正九清湯腩．冰室 (美輪大廈)

Open Now

Now Closed

正九記的牛腩一直都出名好食，係北角發現原來正九記都有冰室，簡直大發現，就入去食午餐試吓新嘢。除咗招牌牛腩粉麵，多咗好多特色小菜，川菜。🩵香茜皮蛋豆腐魚片湯 $95份量多，魚片嫩滑非常多，下火之選，魚片湯清甜，我哋差唔多飲晒。🩵清湯崩沙腩可粉 $60崩沙腩要+$8，幾乎係必點，透住油光，筋膜之間的肉非常嫩滑。🩵清湯牛三寶撈麵 $74牛三寶，就可以試晒牛筋、牛腩同牛肉，份量滿滿。🩵腩汁菜心 $19有湯有肉，必有菜，菜心嫩口。正九記冰室性價比真係好高，餐牌好多特色菜松鼠魚、酸菜魚、砂鍋雲吞雞、特色小菜都係幾十蚊至$130左右，價格親民，重點係好食，座位係冰室中算是較為闊落同舒適。

今日嚟到北角去咗正九清湯腩.冰室， 叫咗一個全家福 裏面有崩沙腩，坑腩， 金錢肚，牛筋，蘿蔔。而崩沙腩同坑腩兩種唔同食法， 崩沙腩牛味重啲，肉質比較淋，坑腩比較爽滑，唔會起潺， 所以如果大家有機會去一定要試曬兩種牛， 兩個脂肪同肉嘅比例都好均勻， 而且份量非常足夠， 食完已經好滿足。 之後再推介佢哋嘅菜肉雲吞， 皮薄餡靚， 裏面配料非常多， 一食就知係人手自己包， 又可以做到個皮咁薄，又可以做到裏面咁多餡， 真係唔容易(有誠意),當然食咗咁多肉梗係要整返個腩汁生菜， 睇到已經翠綠， 新鮮 最尾飲埋杯熱奶茶醒一醒神， 又係一日good day所以我決定畀五星星佢

昨晚一個人食晚餐，行經呢間「正九清湯腩」，突然間觸發咗我味蕾，好想食牛筋牛腩，於是走入去試試先。呢間除咗有招牌牛腩、各款粉麵賣之外，晚市還有鑊氣小炒和焗飯等等。🥢 清湯牛三寶河粉牛三寶分別有牛筋、牛腩和牛肚。湯底味道清甜，唔會搶走主角嘅味道，牛腩炆到夠晒軟爛入味、牛筋又彈牙，加埋脆嫩爽口嘅牛肚，再配上爽滑嘅河粉，簡直係人間美食。🥢 炸魚皮另外叫咗我嘅必配嘅炸魚皮，呢度啲炸魚皮相當大碟，而且價錢又唔貴，魚皮炸到好香脆，我喜歡浸落啲湯度幾秒，再攞上嚟食，另有一番滋味。🥢 腐乳通菜見好耐冇食過腐脆通菜，叫番碟嚟試試先，啲通菜灼到剛剛好，唔會太腍身，啲莖仲係爽脆，配埋香濃嘅腐乳醬，食到停唔到口添🤪🥢 凍檸賓利賓納唔會過甜，配合埋酸爽嘅檸檬，而且又夠冰凍，感覺超正。

正九清湯腩冰室 (美輪大廈)北角英皇道442-456號美輪大廈地下12級12A號舖經開北角地鐵站，開咗間新嘅冰室，主打清湯腩同即炒小菜，入去嘆下先。😁全家福配料有崩沙腩、坑腩、金錢肚和牛筋。崩沙腩和坑腩肉汁豐富、牛味香濃，口感煙韌，黃金比例的脂肪和牛肉，食到停唔到。金錢肚和牛筋爽口彈牙夠入味，有豐富的骨膠原，醃製得恰到好處，蘿蔔新鮮多汁冇揸，推薦！😻菜肉雲吞自家製菜肉雲吞，皮薄餡靚，豬肉新鮮，肉汁豐富，香氣四溢，份量十足，湯底香濃，加香蔥提升層次，必食！🤤油菜 - 腩汁生菜生菜新鮮爽口，腩汁鹹度適中，好味道！😚熱奶茶 茶膽香濃，又香又滑。😸熱檸茶 茶味香濃，檸檬新鮮。😽正九清湯腩冰室 環境舒適，食材新鮮，地點就腳，侍應服務態度好，還會再來。😎🤘🏻

