民豐粉麵行

Open Now

Now Closed

Heard from residents that it was a very famous shop in the neighbourhood and their mochi was a must-try in Tsuen Wan. Actually for the price of $6, I could not demand it for more as the mochi was soft and generous in portion. However I found the sesame stuff was way too sweet and you can literally see the sugar on it. Once in a lifetime would be good enough 👌🏻

差唔多每次經過都見到佢有人排緊隊，買粉麵嘅有，買湯圓嘅有，買糯米糍嘅有，買韭菜餅都有，以前我都好鍾意食佢個韭菜餅，即刻整熱辣辣韭菜味超級香，但係而家減咗肥之後就唔夠膽食，因為真係太油😂😂太邪惡😂但係撇除咗油之外佢真係滿分！糯米糍我都已經食過幾次質素都係咁高！佢有花生芝麻或者豆沙味 都係$6，個人口味唔鍾意食花生，但係之前食過，都覺得鍾意花生嘅人一定鍾意食！今次都係食返芝麻同埋豆沙味，芝麻炒得超級香😍，真係要小心食因為一咬開就會爆曬餡係咁跌芝麻😂😂甜度又剛好，外皮超柔軟又有煙韌感😍😍而豆沙因為本身都係甜，所以好容易會過甜，但係佢甜度一樣剛好，而且整得好蓉好勻循，冇豆沙顆粒！超正！😍

#fatxtsuenwan ‼️ 脹卜卜，超級足料糯米糍‼️•① ［ 芝 麻 // 花 生 糯 米 糍 ］ ｜入面嘅餡料多到爆曬出嚟(❁´ω`❁)摸落去脹卜卜芝麻味非常濃郁，炒得好香香。如果真係要比較會推薦芝麻味多啲～｜𓋪8.5/10·民豐粉麵行 (Tsuen Wan)35 Tsuen Wan Market Street, Tsuen Wanhongkongfoodies #香港 #香港食物 #香港美食 #food #hongkong #foodie #hk #hongkongfood #hongkongfoodblogger #tsuenwan #tsuenwanfood #荃灣 #荃灣美食 #荃灣食好西 #荃灣食咩好

地點係街市正對面，都算易揾，而且排哂隊就更易認。店舖原來分兩條隊，但當時排隊只有一條，店員唔會分流亦唔會理你點排或比人打尖。第一次去嘅要注意，排糯米糍要去右邊條隊，其他咸食就排左邊。今次之行只想試糯米糍，佢有三個味，豆沙，花生同黑芝麻。每個$6，買得多會同你入盒。我買咗花生同黑芝麻味。每個糯米糍比較重身，皮薄得嚟好軟糯。黑芝麻磨得好幼細，比較似湯圓嘅filling,好食。花生味都磨得好細，花生味無咁重同無咩咬口，相對黑芝麻會更好食更香。

過時過節就一定好多人買既民豐大年初七經過荃灣都忍唔住要過嚟排一排長長的人龍估計應該等左30分鐘一條隊買餃子一條隊買糯米糍排之前最好問定人唔好搞錯咁啱糯米糍係即做鋪頭啲人話買完最好即食唔係好易爛買左6個花生6個芝麻真係皮薄餡靚入面一咬開就爆出來的餡料真係好滿滿好難想像果層咁薄EE既皮竟然可以包得住！個人最愛食花生味$𝟕𝟐 / 𝟏𝟐個我見好多人買水餃鍋貼仲有魚肉燒賣都好受歡迎唔通呢到賣乜都好味啲？

