榮園麵家 (Closed)

榮園真係幾十年不變, 雖然無冷氣夏天都有好多人會來.原因有21.不用1分鐘一定有野食2. 佢云吞及魚片真係好正 . 云吞係佢地自己做, D蝦無被野la過, 好真既蝦味. 魚片很好味, 沒有太多味精, 魚片既皮好好食, 浸向湯都唔會把魚片既皮浸淋, 仍然是爽口的.粉麵都係十幾廿蚊, 不用10分鐘便可食包, 十分滿足.

榮園開了很多年了,最小也有20年,算是其中一間見証旺角歷史的食市!!它近地鐵站,頗地踎,在橫街窄行,建議喜歡干淨和盛裝的朋友不要幫襯,幫襯的話就括出去,,這是只地踎麵檔,不是半島。很多人放工會在這吃一碗麵才回家,又快又方便,20年來人流不減,這裹只賣牛腩,魚蛋,雲吞和牛丸4種麵!最出色是牛腩汁,＋幾年前第一次食,覺得没特別,但之後慢幔又會想起這味道,會上癮的,味濃且香甜,一點不像一般牛腩麵舖的味,很難用文字形容,自己來試試吧！記得加一點這裏的辣醬, 很配合牛腩汁啊!!,其實這裏的牛腩多數不太淋,有些什至硬,但很入味!!

在旺角溜澾多年, 切象中從來沒有在這橫巷內的圓枱摺凳吃過麵, 即管看看柱候腩如何. 牛腩是抵讚的, 腍身入味. 麵縱無鹼水味亦久彈性, 湯頭味精頗重, 整體僅屬合格. 除非想深入體驗旺角地痞檔風味, 不然吃麵還是好旺角新樂園比較穩檔.

每星期都會光顧一次, 皆因屋企附近, 開鋪無幾耐食就最好! 食麵定係米粉就最決於邊個煮, 閒人對麵的質地, 煮麵的技巧令到麵條本身能否配合得宜有一定的要求, 閒人喜歡質感為彈牙, 光頭佬煮的話, 我就會食麵, 其他的都是吃河粉, 其它為佳!講真, 它的牛腩並不是靚, 不似坑腩的質地, 可能所有牛腩的精華完全融入了湯底裡, 好得不得了! 牛筋都唔錯, 不過有時吃到一些好大舊較硬身的. 把口裡逼得滿滿. 好怪!伙計們的 b lee bar la, 互相對罵... 都當他們唱歌, 但大家有無留意到.....最可怕的是在枱上的無蓋辣椒油, 極不衛生! 見過我們的同胞, 用食過的筷子就插入辣椒油內.... help!

真係很討厭在街頭做問卷的"保險","傳銷"人之擾民行為.小弟已經塞住earphone,行到最埋,但一樣走過來攔途截劫.當然,不想說話的日子,又要出到C朗拿度之絕招.否則,我真係會用到粗言相向.(我正在聽緊歌,你走過來騷擾我?我X你啦.)這夜沒有說話,左插花右插花,插到入去漢榮書局對面的麵檔"榮園".入到去,同街頭景像一樣,又要左閃右避,幾個"自由人"大大聲用普通話話要調位,我沒有出聲,坐我隔離,手拿啤酒的阿叔.已經向班自由人破口怒爆調調調,我X你XX.)班自由人應該不明白,否則開拖都似.我就繼續聽歌,再叫碗雲吞牛腩麵雙拼.這個組合深信會有人覺得很怪.付鈔的是我,我愛點就點,關你隱事?這店的雲吞偏向傳統,細細粒容易食.豬同蝦六四之分,不過餡料的蝦同豬肉,同樣地霉.反而柱侯牛南,就炆得很入味,牛腩肉質鬆化.小弟拿住相機左影右影,真有點怕坐在隔離的"麵檔亞叔"破口大罵你影乜X野?)本來吃不飽再來碗魚蛋,為免惹來無妄之災,唯有走人.

老實說，如果你是一個經常去旺角的人，一定認識這間小店，在旺角最少有20年歷史以上，它無論春夏秋冬由朝到晚都咁多人，伙記聲大大，但未至於兇神惡殺！我最喜歡它的魚蛋河，河粉夠滑，魚蛋彈牙，最緊要多葱加色！正！如果唔能夠忍受它的環境，就唔好逼自己，最緊要係食得開心！

又加價了,每碗加兩元,這裡的加價速度,永遠是最快的,經濟好時年年加價,經濟不好時維持原價,永不減價.可幸是品質不錯,所以幫襯了數十年,可謂忠實擁躉.地方和食具不潔是最大缺點,伙記凶凶的沒禮貌,但只求好味的話,也不和他們計較.本人認為這裡的炸魚皮是無敵的,每日新鮮炸,下午三點半至五點前才有供應,賣完便算.香脆到不得了,別處沒有的.十元一小碗,只有幾件,假如叫麵,可以雙併,只需加三元,份量差不多.在湯底浸一浸,外脆內軟,好吃.

喜歡吃粉麵的我，常到旺角經過這間小店，都很想去試。這次終於吃到了，沒有失望!babe要了牛腩魚蛋河，我要了牛筋麵。牛腩牛筋十分入味，腩汁湯底好濃，讚。河粉很滑。魚蛋都算彈牙，不錯。環境真的不怎樣，不過只是速食一碗麵，不計較了。那天很多人等位，但出奇地有秩序，店員雖然樣子有點兇，但其實暗地裡也有維持秩序!下次要再來!

