毓民私房牛肉麵 (Closed)

第一次去食毓民私房牛肉麵，有驚喜啊! 之前都只不過想著隨便吃一點東西，誰知道這個牛肉麵不錯不錯!! 最驚喜是那個湯，蘿白+ 紅蘿蔔都很入味，湯也很清很好喝!! 好朋友gemmy 幾乎都清了一碗! 我都喝得一肚子都是水，哈哈哈。麵也很不錯! 不會太軟身，有一點點嚼勁，不過份量也太多了吧!! 但因為很喜歡那個麵，我一條條的慢慢吃，也吃清光了XD 整碗麵的敗筆是那個主角牛肉。 沒有甚麼特色，味道也很普通。我寧願用牛肉換多點湯/蘿白。 不過我會再來的! 如果有"牛肉湯"+ "麵"就好了是日晚上超多人，好逼好逼...=____= 服務...也很一般啦，算是可以接受啦!

喺旺角唔知食乜好, 咁岩經過呢間舖就去試下, 我地叫左個牛肉麵同豬扒麵, 等左好耐先黎, 可能廚房做唔切掛, 因為都好多人食, 爆滿, 牆上亦掛滿左好多黃毓民既相, 講番食野先, 碗牛肉麵 湯底真係唔差, 亦都見到好多人叫, 而另外既豬扒麵就淡左啲, 總結只此一次

2008.10.10(五) 名副其實招牌麵，五人揀了三麵兩飯數款小吃，只得招牌牛肉麵 $33勝出，其餘飯麵小吃均一敗塗地。嚐一口牛肉湯底有點驚為天人，湯底有燉湯般的清香甜美，色澤清澈肉味濃郁不帶牛騷味﹔麵如油麵般粗，白蘿蔔甜冇渣，反倒數塊牛肉味道無特別之處(此乃主的食後感)。香穌排骨 $33 落單時亞小姐已說明是豬扒不是排骨，那好吧，皆因本小姐只想吃飯﹔白飯加汁及豬扒一碟，說實話那白飯上淋的汁應是什麼牛肉熬出來的，但吃不出什麼味道來，只是憑汁的色澤及數點渣滓而推測﹔再說什麼香穌豬扒呢，不香不穌兼淡而無味(可能壞在我期望過高吧)，其餘的香穌雞扒湯麵及牛肉飯也不見得有驚喜。小吃有鹵水三寶﹑酸甜青椒﹑涼拌青瓜，鹵水豆腐又硬又唔入味，酸甜青椒跟圖片完全兩回事，圖片青椒翠綠肥大，實物灰黑而扁塌，酸甜青椒甜味較出青椒不辣。涼拌青瓜不新鮮似的，青瓜中央色帶灰，味道古怪，不像一般的涼拌青瓜味。不如叫師傅睇SO GOOD 跟亞蘇偷下師喇，咁容易做既一道小吃都可以整到咁 總括︰整頓飯只得那招牌牛肉湯既湯底有睇頭，不如致力賣招牌麵"省"靚個招牌咁咪仲好埋單 $232

見好多朋友係呢度寫係由中港城年代食起, 其實我更早呢...九龍城年代, 真係好好食, 只因專注...麵只有4款, 其他choice只有小食, 當時的牛肉麵個湯真係好甜好正, 而牛肉又嫩口, 果時我一星期去一次的...記得有次是冬天, 外面冷冷的, 但飲完個湯, 行出來是感覺暖暖的. 又有一次是六四前, 在門口見毓民係度, 同佢吹左幾句, 問佢六四晚可唔可以開夜d, 等我去完維園都有地方醫肚~後來毓民出走, 店子搬了去原本作分店的中港城,這反而方便了, 特別是一個人出尖沙咀時搵野食, 諗都唔諗就會上去, 有時更帶埋一班朋友一同去. 雖然多了飯餐之類, 當時的質素還keep到, 那時老闆娘主力收銀, 去得多, 攪到佢都認得我, 有一次更是聖誕前, 我和朋友出完森美小儀Function, 帶住好多禮物在手, 老闆娘問我們那裡買的? 好靚woh...我們見有多, 就送了一件cushion俾佢, 佢又好客氣送了一碟拍青瓜請我地食!再後來, 店子搬了到旺角, 初期質素依然OK,係地方迫左少少...過左一排, 出品開始唔隱定, 時好時壞, 麵一舊蕭又有, 湯唔夠熱又有, 而排骨麵的排骨又多油,

小弟自問於台灣留學多年，未食過咁既味的牛肉麵與排骨...先講湯底，或者係無味精既關係，但應該唔會無落鹽啦...0個湯底係完全無味既...淡如水...牛腩亦唔夠腍，炆得唔入味...對唔住...真係好唔得....另外，排骨薄而硬，雖則物價高漲，但此店亦收費不便宜，排骨粉漿亦絕不到家，本身亦醃不入味，無話可說....就連皮蛋豆腐....皮蛋理應為糖心漏王的種類，亦完全不是那回事，唯一可取，只是豆腐夠滑....不過相信百褔亦能有此質素...只可說﹕絕無下次

專程黎食 下年茶時段都照叫招牌牛肉麵不過真係幾失望 牛肉冇味 麵唔夠彈牙湯底亦唔見得濃 不過都算幾清 最入味係果幾舊羅白$33碗好普遍既麵 仲要冇野飲 下次真係唔洗預我!

