泰串越盞

Open Now

Now Closed

平時食晏都覺得呢間泰越菜好食，家庭式經營，食物用心制作，唔貴，抵食。今日想帶媽媽到我平時覺得好食嘅餐廰品嚐，第一次嚟呢度食晚餐。超正，勝價比真高。食物質素真係一流。越式火煱越式牛肉肥牛生菜包越式春卷雪糕糯米飯真係有驚喜，真心值得推介。

早排已經見到佢開左喺熟食中心，少少吸引，但係未見佢有得喺 OpenRice 叫外賣，同埋之前既定價都係接近 60 蚊，所以一直未試。觀塘不嬲都多雞飯，而我就未試過會安雞飯，佢仲要限量發售，咁樣既操作，冇得唔試啦～於是叫左一個會安雞飯。會安雞飯 - 53 hkd- 接近金黃色既飯同雞已經食欲大增- 油飯油度適中入味，但比坊間更軟身- 唔落醬食雞都算入味- 雞肉同皮唔算過度爽滑，十分適中，個人中意呢種肉感- 落左醬 加埋 果啲配料，成個飯既層次出哂，每一啖都好滿足- 醃蘿蔔絲好入味，十分出色優點：- 性價比高，份量多，平均 40-50hkd 一個飯- 味道足，輕量重口味 (少少還原到越泰風) - 餐具都大大份- 堂食環境目測一個舖位大缺點：此食評只係針對佢個雞飯討論，下次有機會試埋其他食物，再睇下係咪都係咁好味。

Happy Friday，朋友帶了我去觀塘的熟食中心食泰越菜，本來以為大熱天時去熟食中心會熱辣辣，但原來有冷氣。食物款式很多，而且比外面餐廳平一截。豬腩肉米紙卷包著檬粉、紅蘿蔔及腩肉，加上泰式酸汁，十分清爽開胃。牛油雞中翼炸至金黃香脆，拌入了蒜茸牛油，十分香口。越式牛柳沙律有青瓜、紫洋葱、香葉及泰式香料，加上特製醬汁及烤牛肉粒，清新爽口。明爐烏頭即叫即煮，用了清雞湯、香茅及多款香料，湯底清新，充滿香茅味，烏頭厚肉鮮甜。蕃茄蟹肉檬粉湯底酸甜有蟹肉鮮味，加上豆卜、扎肉等配料，十分滿足。

我哋嗌咗特色越南火鍋盤（$298）、越式金邊粉（$18）同埋炭燒豬頸肉（$58）咁首先講咗嗰個火鍋盤先啦其實佢都包咗好多嘢食‼️‼️（分別有：牛頸脊、廣島蠔、墨魚仔、手打牛丸、深海魚柳、青口、虎蝦、豬腩片、魚皮餃、越式牛肉、雞肉、扎肉、生菜）而佢亦都有三款湯底可以揀🤔🤔我哋就揀咗要椰汁清雞湯底咁講咗火鍋盤嘅肉類先啦牛頸脊食落去都幾煙韌、有咬口🥰🥰而且牛肉味亦都算幾濃郁豬腩片同埋雞肉都比我想像中嫩滑👍👍（食落去唔會覺得好乾）之後就講埋其他火鍋配料啦佢哋嘅海鮮食落去都幾新鮮😆😆深海魚柳食落去亦都好嫩我自己就幾鍾意食佢嗰個手打牛丸😘😘因為真係好Juicy、彈牙最後就講埋我哋嗌咗咩嘢飲啦我揀咗要龍眼冰（$26）味道幾啱啱好唔會太甜😚😚而且龍眼肉都算幾多而我朋友就揀咗要珍多冰（$26）

成日寫好多食評，但就好少用「隱世小店」呢四個字。呢日係附近做完運動，同朋友黎到駿業熟食市場，雖然熟食市場外觀一般，但我完全估唔到樓上有間咁正、咁抵食嘅越泰菜式，同老闆娘傾下計，佢提及餐廳廚房全由正宗越南人主理，所以野食先咁正宗，絕對稱得上係一間隱世小店😍😍呢日我地叫左特色越南火鍋盤($298)，要冬陰公湯底，包有牛肩脊、廣島蠔、墨魚仔、手打牛丸、深海魚柳、虎蝦、青口、豬腩片、魚皮餃、越式牛肉、鷄肉、扎肉，以及生菜。由於廣島蠔太美味，我地叫多左一份廣島蠔($68），然後叫多個椰青($28）、凍越南滴滴咖啡($26），兩碗白飯（$10一碗），同埋一包出前一丁($12)。🇻🇳🇻🇳越南火鍋冬陰功湯底，加入檸檬草、酸柑、辣椒、薑等香料和調味料來烹調，這些調味料可以讓湯底更加香氣四溢，呈現出酸辣清爽的口感，不會感到油膩之餘，並且讓食材的味道更加豐富。🍲🍲牛肩脊🐮🐮作為優質的牛肉部位，肉質豐盈，口感柔嫩，在烹調時不易過熟或變硬。於冬陰公湯底火鍋中滾一滾，保留了豐富的肉汁和嫩滑的口感。廣島蠔🦪🦪廣島蠔的肉質較為柔軟，汁液豐富，肉質肥美，口感鮮美，且帶有淡淡的甜味和海水味。手打牛丸🐂🐂由新鮮的牛肉製成，

