東煲西炒 (Closed)

見到openrice有咁多好評, 又近自己住的地方, 就同左幾個朋友黎食。話說雞煲熱潮在幾年前冬天時開始, 我幾乎個個星期都去茶餐廳類型的雞煲店食, 又平又多野食。後來, 熱潮冷卻左之後我就少左好多黎食。不過, 今次見到其他評論話呢間雞煲玩火架!!所以想黎睇睇~而且, 最重要是openrice訂座有8折優惠送海鮮拼盤~作為一個「小資女」,梗係試下睇下啦~當我在觀塘食黎食去都係apm附近, 行去呢個商場食真係除左食麥記之外就第一次~觀塘友一定識, 係工廠區麥記樓上~ 由觀塘地鐵, 行去鱷魚恤大廈出扶手電梯最快~過左馬路(馬會那邊), 再向海邊行5分鐘就到啦~HK$168任飲任食, 再加上8折, 真係好抵!大約7點半, 已經人山人海...好彩用左openrice訂座呢~首先要選邊款雞煲, 我地不約而同要左奇味雞煲~ 問個侍應係咩黎, 佢話甜酸苦辣加埋幾十種香料煮成的雞煲!~任飲任食要點呢張, 有海鮮呀 (深深感嘆openrice訂座8折, 超級抵~)當我地等雞煲的時候, 當然係去拎下醬, 拎下野飲啦~ 飲品大部分都是鴻福堂樽裝飲品~有平時有的竹蔗芽根, 仲有平時無咩見的茶餐廳系列飲品~(凍

上次食過一次，覺得抵食得來，食材又唔錯，所以今次又再encore!今次都係叫左個麻辣（中辣）雞煲，唔太食得辣既我，都覺得唔算好辣，麻多過辣，雞方面，唔知係一隻雞一煲定係點，總覺得食極都有，份量十足。食材方面，最突出既有海蝦、扇貝、手打丸類、雲吞、日本北蟹柳、粟米⋯👍🏼👍🏼👍🏼👍🏼👍🏼經openrice訂座有8折優惠，仲送海鮮拼盤，平均$162.2/位，韓國汽水，支裝涼茶任飲，抵到爛！唯一要彈既係，因為同行朋友好夜先收工，食左無耐就last order（22:00）, 23:00就俾d丫姐黑面，出口術，阻佢地收工，搞到我地未食晒個麵就急急腳走人，當堂扣晒分，雖然之後有另一個丫姐友善地過來叫我地下次早d來食，不過相信應該挽回唔到同行朋友再回頭既心意了，至於我自己就有下次既！

兩口子一向愛吃雞煲，早前見友人到訪了觀塘一間新開的雞煲火鍋店「東煲西炒」，據說店裡的雞煲不但以「火焰」作招徠，而且還加入甜、酸、苦、辣、奇「五味」元素，感覺新穎，本來已經很想找天來一嘗。最近從網頁得知餐廳再推出咗幾款新雞煲，而且食客凡惠顧  $168 任食雞煲套餐，即送每人一客海鮮拼盤、每人一客點心及任飲啤酒，感覺化算，所以趁打風過後，天氣還不算太熱，馬上來探索一下。餐廳位於興業街 1 號駱駝漆中心 1 樓，踏進店，地方非常寬敞，足以容納三百人。細看裝潢，屬典型的中式酒樓佈置，以深棕色為主調，配以柔和的燈光，格局輕鬆自在，座位寬敞而不侷促，令人感覺舒服。入座後，立即拿起餐牌細看，火焰雞煲套餐每位 $168，包點心拼盤、東煲西炒秘製火焰雞煲一款、火鍋雜錦拼盤、任食火鍋配料、任飲啤酒、汽水、清熱涼茶。另外侍應還特意提醒，每位客人都會有一客海鮮拼盤奉送。至於雞煲選項方面，除了有之前提過的甜、酸、苦、辣、奇「五味」之外，另外還有新推出的魚翅雞煲、花螺辣酒雞煲及奇味沙白雞煲。交由老公代選，揀了小辣魚翅雞煲，趁雞煲未上，先取飲料，雪櫃入面有罐裝汽水、支裝健康飲品及啤酒等，花款雖然唔多，但全部都係任