我喜歡吃牛腩。今日我和媽媽在北角買完應節用品，便順路去此店吃慕名已久的清湯腩。下午茶時間，店有很多食客，好不熱鬧。下午茶由$37至$44，包熱飲，凍飲加$3，有各款湯粉麵，炒飯，牛河，焗飯，烏冬等，選擇很多。我們叫了一份馳名的正九淨清湯牛腩($138)，加$10升級為崩沙腩。清湯崩沙牛腩超正，推介!大大碗，份量比預期大很多。崩沙牛腩新鮮優質，炆得夠火喉，軟硬適中，肥瘦得宜，刀工好，入口充滿肉香，唔咸。清湯加埋葱花好惹味，墊底的白蘿蔔吸滿牛肉精華，食落清甜無渣。媽媽買慣餸都話超值，佢話自己去街市買牛腩在家炆都唔止這價錢，亦難買到崩沙腩。我建議中秋買份外賣做節，煑少一味。我們另外叫了墨魚丸河粉和清湯牛筋担担麵。清湯牛筋担担麵好食，牛筋淋滑，食落有口感，充滿骨膠原。担担麵醬香麵滑，美味。墨魚丸河粉也不錯，墨魚丸彈牙，河粉滑。凍奶茶和熱檸水合格。高估自己食量，將吃剩的半份清湯腩帶走。

餐廳：正九清湯腩．冰室地點：北角英皇道菜式：冰室餐牌：百搭套餐、百搭小菜、西式焗、常餐、新鮮牛腩牛骨,各款飯，飲品，午餐，下午茶餐等等。淨清湯牛腩 $138淨清湯牛腩超多，一共有廿幾件牛腩，整得好淋，牛味濃，無特別吩咐已經係半肥瘦，果然係招牌。下底四大舊白蘿蔔，又淋又香。蔥花另上。淨牛丸 $39淨牛丸一客七粒，大大粒，味道唔錯，口感彈牙。個清湯加有蔥花。豬扒焗烏冬 $42豬扒焗烏冬大大碟，大大塊豬扒下底有好多烏冬，面頭仲有芝士，係拉絲既。豬扒連骨，超多肉食，少鹹。汁我揀左茄汁，有五件新鮮番茄，個汁甜甜地，好開胃。汽水跟餐唔洗加錢，有獨立包裝飲管。冰底 $3冰底都好大杯。今餐牛腩真係好正！餐廳裝修光猛，算乾淨，今日坐到卡位，座位舒適。

週末又再加班工作，晚餐於家附近的清湯腩冰室解決環境寬敞舒適，裝修簡單，乾淨光猛，衛生企理除了牛腩粉麵，還有小菜、煲仔等冰室美食設有自助區供應清水及碗碟，擺設簡潔大方，切合香港速食文化淨清湯牛腩湯底經過多個小時熬煮而成，油而不膩，牛腩煮得入味清湯爽腩粗麵口感柔軟而有嚼勁，加入潮州辣椒醬、蔥花、蒜蓉等配菜，豐富多彩炸魚皮薄脆香口，浸上清湯一起吃，更有另一種風味跟餐加$8有凍檸樂，檸檬酸味中和可樂甜味，感覺清新

