村爺爺車仔麵 (Moved) New Location

車仔麵絕對是香港的特色美食。食車仔麵食到有龍蝦，呢個都算型了！ 來到這間轉角的村爺爺 地方不大，聽聞午飯時間都要排長龍的⋯⋯好彩我呢D 3點不露的朋友，午後時份來就剛剛好不用排啦！ 在店外先選擇食物，二話不說地點了這個殿。龍蝦湯車仔麵。 一碗車仔麵以龍蝦湯做底，配以伊麵同半隻龍蝦，實在另人期待非常。 當呢碗龍蝦湯車仔麵送到你面前時，個種興𡚒是很難形容的。 嚐一口龍蝦湯，龍蝦湯十分十分十分濃郁，鮮甜味美。 伊麵配上龍蝦湯一口吃下肚更是絕配 大大隻的半隻龍蝦，還是連鉗的，童叟無欺，龍蝦也有點膏，龍蝦肉同樣地彈牙鮮味。 再吃下其他配料，冬菇十分必味，墨魚手指彈牙有墨魚味。 我想講的是⋯⋯若不是飽了⋯⋯真的連剩下這些少湯也會飲埋。

呢度車仔麵自己係外面揀，自己係外面order, 其實都幾多選擇，眼花繚亂，最後選了有龍蝦湯底的粗麵，加了幾個餸個車仔麵嘅龍蝦湯底，真係好鮮味又好濃郁的龍蝦味道，有陣海鮮嘅咸香，入口好像飲緊龍蝦湯咁，好重口味，合我心意餸我選了豬紅、墨魚、牛栢葉和牛肋條豬紅好耐冇食過，入口滑溜，不會滾過龍而硬了，反而好嫰，好入味墨魚放入車仔麵好like, 入口爽軟又帶煙刃，不會過刃，鮮味十足牛栢葉又爽又林，點左特製的醬汁，令味道更惹味而牛肋條好林，有點似牛腩咁，牛味充足，又有嚼感

和朋友一起逛逛旺角，平常喜歡吃的那幾間餐廳已吃到有點悶。想OpenRice看看有什麼特色小食，看到這一家與龍蝦湯底聞名的車仔麵...好奇心促使我找出這店來嚐嚐。這家車仔麵店位落於零靜漆黑的轉角位，但寧寧舍舍是這裡特別熱鬧店舖面積不算大，但是坐滿人都可以有15個人左右。所以我們一般都要先在店外排隊落單，然後找位子坐，車仔麵煮好後就會送上然後付款。當然，中途想加單，可以直接向店員說然後付款。我和友人一邊聊天一邊等食物，突然聞到一股濃香的鮮龍蝦味道，兩碗熱辣辣的龍蝦湯底面隨即送上湯底的濃郁程度，不用我多說，看圖片就會知道。原來這個湯底是用了44小時熬製而成先喝一口湯，甜、清、鮮。吃了大半碗都不會口渴，店員問起需不需要追加飲料，才想起還沒有飲品。而且龍蝦是 超 大 隻！又多肉又多膏三兩下手勢便能夠把肉取出。很容易可以享受啖啖肉滋味🤤蟹鉗的位置....太juicy了，噴汁.. 要小心店員亦主動幫我朋友開蟹鉗，太好人了！！！冬菇燘得入味，完全不硬，沒有酸味另外向店員要求沙嗲汁，＋1點點在湯來，別具另一番風味南乳炸雞翼，記得在我讀書的時候在學校吃過，畢業之後再也沒有食過，始終不是這麼容易找到回憶的味

下午茶想食車仔麵，平時嚟村爺爺食開普通嘅車仔麵，但今日見到有兩三人食龍虾麵，見到實物有足半隻龍蝦，於是豪d食番個啦😛淨龍蝦麵$58，想多兩個餸食就$68，抵喎。。。唔使諗，一於$68餐！呢度幾好，麵同餸會分開上，讚！如果想加餸，$7-$10有一款，好多選擇👍🏻👍🏻唔係講笑，半隻龍蝦加餸，連麵底都見唔到，夠足料！龍蝦，半隻上，淨肉好足秤，睇下👇🏻而且啖啖肉，仲有鉗位都係一大舊肉，食得幾爽！呢個下午茶正😬蘿蔔三大件，好好好大舊，超甜、無渣、係靚蘿蔔，必食！通菜，揀咗秘製沙嗲醬，同通菜好夾，原來沙嗲醬通菜咁好食😝

