車仔麵檔食到既豬皮, 豬紅, 豬腸等等, 但這裡有其他車仔檔好少食到既炸墨魚手指, 火雞腎, 牛肋骨。麵類選擇除咗ㄧ般平時食開既米粉, 河粉, 油麵...之外, 仲有瀨粉, 銀針粉及手打烏冬, 最最最令我意外既係這裡有殿. 龍蝦湯車仔麺($68), 有半隻龍蝦, 自選兩款餸及特濃龍蝦湯伊麵(可改其他麵類), ㄧ見到這個, 已經流口水了。龍蝦超大隻, 有鮮紅色既羔, 勁爽口, 絶對無霉既部份, 食到蟹拑時, 用上D細心姐姐ㄧ早提供既蟹拑夾, 好輕易就取出蟹肉, 啖啖肉, 仲好味過酒店自助餐D龍蝦。我的自選兩款餸係炸墨魚手指及豬大腸, D姐姐好好, 翻炸墨魚手指, 口感外脆內軟,

今天途經油麻地附近又差不多午餐時段，於是便隨心的選了村爺爺車仔麵作午餐。車仔麵的好處是可以給你在茫茫的餸海中選出這餐裡你最想吃的餸菜，隨意的配搭雖然有時候會令我感到有選擇上的困難症，但如果當天目標清晰的話，其實唔難，就如今天的我。首先先在店外等了一會，讓繁忙的姐姐先忙完手頭上的工作後，便輪到我來選想要的配搭，於是我便以超極速的運轉選了生菜，南乳雞翼，牛肋條還有配上我最喜愛的麵食-粗麵，配合上以豬骨及秘方用上22小時淆制而成的湯底。揀好餸後便在這個麻雀雖少但五臟俱全的店內找到屬於我的位置並坐下。過了一會兒我選的車仔麵便來到我的面前了，豬骨湯湯底很夠味，清香中有著濃厚的豬骨味。粗麵麵條的軟硬度適中, 入口順暢，份量也算多值得一提的是店員們十分細心的把麵和餸菜分開上，所以即是叫了煎炸的類型都不會被湯浸淋。抵讚。牛肋條很入味，而且軟淋淋的，配上粗麵麵條吃著感覺不錯。酥炸的南乳雞翼，有著香噴噴的南乳味和熱辣辣的酥炸脆皮，吃下去口感沒有過份油膩，好好味！生菜也就是不過不失！再來了一罐可樂。總的來說是一間值得一試的車仔麵店！

午餐想食得簡單少少，被呢間車仔麵吸引左。有龍蝦湯底的車仔麵好少，所以一於試下。呢間餐廳的車仔麵是非一般的，湯底有豬骨湯底或龍蝦湯底。而麵方面則與其他車仔麵店一樣，但是在餸菜方面則不是，有很多特色的菜，如南乳雞翼、炸墨魚條、魚皮餃、牛筋條等都很特別。最後還有幾款醬汁可選擇，分別是咖哩汁、麻辣汁及沙嗲汁。先說說湯底，龍蝦湯是煲了22小時的，所以很入味，味道很濃。配搭著粗麵也很入味。平時食車仔麵的餸都不會分開上的，但這裡為保留餸的原味，所以是分開的。而最後的醬汁也不是混入湯中的，這樣可以保留所有食物我原味。

黎到油麻地又諗唔到食乜，就膽粗粗試下新野，見到Le 間人流多，就試試佢入到去坐底，見到好多雜誌電視介紹村爺先知道原來間野好出名。。。睇睇menu 先。。。見到龍蝦湯都幾多人叫，侍應向我地介紹話係用左20幾個鐘頭黎煲，所以決定一定要試一試。。。點左兩個餐：第一個：極上海鮮龍蝦湯泡飯嘩！上菜時，我同我朋友都嚇親，冇諗到一間小店會有成個龍蝦頭上菜而且重咁精緻睇睇個湯有咩先。。。我自己其實都幾怕西餐廳ge龍蝦湯，因為味道太濃，飲完會覺得好漏，但le個龍蝦湯味道好鮮甜，而且重有好多海鮮，飲曬成煲都唔會覺得太滯海鮮亦夠多又好新鮮材料並唔馬虎，以le個價錢可以食到咁樣ge質素，令我好喜出望外。。。第二個：鮮雞豬肚蟲草花湯Le個賣相就相對冇乜特別，但個湯底好有水準，要講講豬肚同雞，豬肚d d 都唔韌，雞夠滑又入曬味。。最後有一碟生菜同凍檸菜。。。總恬黎講以一個平民價錢又食到le個質素ge泡飯真係好難搵到而且真係好有水準，令我地食出驚喜。。。分享完畢🙇🏻‍♀️

你試過食車仔麵用龍蝦配搭嗎？位於油麻地有間村爺爺車仔麵， 這裡主打就是龍蝦車仔麵， 即刻帶朋友去潮食這個不用100的特大龍蝦我點了$68 元的殿車仔麵套餐， 有特大的波士頓龍蝦半隻， 自選配料兩款， 以及特濃的龍蝦湯& E 麵， 真的是性價比高呢！看到了龍蝦真是目定口呆， 比想像中大隻得多， 首先， 先嘗一口龍蝦湯底， 果然有濃厚的龍蝦湯味， 而且不"確"喉， 應該是真料實料， 沒有師父吧！ 接著要試一口龍蝦肉， 新鮮彈牙的， 鮮甜味美， 不容錯過呢！朋友點了3 送車仔麵， 豬紅， 雞翼尖 還有豬皮也很入味， 濃厚的豬骨湯底， 食得很滋味，但比我的龍蝦湯麵就失色不少， haha