正九清湯腩 (群星大廈)

Open Now

Now Closed

正九清湯腩//今天午餐吃得比較豐富，所以晚餐時間想吃清淡一些。在裕民坊附近發現了正九清湯腩，人流不少，所以便決定嘗試一下。清湯牛腩幼麵 $50見到菜單上有得選擇肥，瘦或半肥瘦，頗貼心的。今次沒有特別選擇，上菜時牛腩主要是偏瘦的，有一兩塊是比較肥。瘦牛腩沒有太多的油膩感，比較實在和較多肉味。肥牛腩較腍，較有油脂感。清湯牛肚米粉 $50友人叫了牛腩，所以便叫了牛肚試一試。牛肚十分入味，比起坊間的較容易咬開。米粉能掛湯之餘亦沒有把湯汁吸光。腐乳通菜 $19叫完沒多久就聽到通菜售罄了，腐乳沒有淋在通菜上面，已是放在一邊。想吃清淡的點一點點就夠了～炸魚皮 $20魚皮脆身，份量很多。上菜時很多都是一大片，而不是碎碎的。凍奶茶 （跟餐+$8）茶底好香，不會好淡，入口都很滑和順口，唯一要挑剔的是味道被冰溝淡了，要盡快飲，下次再來會叫走冰～

今日行街經過見到有正九，2話不說入去E肚照舊醉雞米，今次加$5轉雞比！正！都係加$5，超抵，本身個面都係$50叫多個油菜加杯涷飲伴侶叫左個牛肚河啲牛好香河粉好滑吾洗問都知出名係牛肉羹！好多人走入尼叫外賣係叫呢樣多！好勁！做左正九fans 見到有正九，性價比又夠高嘅粉面個人不食牛，但超欣賞醉雞件！係整到勁鮮勁嫩同酒味夾到剛剛好！原來正九有4間，經已比我食哂！係真心正嘅，價錢又合理會繼續支持你的正九💓

食過晒油麻地旺角嘅正九清湯腩，今次終於嚟試觀塘呢間總店，仲要第一次試佢哋牛肉羹，估唔到又幾值得一試😋😋牛肉羹($40)第一次食牛肉羹，感覺就似飲碗仔翅，只是湯料轉了是牛肉。牛肉吃起來更有嚼勁，口感嫩滑，味道鮮美，湯汁清澈透明，牛肉的鮮味和湯的清香相互融合，讓人食欲大增。加入少少醋汁，使得味道更加豐富。😋😋腐乳通菜($19)通菜味道清爽，口感脆嫩，腐乳具濃郁的豆香味和微酸的口感，適合喜歡濃重口味的人食用。正九清湯腩 (群星大廈)地址：觀塘物華街19-29號群星大廈地下C號舖

今日同同事趕去開會, 快快食個晏, 就去咗觀塘物華街呢間口碑唔錯嘅「正九清湯腩」食。我都好鐘意食清湯腩, 佢餐牌有好多選擇, 餐廳粉麵🍜🍚🍛飯都有, 除咗主打嘅清湯腩之外, 仲有福建牛肉羹, 上海擔擔麵, 炸排骨飯, 口水雞, 紅油抄手等供應。粉麵選擇都有好多呀, 粗面、伊麵、米粉、米線或上海麵……等等, 而且牛腩要肥或者半肥瘦都可以先揚聲, 可以有選擇, 你想點都可以, 店員都好好人, 樣樣都配合你要求, 都頗為貼心。崩沙腩擔擔麵加菜肉雲吞 - $70上枱以為係清湯, 原來擔擔麵醬係下面, 攪拌好就變擔擔麵湯底, 帶有花生香味, 濃度剛好不會膩, 配上海麵, 份量也很多, 崩沙腩份量幾多, 崩沙腩係牛的橫隔膜附近, 豐富膠質, 爽軟不硬, 腩的筋膜帶油脂香, 又爽又腍滑。雲吞🥟大大粒, 外形都脹卜卜, 皮薄餡料飽滿, 味道幾好。清湯牛肚河 - $50湯河湯頭清澈夠味, 又冇味精, 一啲肥膩嘅感覺都冇, 湯底輕微牛骨香味, 碗裏面牛肚河切成一片片, 每一片都算大塊, 有10片左右, 口感軟腍又有啲咬口, 我配米粉都好好味。記得要落埋佢啲辣椒油, 加添香味。🥢腐乳通菜 - $19十幾蚊

今日來觀塘發掘美食，喺觀塘地鐵站A出口步行約5分鐘就到。一坐底叫左清湯轉崩沙腩河粉 $58 + 墨魚丸$6。想試吓呢度嘅崩沙腩，是牛的橫隔膜，入口最 煙韌彈牙，是眾腩中最有嚼勁的部分。崩沙腩毫不吝嗇，入邊有八至十塊，腩位肉味非常濃厚，加上這個部位非常爽口，充滿油脂包圍着，食到牛濃香、爽而不膩。河粉，是用上幼身的河粉，很滑身，而且不會容易斷開！墨魚丸不過不失啦。奶茶，茶香奶滑，正常發揮😍😍😍推介指數：⭐️⭐️⭐️⭐️⭐️