今次再去食有驚喜，有新款雞煲選擇，今次選了花螺雞煲，份量足夠，火鍋配料選擇一般但食材都算新鮮，飲品選擇鴻福堂飲品多，酒樓地方夠大，枱與枱唔會迫到，就算2人都唔會辛苦，唔限時間就能同朋友食過暢快，又夠時間談天。

倫哥冇位, 退而求其次是但揾間雞煲邊爐食上到去先知原來有任食 (HK$168/位) 另加每位$10茶錢同加一飲品任飲, 選擇都算多叫左個奇味雞煲雞煲未黎之前, 上左個點心併盤個點心併盤冇乜味唔緊要, 佢始終唔係主角主角雞煲上場一食............中伏個雞好明顯係包左生粉走過油所以一啖啖生粉包住個雞真心失望雞個味好普通又斬得太大件同埋個雞煲冇乜汁所以之後放湯打邊爐都好淡個SET限左雜錦併盤每枱一份 (按人頭計)有安格斯肥牛, 個肥牛真係食唔出係安格斯 勁厚同勁肥, 又冇牛香味手打蝦丸,手打墨魚丸叫係全晚最好食架啦再黎海鮮併盤每枱一份 (按人頭計)埋單HK$391

雞煲味道不錯，反倒是贈送的菜品不夠好吃，比如說肥牛太厚了 。加的海鮮四十多一份還可以，總體來說吃完雞煲和贈送的菜基本已經飽了。依據個人口味我更喜歡加點的芋泥丸。整體環境服務很好。

第一次見火焰雞煲，很新奇🤣d雞味道唔錯，好入味，雞既份量都好足⋯ 佢仲要有健康工房既野飲👍🏻👍🏻係食雞煲之前仲要有小點食⋯仲要沖埋茶（係必須既）都唔係好明會有人食雞煲仲飲茶既咩？

成日經過,但一直未試過,終於有機會試下..樓下個姐姐派傳單話有8折更加值得一試啦同老公上到去,其實真系冇乜客,3份1都冇,服務就可以稱得上系好好既雞煲味道有得揀,我地就揀左個奇味睇下有幾奇先出去拎豉油同野飲,通常都系一渣渣唔好飲既涼茶,但哩度竟然系枝裝鴻福堂,先上一籠點心拼盤(蝦餃.粉果.菜餃.上素餃)食住先,熱辣辣,仲附上埋辣椒油時間岩岩好,食晒點心雞煲就到,睇表演,一個雞煲要2個人招呼,玩完火仲幫我地撈埋,要再講多次服務一流,唔系講笑!!奇味都好好味,系雞比較少..第一轉跟埋個火鍋雜錦拼盤,手打丸較為出色,尤其粒爆汁牛筋丸,絕對冇改錯名,真系爆汁咖肥牛都好靚都好食,但系果2舊脆肉鯇就....整體既食物都唔錯,不過我覺得其實有8折價錢都頗為貴!!

今日心血來潮想食雞煲，即刻打比朋友約埋一齊飯，基本上雞煲加火鍋一定無衰啦！行過見到個招牌名幾得意，加上$168雞煲加任食火鍋一位又唔貴，二話不說就上去試試，坐左唔夠五分鐘就上左4件點心，皮太厚餡又無味道，心諗送末必好嘢，主角雞煲終於出場，好好地一個雞煲加酒放火有咩嘢用呢？個雞煲味道巳經唔掂檔加埋酒苦味走哂出來，先講反個煲，味道好普通只有個鹹味同勁多味精，雞就全部都係雪味，食左一兩啖巳經唔想再繼續食，打邊爐再基本肥牛同丸類包無衰，然後我叫左樓面加湯準備打邊爐，湯滾起當然第一件事就係食肥牛，另一番中伏又開始，肥牛有一個五蚊咁厚，剛好有個睇落好似經理路過，我就問牛肉咁厚點食可唔可以換過一份比我，對方好有禮貌同我講，唔好意思公司所有肥牛都係一樣，我無辦法之後只好接受就當牛肉味香口膠，我同我朋友食到四份一巳經叫埋單，然後去食碗雲呑麵。

