流記香港仔艇仔粉

Open Now

Now Closed

Cheap and affordable noodles by uncle lauJust $30 for the regular sizeWe added $20 for extra chicken So tasty with tonnes of ingredients Fishball is the best I have had for awhileJust call and he will arrive as soon as possible Definitely worth the wait

當我好細個時，跟著爸爸在筲箕灣船上工作，到下午茶時段食過「艇仔粉」後，一直都無食過，現在筲箕灣避風塘唔知仲有冇「艇仔粉」呢？其實想食「香港仔艇仔粉」好耐。但有時享受食物亦要有緣相聚，因為有幾次去開香港仔想食，但已經收檔，因為阿叔預備的食材賣晒就無。今日天氣凍凍地，一於又再去啦。今次終於食到啦，但係食材唔係淨太多，本身想要紅腸都賣完，但用咗廚師腸代替。呢度先係「即叫，即做，即食」阿叔新鮮煮完，我即刻坐在碼頭邊享受，仲有咁靚海景伴著，真的好開胃。講番食物先，個湯底真係無得頂，熱辣辣，十分鮮甜入味。白魚旦爽口，河粉淥得剛剛好，不會太淋。其實放假無嘢做，去食個「艇仔粉」，又可以近近地接觸吓海水，欣賞吓香港風情，令人可以舒緩下壓力。

香港仔嘅地道特色就當然是艇仔粉了，以往要食艇仔粉真係要睇緣份，可以說是可遇不可求。不過而家就方便左好多喇，因為流叔嘅艇仔粉係可以打電話畀佢，然後佢會揸架艇過黎，約好喺海旁嘅位置，咁就可以買到艇仔粉食喇。今次好好彩咁食到艇仔粉，所以一次過買左兩碗，一人食一碗。其實好想食魚蛋，不過今次就可惜d無魚蛋食。不過唔緊要啦，能夠食到咁地道風味的艇仔粉已經很好了。流叔嘅艇仔粉仲開埋fb page，有興趣去食嘅朋友可以留意下佢個page，個page上會有佢嘅電話號碼同休息日子。

今日去完鴨脷洲玉桂山行山，朋友提議話不如去食艇仔粉，咁我就本身唔知係咩黎，抱着一個試新野嘅心態去試啦。咁本身行完山我哋就坐船過香港仔嘅，問吓啲船家，就搭上搭搵到呢間艇仔粉嘅電話啦。幾經轉折我哋就坐咗流叔駕唔使去到香港仔碼頭，見到佢入邊竟然可以喺船上有個廚房，比較大鄉里嘅我覺得真係好特別。亦都非常之有香港嘅特色，值得一試。咁我個朋友就食素嘅所以佢就選擇咗菜心河粉，老闆都俾咗好多才去，而我就叫咗所有嘢，即係開心，燒鴨，紅腸等等材料嘅河粉，雖然食物質素普通，不過不失，但係呢個係食個風味嘅，希望香港傳統可以得以保存，並且傳揚出去。🤩🤩

having lunch with colleagues. It is a hot day but the rice noodles really good.There are no seats so only can stand eat at the park. 別有風味需要先打電話才有。Wait time so long but the food is really really good. 冇得比你選菜的。But the experience is so funny. Must try it if you never had this before.

今日天朗氣清，好想去遊吓車河，一去就去咗港島嘅南區，肚餓啦，就諗起香港仔嘅艇仔粉，咁我就揸咗去香港仔嗰邊嘅社區中心隔離停低架車，然後打電話比艇仔粉嘅老細，佢好快就過到嚟，其實大約5分鐘到啦，就有隻船洗埋你黎，跟住老細就問我想食啲乜嘢，今日我就揀咗叉燒燒鴨嘅河粉，然後老細就話加多兩蚊俾埋魚蛋同埋紅腸我，多啲餸開心啲喎。就係咁我就俾咗$30食咗一碗艇仔粉，我最欣賞就係個艇仔粉個湯，好好味，如果個湯唔好味會搞到啲河粉都淡而無味，叉燒唔算特別地，如果太肥就會令到成碗河粉都好油，總言之呢幾個餸同個河粉嘅配搭都好好味，我攞咗碗河粉就坐咗喺海邊嘅長凳上邊，望住香港仔好靚嘅海景食咗碗好好味嘅河粉，都係用咗$30咋

