橋田臺灣牛肉麵 (Moved) New Location

本身打電話去Book枱 但原來無得Book 只好早點來Walk in入去無耐好快就位 一坐低已經開始有人群係門口聚集喇 先下單再去比錢先 之後食物就會由店員送上 橋田招牌紅燒牛肉麵(半筋半腩,二十四小時73度低溫慢煮) $52個湯底好濃郁 食到有淡淡的藥材味 牛腩同筋都腍而且入味個麵口感唔錯 古早味台酒花鵰醉雞新竹米粉 $54本來以為連個湯底都係醉雞 原來個米粉同醉雞分開醉雞入味又滑 都係好食的 但就顯得米粉無咩味 招牌珍珠奶奶 +$8初初覺得珍珠好少 但其實仲要食正餐 所以岩岩好個味似以前街邊飲到的珍珠奶茶味 酥炸花之丸 5粒 $32呢個又真係最唔特別的一款小食 之面都唔係好食到有花枝 總結食物味道唔錯 Lunch來講都係一個唔錯的選擇 價錢唔貴又多款

下午時間，諗住同朋友一試牛肉麵，真係一試難忘，無下次!!朋友比我食得快，食完，佢覺得味道一般。而我食得比較慢，當我食咗半碗嘅時候，我發現碗麵有隻曱甴！我夾咗隻曱由出嚟之後，同店員講，佢聽完之後，就離開咗店面一陣。當我影咗一張相之後，佢就俾番碗麵嗰$40俾我，立即收走咗曱甴湯麵。衛生好差，唔會再去!

公司附近終於開新餐廳所以就去試試。我點了紅燒牛肉麵，肉同根各兩舊，份量略嫌太少，湯底尚算有藥材味，麵亦唔會太淋。依個價錢算不過大失，包一杯凍蜂蜜綠茶。同行同事加了$10叫了血糯米奶茶，原來入面有紅豆，不過同事覺得較普通，加$10有點貴。我覺得整體還好，多個選擇，同小時光差不多。

一班同事趁住星期五，沖去呢間新開台式小店試新菜🤫🤫因為我地早左出門，黎到店門口，等左大約5-8分鐘左右就有位坐👍🏻👍🏻有兩邊店面，每枱都坐滿人我地點左招牌菜 - 橋田招牌紅燒牛肉麵，逢甲鹽酥雞，台式燒蜜糖腸，同埋台式雞絲麻醬麵🤤🤤首先講個牛肉麵，牛肉同牛筋都炆到好腍，牛筋直情係入口即化，好味道，牛肉有微微的辣，香口！湯頭不太油，但有有少少藥香，至於麵，可以講係軟硬適中，有咬口！跟住係鹽酥雞，份量尚可，數埋都有7–8件，炸品黎講算唔太油，皮脆，但肉略乾，可以保留多啲肉汁會好一些至於燒蜜糖腸，典型台式古早味，肥瘦適中，分量算ok多，好味！台式雞絲麻醬麵，呢個略為失望😞，麻醬汁不太夠而且較啖口，落單時無問我地是否需要剪麵，所以黎到分食嘅時候略為困難，最後食唔哂😣😣至於飲品，配麵食有免費凍蜂蜜綠茶奉送，但味較啖，無咩茶味，叫左凍珍珠奶茶，味道亦較啖，奶味同茶味都較為不足服務方面，食物飲品黎得ok快，人員回收碗碟速度亦ok😍總括黎講，整體ok，會再黎幫襯😜😜

