泗益

Open Now

Now Closed

今天是端午節，自己也曾經是龍舟健兒（雖然不是精英選手），未曾試過在赤柱比賽，剛巧知道有朋友去拍照，於是跟著一起來湊熱鬧。大清早到達赤柱，已經人山人海。選擇了最近龍舟比賽的這間大排檔吃早餐。從衞生的角度而言，這裡當然不合格；從現代人所謂「集體回憶」而言，這些本地飲食文化當然不可取締，小本經營的食店在市區內已經買少見少。之前看過食評，好壞參半，所以對食物的質素沒有太大期望。點了餐肉蛋公仔麪、沙爹牛肉公仔麪、奶醬多士、凍奶茶和凍咖啡。已經 N 年沒有吃公仔麪了，不懂得分它是真是假。朋友說，從它的質地和味道（再加上我們在檔口門口垃圾箱看見有很多公仔麪包裝袋），相信也沒有做假吧。沙爹牛肉呢，不行，可能是因為醃料放得太久，已經看不見鮮牛肉色，然而又沒有沙爹味，肉質亦很粗，像浸過水的牛肉乾。反而餐肉幾好（留意到檔口內有很多食客都點餐肉），所以朋友「送」了一點給我。飲品和多士，正常的味道，但不會令你回味。幸好價錢適中，總的來說還算是合理。這間是本地典型的大排檔，如此聞名，相信是因為赤柱沒有其他港式茶餐吧…

Normally when people think of dining in Stanley, it's all about bars and classy restaurants. Many might not have thought that there would be a Hong Kong style food stall, serving exquisite Hong Kong food. This place is actually pretty famous. Everyone around the neighborhood or the students studying nearby definitely know this place.The store is basically hidden behind a fruit stall at Stanley Market. It's a really small and crowded place nor is it a comfortable place. What makes it so popular d

假日去赤柱閒逛，醒起電視有介紹過赤柱有好味咖央西多係大牌檔的，所以就決定去這裡開餐。好在地點都幾易搵，而且都差唔多坐滿人，好在剛好有人埋單，所以不用等位。睇過餐牌後，就落order，咩都想試，奈何兩個人肚子空間有限，所以只order了一碗餐腸一丁面，咖央西多士和一杯飲品。首先來一碗餐腸一丁，原先好有期望，因為見到隔離枱的賣相很好。但一上枱，見到d一丁粉係面，即係未撈好啦，仲要好少，心諗會唔會淡左d，之後再望一望，條腸係切左的，但就完全沒有煎過，我諗應該只是水煮過咋，只有兩個字失望！之後開始進食，食左一啖，面身太淋了，沒有出前一丁的味，太淡了，下次一定唔會再叫腸仔，沒有煎過的腸仔係第一次食囉，希望他們可以考慮稍微煎煎就會好d，至於餐肉不過不失啦，這樣大塊算係咁啦！ 再來一杯熱鴛鴦走甜，其實係第一次飲走甜的鴛鴦，感覺似奶茶多d！最後先來的就是"咖央西多士" 即做的，落單時姐姐已經話依個要等耐d，可能因為係出名的食物，又多人叫，所以要等。由於hk很少地方有咖央食，所以得知這裡有就好期待來試，慶幸沒有失望，坊間的西多士好多油，個包又乾，但這裡的就好軟身又唔會太油，中間就會好軟身，好多蜜糖，但外

今天赤柱遊, 下午4:00, 已經覺得好肚餓, 又見到這裡咁多人排隊, 於是上來check下有咩咁好食啦~原來這裡的西多士最好味, 排隊都要啦~不過我們一排就等了半個鐘.......未入去食已經係門口食飽風.......終於可以入去啦, 地方好迫好迫, 根本一個人位都比兩個人去坐.......點了奶茶+紅腸+腸仔出前一丁+咖央西多士:奶茶: 好香滑, 我要求多奶, 老闆說一陣比罐奶我自己落, 真係好正~因為係黑白淡奶呢~感覺好似大家樂的奶茶咁(70分)紅腸+腸仔出前一丁: 普通一碗出前一丁而已.....沒甚麼特別(70分)咖央西多士: 西多出面好有蛋味, 但又唔似出面茶餐廳的那些d蛋乾晒~都算ok啦, 不過就無乜咖央味lu(70分):地方坐得迫迫........d野又貴, $14一杯熱奶茶都得.....兩個人今次埋單都要$5x, 只不過食了一碗公仔麵+西多.......排咁耐隊真係唔抵