小編咁鍾意食煙煙韌韌嘅嘢食，又點會錯過呢間咁出名嘅糯米糍😚呢間老字號唔單止啲糯米糍好出名👻韭菜豬肉餅都好出名㗎🤓大家行過都可以去試吓💓🧊韭菜豬肉餅 $15 7.5/10一去到已經見到好多人排隊😚每1塊都新鮮熱辣辣🔥咁樣煎出嚟，煎到金黃色嘅✨拎上手都要攤一陣先食到🫣一咬開，會有勁多韭菜🥬仲有唔少嘅豬肉粒👻個皮煎得好脆身😙但係食到後尾，覺得個皮有啲厚同埋有啲油，食到有啲濟🙈會建議可以同朋友仔share！💓🧊花生餡糯米糍 $6 8/10 糯米皮好軟熟😍仲食到啲椰奶嘅香味👻花生餡唔算太甜，啱啱好😚🤞🏻花生炒得幾香，會有啲原粒嘅花生🥜喺度，幾有口感🤘🏻🤪今日個糯米皮就有啲厚🥹，所以餡嘅份量都比較少😣🧊芝麻餡糯米糍 $6 8.5/10 都係好鍾意佢個糯米皮🤣我個人就比較鍾意食黑芝麻餡多啲🥰一咬開，勁香芝麻味🔥佢個餡就類似平時食開芝麻湯圓嘅嗰種味道😍超鍾意食芝麻湯圓餡✨✨如果再多啲餡就更加好😝店員幾nice😍見到我影相，就同我講埋點樣影會靚啲，影邊啲嘅會靚啲🤣🤣最後仲同我講話，覺唔覺得嗰啲韭菜餅圓轆轆好可愛🥰😛人均消費💵： $5-$30性格比： 7.5/10好食程度😋：8/10回頭指數💓：8/10

個人黎講係好鍾意食韮菜餅既，呢類香口野真心愛既，見社交平台都好多人推介熱推咁，就特登黎試試佢但佢真心堅咸丫唔好講笑，又爆多油，當然我都理解整呢d係多油架啦預左既，但咸真係唔係預期，食左幾啖已經要搵水餸佢黎食，純粹本住唔晒野咁食完佢，唔會有下次囉

作為荃灣人嘅我，梗係認識民豐啦，每次經過都心思思想買佢啲糯米糍食由以前$5買到依家$6 ，依然係好大粒好足料仲好聚手添最鍾意食係芝麻味，就咁睇餡料有齊黑芝麻加砂糖唔知有冇白芝麻呢。芝麻好香食落唔算話好甜，如果一啖拍落口嘅話簡直係爽呀糯米皮好軟糯，有輕微嘅椰奶味，配甜甜地嘅芝麻餡，感覺好幸福花生餡就真係比較少食，但印象係有少少原粒花生同埋比較濕潤，感覺比較甜講真咁嘅價錢冇得輸，即使要排隊都值得排啦。只係每次去完都有一大浸韭菜味

大隻仔今次覓食嘅店舖就係💥 民豐粉麵行 💥 大隻仔覺得呢間老字號可以講係荃灣名物，差唔多每次經過荃灣都會幫襯買野返屋企，呢間舖頭就係「民豐粉麵行」，店舖賣嘅食品種類繁多，除咗好出名嘅糯米糍、潮州韭菜餅、湯圓、雲吞、水餃🥟外，仲有茶果、燒賣、蘿蔔糕、年糕、菜肉包、上海糭、乾麵餅、花生糖 等等 … … 而且性價比超高，又平又大件又好食。😋😋⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯🔥 韮菜豬肉餅 $14大隻仔覺得自從「民豐粉麵行」換咗門口部新煎炸爐之後，韮菜餅冇以前咁好食，而家韮菜餅外皮煎得冇以前咁深色，做唔到以前脆皮既感覺，食落會覺得皮太厚，但餡料一樣咁美味。大隻仔反映咗意見比老闆娘聽，唔知有冇機會食返以前嘅味道呢。🔥 糯米糍 （紅豆/花生/芝麻）$6糯米糍大大粒只係賣 $6，而且餡料好多，皮薄而且好Q彈。大隻仔最鍾意食花生同芝麻餡糯米糍，覺得紅豆比較一般。花生同芝麻糯米糍既餡料似湯圓入面果一種，甜甜地，好好味。🔥 煎雲吞、水

今日去完荃灣行山，見時間尚早，就嚟民豐買啲野食補充下體力。雖然已經過咗冬至，但都仍然好多人排隊，大部份人都係嚟買湯圓。一場嚟到，我就買左芝麻糯米糍同埋花生糯米糍試下。一切開舊糯米糍，入邊啲餡幾乎爆出嚟，個皮亦好薄。兩款都唔太甜，比較之下，我覺得花生味出啲，配埋入面啲白芝麻好香，好好食。芝麻味都唔錯，不過屋企人食完之後就覺得有少少苦，可能係啲芝士炒得燶得滯😅不過$6一粒又真係算唔錯，都值得一試嘅。