點了三寶河，內有牛腩，牛筋和牛肚。刻意沒有額外加錢轉崩沙腩，想試佢的正常牛腩質素. 碗河粉來到，牛腩很瘦，好硬實，完全唔鬆化，完全唔好食。牛筋和牛肚，正常質素。湯底真係好清，清到沒什麼味道，也沒有牛味。杯凍奶茶，感覺很澀及鞋口，唔太好飲。整個用餐體驗，感覺失望到完全冇心機影相😥😥。不會再回來了。附近會有更好的選擇。坐位有點迫，玻璃門長開，冷氣流失，店外二手煙吹入來，二手煙很臭。遲些再熱d, 應該會好熱。

我最近到觀塘正九清湯腩總店用膳，品嚐了他們家的清湯崩沙腩河和牛三寶河，真是讓我大開眼界。其中，牛河更是備受推崇，深得我心。牛河的肉汁非常鮮嫩，肉味十足，而且湯頭清澈美味，吃起來一點都不膩口。河粉的口感非常彈牙，配上肉汁和湯汁，味道更是美味無比。除此之外，觀塘正九清湯腩總店在下午茶時段還會贈送免費熱飲，凍飲只需加$3，非常實惠。整個用餐體驗非常愉快，店員服務也非常周到，令人感到非常舒適。總的來說，觀塘正九清湯腩總店的牛河絕對是一道不容錯過的美食，如果你正在尋找一家好吃的清湯腩河店，這絕對是一個不錯的選擇。

叫左個清湯牛腩河同牛三寶河粉，湯底超級咸，牛肉好老，河粉不好食，硬！好明顯係劣質產品！清湯腩河49不包食品，牛三寶河粉，牛肚還過得去，牛筋都算好，牛腩就好老，好難食！湯底超級無敵咸！

因為要由柴灣去九龍灣攞嘢，所以特登再去觀塘食佢，之前都食過呢間正九嘅排骨擔擔麵3，4次！ok好食排骨又多又外脆內軟，個麵又煙靭，個湯ok有少少辣，幾好食！咁今次去隔咗1個月，嘩，點解差咁遠，個排骨少咗3份2，仲要切粒，仲要得6,7粒（圖中係舊骨😅好似好大舊，開頭太肚餓,無影到)，啲豬扒粒仲要外燶內乾！湯又無乜好似撈麵咁，叫姐姐比啲湯，佢話以為我鐘意少啲湯，因為有人會少湯撈嚟食，（姐姐如果我要撈麵就會出聲啦，叫擔擔麵就要有湯㗎啦，唔好以為好唔好），個麵就普通，硬咗啲，無之前嗰啲煙靭，但我都食晒，因為都2:00我都未食過嘢，唔係好難食，係難食啫，又唔想嘥嘢，埋單有同姐姐反應話之前幾次嚟食係幾好，今次差咗好多，佢話唔好意思會留意返，但我短期內都唔會再去，觀塘咁多嘢食，試咗其他先，有緣再會😅

睇戲前喺觀塘覓食，見到呢間零負評嘅清湯腩店於是就黎試一試佢。趕得切下午茶時段堂食，跟餐送飲品，凍飲加3蚊。可惜本日崩沙腩同坑腩沽清，就叫左個清湯腩（半肥瘦）雲吞河同腐乳通菜。不得不提個湯頭真係世界級！由新鮮牛腩同牛骨熬製而成，飲落好清！加少許辣椒油更加出色！幼河粉亦好夾個湯，唔會碎唔鞋口！牛腩可以叫肥/瘦/半肥瘦亦可以照顧個人喜好非常好👍🏻唯一個菜肉雲吞冇乜特別，下次可以唔使叫。整體都非常出色，湯連粉好快清晒！

剛好經過 發現裏面高朋滿座 便也跟着進去湊湊熱鬧🤣🤣🤣每枱也有辣椒油、醋、胡椒粉、牙籤🫙辣椒油 則是普通的潮州辣椒油🌶️不會令人印象深刻那種〰️凍檸茶走甜 （跟餐 +$8）茶底不香濃 很稀的感覺🤣不過檸檬片給得很慷慨🍋 是不錯的解渴之選！而且晚上喝 也不會擔心茶太濃 晚上睡不著😆三併粉麵 🥢 $69牛筋、牛腩、雲吞米粉 多蔥🍜牛腩還可以選擇加錢升級至崩沙腩、沙腩等等 🫶🏻而我則選擇了最原本的牛腩〰️牛筋牛腩是正常的水平 不過份量真的非常多👅雲吞是店員推介的🤪 我才點來試一試裏面豬肉的份量很多 夾雜適量的蔬菜🥬有點上海雲吞的感覺 皮很薄〰️不是一般我們吃到的鮮蝦雲吞 🦐不過也是好吃的☺️湯底也是一般的清湯 不太能嚐到大地魚的味道夠熱！ 而且很欣賞店家將青蔥切得這麼細 感覺很有誠意🫡💛另外加配了店家推介的炸雞翼 $33 一客有4件 很大一隻耶！！每一隻都是脹卜卜 即叫即炸👅外層酥脆 炸粉很薄一層 面頭還撒上了胡椒粉吧 更香口！裏面的雞肉滑嫩多汁😝😝真的很好吃！-整體對這間粉麵店的觀感不錯☺️每位店員都非常親切 而且很友善 店員之間的感情也很好 😙整間店舖的氛圍 就像一個小家庭 合作無間在裏面吃的不僅僅