之前已經想試這間餐廳了，可惜當時太多人，估計要等一段時間，所以沒有試到。這天特意早一啲來，看看有沒有位，幸好不算太多人，順利入座。餐牌上主要分麵食和便當兩大類，我這次則選了逢甲鹽酥雞麵。麵是帶有少少粗度的台灣麵，吃下去的時候挺有麵味，像粗版的上海麵，可是湯的味道有少少味精，感覺像即食麵的那種湯底，一點也不像是靠原材料煲出來的味道，而且偏咸。至於雞也沒有什麼特別，吃下去時是挺脆的，不過基本上除了鹹味，我什麼味道也吃不到😂友人吃的牛肉麵評價也差不多，湯的味道有點味精，唯一可取的應該都是聲稱煮了24小時的牛肉吧🧐跟餐的蜂蜜綠茶，味道與樽裝道地蜂蜜綠茶是99.99%相似，我就不太喜歡這個味道😂至於環境方面，餐廳入面有點狹窄，出入有點困難，而且不知道為什麼當我們用餐時餐廳的冷氣像關了的感覺，用完餐後才開回，感覺有點熱。

跟一大班同事lunch time 搵食，試試新開的牛肉麵！招牌紅燒牛肉麵 ［8/10］幾乎半台人點了招牌紅燒牛肉牌，聲稱是用了24小時低溫煮的牛肉，一上台賣相和香氣都十分出色！牛筋一咬十分有驚喜，十分香腍，近乎入口即化。牛腩口感雖沒有牛筋出色，但仍非常入味！不愧是用長時間熬煮而成的！牛肉之出色令湯底、麵條相對之下比較遜色，湯底雖也吃得出下了功夫、有微微藥材味，但感覺不是十分正宗，但還是不錯的。麵條是中粗度的，不會過硬但味道跟湯底不是十分夾。鹽酥雞 ［6/10］鹽酥雞比較乾身，炸得油香味不夠重。台灣香腸好食！

今早大眾又討論超級颱風「山竹」，突然靈光一閃，提議encore台灣牛肉麵。話說前两日食過台灣牛肉麵，至今對其香味仍念念不忘。今次醒爬啦，早少少去。果然唔使等，一坐低，大伙兒都點牛肉麵。招牌菜！我對其麵身麻麻地中意，於是叫招牌牛肉飯。牛肉(半筋半腩)真係冇得輸，又香又冧又入味！正！跟飯有配菜，即係芽菜青瓜。加點纖维，健康下啦。跟餐有杯凍綠茶，係一杯有茶色凍水，清淡清新。同事加8蚊改珍珠奶茶，冇讚好亦有投訴，中評。

又去到午飯時間，知道街口個邊開左間上樓新舖，上到去知道係食台灣野，好啦一如試下主打牛肉麵，不過反易我就想試下佢個雞扒麵麵條較粗口感唔錯，雞扒都算煎得香，但就有小小雪味，湯底普通較油

牛肉好 Un, D 麵碎碎地唔好味 .. 比較失望叫的是牛肉麵同好食果D差好遠下我平日中午去，觀塘市中心行去都幾遠十二點半唔洗等湯底普通，唔覺特別濃小食鹽蘇雞比較多粉及油

颱風「山竹」來勢洶洶，唔通打中唔使返工？可是香港天文臺罕有早在9天前預告「山竹」星期天才到，一眾打工仔只有無奈地繼續上班。返工為咗乜？緊係食啦！既然「山竹」未到，就先來牛肉吧。公司附近新開了一家台灣牛肉麵。說是用73度温度以24小時泡製。一到餐廳，門口有一堆人排隊。拿咗筹，等咗15分鐘左右终於有位。基於招牌牛肉麵介紹得咁勁，全枱人都點了。牛肉麵一到，香噴噴。份量恰恰好。湯頭濃郁但不會好味精，喝得出是真材實料的。麵質OK, 唔硬唔冧也唔算Q Q。牛肉就是半筋半腩，好冧好香好好吃，味道也十分正宗台灣風味。配凍綠茶共銀53大洋，抵食！環境就好一般，茶記格局。以佢牛肉質素，找一個好位置，裝修好D，餐廳大間D，賣貴D。應可以做得住。

逢甲鹽酥雞便當 48蚊炸得好香好酥脆！不太多油配上珍珠米仲有啲九層塔同炸蒜，好野味！仲有三種配菜，芽菜，小唐菜，青瓜配冰綠茶，幾好不太甜，解肥見到有紅燒牛肉麵！下次要試下

