汐

Open Now

Now Closed

餐廳嘅新張優惠好吸引，主食上菜後50分鐘內交枱就有75折優惠，啱晒出名有效率嘅香港人🏅餐牌分別有冷、熱丼物選擇，幾款丼飯都好吸引，熱食方面有壽喜燒、鰻魚飯、雞肉飯等🎈原條蒲燒鰻魚丼見到原條鰻魚超吸引🤘🏽肉質肥美，口感爽彈，加上甜甜哋嘅蒲燒汁同木魚絲，更有日式風味🎏有點小驚喜係仲隱藏咗件燒玉子，玉子甜甜地送飯又係勁正🎈 醬油漬角切三文魚配醬燒三文魚腩色彩繽紛嘅飯賣相真心靚，上面有一串燒三文魚腩，燒得外脆內軟，充滿油脂香，大推👍🏾丼飯分別有漬三文魚、蟹籽、蟹柳絲，配合爽口青瓜，粟米及中華沙律🥢口感豐富味道清新，好適合咁熱嘅天氣食🍱🎈餃子大阪燒餃子炸得香脆，以大阪燒嘅風味呈現，加上燒汁、木魚絲，令經典嘅餃子都變得更有特色🥟🎈炸椎茸將蝦肉釀喺厚肉多汁的冬菇，以薄脆炸漿炸香，外香內juicy，以檸檬汁稍作調味，係個清新嘅香口小食🍤

吃貨同事又有新介紹啦～話說公司附近開咗一間日式餐廳，裝修以日式簡潔為主，有榻榻米，亦都有傳統的吧枱位～店內仲佈滿不同酒樽，～食物方面性價比高，最重要係50分鐘內結帳，仲有75折優惠，真係啱晒我呢啲打工仔呀🤭1.明太子八爪魚，配北海道刺身帶子井物2.蟹膏格羅燒配蟹籽及三文魚子井物🔶井飯色彩繽紛已經好吸引，以青瓜，粟米，蟹籽，中華沙律，作為配菜！帶子大大粒，八爪魚新鮮~另外蟹膏配飯，真係絕配👍配埋三文魚蟹籽口感非常爽！炸椎茸（蝦肉冬菇）🔶我極力推薦👍第一次食炸冬菇，炸非常鬆脆，一定要趁熱食手羽明太子雞翼 🔶咬落去甜甜地，最重要就係冇骨，幾啖到尾🤭

位於銅鑼灣的日式刺身丼飯餐廳，樓上小店，地方恬靜，舒適。餐牌選擇不太多，一頁紙，供應熱丼物、冷丼物及日式小食。最近還推出了優惠，當主食上枱後，店員才開始按時計，食客如在50分鐘內交枱，全單可享有75折優惠。小食：手羽明太子雞翼雞翼中間位置是明太子，微微帶點辣，惹味非常。小食：餃子大阪燒炸的日式餃子，沾上大阪燒汁，兩者蠻配的。小食：枝豆佐酒最佳的小食，枝豆灑上了鹽巴，鹹鹹的，一條接一條地吃。冷丼物：明太子八爪魚配北海道刺身帶子，賣相吸引，份量適中，上面鋪上色彩繽紛，讓人食慾大增的配料，有八爪魚刺身、帶子刺身、蟹籽、青瓜粒、蟹柳絲、粟米、中華沙律，底下全部是日本醋米飯，醬汁加了明太子沙律醬，營養豐富。熱丼物：原條蒲燒饅魚原條鰻魚，肉質鮮甜肥美，沒有細骨，有鰻魚燒汁味道，很下飯。中間夾著玉子燒，厚厚的，很多層次，蛋香嫩滑。旁邊灑上鰹魚絲。

呢家位於銅鑼灣新開日式餐廳「汐」給人留下深刻印象😋依家在50分鐘內完餐，即可享有75折優惠🤩夠哂時間食個輕鬆LUNCH!餐廳環境雅致，提供兩張日式榻榻米座位或者坐吧檯，讓人彷彿置身於日本😍今次揀左招牌菜明太子八爪魚配北海道刺身帶子$138好似Poke Bowl搭配青瓜、粟米、蟹柳絲、中華沙律等配料，清新怡人，味道鮮美🤤推介原條蒲燒鰻魚丼飯$128鰻魚肉厚肥美，口感絕佳，蒲燒汁淋上更是美味😌特色小食: 手羽明太子雞翼$22/件和炸椎茸(蝦肉冬菇) $22/2件，價格親民!

