海韻素食菜館

Open Now

Now Closed

上次食過好滿意，今日行完山又想起再去幫趁佢。上次冬天去食紅燒豆腐直情係食過最好的，外皮炸得香，豆腐又滑又有豆味，美中不足的是油的味道唔好，粟米魚肚羡都好食。今次encore個豆腐保持水準，叫左個豉椒鮮魷好香，想信佢整海鮮都有一手，因為買左條石斑清蒸蒸得啱啱好。價錢夠晒實惠($170)，我地俾貼士佢地都唔收，叫我地唔使客氣，一點也不商業化，在大都市裹真難能可貴！

同最高領導, 同佢屋企人去昂平360玩, 去完大佛後, 跟著就去大澳走番轉, 順便食飯!!經過長長小路, 沿途海景 + 紅樹林景, 非常寫意!!終於到達海韻!!可能平日關系+2:00PM, 得我地1檯!4眼哥哥好有禮貌介紹左:1) 鹽焗雞 - 皮脆肉滑, 好有雞味 (唔係肺話, 真係好多地方食雞冇雞味) 2) 紅燒豆腐 - 真係外脆內嫩滑 (係香港好少食到咁靚既豆腐 *大陸就好易, 唔知係唔係落左化學野)3) 芋頭魚 - 芋蓉好綿, 整體條魚炸得啱啱好, 好鬆化, 唯一美中不足甜酸汁就味道麻麻地 4) 上湯油麥菜 - 味道唔錯, 菜好嫩好甜 價錢實惠 HKD 260下次有機會一定再番黎!! 或者下次試埋東方小祇園

話咁快就到左晚飯時間喇, 有人推介去海韻素食菜館, 吓! 食齋, 唔係呱!原來呢度有齋食, 亦有肉食, 唔好比個店名呃左沿住河堤一路行一路問人, 行左20分鐘度, 終於搵到你喇我地幫襯D婆仔買左差不多2斤海蝦去加工白灼另外叫左5個小菜一個湯灼蝦--細隻左D,但好鮮甜 (海韻只係加工白灼)粟米魚肚羹--OK 但比較鹹鹽焗雞--唔似鹽焗雞, 似食緊鹹雞椒鹽鮮魷--D粉漿太厚, 唔得!蝦醬炒通菜--蝦醬味濃, 唔錯紅炆魚柳--魚柳又唔腥, 幾好味黑椒素牛扒--個樣又幾似牛扒, 食落有少少黑椒味, 唔錯仲叫左5個白飯, 埋單四佰五蚊度, 加埋D蝦, 平均每人$75.00

大澳傳統小漁港, 古樸風情真嚮往. 早前趁著天氣爽, 開心郊遊like a song. 行到黃昏影完相, 走去海韻吃個喪. 店名雖是素菜館, 亦有肉類畀你揀, 海鮮同埋鹽焗雞, 仲有招牌八寶鴨, 供應有限要早book. 可能客人實在多, 我地等左半句鐘, 終於可能開動囉. 八人共點六款菜. 以下等我逐款講. 冬天至啱羊腩煲, 爽口馬蹄蒸肉餅, 香口鬆化腐皮卷, 蒸魚夠鮮又甜美, 仲有兩款健康菜, 金菇冬菇扒時蔬, 豆腐冬菇扒時蔬. 呢餐盛惠四百多, 價錢划算又好味, 碟碟都好家常feel, 飯後感到好滿足. 希望2010年, 好似呢餐咁美滿, 咁美滿. ^_^

自己買魚(三斤幾青斑)+海磥去.1. 鹽焗雞 - 雞肉好滑, 好有雞味, 係走地雞, 不過d鹽可能吾"雲". 2. 付皮卷拼荔芋卷 - 好新鮮, 皮好脆, 不過d荔芋有d過淡. 3. 青斑兩味(自己買去加工) - 兩味都好食, 炒得剛剛好, 滑! 4. 白淖海磥(自己買去加工) - 白淖超正. 5. 付皮卷 - 只煎炸一面, 一舊付皮卷, 兩種口感! 6. 葸蒸素雞 - 似為很淡口, 點知加上葸汁, 勁香滑!