正九清湯腩．冰室今次要介紹喺北角港鐵站A1出口有升降機，搭完上去間冰室就喺對面街，呢間冰室除咗有一般牛腩粉麵，仲有加埋小菜、焗豬、煲仔等一般冰室嘅餸菜都有，總有一味，啱你口味！呢間冰室門口係有一級，輪椅人士如果要入去嘅話就要自備斜板，冰室嘅通道唔會好窄，亦都唔會好闊，你預一張電動輪椅夠過有餘，枱面都係要小心「菠蘿蓋」，枱底有少少厚，因為有櫃桶放餐具，呢種枱我唔係咁鍾意，不過間間冰室都差唔多用呢款枱，大家留意返就得啦！1.清湯牛腩河$52+牛丸$8+凍檸水$8（9/10）呢碗清湯牛腩河份量都算多，牛腩叫咗肥少少，食落唔會痴牙，牛腩大約都有10舊，加$8仲有兩粒好彈牙嘅牛丸，凍飲只係加$8，揀咗凍檸水！2.乾炒牛肉河$58+凍鴛鴦$8（9.5/10）呢碟乾炒牛肉河個牛肉份量非常驚人，牛肉大約有10片，牛肉每一片都係大大片，而每一片都非常軟淋唔韌，牛肉河仲有其他配料有芝麻、洋蔥同芽菜等，凍飲只係加$8，揀咗凍鴛鴦，凍鴛鴦好滑，又唔會太酸，好好飲！3.雞中翼（4件）$33（9.5/10）呢碟炸雞中翼炸到外皮好脆，如果加少少辣粉仲更加好！4.口水雞$50（9.5/10）呢碟口水雞雞件大約都有10

港式粉麵都係comfort food之選最近試左呢間都相當唔錯主打有多款粉麵,另外仲有小菜等而且環境乾淨同夠光猛👍🏻🌟清湯牛腩河清湯牛腩絕對係香港特色美食店家採用牛骨,薑,八角,肉桂等香料再經過多個小時熬煮而成 湯底油而不膩牛腩煮得入味又夠腍 肉質柔軟且鮮美牛腩可以自選肥/瘦/半肥瘦亦可加錢轉坑腩,崩沙腩,爽腩💯🌟清湯牛三寶飯牛三寶有牛腩,牛肚,牛筋清湯既味道又唔會掩蓋左牛三寶既鮮味河粉帶韌性唔易斷 口感亦彈牙👍🏻🌟腩汁蘿蔔蘿蔔充分吸收晒湯汁 而且冇渣 入口鮮甜🌟魚香茄子煲茄子色澤油亮 香糯軟棉 而且非常入味 加上肉碎同鹹魚鹹香味十足🙌🏻

同同事去北角做嘢，竟然見到開咗正九！係我心目中，正九既牛腩係超正食物出品有保證🤓🤓一於同同事食個靚lunch 依間分店，同其他分店唔同，佢係有做埋冰室，所以食物選擇多好多，晏晝有午餐餐牌，仲有焗飯！凍鴦，凍檸茶👍🏼👍🏼爽清湯牛三寶有牛腩、牛肚、牛筋賣相靚仔之餘，味道都唔輸蝕❤️依舊牛腩，有少少脂肪，我冇特登整走佢，成嚿放入口，一路咬，牛肉同牛油味喺口腔混和，超級正！同事都話難得食到咁好食嘅牛腩😈😈真係冇介紹錯囉當然唔少得蘿蔔啦，都好入味由於一向都好鍾意焗飯，所以都忍唔住要試一試。有幾出色喎，可以自己選擇醬汁： 茄汁、白汁、咖喱汁。我揀咗焗茄汁雞扒飯，最令人驚喜嘅係醬汁味道係好經典嘅香港味道，仲有幾塊新鮮蕃茄，炒飯底！絕對推薦！

今日黎到北角區成日都覺得舊城區無咩好食今日就搵到間清湯腩+小菜既冰室外面睇感覺好似不錯就入去啦我哋叫了兩碗面餐+一個茄子煲🎀清湯牛腩河店員推介坑腩位，比較淋身及肥瘦平均食落去好有牛味，咬幾啖就融化幾岩小朋友食🎀酸菜魚米線很大的一碗，一定飽肚魚肉鮮嫩無骨，配上酸辣湯底好出色！微辣，確實回味無窮.晚市有整煲酸菜魚叫的，下次要再試！🎀魚香茄子煲未開蓋已聞到香氣撲鼻，此茄子煲用上超多蒜蓉，和平常食開有點不同，每一口茄子都有蒜蓉伴隨，吃到一半還很熱辣辣，配埋白飯就很美滿啦！之前食好多冰室都有中伏感呢間又無，而且位置坐得舒服晚講黎可以再試其他菜式。