泰越一take 過同friend放工去觀塘食飯，響APM想食嗰兩間都要排幾廿個，心血來潮同佢去左駿業街熟食中心都度搵嘢食，原來嗰度都幾旺下，外牆仲翻新過添。我哋揀咗一間可以食泰式同埋越式菜式嘅食店，首先我哋嗌咗泰式蝦餅，越式春卷，牛油雞翼， 蕃茄蟹肉檬粉，越式牛肉法包同埋珍多冰。個蕃茄蟹肉檬粉除左有不少蟹肉同濃濃嘅茄醬之外，仲有扎肉，泰式魚餅同驚喜有豬紅！檬粉勁吸好味嘅蕃茄汁，我地食到津津有味！泰式蝦餅炸到啲色水好平均，片片金黃脆面，彈牙可口， $66有5片，可以響邊度搵～見佢啲炸嘢咁靚，我哋仲叫埋左越式春卷，個春卷皮夠曬薄又脆，餡料新鮮可口，唔洗點醬都夠曬味！仲有牛油雞翼，隻隻大件啖啖肉之餘又入味，脆而不膩，係必點之選！最後店員推介（佢續張枱sell幾次，仲要七情上面咁sell😂😂🤣）,見佢咁落力，而甜品係唔可以唔食嘅，就叫左班蘭椰漿飯配自家製椰子雪糕。果然勁好食，平時嘅椰漿飯係用班蘭水煮的，所以每啖飯都好香口，柔軟，如果唔係咁飽，一人食一個先啱數！

來到觀塘取件，順便到附近食晏，對面的中海日升排了長長的人龍，咁不如在呢邊的駿業熟食市場搵下食。地面一層的食店好熱鬧，上一樓睇下先，轉角位呢間泰越店剛好有人走，就食佢啦。午餐都好多選擇，仲有優惠轉特飲同加小食喎😋超快已經上齊野，啲野食熱辣辣㗎。🐂生牛肉併牛腩河粉叫左碗牛肉粉，牛肉同牛腩份量都多喎，牛味十足有咬口👍湯頭鮮味，再加啲青檸汁同小辣椒，多左份酸酸辣辣更惹味。河粉滿滿一大碗，吸飽湯汁好好味。🐖串燒豬腩肉特價加十蚊就有一串，見差唔多枱枱都加，唔執輸要一串豬先。豬腩肉燒得甘香，滿滿的油脂好滿足，個沙嗲醬同平時食開嘅唔同，比較稀但充滿花生香，好食🤤☕越南滴滴咖啡再加杯滴滴咖啡，啡好香啊😍食飽飽無加一，正👍順帶一提，枱面呢對即棄筷子幾靚😆

🍽 特色越南火鍋盤 ❤️4.5/5 $298 包括左牛頸脊、廣島蠔、墨魚仔、手打牛丸、深海魚柳、青口、虎蝦、豬腩片、魚皮餃、越式牛肉、雞肉、扎肉、生菜，食材新鮮，份量好有誠意！可以選擇3款口味，今次試冬陰功湯底，愈食愈濃郁，連醬料都吾洗落，酸酸辣辣好開胃加餸🍽️越式牛肉 ❤️4.5/5 $98 以蒽花去釀製牛肉，肥瘦比例5050，較為嫩口🍽️泰式蝦餅 ❤️3.7/5 $78脆卜卜！即叫即炸，皮吾會太厚，好重蝦味成個蝦肉口感都好彈牙🍽️炭燒豬頸肉 ❤️3.7/5 $58大大片豬頸肉，爽口彈牙🍽️串燒牛柳 (1串) ❤️4/5 $18 🍽️串燒雞肉 (1串) ❤️4/5 $18 🍽️串燒豬頸肉 (1串) ❤️4/5 $18 肉質juicy，吾會燒到好乾身，再配埋沙嗲醬，食過返尋味😜🥤椰青 $28 椰青極大個再加上椰青水清甜解渴，食泰國菜必飲！🥤珍多冰 $26吾會太甜，好重椰奶味，大大啖，好飲！