這陣子的天氣，總是讓人嫌煩！逛著逛著，突然下起一陣大雨來，我與友人總得找個可避的地方⋯⋯今次挑上了村爺爺車仔麵，驟眼看到它門外展示了不少報章雜誌的採訪，總對它印象添了分，又礙於滂沱大雨，也容不下，我倆再多加思索！牆上堆了不少雜誌的訪問及名人光顧的照片，究竟孰真孰假，定必試過才知！外面下著大雨，不得不挑碗貴的，排解一下鬱悶的心情。我選了最貴$88的殿套餐，貪它有半隻龍蝦，豪氣一點！湯底不錯，麵質一般，龍蝦尚算鮮甜，$88對得起價錢了！跟餐有油菜及3款車仔麵送，抵食兼好飽，而且跟餐3款車仔麵餸，入味兼選擇多，屬中上水平！總評：屬中上水平的車仔麵，最平30、40都有交易，值得試下。

好多人鍾意食西餐，扮西人，但我卻特別鍾意香港的本土粉麵美食，大大聲話比大家知，我就係hong kong girl怎樣了？之前食過一次村爺爺，留低幾好印象，今日趁去做facial之前又黎食先。呢度食野要喺出面點左叫左先，再搵位坐，姐姐會睇住有冇位先整，唔會有野食出左而無位坐的。原諒我比較大食，而且今日無食早餐，好肚餓呀，肚餓時候特別感覺咩都想食，就叫左好多餸！飲品有汽水同豆漿揀，我梗係揀健康啲嘅豆漿啦，仲要黑豆漿更正，豆味幾香又濃，糖份仲好低添！估唔到車仔麵都有咁精緻嘅嘢食，黑毛豬露筍卷，黑毛豬切到薄薄，半肥瘦，入口即溶，露筍煮得較軟身，唔係爽果隻，香甜無渣。龍蝦湯幼麵，上菜後姐姐幫我即場灑黑椒，感覺似食緊西餐，龍蝦湯清而鮮，配幼麵都幾夾。咖哩魚蛋- 咖哩汁幾辣，魚蛋圓碌碌，軟彈。娃娃菜- 腍甜，索左汁更好吃。豬皮- 煮到較腍，我鍾意呢種質感。冬菇- 果然頂級，好厚肉，炆到好軟熟，蠔油又入味。蘿蔔- 無渣清甜，靚料。炸墨魚手指- 墨魚味幾濃，有兩條。牛筋- 成抽咁，煮到腍，保留膠原質感。豬腸- 洗得好乾淨，可能太乾淨之故，好似唔夠肥美，但就健康啲。最後要提一提呢個和牛汁，係自家製架，好香

「下雨天了，怎麼辦，我好想吃」這句正正是在大雨滂沱下，我於旺角街頭想食好西但無好野可食時的心情。心中突然想起車仔麵但街邊的又不夠特別。游下游下，見到「村爺爺車仔麵」由於下著雨，又提著傘，比較狼狽。門口看到「龍蝦」？車仔麵？好！就一於入內試試於門口的小窗口點了食物就進入舖內等候店內一系列木系傢具，令人感覺舒服坐下來不用等，熱騰騰的食物就送到我面前我點了一個殿·特濃龍蝦湯（撈麵） $88可選拉麵、油麵、檬粉！我最愛的檬粉當然要一試餐包一個油菜及3款餸。我選了餐肉、魚蛋及紅腸，原諒我是個junk food baby撈麵可揀醬汁，有牛腩/沙爹，我揀左沙爹一來到當然試試龍蝦湯，嘩好重龍蝦鮮味但湯底清甜，由於太好味，我飲左成碗。龍蝦，有圖有真相蝦肉爽甜，啖啖肉魚星都令我有少少驚喜，唔係街邊淥到泡的膠魚旦。咬落去都尚算彈牙。檬粉，淥的時間控制得好，唔會過淋，一夾就散撈埋個沙爹醬同龍蝦湯一齊食，龍蝦湯的鮮味更出。個沙爹醬做得幾好，唔會太辣又唔會搶左龍蝦的鮮味