觀塘真係開左林林總總的食店， 呢日老公早收工，一齊去朋友介紹位於駱駝漆中心新開的 “東煲西炒”一嘗好味又抵食的雞煲火鍋 去到7點半左右，已經幾乎滿場， 原來晚市“火焰雞煲套餐”每位只是HK$168， 所以經常爆場 ~ 套餐包左點心拼盤、雞煲、火鍋雜綿併盤各一， 數十款火鍋配料以及飲品任飲任食的， 另外仲可以每人加HK$48要埋精選海鮮拼盤~ 當晚的點心拼盤是素菜餃&潮州粉果，皮薄餡多 雞煲分為甜、酸、苦、辣、奇味，我們點左奇味 雞店員把煲放上電陶爐上再加熱，用火槍將酒杯中的酒燃點， 再淋在雞上面，然後快炒 好似d雞識噴火~ 奇味唔會太辣，非常香口，仲有陣陣酒香 雞肉鮮嫩香滑十分惹味~ 食完雞煲之後加湯打邊爐 追加的海鮮拼盤非常豐富， 有大大隻新鮮彈牙的扇貝、 肥美鮮甜的本地生蠔、仲有花甲、青口，份量十足! 任點的火鍋料選擇都好多， 有肥牛、各類丸子、蔬菜等~ 飲品都有十多款唔同的，以呢個價錢真係好抵食!!!

新開張既任食無限時雞煲火鍋，服務很好，但食物質素就唔好太大要求，因任飲任食已經無限時，早一日訂仲要有八折優惠，雖然飲品只有非酒精類提供，都有樽裝飲品架，三五成群傾計慢慢食都係個唔錯選擇。

從一位朋友口中得知 , 在 觀塘 的 駱駝漆中心 有一間勁抵食的雞煲店 " 東煲西炒 " ~晚市 火焰雞煲套餐 都是每位 $ 168 , 所以經常爆場 ~任飲任吃的 火焰雞煲套餐 $ 168/位 , 包括一款雞煲、點心拼盤、火鍋雜錦拼盤、任吃的火鍋配料、任飲飲品 ~佐料、醬料 應有盡有 , 而且都很新鮮 ~先來的是點心 , 每位客人一件 , 當晚的點心是 潮州粉果及素菜餃 ~我點了火焰雞煲的 苦味雞煲 , 因為苦味的雞煲在坊間比較少見 ~當雞煲上了枱之後 , 侍應生便會把一杯烈酒燃點起火再把生了火的酒倒下雞煲 , 然後席即快炒 , 因此名為火焰雞煲 ~炒好的雞煲 , 非常香口而富有酒香 , 真正色香味俱全 ~有苦瓜的雞煲就是夠特別 , 其實苦味算是輕微 , 任何人都接受到 ~雞件夠厚肉入味 , 鮮香嫩滑 , 味道複雜 , 層次感強 , 夠惹味 ~ 吃完雞煲 , 便可加湯及選擇配料 , 開始打邊爐 ~額外加 $ 48/位 , 便可追加精選海鮮拼盤 , 拼盤包括有 本地生蠔、扇貝、大花甲、青口 , 海鮮夠鮮美 , 質素不錯 ~任點任吃的火鍋料 , 質素還算不錯 , 當中我最喜愛吃肥牛及各類