今晚去咗觀塘駿業熟食市場一樓新開嘅「泰串越盞」食晚飯，真係好正呀！😋 家庭式經營小店，老闆娘態度親切👍🏻 感覺好好👍🏻 餐廳主打泰國及越南食物，選擇豐富！😍柚子蝦沙律真係特別好味，啲蝦新鮮，柚子酸酸甜甜，好開胃！🍤🍊泰式炒金邊粉個湯底好香濃，粉條又爽口，真係太好食啦！🍜生菜包（豬肉），包住啲香煎豬肉同啲醬汁，啲生菜爽口，好健康！🥬🐷冬陰公湯底名爐烏頭好滋味，啲烏頭味道唔會太濃，湯底又唔會太辣，好平衡！🍲🌶️斑斕椰汁芒果糯米飯真係好好味，啲糯米飯軟綿綿，啲芒果同啲椰汁好夾，好甜好香！🍚🥭🥥總括嚟講，呢間「泰串越盞」真係好正，下次一定會再嚟食！👍

📍泰串越盞 (觀塘)早排發現咗呢個平平哋嘅打邊爐之選，$298夠晒2-3人食。而且湯底仲好有特色，可以揀🌶️冬陰功、🥥椰汁清雞湯、🍅越式番茄蟹湯底。💕特色越式火鍋盤 $298牛頸脊、廣島蠔、墨魚仔、手打牛丸深海魚柳、青口、虎蝦、豬腩片、魚皮餃、越式牛肉、雞肉、扎肉、生菜椰汁清雞湯香濃惹味，但係一啲都唔辣。淥得越多料會越甜越好味。邊爐料完全冇將貨就價。海鮮質素唔錯。蝦🦐同蠔🦪都好大隻。牛肉亦都唔會太肥，淥耐少少都唔會嚡。💕牛油雞中翼 $68雞皮脆卜卜，咬落超勁牛油味。雞肉juicy冇雪味。喺香港少有食到嘅高質牛油雞翼，口味好正宗！💕凍椰青 $32📍泰串越盞 (觀塘)觀塘駿業街67號駿業熟食市場1樓30號舖

觀塘鴻圖道熟食市場又一推介熟食市場有好多餐廳，喜歡食正宗越南河、越南法包、串燒的～～就要來試試這間，由越南人打理的小店😍扎肉越南式三文治 $38上年去越南出差就在當地食過，今次這個加熱了，夾入滿滿的食材，外層香脆鬆化，加上甘荀青瓜絲及扎肉，清新濕潤，口感十足除了扎肉，還有其他餡料選擇😋串燒雞肉 $15串燒牛柳 $18價錢好抵，午餐仲可以$10 加追，即叫即燒，熱辣辣🔥 又好香口最後來一杯龍眼冰，解渴透心涼

朋友慶祝生日第一次嚟，算係另一個google search開心發現。雜錦串燒同㗎喱軟蟹包係必食，我連串燒醬汁同d 㗎哩都唔放過叫多個白飯清底。春卷足餡夠脆，越式牛柳沙律亦好出色，一擺低已經八對筷子搶哂d 牛，下次一定要打孖上。全部人第一次去，恕我哋孤陋寡聞冇諗過冬蔭公都可以打邊爐，有菜有蠔有丸有肉，係有少少後悔冇追加桶蠔，自問一人之力係可以啪哂成桶！熟食中心最大好處就係唔拘謹，同老友食住吹水飲啤酒真係一流。下次會留肚食多啲！

