權之助 (Closed)

晚上與父母, 舅父 一行四人來到此餐廳, 以前我也來過此餐廳一次, 給我的印象是拉面非常差, 但放題食物以相對的價錢下 OK 的, 今天也是沒有什麼期望下來到此店, 最緊要叫自己不要叫拉面就可以 其他食物我不去評價了, 放題的質數大多差不多, 有 OK 的, 也有不太 OK 的 只說亮點~ 拉面: 我還是唔信邪的叫了拉面......]我都真係第一次可以咬了一口就完全放下了整碗面, 冇再食過!....... 湯是很濃很杰的味噌醬加上很重的醬油, 鹽等來扮豬骨湯????? 咸到喊! 面底也只是超市凍櫃能買到的那有拉面難食到呢個地步.....這間店是以拉面來招客人??......終於來到了戲肉!!!! 真係嚇死人的服務態度一位貌似高級少少的眼鏡男waiter , 由一進門接待的態度已經有問題, 晚上是爸跟舅先到餐廳, 說要坐裡面的座位誰之換來一句很強硬的回答 : ...... (唔得?! ) 後來才有個waiter 姐姐解釋人手不夠, 裡面的不放開整頓晚餐都看到眼鏡男waiter 不太友善的服務, 還沒有什麼大事情發生, 沒有太上心到了這晚真正的大亮點 我爸

咁o岩今日有job在中環,見門面有d日本feel,又在中環地區開業咁耐(前身是機舖),諗住都唔會太差,點知....價錢在區內算合理,但味道連茶餐廳都不如...變左一d都唔抵食.酸多過辣,成個湯好似就咁用滾水沖落泡菜咁,唔好食豬頸肉配餃子是有一點創意~~但豬頸肉唔多,鋪在底的是菜,而且超多油...麵豉湯,超咸! 飯太焾,落得太多水定飯煲問題?做日本菜唔係最叻煮飯嗎?一句講晒: 呢間可以放棄

今日原本諗住食八千代，點知行到去見到閂左，萬念俱灰下見到呢關賣相可以既權之助，就行左入去。入到去見到小貓三四隻都不以為然，點知個叉燒拉麵係湯：係一碗白色有鹹味的液體叉燒：好闊佬，有四塊，似係煲過湯既瘦肉切成一塊塊，無味今次真係大開眼界，原來可以有啲咁難食既拉麵，味千都要甘拜下風。

上星期五 (12號) 與友人第一次光顧此店，一入門口完全冇人理過我地，果陣已經覺得此店啲服務好差。今晚，因要遷就友人口味嘅關係，所以迫於無奈再次光顧此店。友人一坐低就問個女侍應有冇銀雪魚定食，女侍應回覆有之後便即時落咗呢個order。而本人就睇咗一陣餐牌，諗好食乜之後，就由一位黑色衫嘅男侍應嚟落order，本人叫咗三文魚帶子定食，芥辣魷魚壽司，馬刀貝壽司及一客枝豆。等咗一陣，友人嘅銀雪魚定食上檯。再隔咗一陣開始見陸陸續續有其他客人入坐，坐吓坐吓，見遲過我入坐嘅客人所order嘅食物都上哂檯之後，我都已經知道一定係漏帶。但我完全冇催過佢地，因為我覺得，如果啲員工真係醒目& 有heart的話，見個客入坐咁耐，張檯都依然係『吉』的話，唔駛你催佢，佢都自自然然會醒水去click個電腦check吓。等到友人食完之後，我舉手，之後係由個女侍應過嚟，我話俾佢知，我叫嘅三文魚帶子定食，芥辣魷魚壽司，馬刀貝壽司及枝豆一樣都冇嚟過，咁你幫我cancel哂佢，埋單啦！個女侍廳點點頭之後就行咗去出單。最後由一個著紅色衫嘅男侍應過嚟找番錢俾我友人，而佢係唯一一個有講『唔好意思』嘅員工。食物質數已經不用再講，因為

遲來的午餐,走到中環本想吃水晶粉那間店, 見這間又有tea set 便一試.柚子茶...太太太甜雞串, 完全唔特別, 別其他快餐店一樣...差拉面湯底太咸, 幾條菜, 及兩塊肉..好像餸尾般..完全唔吸引.