一到秋冬🍂就會想食牛腩河 可能因為係湯麵 食完暖笠笠好舒服😋 咁啱係觀塘附近見到哩間評價唔錯就入左去啦 地下有啲跣 大家如果去要小心啊❗️ 去到差唔多七點 本身想試沙崩腩 已經賣曬🥲 之後叫左普通牛腩同坑腩 好彩我地早啲到 之後已經冇曬河粉 牛腩都得返最後幾份 估唔到咁快賣曬 應該都幾受歡迎🥳✿ 清湯牛腩河 +雲吞 ✿ [$49+8]清湯飲落好舒服 好暖胃 啱曬淡口味嘅人 不過我就這樣落啲辣椒油啦 個人認為食牛腩河一定要落辣椒油🤣 牛腩可以揀半肥瘦 偏肥 偏瘦都得 揀左半肥瘦 啱啱好 肥瘦中間部分幾爽口😍 雲吞嘅餡係菜心同豬肉 幾有驚喜 菜心仲係爽脆 應該係新鮮雲吞😍✿ 清湯牛腩河 轉坑腩 ✿ [$49+8]河粉係幼身嘅 軟硬程度啱啱好 唔會一夾就斷值得一讚👍🏻 唔係間間做到 而且坑腩比普通牛腩更爽口同牛味濃啲 份量都幾多 細食嘅記得叫少麵⚠️ 整體表現唔錯 下次會再食😋✿ 油菜 菜心 ✿ [$19]可以揀蠔油同腩汁 份量可以多啲🫣★好食指數★：7.5/10★🈚️加一★

今晚放工搭巴士去到觀塘嘅時候突然醒起想食清湯腩即刻落車再行經凱匯上去正九 勁快一去到二話不說叫咗碗清湯崩沙腩河，仲加多兩粒墨魚丸，再整碟芥蘭，凍奶茶！幸福就係咁簡單！賣相一如概往吸引 湯底顏色夠清 牛腩又靚又多即刻飲一啖湯暖下胃先清澈既顏色但味道鮮甜而且夠咸 今日俾得唔夠多湯，所以我叫店員俾多碗湯啊，佢哋都好樂意！崩沙腩上下都有層根膜 有咬口 肥瘦適中 肉質林滑河粉夠薄身，條條分明滿分既清湯牛腩河墨丸彈牙真材實料

今晚唔太肚餓，想食下清清地嘅粉麵類, 記起公司附近有間正九清湯腩，於是收工就約埋同事去幫襯下囉。同事叫左清湯牛筋河粉，我就點左清湯牛腩米線🍜，加$8轉坑腩，大家交換左餸，咁就變左雙併☺️。坑腩牛味重肉質軟淋，柔韌又有嚼勁，側面的筋膜咬落有油香，很好味😋，清湯清而不膩， 同事說河粉很細滑可口。我另+$4配了咖哩汁，將米線加入變左咖哩撈米線，好夠味但唔覺得辣，小朋友都啱食☺️。+$8有菜心烚得熟度剛剛好，而凍飲每杯只須 +$8，真係好抵啊😜。

同朋友喺瑞和街體育館打完波，好多觀塘波友都好鍾意食呢間，但我就第一次跟波友嚟食。真係好好食，好有質素，難怪咁受波友歡迎！😍仲要食物種類都好多。👍🏻清湯牛腩河拼雲吞 ($57)牛腩有得叫半肥瘦，全肥全瘦，我就叫左半肥瘦。牛腩好爽口，好腍，半肥瘦就更加正。😋河粉質感好好，好爽。最鍾意係佢個清湯底，好夠味，係出面食我要落好多醬料，呢庿完全唔使落任何醬料都好正。😍高質！另外個雲吞係勁大粒，+$8就有好2粒好大粒雲吞，好好食。😋口水雞飯 ($54)雞好滑，雞味突出。口水雞醬都好入味好香，最重要係麻辣味夠出，好過癮！🤩整體都係好高質，無諗過咁好食👍🏻腐乳通菜 ($19)通菜好爽口，脆卜卜。腐乳味好濃，超好食！🤩仲要份量都足，唔錯。凍奶茶 (跟餐+$8)茶味濃，奶味香，甜度適中，奶茶fans絕對可以過黎一戰。😋凍檸茶 (跟餐+$8)茶底濃郁，唔錯！