我從來只相信緣份，每次食都係遇到就食，遇唔到都廢時打俾艇家叫粉。前陣子去香港仔坐船去蒲台島，遇見艇仔粉，即刻同個friend叫返碗嚟食吓。泰國有出名的泰國船麵，其實香港都有碩果僅存嘅艇仔河，佢哋之間的分別我估係湯底吧！艇仔河的湯底應該是加上大地魚粉。艇家送上兩碗麵食，加上面對香港仔避風塘景觀，環境一流，再加上沒有空調，只有自然風，風味一流呢。下次相遇，我相信緣份。叉燒河多蔥加油菜，送上瘦叉，沾上湯汁，加上幼河粉，正！雜綿河加蔥花，有紅腸、叉燒、魚片頭、魚蛋

話説同同事諗緊晏晝去香港仔食咩好，上OpenRice見到呢間艇仔麵，個樣幾搞笑，所以就決定出發！響公司出發前打咗電話俾叔叔，睇下佢有冇開，confirm咗佢開之後，佢叫我哋就到香港仔海傍公園嘅時候，再打俾佢，佢就再嚟搵我地。來來回回打左成幾個電話，等左半個鐘先見到佢呀，響呢個32度高溫既晏晝，為咗食呢個面，真係要有比既毅力同永不放棄嘅精神先食到呀！叔叔架船一嚟到，本身碼頭只有我同同事兩個人，突然間啲人唔知去邊度沖出嚟排着隊等食，搞笑嘅地方係無論你嗌咩餸，叔叔都係比三個餸嚟㗎！燒鴨魚旦叉燒河 $28我可以講呢碗麵食既係風味同特色，味道大家唔好有太大期望，唔難食既，不過不失啦提提大家，夏天都係等涼小小既下午先去食呀，果完食完好似有輕微中暑

不知在那 不用打去吹佢 只要企係碼頭等 緣份到了 架船自然會黎係香港仔巴士總站有行人隧道去海邊，openrice 有船家既手提電話號碼，船家有少少口音有D 難溝通，tips: 如果你打去,同佢講 “係隧道個到”,佢就會明!因為lunch time 時間有限，所以同同事都比較緊張, 由12:55 開始搵佢, 佢係咁話過緊黎, 1:20 先過到黎! 32度熱死辣辣!! 但架船一到，D 人就唔知係邊到衝晒出黎 =.=問左個食慣既阿叔話，佢有2個站既，一係”隧道”呢到，一係係”香港仔 珍寶上船個到”!講番個麵, 點解我叫佢做佛系艇仔麵係有原因既，因為我前面個阿叔叫叉燒麵，遞上黎留意到有鴨，叉燒,仲有2粒魚蛋!! 心諗! 正wor! 係咪送架?跟住我同同事都叫燒鴨麵，因為睇其他有review 好靚wor!! 點不知遞上黎同阿叔個碗一樣既!! 船家太可愛啦!!!艇仔麵omakase口感: 如果你留意番張相，上面有一推白胡椒粉，所以個湯底有D太濃味，近似福麵個包味精粉! D 送同麵都係okay! $28 係底食既，不過未必會再summer 去食! 番到公司有少少中暑feel