LUNCH去完深井食燒鵝, 再渣車入赤柱吃一吃馳名的西多士~~~深井渣車過去赤柱,,估唔到係可以咁快囉~~~^^"一坐低就叫西多加杯檸茶嘆一嘆~~男友就叫左杯奶茶~~~通常出面食GEH西多都係漲卜卜,厚厚地~~~但今次見到薄薄地,又冇糖漿供應.大鄉里的我以為自己叫錯野~~~跟住阿姐仲同我講唔駛加糖漿O家LA~~咦~~果然冇呃我WO~~~ 唔駛糖漿味道反而剛剛好,好合我心意,唔會太甜~~多士鬆軟, 又夠蛋香, 再加上咖央,恰到好處~~~讚~~~檸檬茶都幫我加埋糖, 甜度又合我心水....呢個TEA食得好開心~~~至於杯奶茶,我飲左一啖ONLY~~覺得檸茶O岩我心水多D~~嘿嘿

入嚟食個飯行街, 揀咗呢間聽講好出名o既大排檔, 環境只係60, 70年代啲大排檔咁, 唔係咩新鮮嘢。我自己叫咗餐蛋麵, 熱奶茶, 同友人夾份叫咗個西多咁。餐蛋麵賣相已經唔掂, 個蛋煎到爛晒, 影響咗食慾, 個碗太細, 裝湯唔多, 食慢少少真係連湯都冇埋, 雖然見佢係用一丁麵煮o既, 但係又唔俾埋包麻油嚟, 麵好似有少少煮過火, 總括嚟講唔係咁好食囉。西多中間應該係夾咗伽央, 但係唔係想像中咁好味, 唔係好明白點解咁多人俾讚最好都算係杯奶茶, 叫咗少甜, 除咗聞到茶香, 仲飲到啲茶味添~試過就算, 冇咩嘢唔會再食喇~

星期日悶悶地想去郊遊，原本想去東龍島，又唔係好夠時間，最後選擇赤柱行個圈!! 下午茶時間諗唔到食咩，都係上嚟參考吓大家既意見隱陣d，上次小天使都係咁搵到。見到大家都推舉泗益，我都去試吓!好好彩唔使等好耐位，地方較逼，大家唔好諗住以為係好”四” 正茶餐廳，其實係懷舊大排檔!! 天氣凍，又著得多衫，小小"論盡"。好在杯奶茶同央好快到，而且好夠熱!! ~~ 奶茶專員老公俾85分，好香滑…正宗大牌檔味道!! 我就支持央啦，都係好香濃滑溜!! 因為得一個爐頭，仲諗住叫住個公仔麵唔使呆等...好在兩個都係等咗廿分鐘左右!! 西多嚟啦~~平時我一定要落糖漿，但係呢個就算唔落，都ok!! 咖央味剛剛好，只係唔夠熱，唔知係咪一煮完食會太熱氣?! 公仔麵都不錯，哈哈，大半個俾我食晒! 原本想食肉丁蛋，星期日太好生意，買晒! 伙計好勁，唔使寫單，所以有少少亂!! 不過，佢哋都nice，會問吓我哋有無嘢未嚟!!大致上都值得一試同支持一吓現在緊有既大牌檔風味小食~~

泗益 is a pretty famous dai pai dong in Stanley. Equipped with just some basic tables and chairs, and dim lighting, it's probably as ghetto as it gets. Not recommended for the super neat freaks or germaphobes! As usual, I ordered my beloved HK style milk tea. Usually other restaurants don't add the sugar to the milk tea since it varies by the person's taste (you add it yourself), but this one comes with sugar already and the sweetness is just right. This place also serves hot vitasoy in glass bott

這天趁著文迪休假, 我也放了一天假, 本來打算休息, 最後還是出外走走, 還拉了爸爸媽媽同來. 行完山之後, 就來到赤柱. 第一站就是這裡. 星期一的下午, 不用排隊, 但也是全場爆滿, 實在是相當旺場的店子. 環境當然是一般, 衛生情況不太理想, 還好天氣不太熱, 否則的話更加難受.凍奶茶 $14: 8分, 我跟文迪一人一杯凍奶茶. 茶味幾香濃, 就算要凍飲一樣有水準. 當然, 在茶記飲杯奶茶, 是最正路的選擇.熱檸茶 $12: 媽媽的選擇是熱檸茶, 是她最喜歡的項目呢.熱檸蜜 $12: 爸爸的選擇是熱檸蜜, 他的評價也不俗.奶醬多士 $9: 8分, 多士烘得夠熱, 也幾脆, 加上奶醬, 是簡單而味美的.咖央西多士 $22: 9分, 來到這裡, 當然要一試名物咖央西多士, 起初還以為有兩款西多士, 正常版跟咖央版, 原來只有一款, 就是咖央西多士. 見師傅是即叫即做, 都要等一陣先有得食.這裡的西多士是不用加糖漿, 店方也沒有糖漿供應, 但甜味已經相當足夠. 多士鬆軟, 有蛋香, 再加上咖央, 精彩.如果你喜歡吃西多士的話, 不要錯過這個寶物.