兩口子想食雞煲打邊，所有單點火鍋配料嘅地方都 out 得，要喺觀塘搵間岩心水。喺Openrice 見到呢間，價錢okay~ 仲任何時間都8折，計起每人$200 就決定揀佢！早左上去，幾驚無位，點知又係半full 嘅場。嘩，次次見到呢啲位都好驚係伏。叫左個奇味雞煲，侍應話呢個最多人叫但又up 唔出即係咩，博一博單車變摩托。另外再每人加左海鮮。呢度火焰雞煲嘅火焰唔係default 架。譚仔口音嘅姐姐走黎問我地要唔要"放鹽"? 吓？聽左一陣先知佢講火焰，哈哈，唔洗錢，姐姐仲話好食啲，緊係加加加！每枱仲會送一個點心係粉果，我同男人都唔食粉果，叫佢收番唔好浪費。雞煲黎喇，經火焰燒過嘅雞係香啲嘅。另外，奇味汁係少少辣同甜，有啲似出面坊間嘅麻辣雞煲汁，味道唔錯。啲雞幾滑，唯獨佢啲汁留於表面，唔夠入味。配料方面，下次海鮮part 可以skip 唔洗加，扇貝大隻但有沙，大花甲一啲都唔大隻，青口同生蠔就一般般。另外，佢每枱都會先上一份雜錦拼盤，有部分食物可以再encore。安格斯牛唔錯可惜無得再加。脆肉腩正。手打丸類都ok。另外特別加左墨汁墨魚丸、蟹柳同其他野。嘩個墨魚丸勁重冰鮮味同勁"鮮"，食咗一啖要即

雞煲烤魚我們聽得多又吃的多實在想不出有什麼花樣但是朋友公司附近開了一間晚上專吃火焰雞煲什麼是火焰雞煲我也不知道我就覺得很新奇因為他説同事每個都在討論終於可以找到一天和同事收工一起去試一試感覺像高級 茶樓，幾名服務員親切嘅Service令我十分驚訝，原來食客也可以收到如此的尊敬，讓我十分感動，服務態度媲美海底撈點了個火焰雞煲套餐他有唔同口味選擇身邊甜,酸,苦,辣和一隻house special 我和當然不約而同選擇了最特色的special one 先是雞煲上菜，一名服務員拿出一杯酒在旁邊等候，然後就點火燃起那酒走再倒入雞煲，倒入頭一陣香氣就傳出，香味加上視覺效果10分有特色，有港女港男病的我當然拿起手機狂拍照攪拌後就可以食用，佢味道野味也不會過鹹，口中傳岀微微回辣😋😋😋吃完雞後就加入上湯打邊爐！我看見他的海拼盤10分吸引食物也10分新鮮藉着值得一提帶子生蠔很鮮味😋相比其他餐廳乾淨🤤吃完海鮮多啲吃肥牛啦肥牛質素不差，中上level 肥瘦均勻，要求高的朋友可以在另外點更上等的牛肉🤤而服務員時不時來更進我們點的食物和加入上湯皇帝式享受，你不需要破口大叫已經有人來服務你！🤤這種服務態度十分值得

相信東張西望大家就有睇過啦那東煲西炒大家又試過未呢?姐陪朋友到駱駝漆大廈的運動用品outlet選購運動鞋後就到了東煲西炒食雞煲我們都被奇味雞煲的名字吸引了所以點了這款雞煲為了看到火焰表演姐特意要求加法國干邑，色香味俱全這個火焰雞煲套餐好抵食只需要港幣168一位當中包括一款雞煲，點心拼盤火鍋雜錦拼盤及三十多款任食火煱配料還有飲品無限供應火鍋配料花多眼亂而且經已吃過奇味雞煲及點心拼盤為了不過飽及做大嘥鬼精挑細選了多款最喜愛的火鍋配料姐點了墨汁墨魚丸及豚肉片鮮冬菇娃娃菜而朋友則點了麻辣鱈魚包自家製菜肉餃、手打鯪魚丸及羊肉材料新鮮，朋友特別欣賞麻辣鱈魚包夠惹味而姐則欣賞自家製菜肉餃皮薄餡靚餐館地方寬敞坐得很舒服，打邊爐都可以談心