開業不久既台灣野！選好食品要先到櫃臺比錢呢樣野學足台灣😂😂牛肉好軟，但不算重味有牛味，飯係珍珠米叫飯會有配菜，麵食就沒有配菜青瓜，小唐菜，芽菜配綠茶就不用加錢

呢日一早就搵定lunch 食呢間，係觀塘如果唔一早訂定位，呢間仲可以一早落定食咩，分秒必爭，去到就可以上餐，都唔錯。就係呢間橋田係門口都聞到好香去到要等人埋單先有位，我就周圍睇下環境，呢度牆身佈置雖然簡單，但都幾舒服😌我見到呢間既招牌牛肉麵好勁，係用半筋半牛，仲係24小時用73度慢煮，食落去既牛肉好淋好入味，仲好足料仲叫左雞翼食，呢個岩岩炸起，熱辣辣，食果陣加埋炸蒜一齊食，好多肉汁，好好味🤤朋友點左個拌麵食，好小見台式料理有呢種西餐感覺既菜式，係出奇既好味，個汁係呢個拌麵既重點，有驚喜既菜黎到食台灣野，點少得食鹽酥雞，食落同雞翼一樣都好有肉汁，無令我地失望呢度既野食全部都好足料，好大份，價錢仲唔係好貴，好抵食

今日lunch time早左放，於是去左觀塘工業區新開食台灣野既餐廳<橋田臺灣牛肉麵>試試佢同同事分別叫左一個台式鷄絲麻醬面同埋一個應該係佢地餐廳必食推薦既橋田招牌紅燒牛肉面，跟餐有蜂蜜綠茶或自己加錢轉野飲，有免費野飲就梗係揀蜂蜜綠茶啦!不過話明吾洗錢就不要期望太高啦，正正常常，無乜特別，不過都見旁邊幾多客人加錢試佢既台式飲品，下次不妨試下。講番個主食先，朋友叫既招牌紅燒牛肉面，餐廳就寫明係半筋半腩，經二十四小時73度低温慢煮，朋友就覺得牛肉幾林，精髓係個湯，好濃郁!唯一不足既地方係啲面底一般，未能夠將個牛肉同面配合得好好。另外台式鷄絲麻醬面，正正常常，幾大碟，不過麻醬好傑，所以食左3分之1已經好飽，但味道吾錯幾開胃，下次可以試埋其他菜式。

 觀塘是東九龍最大的工業區，也有住宅大廈。近年來愈來愈多餐廳進駐不同的工廈不同的地方 ，岩哂打工仔及觀塘友帶來不少CP值甚高的餐廳。是日一行多人去了鴻圖道搵食！因為有同事之前試過話好有台灣特色，那我們便走到了鴻圖道的盡頭，找找這間【橋田臺灣牛肉麵】...每到午飯...搵食便是我們的打工生活日常啦！事前訂了枱，我們準時到達都再再等，皆因中午1點鐘已經人頭滿滿之後都等了大概15分鐘才能有位置呢！12點至2點在觀塘很多間餐廳真的是座無虛席！餐廳環境好簡單，乾淨，非常光猛！但座位上就不算太闊落！餐廳其中一道牆畫了台灣街景，壁畫為店子增添台灣風味午市既套餐選擇都算多的！連埋野飲，大約$42-$62左右，唔洗加一！套餐係主打台式麵、烏冬同台式便當。另外可以加配台灣小食，價錢來說非常划算。這也是一個十分受歡迎的理由呢！我自己點了橋田招牌紅燒牛肉麵 $52台灣牛肉麵要做得好，麵條、湯底和牛肉都要兼顧，缺一不可。呢度每碗麵半筋半腩，24小時73度低溫慢煮...好講究...牛肉係低溫慢煮既關係非常腍身鬆軟，而且入味。湯頭夠哂濃，醬油味重，因為老闆每日買大量牛骨、蘿蔔和藥材等等材料去製成！有心機又足料！飲落