今日去左南華會個邊咁啱屋企人又係銅鑼灣就約埋一齊係時代附近食晚餐見到呢間係百樂中心新開嘅日式丼飯就決定去試下成間餐廳用木系設計，可以選擇坐榻榻米或吧檯位置一坐低職員表示只要係上菜後50分鐘內埋單就有75折丼飯有4款熱，5款凍。屋企人要蒲燒鰻魚飯正當我諗緊揀拖羅定甲羅燒個陣，店員話拖羅轉左做黃金魷魚咁我就選擇左甲羅燒小食要大阪燒餃子，豆腐魚餅再加粒溫泉蛋蟹膏甲羅燒蟹籽三文魚籽丼飯搭配埋粟米，青瓜(好香麻油味再有少少麻醬)，中華沙律，蟹肉沙律蟹膏好香搭配所有伴菜口感豐富，味道好夠。唔需要加豉油或芥辣食到一半加埋溫泉蛋，可惜唔係用日本蛋亦冇咩蛋香味蒲燒鰻魚飯，屋企人覺得多少少鰻魚汁會再好啲鰻魚下嘅玉子燒好食小食方面豆腐魚餅好驚喜，外脆內軟。好香洋蔥同魷魚味最後食完所有野都係15分鐘輕輕鬆鬆就享有75折

公司附近開左間新嘅餐廳，係食poke bowl嘅日式餐廳，餐廳以日式裝修為主，有榻榻米座位同吧枱👍🏻餐牌入面有唔少種類嘅丼飯，有poke bowl 或者熱食嘅丼飯😋🌸原條蒲燒鰻魚飯，鰻魚好大條，配埋燒汁，口感彈牙，唔會多骨🤤夠肥美🤗配埋飯好吸引😍🌸蟹糕甲羅燒配蟹籽&三文魚籽，蟹糕好香又鮮味🥳上面有滿滿嘅蟹籽同三文魚籽🤩個bowl 上面仲配左青瓜同粟米🌽拌埋一齊食好豐富👍🏻🌸炸椎茸係蝦肉冬菇，炸好嘅香香冬菇，上面釀左蝦滑，味道好夾🤗

‍呢間日式餐廳新開幕，食物質素唔錯，店內設有tatami位。當上完菜之後，如果喺50分鐘內食完～仲有全單75折😆熱丼物 牛肉壽喜燒飯壽喜燒係備受喜愛嘅日式料理之一，牛肉肉嫩，充滿壽喜燒醬汁，非常香濃。熱丼物 蒲燒鰻魚飯原條鰻魚，以厚蛋墊底，配上特別嘅木魚花，成為一道簡單又美味嘅菜式。餃子大阪燒｜豆腐魚餅 ｜炸椎茸三個小食都做得幾好，最特別係魚餅，餡料竟然係魚腐，食落外脆內軟。🛎️必試指數：9/10🔆

橫裝日式居酒屋吧台及榻榻米，置身日本一樣用咗橙色造主色俾人感覺好溫暖炎炎夏日七彩繽紛沙律撈飯，抵食之選鍾意食海鮮的即係確實不錯，仲有其他款式明太子八爪魚配北海道刺身帶子$138Mentaiko octopus with hokkaido scallop醬油漬角切三文魚配醬燒三文魚腩$128Soy marinated dice salmon with teriyaki salmon** 用餐時限90分鐘，50分鐘内交枱，可享75折優惠

銅鑼灣耀華街不嬲都出左名多野食，今次同朋友見到開左間新既日式餐廳，環境非常靚，好似去左日本一樣。餐廳出咗個優惠只要係50分鐘完成用餐，就可以享有七五折。餐廳分開兩個區域有吧枱同有榻榻米，今次特登揀左坐榻榻米，另有一番風味。炸椎茸冬菇好厚好Juicy，加上蝦肉口感一流。吉列炸蝦餅蝦餅非常彈牙，鮮味十足。明太子八爪魚配北海道刺身帶子八爪魚刺身一啲都唔韌，帶子刺身亦好新鮮，加上其他配料十分豐富。日式咖喱吉列厚切豬扒好有日式風味，咖哩味甜甜辣辣，豬扒炸得好香脆，珍珠米亦軟硬適中。

今次我哋黎到呢間位於銅鑼灣嘅「汐 Shio」食魚生丼飯😊見到朋友食過都覺得質素唔錯👍咁小編我當然都唔執輸去試埋一份😂蟹膏甲羅燒配蟹籽及三文魚籽丼飯 $138甲羅燒相當之多蟹膏！而且仲有蟹籽、蟹肉、三文魚籽等等……材料十分之新鮮 同 豐盛😊用黎撈飯認真一流👍黃金魷魚配醬油漬角切三文魚丼飯 $128食材亦相當新鮮！三文魚大大粒好厚身☺️仲有蟹肉蟹籽撈飯😋正餃子大阪燒 $22/3件炸得相當之熱辣辣 卜卜脆👍吉列炸蝦餅 $22/2件亦係炸到金黃色脆卜卜 ！餡料十足！波子汽水 $22Sangaria提子汽水 $18P.S 如果50分鐘內交枱仲會有75折優惠🥳