今天工作完成了，想找些給自己空間的時間在海傍走走。機會順道來到這南區，就想起久久想試的碩果僅存艇仔粉，極少機會日間時分獨自來到這裏就試碰運氣找一找這個艇家。地點：在香港仔海傍一帶，地點有點不定，所以要找一找，今次艇家停在隊道口（巴士站傍）的碼頭上落客船位置。時間為中午約12:45 平日時間，到場時已有附近工作的人及街坊在買粉吃了。環境： 小艇就是它的廚房，站在岸上你可以看到它整的整個過程食物：基本上是沒有MENU的，觀察下艇家多會建議你要一碗雜錦的，咩都有，不過其實佢無話俾你聽有啲咩，呢個時候參考其他食評好有用處，我見其他人無等別REQUEST的話，雜錦粉會有切雞，但因為我看了食評，想食燒鴨，所以有特別叫師傅俾多些鴨，所以用了鴨就沒有了切雞了。所以如果大家有咩係唔鍾意食或好想食，最好都係問清楚艇家師傅叔叔。小貼士： 因為我真係一心黎到，食唔到唔罷休，所以就先打俾艇家師傅叔叔，問佢問唔開檔，拍喺邊度，佢會同你夾時間地點的，很好人有善的叔叔。我與師傅叔叔通過電，叔叔很好，知我專程來到，電話聯絡特意駛艇仔過來找我，叫我等一等，黎到再CALL你，還教你係邊度等佢。好開心終於一嚐呢碗南區出哂名嘅

咁大個女第一次食艇仔粉，覺得好好玩！首先要先打電話，問清楚隻艇喺邊先。然後就去揾！有趣👍🏻揾到喇！老闆都係著住相中紅、白的格仔衫。叫咗碗燒鴨米同一碗叉燒河。其實味道真的一般，食嘅係風味！老闆很好人👍🏻好耐冇試過拎住碗粉，仲要企喺度食。感覺良好！🤣

今早去到香港仔，就見到肥佬响魚市埸賣緊野，即時走去食碗鴨河多葱。要食真係趁早，第一天氣開始熱，坐响碼頭食都幾攞黎辛苦。第二佢都有番D年紀，亦睇唔到有接班人，所以當未變成回憶時，見到就食下。今吹幸運地比到隻鴨脾我，不過肉地有丁點霉。湯底味精唔太重，大地魚味較淡。湯頭熱辣辣，索索聲吃得好過瘾，我覺得當時D街坊好似好羨慕我咁😁要食，趁早呀

香港碩果僅存一、二檔，艇家亦唔係成日開，今日可以試到艇仔粉，真係好開心到飛起!想食既朋友，記得要預早打俾艇家問今日開唔開，約實佢係邊個位等。雖然我地約左佢1點10分，但佢駛過黎時俾人截停叫粉，黎到時已經1點半。不過冇所謂啦，難得一遇，我甘心等!見到駛埋黎時開心到大叫，好似去旅行咁啊!結果更係俾朋友笑到面黃啦即叫即煮，麻雀雖小，五臟俱全係公園開餐更添風味啊!大大碗，加埋飲品都係$40有找。呢碗係雜錦，咩都有，雖然唔係咩特別送菜，但一樣滋味!希望艇家可以keep住開，keep住香港既特色美食!

已經有四五年無幫襯過香港仔海傍艇仔粉今日星期六過開呢頭碰運氣睇下佢有無開結果六點幾來到已經有人排緊隊啦艇仔外貌同格局無咩改變艇仔粉其實選擇就係幾樣配菜配瀨粉，河粉或飯配菜有鴨，叉燒，魚片，紅腸兩個人叫左兩碗叉燒河 同 燒鴨瀨買左粉後就坐低係海傍公園慢慢嘆叉燒切得薄薄幾入味河粉質地夠幼滑湯底夠味而唔會太咸加埋落左少少胡椒粉唔錯燒鴨方面亦都夠入味肉質夠滑而唔“鞋”身今時今日$24一碗唔算貴了份量略為偏細有d似大家樂食tea碗燒味粉咁上下大食或肚餓既一個人食兩碗都好正常有機會大家可以黎試下呢個有風味的艇仔粉

Went for something rather special for the weekend~it was a fun experience and didnt disappoint me at all ah (worth the travelling time )We went allll the wayyyy to Aberdeen and reached at Jumbo Pier by 11:00, called boss (Lau Suk) when we reached the pier and he said will row over ASAP.waited for around 20mins, and the noodle boat was berthed next to the Jumbo Pier.This is the floating kitchen where Lau Suk cooksTadaaaa~ this is our boat noodle~On the left: Cha siu + Roast Duck noodle ($28)On th