屋企人喺附近返工，食lunch時見到新開咗間泰越菜，菜式同價錢都好吸引，一於試試佢😍第一次去呢個熟食中心，都算易搵，觀塘站行過嚟大約7,8分鐘，估唔到夜晚呢到都幾多食客，地下嘅食店都好多人幫襯，行上一層就見到我哋今晚食呢間泰越菜🤭原來佢係2個鋪位，一邊廚房，一邊堂食，地方闊落👍🏻Menu上樣樣嘢都好吸引🤤仲有我最愛嘅蕃茄蟹肉湯檬，突然見到隔離機上咗但咖哩農夫包，但menu上又搵唔到就問吓店員，原來係隱藏菜式😍生蝦刺生生蝦雖然唔算大隻，不過新鮮爽甜，有成10隻，酸辣汁帶甜又唔會太辣，十分開胃越南春卷之前去越南旅行食過當地正宗嘅越南春卷，皮薄香脆，一試難忘，呢到呢一個春卷絕對係正宗口味，唔會似其他越南餐廳食到嘅又乾又韌，一定要配埋辣椒魚露食🤤屋企人都話正，同出面食嘅好唔同炸蝦餅熱辣辣👍🏻十分香口，仲配埋醃菜，感覺冇咁熱氣冬蔭公明爐烏頭湯底香料味夠，酸酸辣辣👍🏻勁開胃。條烏頭都好食，冇泥味。見到隔離枱都食清哂😆茄蕃蟹肉湯檬我對呢個菜式簡直係expert😆每次食越南嘢必點，但香港唔多越南餐廳有呢個湯檬，唔知係咪工序繁複🤔一上枱超香😍湯底蟹味好鮮，超多蟹肉，仲有豆卜 札肉 豬紅，檬粉索啲湯👍🏻正

公司附近就係駿業街熟食市場，一直都冇去過，但今晚真係太肚餓，又唔想食飯盒，即管試吓啦。一上到去1樓就見到呢間「泰串越盞」，就睇吓有幾串先🤭。泰式同越式嘅餸菜都有，而且款式仲唔少。鍾意食東南亞風味嘅朋友真係有啲難揀。📍 #泰式生蝦 (💰$78) 泰式生蝦而家都唔係度度有得食，梗係即刻嗌返個啦。生蝦夠新鮮，肉質爽嫩，加埋個醬汁少少酸甜，清新，推介推介！📍 #泰式鳳爪 (💰$58) 無骨鳳爪夠入味，而且分量十足，唔會好似有啲舖頭沙律菜多個雞腳🤣📍 #炭燒墨魚頭 (💰$88) 先頭都有啲驚炭燒會搞到墨魚頭好乾身，點知食落又非常之juicy。本身話冇乜興趣嘅同事都食咗好多，好彩夠大碟，滿足。📍 #越南春卷 (💰$58) 一碟四件，切開一半變八件。包埋生菜，入口size 剛剛好。即叫即炸，夠熱而且唔會好油膩，感覺一流。📍 #越式牛柳沙律 (💰$68) 牛柳唔會煮得過熟，一口size，加埋沙律口感都好夾，大碟夾抵食！雖然熟食市場嘅餐廳裝修都唔可以同商場比較，但係呢度都非常企理乾淨，識得放心。而且店員亦都好有禮貌，好細心。蔗渣價錢，燒鵝味道，呢度嘅性價比十足。真係唔好睇小熟食市場入邊嘅餐廳。下次多啲人

📍 📍 📍 泰串越盞 (觀塘)觀塘駿業街67號駿業熟食市場1樓30號舖香港有好多間火鍋店，但都係港式同麻辣嘅多，越南火鍋好似冇乜幾多間。最近觀塘就有間打正旗號做正宗越式火鍋同泰式串燒嘅專門店開業，就連裝修格局都帶有越南風味呢🥰🤩👉🏻特式越南火鍋拼盤+冬陰功湯底💰$298😋😋😋😋.8/5越南火鍋同我哋平時打開嘅邊爐，最大分別就係佢哋啲配料會圍住晒個爐邊放，生熟都係。主要係海鮮、肉同埋菜。好似呢個越式火鍋咁，非常之豐盛，圍住爐邊就擺滿咗牛頸脊、廣島蠔、墨魚仔、手打牛丸、深海魚柳、青口、虎蝦、豬腩片、魚皮餃、越式牛肉、雞肉、扎肉、生菜，紹菜，一共14款。特別推介牛頸脊，好重牛味❣️；手打牛丸係爆汁的❣️；深海魚柳，好滑溜❣️；虎蝦，新鮮彈牙有膏的❣️中間湯底有三款可以揀，我哋揀咗冬蔭功味，啖啖濃香嘅酸辣冬蔭功味味同鮮味。忍唔住最尾加多個烏冬食($22)，烏冬仲要非常之掛湯，正😋👉🏻招牌會安雞飯💰$61😋😋😋😋.8/5招牌會安雞飯賣相好靚，估唔到有咁多蔬菜伴碟，蘿蔔絲、青瓜、洋蔥，加埋好香脆的蒜香飯，好好味！雞又滑又嫩，夾埋蒜香飯的蒜味，連薑蓉都唔駛加，津津有味！回頭: YesYes，越南火鍋真係好少