聽人講,呢度母親節特別多人食飯,所以遲左一個星期來,點知都係咁多人..好彩一早訂左鹽焗雞,如果唔係,就好似隔離枱咁,無得食^^"點左8餸1翅1.鹽焗雞:入大澳必食...大大隻雞,一上枱,又香又正,味道岩岩好,食到少少煙燻味,一問之下,先知係正宗紙包雞,炒鹽焗的..多謝店員細心解釋~~2.生炒骨:好香,個汁岩岩好,一D都唔似香港區酒樓食果D,一早炸好,呢度係即叫即炸..GD!3.紅燒豆腐:係店舖自家做,比起其他地方,豆味更濃郁!!!4.蒸素雞:新抱仔話係佢99自製的,完全無防腐劑,好滑好滑!!5.素翅:佢地話係日本正宗素翅,好多大酒家都會用佢加入D真翅度...好正呀!!真係幾可亂真!!6.酥甫雙拼:酥甫比較油,但可接受,可能係沙角的關係,好爽口;荔茸卷,炸得香脆!!GD7.素鮑魚時菜:食入彈牙,好似真鮑魚咁,不過菜比較淡口...8.蝦醬蒸鮮魷:蝦醬味好重,可能我唔太鐘意蝦醬味...老人家話好正喎~~9.上湯油麥菜:最後先上,清清地,OK!!一埋枱,太子仔推介豆漿,真係好正,好香,好重豆味..原來又係自家製,必試甜品:腰果奶露(要訂架)一到落單要ORDER埋,因為需時15分鐘,生磨,好香,

星期日一早同老婆去大澳行吓食吓野, 上晝就周圍吃小食, 一心諗住等到三點幾等小衹園冇咁多人就去食鹽焗雞, 點知去到, 三點幾仲係人山人海, 冇訂位仲要冇得食...唉咁遠行到入黎, 冇理由空肚出番去, 咁就過隔離間海韻試一試order鹽焗雞 - 賣哂齋老味 - 冇依樣野 (佢介紹菠蘿山根)好, 就試吓菠蘿山根再加個荔蓉酥卷荔蓉酥卷 - 都唔知佢點炸, 腐皮油不特止, 連荔蓉都油淋淋菠蘿山根 - 山根冇出水, 個汁唔好食, 一個字 - 差食完好唔舒服, 膩到想死, 以後餓死都唔會去食

剛過去既星期六同朋友到大澳走一轉，第一時間當然要食個午飯， 上次試了小衹園，所以今次揀咗海韻。見個個都讚鹽焗雞，所以先黎半隻，另外再要了一個飽菇時蔬、羅漢齋炒麵、粟米粥。除咗雞之外，其他餸菜都係好唔掂。鹽焗雞 - 第一啖食落去，雞皮入口即溶，雞肉亦好滑，好有雞味。不過食唔出係用鹽焗出黎既。聽伙記同其他食客講，佢地既雞係走地雞，病死既雞唔會攞出黎用架。鮑菇時蔬 - 係鮑魚菇+油蜜菜，但係我相信d菜係烚既，之後再加個打咗芡既菇。雖然食得出d菜新鮮，但d菜同d菇係無味既，而且出咗好多水。羅漢齋炒麵 - 麵本身既質地係唔錯，但d餸同個汁都無咩味，而且好油粟米粥 - 最難食係呢樣，本身個粥底唔差，好綿。但我可以好肯定佢係加咗少少現成既粟米湯落個碗到，然後再加粥。因為d粟米味還粟米味，粥還粥，再搞多兩下，你先會見到佢地mix埋一齊。我本身係一個粟米湯lover，但粟米湯唔係咁用! 出面齋鋪食既粟米粥，除咗粟米仲會有其他既餸，好似雪耳，雲耳等，而味亦唔會係粟米湯個種甜味。若果真係要幫襯，鹽焗雞+白飯應該係最穏陣。

呢度既古法鹽焗雞真係必要點的一碟餸, 雞肉夠彈, 夠入味.(基本上每枱都會叫的)其它餸亦非常美味, 比如炒芥蘭, 本地菜, 冇苦味, 甜.荔蓉酥卷炸得脆而不膩.薑蔥炒牛肉亦好入味, 牛肉好有肉味.白粥加左腐竹落去煲, 寧捨唔同, 又夠綿.

