榕樹頭

Open Now

Now Closed

到了梅窩玩睇完食評試試，去到時很多空位，有幾張細枱，限定你坐這枱，點了鲮鱼球雞粥$60吾平(更貴都試過睇地區，材料，粥底)。鲮鱼球較硬身，雞有酒味，坐了15分鐘有訂座，放個爐在我前面，下一枱客(好趕客)沒下次，60元吾係生意?門口可貼最低消費，限坐幾耐

和朋友想解决晚饭，来到了这家店，到店的时候就感觉店员爱答不理的，我们当时太饿了就点了饭，他家的餐品可以说是又难吃又贵，唯一觉得相对好吃点的，就是鲜虾云吞面，其次是酥炸鲮鱼球然而蘸料臭臭的，牛肉炒面就是拿干脆面做的，比较值钱的就是蔬菜了。

原定plan去梅窩staycation，但係因為返工要OT冇時間找地方食嘢。我記得有個YouTuber介紹好近我staycation間酒店，所以試吓。我通常會問有咩好介紹，老闆娘就介紹咗呢個藥膳雞煲。本人超喜歡，尤其是啲龍眼肉，入晒未👍。隻雞都唔錯，啲肉實淨，擺咗入去馺熟，有啲湯嘅未亦都有好強嘅酒嘅味👍。.雖然隻雞都幾好食，但係人情味更加濃👍👍👍。服務貼地，真實，最好係識得適當嘅時候行開讓人客專心食，而係人客未準備舉手嘅時候佢已經ready。無懈可擊。

又係梅窩朋友介紹既梅窩道地美食乾淨企理既茶餐廳格局一入到鋪頭已經聞到好香既藥膳醉雞味我地4個人叫左一隻雞 一碟生菜 一碟滑牛一隻雞有2大盆 落第一次煮7分鐘 雞肉好嫩滑落第2次就倒埋成盆醉雞汁落去水滾之後飲左一啖湯 少少酒味加埋甜甜地既藥膳味 真係欲罷不能 藥材湯底入面好多紅棗桂圓杞子 越煲越甜 最尾我地差唔多飲哂d湯咁滯另外亦要讚下個手切滑牛 雖然下面有生菜墊底 但份量其實好多 每片都濃牛味又厚肉 淥落藥膳湯底更帶出少少甜味 點埋鋪頭既秘製豉油真係一流打邊爐最尾通常落個烏冬結尾呢度無烏冬 我地叫左一碗米粉一碗河粉佢既河粉唔係好闊好大片個種 反而有d似烏冬~用個勺放落湯度烚一陣 索左醉雞湯既味真係不得了第一次打邊爐落河粉米粉 竟然係咁正😏其中一個frd唔太食得酒味既野佢叫左雞粥+南乳豬手雞粥煲得好綿好入味 南乳豬手都好正 南乳味唔會太咸 下面d生菜沾左南乳汁食落更加甜呢間真係食過翻尋味 下次都會為左佢再入尼梅窩😋

介紹返隱世小店，舖仔細細佢地個藥膳醉雞煲超足料🐥🐥🐥🐥大量藥材，但又唔覺苦🤤🤤🤤🤤有黨蔘、當歸、淮山、杞子甜味來自大量桂圓、紅棗店員教放一半煲7分鐘先食完再放另一半再煲5分鐘D雞超滑彈牙😋 😋😋😋第二轉我地加埋d酒落去味道更加提升🥰🥰🥰🥰另外仲叫左個拼盤打邊爐外臟比較多，唔食既朋友要留意返啦有豬潤、豬腰、豬腸🐷 🐷🐷🐷好新鮮👍🏿👍🏿👍🏿仲有魚蛋同雲吞