之前喺九龍區食過佢三間唔同分店嘅出品都有一定嘅保證。最近知道佢終於喺北角開咗，終於唔使出九龍都可以食到喇。北角呢間分店個名係正九清湯腩冰室，同九龍幾間嘅舖頭唔同，呢間做埋冰室，有中式小炒可供顧客選擇添。我哋叫咗一個百搭套餐（包兩個白飯）。鮮花椒酸菜魚：鮮花椒嘅味道就係同乾嘅唔同，花椒嘅香味更加突出惹味。魚肉好大片爽口。起碼有十幾片魚肉。應該係鱸魚肉黎（唔係嗰啲cheap cheap魚）。入邊仲有d芽菜同雲耳。另外佢個酸菜亦都令到成個湯好惹味。湯頭呈金黃色，色澤吸引。椒鹽魷魚鬚：炸皮做得好酥脆。魷魚鬚軟熟唔un 易咬開。冰梅欖角骨：大大嚿七嚿咁多。肉質彈牙。配埋冰梅欖角，味道層次豐富。紅豆冰，菠蘿冰：呢兩個都係跟餐送嘅。夏日炎炎，飲呢個啱晒。

有一位呀嬸伙記聽極都唔明又要寸，簡簡單單講牛腩河要轉粗麵，佢話唔明。以教訓的說話同顧客講下次講牛腩粗麵四個大字咪得囉。嗰刻簡直好似打緊佢工咁，食個麵都要受氣，到食嗰刻發現啲腩都係好鞋，個面又好細碗。香港飲食業係得嘅，呢間嘢永遠唔會再去。仲有呢度啲櫈好多冇得挨後，背脊受罪之餘，呢間餐廳仲有浸臭味😡。同埋我發現呢度嘅晚餐係比出邊餐廳偏貴，茶記嘅格局，賣到好似食西餐咁。個個晚餐都過百蚊咁滯。性價比好低！

有朋友話係佢住附近有間新清湯腩抵食又好食下午茶時段清湯腩河 加杯熱飲都係 $42落單時可指定要肥/ 半肥瘦/瘦另外加$8 可轉轉崩沙腩/ 坑腩/ 爽腩 今次揀係普通牛腩(瘦)，唔多肥膏唔會太油，一咬落口真係驚喜，牛味濃，又軟又腍唔黐牙；湯清個味好濃好甜，香料味好出，飲得舒服；河粉都唔錯，有靭度唔會散；偷偷試左辣椒油，無特別最後睇返原來正九已經有幾間分店...

正九以清湯腩馳名，最近在北角開了一間冰室，今晚便來一試。蒜蓉粉絲蒸蝴蝶蝦配鹹蛋土魷蒸肉餅$168，送一杯紅豆冰。蒜蓉粉絲蒸蝴蝶蝦，蒜蓉味道香濃，蝴蝶蝦爽口彈牙，粉絲吸收了蒜蓉和蝦的香味，非常美味。鹹蛋土魷蒸肉餅，土魷和鹹蛋配肉餅都是個人喜愛，現在同時兩者兼得，就非常滿足。紅豆冰，紅豆份量適中，不會過甜，加上花奶味道香濃，作為甜品非常合適。清湯崩沙腩伊麵$65，崩沙腩是這裏的名物，因為煙煙韌韌，牛腩部份肉味香濃，如果到來，這個是必點的。伊麵吸收了牛骨湯底的香味，配上美味的崩沙腩，簡直是一絕。凍檸茶跟餐$8 ，檸檬份量適中，茶味十足。油菜$19，菜心爽甜可口，蠔油可以另上。檸樂跟餐$8。