之前已經食過村爺爺泡飯，印象都好好， 今次趁住打風唔想同人逼車，決定同朋友去村爺爺食個車仔麵當晚餐先返屋企。去到門口，見到勁多合照，應該好多明星都來幫襯， 同埋好多報紙介紹，應該唔會令我失望嘅。第一次食當然要試馳名的龍蝦湯車仔麵! $68兩個餸ge車仔麵聽落唔平, 但係有龍蝦湯*3 (重要ge事講三次)! 用咁豪華ge材料整車仔麵, 淨係創意都滿分!飲得出湯底熬左好耐, 甜得來唔會愈飲愈渴, 同平時d味精湯感覺差好遠。我覺得即使冇麵，淨飲個湯都冇問題。好大隻龍蝦! 本來都唔信60幾蚊可以食到龍蝦, 更加估唔到係咁足料, 龍蝦好大隻, 肉質鮮嫩，仲有好多蝦膏。隨麵附上了鉗子，可以拆蝦鉗的肉來吃。蝦殼很厚，雖然有點難拆，但辛苦是很值得的！真的有很多龍蝦肉！而且店員也給了我們濕紙巾，食完就可以立即擦乾淨，非常細心。餸菜與麵是分開上的, 避免餸菜一直浸著。我揀了魚腐和牛筋：魚腐很彈牙，牛筋炆得煙煙靭靭，咬落口感很好，也很鮮甜。朋友選的是豬皮和大腸。豬皮比平時食到的軟一點，不那麼爽口，而是靭靭的，我比較喜歡這種口感；至於大腸則有濃濃的滷水味，很入味。真沒想到普通的車仔麵配料都做得這麼用心呢！總括

朋友仔帶我去左油麻地的一間車仔麵，嚇我一跳。一進來，店員就會叫我們先在外面order。我隨便看看沒有什麼特別，要了油麵，餸就由佢Order, 先入去坐下等他。結果車仔麵送上來的是這樣的。Omg. 想也無想到是半隻龍蝦放左係油麵上面。佢仲要埋其他餸同菜， 太似自助餐了！主角龍蝦質素非常好，成隻碟咁大的龍蝦，新鮮彈牙又有多籽，龍蝦湯就有好濃龍蝦味， 油麵吸收所有湯汁，食完後, 好似龍蝦在我口中游泳般。炸雞翼是南乳雞翼來的，之前BBQ 試過朋友媽媽醃製的，一試難忘，想不到可以在這兒再吃到。咖哩魚旦超辣，魚手指外脆內軟， 午餐肉薄得來煎得好香脆，魚片頭彈牙，冬菇好厚肉。我好滿足呀！吃完出去睇返餐牌，先知道我這個餐是超抵食! 88蚊，買半隻龍蝦都未買到啦！ 下次可以再帶朋友試下撈麵。好欣賞他們會回饋社會，共享成果， 讚！滿分為10分(1分最低，10分最高)食物：9環境：8衛生：7服務：8價錢：9舒適度：8總分：8.5

聽朋友講話油麻地有間車仔麵居然用真正既龍蝦淆足22小時去做湯底！今日一於去一試！村爺爺車仔麵位於咸美頓街14號地下，非常方便！門口貼了大大的餐牌，選好就可以點餸了最後我選了龍蝦湯河粉。餸方面選了豬腸，蘿蔔，冬菇和南乳炸雞翼先呷一口龍蝦湯，非常鮮甜！而且濃濃的，感覺好紮實！原來村爺爺有教我地點食先最好味值的一讚，村爺爺會把餸分開盛上，不會令到d湯浸到d餸淺曬淋晒豬大腸洗得好乾淨，連d油淋淋既肥豬膏都洗乾洗淨，超級抵讚蘿蔔清甜多汁，而且無根，好好食！多汁到既地步係，拮隻筷子落去，會有汁液噴出冬菇炆得好入味，又稔又滑相比之下，雞翼可能因為唔夠熱，所以有點失色，但味道都不錯，不過不失，是合格的最後最欣賞的是，村爺爺好有老人家心！居然有如此優惠的長者價！仲要大大隻寫係門口！雖然只是每星期得一天，但回想返我們有多久未見過食肆有長者優惠？而且還要發生有正價都只得小小賺的車仔麵檔！在此代老友記們多謝村爺爺！

睇完戲特登行嚟油麻地揾野食，見到呢間主打龍蝦湯嘅車仔麵幾得意就決定入去試試。我同朋友就叫左一個a同c餐。a係有跟半隻龍蝦同菜嘅，而c就係跟蘆筍卷嘅。隻龍蝦係好大隻，佢有比到一個夾去食嘅，d肉幾鮮幾彈牙，另外個湯好香好有龍蝦味，又唔會過咸，而拉麵亦冇煮過淋，跟嘅3餸就揀左魚皮餃，墨魚條同魚蛋片。3個都好食，特別係魚皮餃，仲要比4粒真係好開心 c餐我地揀左撈麵，咁會跟小小沙爹醬，冇諗到撈落去可以咁好食！沙爹醬好香而且有花生味，真係冇諗到。因為掞麵所以會跟一碗龍蝦湯都好好味。佢跟餐會有紙包飲品嘅

