正九清湯腩 (群星大廈)

Open Now

Now Closed

認識我的人都知道我超愛吃牛腩，無論是崩沙腩還是坑腩我都超喜歡正九是觀塘老店，主打清湯腩，所以特意來這買份牛三寶回家好好品嚐食品：淨牛三寶 牛腩牛筋牛肚$128牛腩非常稔嫩，入口肥美，無渣而且腩味香濃牛筋偏爽脆，不像坊間主打入口即溶，另有特色也是特別牛肚洗得乾淨，入口甜美意外地這份牛三寶份量頗多，兩個人吃再加一份自煮河粉，完全是吃得飽飽的郊外油菜$19我叫了芥蘭，看看就知道，菜葉非常綠，入口爽脆沒有渣，基本上加上這個纖維，這一餐就圓滿了

真系好好食叫左個牛三寶配上海麵同牛腩淨食，啲牛腩肥瘦相間有些少薄膜系坑腩位，咬落去彈牙有油香，而碗湯清甜靠白蘿蔔帶出牛肉嘅鮮味。蘿蔔冇渣而充分吸收湯汁，一啖牛一啖蘿蔔解膩，越食越想食。上海麵有咬口，即使係外賣送過黎都保持到，而麵條掛汁能力又唔錯，食到一半加埋唔辣嘅潮州辣油將湯麵嘅味道帶入另一個層次。凍奶茶好飲飲得出紅茶味，唔洗額外加糖同奶。好食！！應該短期內唔會再食牛腩，因為回憶嘅感覺係最好食的！@@

餐廳位於觀塘，主打的就是港式牛腩粉麵，這間餐廳最方便的地方就是鄰近地鐵站，路程只需要五分鐘左右。而我自己挑選的食物，就是牛肚撈麵，價錢合理，份量十足，最喜愛它的牛肚，煮得剛剛好，他的醬汁吃起來味道豐富，感覺味精味道不太重，分量方面，兩個的麵食，絕對足夠一個正常人的分量，絕對完全沒有問題，加上他的撈麵，沒有配搭蠔油，令整個撈麵更加充滿原味道，加上面的質感爽口彈牙，不會over cook，已經是一大特色，就是充滿港式粉麵的特色。

今日去開觀塘，順便買埋外賣返屋企食。大家都知依加夜晚都冇得出去食，週末又唔想煮飯，買外賣就係最好。價錢合理，就算下午三點都坐滿客。清湯牛腩河（$50）- 睇餐廳名就知佢哋最岀名係清湯腩，當然要嗌喇。牛腩無得頂，半肥瘦，就算我喺屋企再翻叮都一啲都唔覺得韌。個湯底都好清甜，我再落咗包辣椒醬令佢更惹味。以跟餐價+$8就有凍咖啡 紅油抄手（$22）- 份量好多，個雲吞皮好皮，加埋香葱同蒜好惹味。口水雞飯（$55）- 一打開個盒已經聞到好香嘅味。啲雞肉好嫩滑同入味，同埋個汁撈飯食真係一流！

而家疫情關係無左晚市堂食，都要買d好野返屋企食下，上次食過正九清湯腩都幾正，所以再encore。😎可以加$6升級為坑腩絕對超值，牛坑腩肥瘦適中，肉質彈牙，完全冇濽，口感一流。外賣將湯和河粉分開，唔會令到河粉發脹變霖，值得一讚。🔥估唔到尼度既咖哩敢高水準，汁香濃郁有椰香味，而且牛坑腩加薯仔份量夠多，再加一碗牛骨清湯，非常好味。👍🏻一份六隻紅油炒手，雖然餡料唔算多，以尼個價錢性價比高，如果覺得唔夠辣，可加附送既辣油，絕對收貨。🌈微辣腐乳醬配通菜一流，而且通菜份量夠多，個人喜好必點推介。✨