食過咁多次,都係牛肉麵至好食,不過蛋餅d水準唔穩定,lunch set 唔係好飽肚d staff 服務態度可改善

未來之前, 已很喜歡食大婆牛肉麵. 路過毓民旺角的小店就試試作個比較.點了魯肉飯, 招牌蛋卷和牛肉麵.牛肉麵的湯比較清, 亦吃出蘿蔔的甜味. 應該很足料. 但牛肉不及大婆的厚切及多根. 而且不及其弄很林. 較失色. 不過紅蘿蔔很鮮甜.蛋卷的熱度不夠, 而且很硬,皮比較厚, 配火腿吃起來像難吃的腿蛋治,沒有蛋的香味, 非常失望.魯肉飯不知道正宗不正宗, 但和坊間吃到的有點不同, 肥肉較大粒, 味道還可以.不可不提的是服務冷淡, 和大婆剛好相反.價錢不貴, 還可再來, 但大婆仍會是首選.

距離選舉不足一星期,來到毓民吃碗牛肉麵,也算是表明政治立場的其中一種方式.店內晚上人山人海,未必個個是社民連,美食同政治,理應就分開計,係小弟食古不化,打死也不去左仔公會的蛇宴.毓民牛肉麵的牛展,入口竟帶點脆口.其牛肉麵湯底仍然好,紅白蘿蔔將濃郁的牛湯底,多加一份清甜味道,感覺如我們喝慣媽媽煲的老火湯水.而牛湯亦將蘿蔔鹵得又香又甜.兩者互惠互利.粗壯的麵條,聯同湯汁一同索入口,無以尚之的享受.不去理是正宗台灣味抑或港式味,總之就好吃.埋單時見到毓民,在舖頭同老婆正在晚飯,本來想打個招呼兼鼓勵一下,但見他正在講電話,也不去打擾他了.其實吃罷一碗毓民牛肉麵,已經替其打氣.長毛之前說過要"食窮民建聯,票投社民連",我就實際一點,一於食碗牛肉麵,票投社民連!

一路以黎覺得大婆牛肉麵是最近似台灣風味的一間又... 聽人講過話呢間毓民先係........　於是今晚同女友黎左求證一下　叫左牛肉麵... 鹽酥雞... & 排骨麵初時好奇怪點解牛肉麵會配有蘿白... @_@... 但．．．配合起來 蘿白好入味... 湯底好甜... 幾出色主菜牛肉同埋麵就非常麻麻........ =_="牛肉好"UN"... 兼有點老........ 麵可以話係完全無味...................女友的排骨麵.........................."唔食啦　好難食"... 絕少見到佢係咁浪費食物的質素可想而知鹽酥雞... 尚算香脆可口但略嫌太過"粉"... & 過咸了.......... 席間見證住一面奧運金牌既誕生巴西女排... 勁!~~btw... 食到最尾見到老闆毓民黎鋪頭吹水d員工見到老細都仲係黑口黑面... 自顧自咁傾計吹水...(咁得意既.......)整體而言還是台灣的最好( HK來說... 還是大婆的最好 )

叫左牛肉飯同牛肉面,：首先，個湯底睇落清但都幾咸，有d蘿蔔，面質無咩特別，最重要既角色~~牛肉…雖不肥，但同是一般貨色。牛肉飯d汁又係好咸…

行過想試下佢既牛肉面, 點知蘿蔔林但有d老, 面冇味, 牛肉冇咩味好淡, 湯冇咩特別SERVICE又唔係好....成三十三蚊.....不如去食九記牛腩好過.....好味好多

中午去咗沙田宜家吃lunch，夜晚本來去人氣最勁嘅兩門町，但７点已經大排長龍，所以去揾毓民吃麵，吃過一次覺得可以再來，就帶老婆同女來試叫了1)招牌牛肉麵，湯底顏色比較深但味道不太濃好味，牛很淋，羅伯入晒味好吃2)魯肉飯，佢哋將啲五花腩切到細細粒(弟度吃啲魯肉多數喺免治嚟)好香不油膩好吃3)蒜香肉青，肉青爽口醬汁比較咸，但兩者配合又幾好味喎4)乾煎豬肝，味道比較濃嘅小吃，豬肝有啲un。

7月廿二號晚同女朋友一心去品賞下台灣牛肉面,一入到去簡直焗爐一樣,感覺上佢地只係開左風扇,一d冷氣都冇...跟住叫左一個招牌牛肉面、黑油雞翼飯、鹽酥雞及兩杯野飲. 招牌牛肉面:湯有湯味,蘿白有蘿白味,牛肉有少許牛肉味,面就完全冇味.黑油雞翼飯:豉油雞翼+白飯鹽酥雞:相比以上就最好的兩杯野飲:不值一提食完後d員工好似趕客走咁....食完一樣立即收一樣(當時只得七成入座率)一定唔會推介及再去

真的,只是路過,本想買塊球拍,行到街尾都未揀到心頭愛,倒不如吃點東西!私房牛肉麵,想必是秘製,一定很好吃,於是就入內試試,當然叫一碗招牌的牛肉麵吃啦,第一啖先要試湯,味道有點甜,跟九龍城大婆有點不同,毓民的口感較甜,但牛味沒那麼明顯!麵條不錯,喜歡他的紅蘿白,吸收了湯的精華,變得十分野味,煮得又淋,吃完一件又一件,比主角牛肉更吸引!牛肉不是不好,始終不太喜歡這種牛肉,薄薄的吃得不過癮,都係大大件的牛腩啱我嘴型!