🥜民豐除咗雲吞好食，佢嘅糯米糍都有返咁上下，佢唔屬於皮薄餡靚，但係性價比都屬高上，$6/粒，皮煙煙韌韌，都多餡，起碼每啖都食到🤗 不過食前要撥開啲粉，咪會中伏😂 大家經過都要買嚟試下🤓 同埋唔好隔夜，煙靭感覺爭好遠！📍 民豐粉麵行 (荃灣)荃灣街市街35號#民豐 #粉麵行 #荃灣 #由細食到大 #糯米糍 #水餃 #雲吞 #湯圓

韮菜餅（$15）餅皮還好，比起餃子皮厚，而餅黎講，厚薄適中，表層煎到微脆，但略嫌油得滯。韮菜肉餡個調味係唔錯，但份量真係好少，佔餅入面既空間一半都冇，整體味道令人失望。服務方面，煎炸小食同粉麵水餃係分開兩條隊買，韮菜餅平日夜晚6點唔洗點等就好快買到。

有一年冇食過，難得今日去荃灣，當然要去買捧下揚，原來已經加左價到6蚊粒，都唔緊要唔係成日食，但係覺得退步左，以前一咬就爆餡，依家皮好厚，餡少左，同埋覺得芝麻有啲苦，冇之前咁好味，希望只係一時失準，會比多次機會佢

一聽呢個舖頭既名以為只係賣粉麵個啲，但上次咁岩經過舖頭，先知原來種類好多！😍除左有比較傳統既粗幼麵、油麵之外，佢仲有賣燒賣、花生、瓷飯😍最特別介紹既係有即包糯米糍、湯圓、水餃同埋即煎既韮菜餅🥰我去到嘅時候係五點幾，本身見到糯米糍已經賣晒，仲諗住未必食到，點知見到店員即刻拎一盤滿晒既糯米糍出黎😍好開心！咁就緊係要買返半打黎食啦😛🍡1️⃣花生糯米糍（$6）大推介呢款😍佢既糯米皮好薄，而花生碎炒得好香，食落仲要好有咬口，又唔會好甜，真係食完仲想encore🤣🍡2️⃣芝麻糯米糍（$6）屋企人好鍾意食芝麻，佢地話入面真係有好多餡，食既時候要搵個碗兜住啲芝麻碎😍同埋呢個都唔係好甜的！🍡3️⃣豆沙糯米糍（$6）三款糯米糍入面，呢款就相當較甜🤭不過值得一提既係佢既紅豆蓉真係整得好綿，鍾意食紅豆既朋友仔都可以試下🥰🍡4️⃣眉豆茶果（$6）我諗對上一次食茶果已經係幾年前🤨呢款茶果又係我鍾意既味道！食落咸咸地，仲要食到有啲眉豆蓉😍好味啊！🍡5️⃣豆沙茶果（$6）呢款既紅豆餡同糯米糍係一樣既😛不過我真係好欣賞佢地既茶果皮～ 食落非常之煙韌，又唔會頂胃😍🫓6️⃣韮菜餅（$14）呢款都係好值得推介😍見到店員好努力咁係門口個到即煎，吸引到

呢間糯米糍好出名，咁啱身處喺荃灣，轉過圈入去望吓～糯米糍成個掌心咁中粒先$6@1好抵試，有紅豆、花生、芝麻三種口味。個人買左花生同芝麻試下。花生糯米糍⭐️⭐️⭐️⭐️⭐️一咬落去，啲花生餡唧落出黎，勁邪惡🙈咬落去會明顯食到啲花生碎同細砂糖，糯米皮厚度適中，有咬口，整體口感偏甜。芝麻糯米糍⭐️⭐️⭐️⭐️呢款糯米糍都係爆餡，又係芝麻碎同細砂糖既合體，食落好香芝麻味。不過感覺上甜過花生。整體來講，好推薦大家試吓，因為$6大大粒真係好抵食！而且整體味道都好唔錯，只係甜咗少少。但呢間野有樣嘢好影響食慾，就係個紙盒好大陣紙皮味，一打開即刻聞到😅建議大家自備膠盒、叫佢用袋裝。紙盒我試過擺到第二日先食，一打開真係勁臭呀🥴