泰迷你廚房

Open Now

Now Closed

荃豐真的很多小店，愛人今日又帶筆者試新嘢，原來這店已開了一些日子，不過一直都未有發現，可能因為店名是泰迷你，一心諗住應該是辣嘢，所以一直沒有諗過要試吧！午市套餐至六點，吃個早晚飯都仲趕得切吃過兩次碌鵝，下次可以試吓外賣預早訂，開party唔使煩。店子細細，三幾張枱，看見㕑子密密手、密密腳，全場四圍走，勁！碌鵝撈米粉~筆者認為撈米掛汁强，很入味，大大碗都很快KO咗⋯⋯香茅雞翼$25~夠乾身，但未算入味。火車頭炒飯~有番茄和洋蔥，番茄酸酸甜甜，加入洋蔥，葱粒，肚餓很快吃得乾乾淨淨⋯⋯之後第二次到來，試另一些菜色:加推小食:豬頸肉:味道唔錯，略嫌過火，未夠嫰滑冬陰功海鮮米粉~湯底自家製，夏日炎炎，酸辣幾醒神，筆者略嫌偏酸⋯⋯秘製脆皮鴨~炸得較乾身，很入味。青檸梳打~餐另加$10,喜歡這裡是用上整支泰國梳打自斟自飲。整體來說兩次都看著老闆娘忙得團團轉，但多款小吃及主菜，吃出她自家製的口味，值得支持的一間小店。

🐔位於荃灣昌安商場內嘅泰迷你廚房，提供全日同價套餐，當中最受歡迎嘅係$48泰式無骨海南雞飯全日套餐（學生仲有得減$5)。上菜好快，啱哂趕時間嘅打工仔。不過呢度舖位比較細，午市黃金時間未必有位。份量都算大，而且賣相亦唔錯。雞肉皮爽肉滑，仲有少少啫喱。飯係黃薑飯。雖然叫🇹🇭泰迷你廚房，但呢度嘅海南雞飯係配🇸🇬新加坡式嘅三色醬⬛🟩🟥，有黑醬油、薑蓉同辣椒、而唔係泰式嘅酸辣汁，我自己就兩款都鍾意嘅。

泰式酸辣汁手撕雞配柳州米粉：雞肉都好多，就嚟擺滿個碟，手撕雞嘅關係，所以無骨。雞肉切得較幼，一夾皮肉分離，啱晒唔食皮嘅我，皮肉之間無肥膏，不過雞肉唔夠彈性。墊底有唔少蔬菜，例如青瓜，生菜，蕃茄。雞肉+蔬菜+酸辣汁一齊食好開胃，啱晒悶熱嘅天氣食。個柳州米粉有驚喜，睇落似米線，食落有啲煙韌，好彈牙，好有咬口。清雞湯真係好清，冇乜味😅，不過個酸辣汁都好濃味，個米粉清清地都OK。重點係$48包熱飲，凍飲+$3，好抵食！

行過睇到間泰國野，突然想食口水雞飯，睇個餐單除左海南雞飯/冬蔭公的泰國餐點外，點知仲見到有螺絲粉食，但在泰國餐廳食螺絲粉應該怪怪地，所以都是叫返口水雞。一落完單好快就上枱，睇到好似大份好吸引，點知食落口就中晒伏，無咩味，凍凍地，得少少辣味，最大問題是全部都比骨位我，好似食緊口水雞皮仲多過食雞。不知是不是疫情關係，定人手不足（只見一個樓面＋一個廚房），餐具同飲品都用即棄餐具跟紙杯。不理會其他原因，單單食物質素就不會比機會食下次。伏晒

海南雞飯好味星期六的晚上想吃海南雞飯， 見有位就入去入會再來坐了。再沒有期望的情況下大感驚喜。餸菜很快送上， 雞的分量不少，很有雞味和嫩滑。最驚喜的是薑黃飯， 飯粒本身是淋，帶有很香的薑黃味， 平時少吃飯的我也把所有飯吃了， 因爲知道薑黃對身體有益。檸檬茶很大杯， 成個晚餐衹是$48, CP 值高， 會再來。