觀塘市中心有唔少粉麵店，但唔夠呢間選擇多，質素又穩定。平時都係去觀塘街市前後食碗粉，而家冇咗晚市堂食，唯有食外賣。今次叫咗份淨牛三寶，加多份油菜。兩個人一餐都食唔晒🤪。牛三寶齊晒牛腩、牛肚、牛筋。牛腩肥瘦有緻，唔會啖啖肥膏，肉質易咬。牛肚好入味，又有咬口。牛筋口感爽滑。個清湯質素唔錯，清甜唔死鹹，牛味濃郁。食淨嘅湯仲可以煮麵煮米粉，一樣好味😋。叫多份油菜，有菜心、芥蘭選擇。芥蘭翠綠爽脆好味，份量都好充足。

外賣回家吃是指定動作呢，今日揾食揾到黎觀塘呢😍主打食清湯腩架。所以清湯牛腩飯係哩度必食，果然係招牌菜式🤫清湯腩香味十足，飲一啖湯便嚐到清甜，好足料呀，牛腩份量好多，炆得好入味，好淋，好滑呀配埋白飯食真係真唔停口呀😍淨牛丸加紫菜我每次都會嗌架，哩度既牛丸係真材實料既手打，而且好大粒，食落口係同其他牛丸有分別架，係彈牙呢😚😚炸排骨，超級美味的炸排骨口水都要流下來了，炸得岩岩好，沒有油膩的感覺，吃下feel到好juicy😚

觀塘呢間清湯腩真係幾唔錯，食過好幾次都正，而家無堂食，今晚叫外賣簡簡單單。.叫左個「咖哩牛腩飯$60」飯同咖哩會分開盒上，咖哩濃得黎少辣，牛腩份量足，牛腩有咬口得黎唔韌，果然係出名牛腩既鋪頭👌🏻.「淨墨魚丸$38」有成7粒，粒粒彈牙有墨魚，個湯都唔錯，清清地無咩味精。「炸排骨$34」拎到返屋企稍為淋左少少，但仍然薄粉好食，當然堂食正十倍😇「紅油抄手$22」呢個幾抵食，蒜味重，包皮唔厚，幾唔錯。.外賣黎講，都算好好生意，不停有人叫外賣，下次都係食返清湯腩覺得岩口味啲🤣 但其他野食都屬於中上之選。

After I have finished my appointment, I planned to buy dinner nearby before heading back home. It was located at Mut Wah Street, few minutes walk from Kwun Tong MTR.Their menu was comprehensive, offering beef and meatball, in noodles, curry or rice. Besides that, they served snacks and drinks etc. Iced coffee with milk tea was smooth and milky, nice balance of coffee and tea taste.We ordered assorted beef soup hor fun, consisting of beef brisket, tendon and tripe. Soup was separated from the bee

而家晚市冇堂食，去觀塘做嘢順便買份牛腩加餸。呢間餐廳好近街市，位置方便。呢間餐廳好耐以前都食過幾次堂食，除咗牛腩仲有少見嘅台式牛肉羹。🥢淨牛三寶 $128牛筋、牛肚、牛腩牛筋口感爽滑，啖啖骨膠原。牛肚煮得入味又夠腍。牛腩肥瘦均勻唔會好多肥膏。肉味又濃郁，有少少筋幾有咬口。清湯充滿牛肉香，仲有清甜嘅白蘿蔔。相對嚟講超多牛勁少蘿蔔，大大兜幾抵食。🥢油菜 $19呢個時勢菜貴過肉。份量多都幾抵，隨時平過自己買菜煮。

疫情關係無左晚市堂食，放左工點都要買d好野返屋企食，同事話正九清湯腩正，所以要試下。😋清湯牛坑腩河加$6升級為牛坑腩絕對超值，牛坑腩肥瘦適中，肉質彈牙，完全冇濽，口感一流。外賣將湯和河粉分開，唔會令到河粉發脹變霖，值得一讚。👏🏻咖哩牛腩面咖哩汁香濃有椰香味，牛腩加薯仔份量夠多，再加一碗牛骨清湯，非常好味。🌟紅油炒手辣度適中，份量亦好多，非常抵食。😛腐乳通菜尼輪菜價上脹都仍然份量好多，加上微辣腐乳醬，配合面食一流。👍🏻