6月17日(星期五) 因訂不到1間以前常去放題, 所以經朋友介紹去了這間. 到了門口, 見到冇客, 應該走人, 但心想朋友應該冇錯, 所以進去試下, 結果我和老公成晚肚疴進進出出廁所, 冇得瞓, 星期六仍舊肚疴和手軟腳軟.. 現在肚子還時有隱隱作痛其實成間餐廳有以下問題:食物:我們不肯定那些食物出 事, 但公平的說, 他們的熟食物如牛仔骨, 羊架味道不差, 魚生也鮮味, 但件頭太細, 而且有些魚生只給頭頭尾尾的部份, 賣相不好, 食慾也不大增, 另外那些壽司飯太爛太黏牙, 拉麵的味道也怪怪的, 總括來說, 沒有驚喜, 太多失望, 不知是不是因我們吃的是放題的原因, 怕我們吃得太多. 服務:可能去過那些服務好食物佳的放題食過(跟權之助的價錢只貴20元), 所以看到餐廳的員工那麼散漫的工作態度, 行行企企的, 他們的態度不殷勤, 落單要叫人才來取, 總括來說, 要走出去向其他放題取經, 然後重新來過, 再用心去經營, .喔!喔!.... 個肚又痛了..... 要停... 去廁所...

下午4:00pm經過見到有間拉麵館!見到個招牌好似好pro咁,門口又放左一幅似係日本師父既相同介紹!仲有下午茶既拉麵套餐,於是決定入去試下!諗住入去會有人帶位,但見到員工個個都企哂係入面背住門口!根本就唔會見到有客入左!於是我就自己搵位坐低!我坐既係兩人,隔籬有排木既欄杆隔開令外半間餐廳!有個waitress行埋放低左一(踏)紙,好似去左食車仔面咁同一張無拉麵揀既餐牌!上面只有壽司!而紙上就印住下午茶餐...有3款迷你拉麵+壽司+飲品(各自選一款)!於是我揀左博多拉麵+三文魚壽司+可樂!首先杯可樂!但竟然係一杯加左冰但無氣既可樂!大概等左差不多十分鐘,突然間有個男waiter係欄杆上面伸隻手過放低碟三文魚壽司!即刻火都我究竟係咪去左大排檔食野呀??甚麼service呀??見壽司既賣相已經唔討好!算...都唔會再有咩期望!但我食完壽司等左成十五分鐘我個拉麵都仲未到!於是叫個waitress幫我跟,跟完都仲要等成十分鐘先有得食!當時得個三四客咁都漏單???湯底已經無乜特別,拉麵又唔係好食,cheap quality!日式叉燒??.....係一粒粒,重要係好(鞋)口,好似煲湯個

今日同同事出去食飯, 點知....佢竟然帶我嚟 " 權之助 "!? 我初頭say no. la ...之前食過麻麻地既....但佢話: 試下啦....最近有無嚟食過呀?? 原來佢上星期五先嚟過, 話啲野食好咗好多喎....半信半疑下...入咗嚟食囉....前菜只是醃蘿蔔, 紅蘿蔔絲+大豆芽....呢啲野一般般啦.... 兩個人叫咗2個定食....一口牛柳定食: 真係估唔到...啲牛柳煮得剛好, 少少生,軟軟綿~~~ 豚肉生羌焼定食: 友人係一個生羌燒迷....盛讚佢個汁好香羌汁味, 仲好鮮甜....事隔數月....估唔到好食咗咁多.... 同之前揀直係差天共地....我估佢應該換咗師傅...如果唔係.... 食完仲有少少心掛掛添....過兩日再嚟食先~~~ ^ ^

鍾意個lamen無 (太多)味精.佢D lamen 都幾多選擇, 有D款重幾特別同attractive.例如有個prawn lamen, 圖片幾attractive ar.個lamen重可以選擇湯底嘅款式, 同埋油份tim.不過價錢有d貴. 多數lamen款式都係要$50-$65 一碗.

做完產檢，肚子已經很餓，在中環想馬上找點東西下肚，剛好又是 lunch hours, 很多地方都已經 full 嗮，唯獨這權之助竟然不用排隊馬上有臺，老公怕我餓坏又走不動，雖然見到人流如此已經 “心感不妙”，我就覺得能在中環 survive 的餐廳應該不會太差吧，餐牌上的東西也很普通 & standard，應該不會弄得太難吃吧？我們就進去 try try...長話短説，叫了三道菜：味噌叉燒拉麵，炸雞軟骨，咖里豬排飯，沒有一道菜是及格的。味噌叉燒拉麵：麵條沒有口感，沒有彈性，湯底很鹹，難以入口，叫 waiter 來試試看， waiter 馬上把整碗拉麵拿進廚房，加了兩倍的清水，湯底馬上變得淡而無味。老公吃得一頭冷汗。炸雞軟骨：很硬，應該叫炸雞硬骨，炸粉完全沒有味道，要靠他們給你那碟小小的薩拉醬來調味。咖里豬排飯：上菜時的 plating 很嚇人，飯是東歪西倒的 (後悔沒有拍照)，完全是胡亂撥給你的，curry sauce 佔到碟子的邊邊都是， waiter 放下了你就別碰那個碟子了，免得弄髒自己的手變成 curry hand... 豬排很薄，很乾，很硬，我是牙齒很健康的人，也有點在咬紙皮