荃昌覓食之旅第4彈，又是老公WHF的一天。再次去荃昌尋味。路經泰迷你厨房。時間尚早，見有位就入去試下了。店不太，但座位算舒服。香茅什扒(豬扒/雞翼/雞扒)($50)什扒量好足扒唔算太干，有返D肉汁。跟埋有一碟二款的醬，但醬感覺好似有D唔夾。有D可有可無。(飯太干，我提議拿去拌飯好了)秘制脆皮鴨($50)飯實在是太干，我把1/3湯和蔥油醬全部拌進去了。鴨真的很脆，名沒有取錯。點醬吃不錯，肉也多。新鮮椰子雞湯($10)湯太淡了，店員姐姐一直推薦說沒有雞粉沒有味精所以就叫一碗試試。以湯的味道來說，我相信店員的說話。凍檸水(餐飲/凍飲+$3) 正常+$3無咩可以要求。熱奶茶(餐飲+$0)普通的熱奶茶，不過不失。如果是以飽為先，泰迷你厨房一定可以滿足你，但胃不好的話，最好注意一下食太干的飯有沒有問題

周圍揾野食就諗住去幫襯下小店，喺門口睇咗一陣都15/16諗緊入唔入去，平時未食過嘅食店有時都會上OpenRice參考吓食評，但係今次冇做到就中伏，呢間負評比率好大。入到去間餐廳叫咗個香茅豬扒雞翼飯，全部都係用即棄嘅餐具，個飯盒本身嘅容量都比較細，等咗10幾分鐘飯到，豬扒雞翼似番炸出嚟嘅，味道非常非常之一般，豬扒叫做勉強入得下口，個炸雞翼竟然裏面係生（有冇搞L錯）炸嘢已經係好簡單，就咁炸你都可以炸唔熟，睇得出餐廳平時有幾咁求其，好後悔入咗去。食完嘅餐具要客人自己掉去垃圾桶

真心垃圾鬼遮眼入咗嚟成個商場最難食嘅餐廳掃街啲嘢食仲好食真心掛羊頭賣狗肉Omgg 如果想食伏嘢 可以嚟依間包你貼錢買難受：）未食過咁難食嘅嘢完全冇泰式味道同我平時求其炒嘅飯 差唔多味啲嘢食係超級爆難食食咗兩啖 都費事食 得個咸字 仲聲稱冇味精？一啲咖哩味都冇服務態度又差基本禮貌都冇聲大夾惡當客係狗咁仲有全程勁嘈啲侍應大大聲吹水廚房大大力揼嘢都唔知揼乜嘢Omg!!! 點解可以開到依家？有史以來食過最差最難食嘅餐廳！

同朋友第一次嚟食穩陣啲叫好基本嘅香茅雞翼豬扒飯同埋海鮮炒金邊粉加$2要埋杯凍檸茶同奶茶首先嚟嘅係兩杯凍飲未試過飲一杯咁難飲嘅檸茶⋯⋯佢得個色但完全冇味，唔知自己飲緊乜就算我勁頸渴但係都飲唔落朋友嘅凍奶茶都係一樣，不過佢直頭叫職員收咗佢轉罐裝汽水⋯—————————食物都係令人失望豬扒薄到紙咁又乾又硬呢個價錢都唔期望質素有幾高但都唔係差到咁嘅⋯我寧願冇雞翼，都想要一塊厚啲又唔乾嘅豬扒啲豬肉乾同雞翼又完全撈唔晒啲飯嚟食—————————職員又將朋友叫嘅海鮮金邊粉落錯做豬頸肉金邊粉而味道就唔意外⋯⋯相都唔想影—————————總結成餐最好味嘅，就係豬扒飯嘅現成酸汁鍾意酸汁撈飯就唔好錯過

這間餐廳真係一家小小店，地方比較細，午餐時經常無位，之前試過食海南雞，豬手， 豬頸肉覺得係平，無乜特別。今天經過見唔駛等位，又去試吓，靚覩老板娘介紹食薄荷鴨，咁就試吓無防，大約等了 10分鐘出餐，鴨應該用咸水浸過，鴨味加少少咸囗感不錯，肉都入味，不迢有少少實，配上特製薄荷醬都夾到味，其他地方未試過咁煮法，唔知係咪真係泰菜囗味，不過好有創意，值得一試。我同事叫了粟子豬手，我們 share 食，豬手都入味，勁多粟子及冬菇，豬手只有4件，午餐來說都可以的。