正九清湯腩喺呢個禁堂食嘅時代當然就係叫外賣啦，收工之後行開觀塘見到有依間餐廳度好耐冇食過清湯腩嘅我絕對要一叫清湯牛三河二話不說一定要叫呢個牛三河，佢有齊牛腩牛筋牛肚，絕對滿足晒我嘅需要，最鍾意係佢嘅牛筋，骨膠原感非常之重，牛腩都非常之嫩滑咖喱牛腩飯另外叫嘅咖喱牛腩飯，佢哋嘅咖喱香濃而且好好味，絕對啱晒鍾意食牛腩嘅我，而且份量啱啱好，絕對夠食下次經開觀塘如果再食開牛腩嘅話一定都會再嚟試吓因為佢哋都仲有好多唔同嘅選擇

無得堂食都係要買外賣返屋企，觀塘正九清湯腩真係好好既選擇，又多選擇又好味。我就嗌左飯、粉麵、菜同小食，樣樣都好合心意。咖喱牛腩飯🍛，好香既咖喱配好腍既牛腩，係用新鮮既牛腩整架，餸飯一流。我仲攞黎撈米粉，一樣正。紫菜三寶丸米粉，有墨魚丸、魚蛋、牛丸，個紫菜湯好清甜。腐乳通菜，通菜新鮮，又綠又嫩。呢幾日啲菜炒貴左幾倍，好彩呢度仲有咁靚既菜食，又無加價。炸排骨即係炸豬扒🥩，一拎外賣，香味飛哂埋黎。炸到金黄色，外脆肉腍😋。

已經有一段時間冇食清湯腩但又奴掛住個味道。所以今次決定去觀塘正九清湯腩試下。依度牛腩有崩沙腩、坑腩、爽腩及蝴蝶腩選擇，睇menu仲有好多牛腩外其他食品選擇，但一心諗住食清湯腩，決定order左蝴蝶腩撈粗麵、坑腩湯米加墨魚丸，飲品有凍檸茶及凍奶茶。蝴蝶腩粗麵夠特別，粗麵夠彈牙，配上蠔油及特製上湯好鮮味，最緊要蝴蝶腩牛味濃而且外層有薄薄爽口薄膜，口感一流。坑腩比較諗且帶少少牛脂，入口即溶，墨魚丸又夠新鮮，加埋爽滑米粉配上頂級湯底，簡直冇得輸！

來觀塘向長輩拜年，午飯就順便在區內解決。有人話想食粉麵，上網 Search 到物華街呢間「正九清湯腩」，見口碑唔錯，提議試下。餐牌有好多選擇，除咗主打嘅清湯腩之外，仲有福建牛肉羹、上海擔擔麵、炸排骨飯、口水雞、 紅油抄手等供應。點咗清湯牛腩河 ($48)、正九牛肉羹伊麵 ($50)、淨菜肉雲吞 ($39) 同 飲品 (+$8)。清湯腩 +$6 可升級至崩沙腩、坑腩或爽腩，當然唔可以錯過。先嚐牛坑腩河，湯底味道相當清甜，入口唔會太油。坑腩肥瘦度啱啱好，食落口感好鬆軟，牛味濃厚、脂香豐腴。河粉幼薄滑溜，配鎖滿肉汁嘅坑腩食，啖啖滋味。跟餐點飲品只需 +$8，連特飲凍檸樂都係同價，非常經濟，十分抵飲。至於碗牛肉羹食味亦一流，據說肉羹係用上牛頸脊同牛嘅大腿內側加番薯粉炮製而成，絕無添加味精。口感果然唔錯，夠晒爽脆彈牙，滑嫩得嚟又有牛肉味，配鬆化香軟嘅伊麵吃，飽肚又滿足。另外碗菜肉雲吞亦份量十足，一碗有 8 大粒，全部嘅外形都脹卜卜，勁飽滿。雲吞皮薄嫩滑，咬開見到皮內有滿滿的肉餡，真係相當抵食。