今日我同朋友嚟銅鑼灣試呢間新嘅日本餐廳，我哋就揀咗坐榻榻米區，因為想坐得闊落啲😊。木系設計，比較日式風情🇯🇵，環境非常舒適，視野都幾開揚。佢哋規定用膳時間係90分鐘，不過如果係50分鐘內交枱，就會有75折優惠，好抵呀💸！牛肉壽喜燒🐂牛肉燒得好嫩滑，牛肉汁好入味，仲有蔥花鋪面，豐富又美味，感覺好飽肚。醬油漬角切三文魚配醬燒三文魚腩丼物🐟非常清新爽口，三文魚都好新鮮，角切三文魚沾滿醬油，三文魚腩經過炙燒之後又香又脆，配埋蟹籽、青瓜粒等配菜，超級好食😋！餃子大阪燒🥟餃子煎到又香又脆，再淋上大阪燒汁同撒滿木魚碎，個配搭真係絕配。吉列炸蝦餅🍘炸得好熱辣辣，外層好脆，但裡面嘅蝦仁同蝦肉都好彈牙，配埋沙律醬更加解膩。炸椎茸冬菇好鮮嫩🍄‍🟫，蝦肉好彈牙，淋埋檸檬汁就更開胃啦。

聽朋友介紹銅鑼灣開咗間新嘅日式餐廳 50分鐘內食完有75折 自問平時食飯速度快嘅我就上咗去挑戰餐廳環境都幾好 除咗有bar枱之外 仲有榻榻米嘅位 非常特別牛肉壽喜燒牛肉嫩同埋個汁好正明太子八爪魚配北海道刺身帶子份量足 同埋 賣相吸引 五顏六色 增加食慾炸物係即炸 所以係熱辣辣同外皮非常脆最後要讚嘅係上菜速度非常快 同埋50分鐘內食完有75折係啲野食上哂先開始計 所以完全唔難就攞到呢個優惠喇！折完係其實人均100都唔使，晚餐嚟講叫好抵。

到銅鑼灣看電影前與友人吃點晚餐，來到時代廣場旁邊的樓上小店吃飯，裝潢是日式居酒屋風格菜單寫著50分鐘內吃完可享75折，正適合我們，而且是上菜後才計時，慢慢吃亦夠時間醬油漬角切三文魚配醬燒三文魚腩 $128 (折後$96)角切三文魚份量很多，很肥美，醬燒三文魚腩燒得外脆內軟，油脂甘香，配上粟米，海帶，蟹柳等配料，類似Poke Rice，味道清新，很適合夏天明太子八爪魚配北海道刺身帶子 $138 (折後$103.5)大大片八爪魚，爽口彈牙，刺身帶子鮮甜，配料與其他丼飯一樣，非常滿足Sangaria提子汽水 $18 (折後$13.5)點了支汽水，強烈的碳酸氣泡配提子口味醬油和芥末可拿自己喜歡的份量吃完飯後，我們還聊了一會才離開，還是未夠50分鐘，下次會再來

位置就近於時代廣場的這間樓上日式風格小店。✧蟹膏夾甲羅燒配蟹籽油及三文魚籽看到色彩繽紛的丼，特別零舍吸引，更加引起個人食慾，當中包含有青瓜，粟米，蟹柳絲，中華沙律等配菜，蟹膏豐富，夾上三文魚子，吃的時候，把全部材料拌飯中，口感更有層次，✧千島帶子裙邊配甜蝦刺身女女選擇了甜蝦刺身飯，刺身飯同人哋色彩繽紛，甜蝦份量，伴入各樣配料中，味道忌新鮮，口感也不錯。✧小吃吉列炸蝦餅，炸蝦餅兩塊，外脆內暖，加入他他醬，熱騰騰的吃下。這裏還有Sangria 提子汽水，原味和橙味可供選擇。✨特別優惠，如果是在50分鐘內用膳完畢，更可以有七五折。計時器會在起菜時候開始計時。

🦀蟹膏甲羅燒配蟹籽及三文魚籽飯滿滿既蟹膏真係好滿足😌成碗都鋪滿左好多蔬菜同埋蟹籽🤤 口感好豐富 唯獨覺得配料溫度可以凍多少少就會好完美🤏🏻🍛原條蒲燒鰻魚蛋蓋飯😳成條鰻魚咁食真係超級開心！鰻魚既燒汁好香甜，鰻魚肉質好軟綿綿，食落充滿油香😌 上面鋪滿木魚碎，所以有好豐富既香氣 🧆餃子大阪燒！冇睇錯啊！係餃子大阪燒！脆脆既炸餃子上面鋪左大阪燒既醬料同木魚碎！🥟有食餃子既滿足快樂也有食大阪燒既興奮😆🦐吉列炸蝦餅😚好厚實既蝦滑，炸得好脆，炸漿唔會太厚 😳好味！ 一路食住日本嘢，我地仲飲左超級日式既波子汽水同提子汽水🍇 即刻有去左日本既感覺🤭