近幾天掀起海南雞的熱潮, 早前去吃米線時, 看到鄰近的泰式餐廳爆滿, 而今天終於找到機會來試一試。餐廳面積非常細小, 如此小店卻天天都有大量食客來訪, 一定有箇中特色。餐牌最亮目的是廉價的價目, 經過一輪思考後, 決定了點脆皮海南雞飯。出餐時間不算很快, 上枱時會有熱水去浸餐具, 以小店面言, 能做多一步已經很好。香港賣海南雞飯飯的地方多的是, 但說是脆皮的卻是第一次見。上枱時棕色的切雞放在油飯旁, 還有付上少量醃蘿蔔, 誠意十足。切雞份量夠多, 從外觀上可得知是用炸的方式去做的, 但也因為油炸, 香脆的雞皮卻換來了乾巴巴雞肉。不過始終是小型餐館, 也不太能要求完美的菜式。要是改變一下煮法, 例如烤焗或煎的方式以達致皮脆肉嫰的效果。飲品選了凍鴛鴦, 夠大杯而且冰粒不會過多。飯配熱飲$45, 凍飲另加$3, 有這種質素下價錢不算貴。對於在乎餐廳格調的食客這間可能會失望, 但從簡單的漬物到大膽的炸海南雞做法可令我感受到他們經營的誠意。

lunch time 同同事去遠D, 去荃豐食。佢哋話好耐冇食泰迷你, 於是我就試咗第一次嘅堂食。(平日外賣多) 食店比較細間, 座位都較貼。上次外賣叫過炸雞, 今次我就點咗泰式無骨豬脾米粉。食店勁快上餐  豬脾配上泰式醬同埋薑蒽, 煮得勁淋同勁入味, 個汁係有少少甜, 配2 個醬都好夾, 各有千秋。講埋餐果隻蛋都好好食, 個米粉好大份量, 不過就油咗D, 加上豬脾都比較油膩, 最後係食唔晒個米粉嘅。下次都會再食呢個食店嘅, 不過就會外賣, 因為裡面D 位真係迫迫哋。

下午茶時間很想食飯，行逛了這層，多是粉麵餃子，最後揀了這店。主要是有背的座椅及有飯😅。食物選擇都多啊！有飯、粉麵，我點了泰式海南雞飯及凍鴛鴦。店員送來一碟飯，或許是碟細，感覺份量不多，但細心再看，雞件份量不少啊！小雞脾夾少雞胸肉，份量令人滿足。但質素呢？我估計雞是過度煲或煮，肉質很淋，不滑，毫無雞味。配上黃薑飯，是滿滿的，感到黃薑的香料，但不特別好，屬正常。埋單$47，因座位及環境麻麻，我未必會再試。但臨走前，卻見到鄰枱的炒雜菜，真的很大份，亦很香。或許這小店有其他吸引人的食物。最值得讚是，點餐後，店員會主動給一杯非常熱燙的水給你浸餐具👍

剛剛食咗條碟泰式肥牛炒河十分難食冬陰功湯有甜豬皮有硬！ 唔使錢我都唔食， 難食到爆炸！ 個碗白飯又凍又硬 炒河粉什麼味道都冇 洋蔥 又有味 所以以後都唔會去食 大家都唔好去食！

間唔中都係荃灣購物，今次一條冷，求其揾食。呢間第二次幫襯，上次食湯粉，不過不失嘅。今次，見隔離問，佢介紹海南雞飯，有2款，一款招牌，即正常，一款泰式燒海南雞，配黃薑飯，咁食個招牌，睇下要唔要拆佢招牌。（講笑）我真好彩，佢比左隻脾我，我隕離問嘢個都無佢嘅前菜係我最愛嘅酸菜。之後，就係黃薑飯真係有薑油味，但又唔太油。最後試，佢嘅海南雞，一來佢比個雞脾，剚令到我牙骹較左，算有雞味，滑嘅，食左我平時少食嘅雞皮，亦都滑，有啫喱得黎無乜肥膏，$45包一杯熱飲嘅價錢，我唸我一定會再黎幫襯。支持小店。唯一美中不足 都係呢個場問題，D位迫少少 同埋快餐店式，你食完，好即焠咪阻人做生意囉。