去梅窩住一晚，決定要食下宵夜，不過晚上9:30四週已經漆黑一片，見到有D大排檔式酒家，總覺得唔係好啱食宵夜，最後見到呢間，就決定入去試下。兩個人一共點了三樣野︰炒麵、雞粥同埋炸雲吞，三樣野之中，個人覺得個炸雲吞最有驚喜，佢唔係嗰種厚粉厚皮嘅炸雲吞，反而係薄皮的炸到啱啱好，配埋個蜆芥汁，真係好味。其實佢個雞粥同個炒麵都好食，只係個炸雲吞比較出色。雞粥用嘅雞無雪味，肉質都算OK，而個炒麵都係即叫即炒嘅，鑊氣都夠。整體都好味。另外佢個雞煲都似乎好好食，因為我地坐低之後有兩個客人專登山長水遠去食雞煲，下次會試試。

每隔一陣子就要幫襯下，可以簡單如點個牛肉粥、鼓油王炒麵、炸鯪魚球或者勁擦個醉雞鍋都無比滿足。連老闆娘都發覺我特別愛食她們家的醉雞鍋，理由好簡單，新鮮雞➕酒醃成日，配上紅棗桂圓枸杞淮山湯底，簡直欲罷不能，當然湯底一定要分階段飲更能飲出不同層次味道。我地多數兩公婆撐檯腳，之前試過2️⃣人淨擦全隻雞；或好似今次咁點半隻雞另加牛肉一份，牛肉也是手工切的新鮮牛。食醉雞鍋時記得要配一份生菜才食🉐️健康喔！此餐廳有很多美食未能一一盡錄，冬天的期間限定例如生炒糯米飯、煲仔飯更不能錯過。另一特色係老闆和老闆娘有追求食物質素的原則和經營個性，亦因此能造就出此隱世小店。

4月20號晚到此店食晚餐，牛腩豬手雙拼幾入味唔錯，但份量少所以價錢算貴、菜遠炒牛河牛肉幾好味但太多油、家庭式揚州炒飯幾多生菜絲，濕氣重所以炒得唔香、炸鯪魚球算少骨幾彈牙，份量比較少得六粒，蜆芥冇乜味……總括嚟講不過不失

做唔切生意，唔好招待客是日有山賽事店內晚上8點半坐滿人，外面也有三枱等了45分鐘才有麵食，好普通雲吞河，粥店內食客無人走，無人投訴，因大家跑完50km 或100km已累爆終於有嘢食，質素差劣!

啱搬入嚟搵食。呢個西檸雞不得了。我平時好少叫嚟食，因粉厚。老公鐘意食。一食，個皮鬆脆。雞不會太乾。我為咗呢個餸叫咗個白飯。今次宣告減肥失敗。但難得唔係食商場分店食肆。我呢位新鄰居表示相當支持。好難忘呀。

今晚放工入嚟夜遊大嶼山銀礦灣，行到9點幾，餓餓地，係時候搵啲宵夜食下，平日晚上的銀礦灣好寧靜，食肆都唔多人，隨便揀一間食都ok，但一支公獨遊覓食，夜晚9點幾10點，無理由去海邊整返個蒜蓉蒸蟶子王掛？所以就誤打誤撞見到這間喺openrice都未有食評嘅麵檔，正，一於等我開齋。入到去，望一望牆上的餐牌，其實泥鯭粥都好吸引，但天氣真係有啲熱，食粥真係熱上加熱，所以㨂左最普通的雲吞麵，一嚟到，見到放葱而唔係韮黃，不其然有啲失望，但抱住「梗係加入香港口味」的心態一試，竟然喜出望外，一咬粒雲吞，爽喎，雲吞裡面，9成係蝦，仲要係新鮮蝦，成粒雲吞都係，當然啦，如果你鍾意食豬肉饀多啲嘅，呢粒雲吞就唔啱你。仲有麵夠爽，湯夠清，而個人夠味，鍾意雲吞麵加胡椒粉，一落，係辣嘅胡椒粉，一流，唔似加左好多沾米粉嘅「扮胡椒粉」，啱我，雲吞麵配辣胡椒粉，滿足。食好麵，同老闆傾左陣計，佢話蝦同豬肉都係日日新鮮從街巿買的，這就係小店的威力。其他客人提議我食白灼豬什和炸鯪魚，一諗起，差啲要心動，不過今天一支公，點食到咁多嘢呢？唯有忍忍口，下次帶多幾個朋人嚟試啦！食飽，繼續漫遊銀礦灣。