上次食完村爺爺泡飯，好掛住佢既龍蝦湯味，知道佢附近有間龍蝦湯車仔麵，仲要有埋龍蝦，就去試下啦車仔麵係泡飯條街既街尾門口放左menu同電視機。因等朋友，係門口睇左陣電視，都係介紹佢餐廳既食物睇黎呢間都係明星舖係門口落order嗌完入去坐定定比錢就有得食我嗌左2個A餐（殿）: 半隻龍蝦湯伊麵加三個餸同菜，仲有野飲龍蝦湯底, 係中式龍蝦既湯頭，用左大量龍蝦烹調而成，口感濃郁，伊麵彈牙。龍蝦配伊麵，簡直係絕配。雖然只有半隻龍蝦，但肉質鮮甜，又有蝦膏，而且仲好大隻添呀我點既三個餸:南乳煎雞翼: 有陣陣南乳香，比出面既雞翼仲大隻。雞翼分開放，唔會令到雞翼變淋魚蛋: 加左咖哩醬，咖哩味好香，唔會太咸，醬料仲可以加埋落碗麵到😋😋牛筋:蚊到好林好入味，點少少老水汁食，好味朋友點左魚腐，雞腎，豬腸。偷食左舊豬腸，比出面坊間更大舊，同牛筋一樣用老水汁蚊左好耐，入味每個餐都跟一碟菜同一杯野飲，只係$88。呢個平民化既價錢，高級既享受，真係食多幾次都唔肉赤，下次再食過🌹🌹

放飯時間 來一碗車仔麵 確實係快 靚 正!車仔麵 充滿著香港嘅特色 根據你自己嘅喜好 選擇你自己喜歡的 自由配搭 變化多端點完嘢食 可以入去坐低 有店員為你送上食物食車仔麵都有步驟123 新潮嘅概念 融入傳統嘅車仔麵 真特別朋友點左呢個餐 龍蝦湯麵 配黑毛豬蘆筍卷 自選三個餸 送野飲實物是這樣的 自選三種分別是牛腩 魚卷 魚蛋黑毛豬蘆筍卷 擺盤吸引 蘆筍清甜香脆配上芝麻醬 帶點日式感覺第一當然要試下個湯底 龍蝦湯 碗麵一放喺枱已經聞到好香嘅龍蝦味 龍蝦湯底車仔麵真係第一次店員服務態度好好 放上食物隨即在麫上加上黑椒自選四餸 牛筋蘿蔔冬菇雞翼牛筋超林 超滑 好入味冬菇好大隻 好厚 真材實料

由旺角行到去油麻地，個肚就梗係打鼓啦 見到車仔麵，就當然覺得係快靚正之選，就揀佢拉我就叫咗碗特濃龍蝦湯，個湯底真係好正㗎 有龍蝦嘅鮮甜嫩，而且一啲都唔淡，感覺都唔係味精平時唔飲湯底嘅我，都幾乎飲左半碗配料有、豬皮、蘿蔔、頂級蠔油冬菇 拉麵底揀既餸都係車仔麵既經典，豬皮爽 、蘿蔔林、冬菇入味黑毛豬露筍卷 放得好靚 ，簡直就好似係西餐廳到食咁 蘆筍爽脆，而黑毛豬 肥豬肉嘅部分都得好少，就算係女仔都可以好放心咁一啖食咗佢

又到了星期日，對我來說是指定食麵的最佳日子，扭轉平日大部分時間食飯的習慣，是很難得，很少有的日子。下午茶在佐敦恆豐中心地庫「Ramen Champion」「八X屋」食過沾麵後，天色就一路變差，不斷落下雨來。我走到砵蘭街，近着油麻地咸美頓街一帶，不知道為什麼，是刻意安排還是離奇遭遇設定，走到油麻地「砵蘭街」，近着「咸美頓街」一帶的地方，就突然同時有幾間賣車仔麵麵食的食店出現。而店名跟「村爺爺」有關的食店，都出奇地有兩間，其中一間是賣龍蝦湯湯飯的專門店，而另一間則是賣「車仔麵」的車仔麵店。「村爺爺車仔麵」的店名惹來我的好奇，於是我今次決定先試食這間，視乎味道決定能否「安哥」。進入「村爺爺車仔麵」，我曾經有幾個疑問，疑問令我對試食「村爺爺車仔麵」有點點保留和懷疑。第一就是，為什麼這位「村爺爺」外貌這麽年輕，這麽後生有為？我還以為「村爺爺」會是一名老頭子，像上次不幸錯過那位「KK車仔麵」那位「阿伯」。這位戴着眼鏡，外型年輕有為的「村爺爺」，竟然是在油麻地，有兩間食肆在手的飲食界新貴？更有趣的地方，是「村爺爺車仔麵」竟然跟九龍灣「7X9車仔麵」，或者西營盤第三街的「Noxdles」一樣，沒有食物