尋晚兩口子呢頭行行下之間見到呢間食店, 師傅忽然間好想黎試下, 事關真係好耐都冇黎食過喇, 完全因為環境太差, 不過既然咁耐冇黎, 所以決定一試! 去到好鬼多人度等位, 好唔容易先有位, 一坐底就叫左一碗淨魚蛋同一碗淨牛丸! 一分鐘到就有得食, 淨魚蛋同淨牛丸都係一碗有七粒, 魚蛋好爽口不過就有好多碎骨, 而師傅連魚鱗都食到, 都唔知話佢新鮮好定還是離譜好呢? 炸魚片都好爽口, 可以啦; 牛丸係好爽好彈牙, 唔係好實咁, 而且好香牛肉味, 正呀; 加埋個湯底好清甜, 都幾好!總括黎講食物質素普普通通, 唔算十分出色, 但環境可以用惡劣黎形容, 身處橫街小巷, 感覺絕對污漕, 再望下d筷子就覺得幾嘔心, 起晒漬咁, 見到d筷子已經食唔落啦, 不過冇計唯有頂硬上, 所以師傅都唔明點解咁多人黎食? 如果你再問師傅多一次仲會唔會再黎呢, 師傅可以好肯定咁答一定唔會! 淨係呢度環境衛生都足以比喊臉, 冇比喊臉全因為呢度d野食都仲可以, 如果唔係喊硬呀!

熱天無冷氣，淨得風扇，但若為了醫肚及食物的味道，是不錯的選擇！我點了牛筋河及魚蛋河，河粉很有牛腩汁味，河粉又幼又滑，牛筋很入味；魚蛋又彈牙及有口感，超好味。

自小逛旺角大的我, 今躺還是第一次這裡吃麵, 是否有點過分??跟同事買完電腦產品後, 簡單地點了一個雲吞麵, 雲吞大粒蝦鮮味, 唯獨肥膏多了點, 一碗5粒不算少吧, 河粉不夠滑身影響了水準, 而且湯底太淡味, 加了很多豉油及辣油呢最難忘的是…….大熱天時, 没有冷氣之餘風扇又不足, 大汗疊細汗的吃麵,而且店內没有汽水賣, 店員會叫你自己去7仔買,你現在知道我為何没有來過這兒吧!!

星期六約了在旺角地鐡C2出口集合搭車往機塲,於是早點出到旺角,諗住食埋野先上車,先行通菜街,多數都是餐廰,要吃午餐,因時間唔係咁多,唔可以慢慢歎,都係食碗雲吞麵算,左望右望,哈,有間麵店在泠巷,望埋去都幾企理,於是在冷巷揾咗個位坐低,叫了碗雲吞麵,麵質很彈牙和糼但雲吞有蝦就好D,食緊麵時有工人推住泥頭車走出來,幸好無引起塵土飛揚,食完就走,冇得要求了,最緊要醫咗個肚先

已幫襯依間麵檔五、六年喇，餐牌重來無變過，都只得魚蛋、魚片、炸魚皮、雲吞、牛筋及我最愛的柱候牛腩，油菜永無選擇，只得生菜供應，全場並無任何飲品出售，要到附近的店舖買飲品。無錯，侍應叔叔們的服務係一流的串及惡，環境無冷氣，只有古式古鄉的大牛角風扇，好運的就坐係開放式的店內，只有兩張細長枱及一張細圓摺枱，運氣不好就坐巷仔坑渠邊，大排檔的格局，摺枱摺櫈、大帆布遮頭，落雨重會漏水。但要食好野，就要張就吓喇﹗主角牛筋腩：筋，膠質豐富、咽咽哽哽，滑溜溜的，好味。腩，極濃的腩汁，深啡色、很重牛香及柱候味，漿汁完全滲透入牛腩之中。腩係切件後先炆，不同潮州粉麵的清湯腩炆左先切。牛腩有啲有薄薄的脂肪，滑、有啲係坑腩，爽、有啲全瘦，軟，全都入味非常，牛肉味濃、鬆軟、有趙口，牛肉香味重，腩汁極濃。佢地用幼身的河粉，我最喜愛，因幼身的河粉能帶更多的湯及汁，又滑又棉的河粉啊。油菜，只得生菜，簡單的白烚淋上熟油加些蠔油上面，菜都很鮮嫩，我喜歡佢地烚得夠熟而軟身。我無辣不歡，依度啲辣椒油屬中辣，而且不夠香，用上太多紅椒肉喇。

旺角食魚蛋粉這裡算數一數二了..魚蛋好彈牙,好軟,不是死加麵粉的製成品. 上菜快,又熱辣辣,趕時間要醫肚食碗魚蛋粉/米就恰到好處.

已經光顧這店子幾十年了，很易記，因為自從六十年代由港島搬家過九龍之後就幫襯至現在，質素和味道一直沒變，價錢就由一元多加至十六元，只有加，巿面最差時也一毛不減，店子就由大牌檔發展成半鋪半街邊，生意也很好，伙記也一樣惡，餐牌也從來不加也不減，只簡單寫在牆上，很有個性．這店熟客甚多，午晚飯時候要罰企等位．泠氣是開放式的，雨天又會濕身．但是有食物的味道補償，我認為這裡的炸魚皮是最好的，每日鮮製，由下午三時賣到五時一定賣清，浸在麵湯內，半淋半脆最好吃．是不可錯過的．其他如牛筋腩，牛丸，雲吞，魚旦片都是自製的，別處吃不到．雙併要十九元．來幫襯要記住是來食味道，其他可以不理．