睇完戲9點幾,落到街市附近10點幾,見開既鋪唔係好多,有間係食拉麵既就入左去試入到去冇人SERV,係間野入面呆住咁遊走左成個圈先有人SERV我地原本想食飯,但個Waiter話得返拉麵,就叫左個味蛋拉麵,友人叫左個豬軟骨拉麵.拉麵本身都唔錯,湯底一般,但可以接受反而個糖心蛋真係好似普通雞蛋咁友人對依餐都幾滿意,下次如果再黎想試下d飯

放了學和朋友到中環一帶的拉麵館吃拉麵，發現室內環境還算乾淨。不過比起銅鑼灣的面屋一平安的裝修卻略為遜色，比起八八八拉麵，拉麵的素質也較差。以下是我和朋友點的食物：1）博多拉麵（面質太硬，不夠爽口，肉也不夠鮮味，湯地一般。） 2）雞腎串燒（不太鹹，加上檸檬汁口感不錯，蠻清新！） 3）三文魚壽司一客（跟元氣差不多，比板長和峰壽司卻差得多！） 4）牛肉石鍋飯（蠻大份，才三十八元一客，很抵吃！）

今日lunch同個同事去左中環的,個招牌好有日本feel…入到去d間格都係…原來入面仲有2層,個waiter叫我地上一層坐, 不過樓上好似加建出來咁…暗d又窄d…同埋講野好大回音…格離講咩都聽到晒~佢個menu講得唔係好清楚…淨係寫住叉燒拉麵….味噌拉麵咁….又冇講明有d咩野送…選擇都唔算多~~最後,我叫左個叉燒拉麵($48),我同事就食味噌叉燒拉麵($60),結果上菜果時….我地仲諗住差12蚊點都有d分別掛…點知原來$48果個只係得一塊叉燒+一塊紫菜…而$60果個就係3塊叉燒+一塊紫菜…真係O左咀…仲要份量又唔係多….連芽菜粟米粒呢D都冇…下次唔會再去食~又唔係好平..仲要唔好食唔抵食~餐飲都冇得送..仲要另加一><

I had a quick lunch at the restaurant, the decor looks fine and there are coupon allow customers to pick at the front door for 10% off instantly. The restaurant mostly serve Japanese Ramen, but I ordered a don set with Uni, salmon and miced toro sashimi with sushi rice. I guess the sashimi I had wasn't fresh at all, I had diarrhea right after half an hour. I don't think I will go to this restaurant again.

因為工作關係, 是日下午在中環用餐, 記得雜誌有介紹過權之助, 是新派值得一試的拉麵, 所以特登去左一試門口有穿著日本服既侍應幫手拉客, 餐廳裝修好有日本feel, 不過燈光過暗, 因為中午時間人多, 我又只有一個人, 所以坐左bar檯, 這樣正好, 可以一看廚師手勢叫左個味蛋拉麵, 因為問過侍應, 權之助是糖心蛋, 而且是整隻不是半隻, 叫叉燒拉麵再加蛋並不化算, 還是少兩片叉燒換一隻蛋吧其實味蛋拉麵這個名字有點怪, 如果真是想日本化, 應該叫『味玉拉麵』吧, 日本是不會這樣叫的雖然裝修像日本, 但並不像日本一樣當著客人面前煮麵, 味蛋拉麵等的比較耐, 來到時候賣相已經令我有點失望糖心蛋因為壓過, 有一邊是平的, 叉燒好像剛解凍一樣, 就只是一塊肉"pat"在湯麵上一樣一吃之下, 不得了, 雖是糖心, 但蛋是凍的, 壓過的痕跡應該是因為放在膠箱中等有order時即場拿出來放進湯麵叉燒的肥膏很雪白, 雪白得好像還未煮過一般, 叉燒的熱就好像只從湯的熱度傳過來一樣, 即係好似無煮過, 或者煮完放左係度一排一樣紫菜不脆, 一拿到來已經不廷身, 配菜是菠菜, 還是第一次吃菠菜做配菜, 如果是