今早和太太到赤柱泗益吃早餐，環境很臟（和數月前去分別不大，我還記得問老闆要最普通的西多時，他目無表情地說＂西多要等九個字（45分鐘）＂，令我印象深刻）。太太點的腸仔煎蛋通粉變成火腿煎蛋通粉，而通粉充滿雪櫃味，她吃之如受刑似的！我是不會再光顧的了。

朋友知我去赤柱行下~推介我黎泗益食西多~朋友本身話都幾隔SIT下,但我又覺得幾易搵WO~一落小巴到巿集行幾步就到架啦~但門面真係幾,....特式地舊下,HAHA同埋真係幾爆下~要等位~如果夏天等位果度又熱都會幾辛苦好彩唔係好熱咋E+!一坐低就話無哂豬排同埋牛肉本身LE2樣都想試下架!!]無奈之下就點左咖映西多~凍奶茶~熱狗凍奶茶有D維他奶果隻奶味,又唔會太甜~都OK既!個包烘到脆脆咁~即叫即整唔會有出面果D凍冰冰!唔錯!招牌咖映西多~咖映我係第一次食!幾特別~不過有D漏~但都值得一試!好味道!不過真係有朋友一齊SHARE食先好~

久久都未入過赤柱, 看罷大家的介紹後, 決定和友人入赤柱品嚐下著名的咖央西多, 豬扒包結果一試難忘熱騰騰的咖央西多, 出自於一個對食物有堅持的廚師手上一落單後, 就立刻聽到廚師打蛋,發蛋, 放入油中炸的聲音等了一會, 咖央西多就出現眼前一咬下去, 西多十分鬆化, 真的非常美味!!!看見鄰桌點了一個豬扒包, 我們也點了一個結果, 又讓我們發現另一個驚喜豬扒十分香脆, 外層的熱狗包十分鬆軟望望四周, 雖然店內十分簡陋, 卻有著本土的大排檔情懷試問, 香港還剩下多少這些大排檔

在淺水灣只短短逗留了半小時，之後即乘車趕來赤柱，為何這樣急? 為的不是別的，而是這間每日只做到五點的泗益。週末來過赤柱大街的，一定見過殘舊小店外排著長長人龍；偏偏自己又怕熱怕排隊，是以來訪赤柱不下十次，也未曾成功品嚐到著名西多士。真慶幸生日當天是平日（又不是週二.. 因小店逢週二休息!），四時多來到店外，第一次不見人龍蹤影.... 平日果然是寧舍不同!緊張的走進店內，心跳噗通噗通地問老闆：「你們今天還有沒有西多士?」老闆爽快回應：「有，當然有!」心情即時大喜，馬上就在店內找個位置坐下來。 怎麼說呢，店內環境非常古舊破爛、有點邋遢又悶熱，美其名是有風味，實而都幾辛苦... 然而誰叫自己恨食西多士，渴望程度甚至比一切美味生日蛋糕更甚? 只有忍一忍了! 超級悶熱之下，雖然咳嗽未清，但也忍不住要了杯凍飲與老公分享。叫了凍奶茶少甜($14)，茶味頗濃厚，味道不錯，更重要是冰凍透心涼，一口下來暑氣大消；然而當日也見有客人選點熱飲，心裡真是佩服不已~~~當日所見，西多士是即叫即製的，落單後見到伯伯細心的為多士拍上厚厚一層蛋漿，再逐件放進油鍋炸香，一步一步來，感覺很有誠意；也是這份心機（當然還有味道）

今日放工後,諗住同男友入黎赤柱行下、睇下、影下相......,大家都未醫肚,當然要搵個地方食lunch,但我又唔想食好得太heavy,所以又黎咗泗益開餐,今次我order咗沙嗲牛肉餐肉通+凍咸檸檳(呢度既沙嗲牛肉係冇沙嗲汁ga!! 但好有沙嗲味,而且好諗 ; 餐肉好大塊,必食!! 通粉太諗la,有d已經唔係通粉形!! 咸檸檳就好濃既利檳納,咸檸唔太特出) ; 男友order咗沙嗲牛肉蛋麵+凍奶茶(沙嗲牛肉唔再多講,蛋就係普通既煎蛋,但杯凍奶茶,男友話好好飲) ; 大家之後再order了西多share,呢個唔使講la,係呢度既必食之選ar!! 黎呢度冇食過西多,都唔算黎過ar!! d麵包好似浸過牛奶咁,又香又軟,加上淡淡的咖央味,唔會太膩!!

與友人到赤柱閒逛，預訂了美利樓的晚餐，路經赤柱大街，想起這個泗益的咖央西多，決定做下排隊黨。茶檔沒有開放冷氣，茶客都大汗叠細汗地用餐，眼看多枱食客已用膳完畢，但仍留在坐位 "玩電話"，正奇怪為何他們有興趣在這個悶熱的地方 "玩電話"？而不到海邊吹吹風？終於等到我們入坐，伙記話 "著名" 的咖央西多需輪候 45分鐘，恍然大悟，原來食客們在等西多 看着這個狹窄而悶熱的地方，實在沒有胃口等候45分鐘。退而求其次，大家都不約而同點了咖央多士和凍奶茶。奶茶香滑在茶味，咖央有椰汁味，全部都合格。