同事為大澳人, 介紹得就試一試, 一早打電話訂位訂埋隻 " 鹽焗雞 ".1 行9 人個個都讚不絕口! 食飽行出菜館已經有人唸定下一次要試佢0既 " 炸子雞 ".遺憾 係唔記得0左自己買海鮮去加工, 見其他枱大大碟 蒸魚, 薑蔥炒蟹, 白灼蝦, 椒鹽瀨尿蝦 真係流晒口水! 唯有等下次, 不過我0地嗌0既0野都唔弱, 又大碟, 又低食 + 好味! 金菇扒時蔬 : 好大碟, 好多金菇, 足料! 紅燒素翅 ($90) : 有D 似碗仔翅, 好足料, 不過覺得生粉水多0左D, 9 個人嗌個中0既一人 一碗仲有得添食. 椒鹽豆腐 : 無介紹錯, 從來都無食過咁滑0既豆腐, 食完可以再食... 無誇張! 生炒排骨 : 比市面0既淺色D, 感覺色素少D... 炸粉少, 甜酸味恰到! 鹽焗雞 ($180) : 必食, 一定要預早訂, 勁大隻, 真係好有雞味, 阿媽話應該係正宗走地雞! 白飯魚煎蛋 : 好香蛋味, 白飯魚好滑. 煎到有差唔多有10" 咁大, 佢個獲都幾巨型! 蒜蓉炒油墨菜 : 好鮮嫰, 有農村風味... 比市面0既

我同朋友于大澳行完山之后，到这店吃晚饭。吃了8个餸。每个都美味。8时已全院滿座。优鱼酥：炸得好香口好脆菠萝骨：普通，菠萝鮮甜豆腐素菜：豆腐十分之滑付皮卷拼荔芋卷：芋頭蓉香粟米牛肉羹：好味杨州Fried Rice: 普通甜品：芋頭露：没想象中好Overall: Very delicious and cheap, only 5x something per person~~~2 thumbs up!

跟老公入去大澳玩, 佢d大澳朋友帶我地去食飯! 我見到素食館? 以為食素! 原來佢地係一間家族式o既飯店! d朋友先幾日已訂了一隻鹽焗雞(要預訂唔係冇得食o架!) d朋友又買o左d大蝦, 蟹及大青斑來加工! 一行九人食都食唔曬!是油王乾煎大蝦- 煎得好香口又乾身! 而d海蝦又新鮮 又彈牙! 超正!大斑兩味- 肉起球炒, 而近骨o既炸! 勁好味! 斑 球啖啖肉又有魚味又鮮甜又入味(唔可以 放太耐唔係d獻會搞到d肉淋曬!) d骨炸 得好香口好脆(d男人送酒一絕!) 條魚 四斤幾但食落口仲好滑好正! 出面酒樓 二斤都蒸到一係老(過火), 一係唔熟! 佢煮得好好! 薑葱炒蟹- 炒得夠火喉又唔會搶左d蟹o既鮮味!鹽焗雞- 好味! d雞味唔同平時响街食o個d, 怪不得老 公佢地次次入去食飯都一早訂啦!付皮卷拼荔芋卷- 因太飽只試了荔芋卷- 入口幾脆而 又唔會太乾身!咕嚕肉- 幾乾身而又唔會用好肥o既豬

上年同男友係大澳過我哋第一個Easter，今年決定encore。海韻嘅荔蓉卷令我回味至今，決定今年又去食過。今年叫咗:荔蓉卷豆腐相併、芋頭魚、白粥。荔蓉卷依舊超好味，外面嘅腐皮非常鬆脆，芋頭蓉十分十分之香。芋頭魚個賣相超可愛，但就無荔蓉卷咁好味。另一驚喜就係呢度啲豆品。個炸豆腐真係好好味，豆腐十分之滑，而且豆香超濃。最最最不能不試的是這裡超綿，超多腐竹的白粥。唔好唔記得食呀！

這店的豆品全是自家製造, 所以十分新鲜, 豆腐很滑, 而且很有豆味, 炸後外脆內滑, 真的很美味, 一定要試. 其他用豆品製成的餸菜, 包括芋蓉卷, 素雞, 菠蘿山根...等等, 亦很好味. 仲有粥亦係必食推介, 好綿, 好香, 真係唔停得口.話係素菜館, 亦有骨落地? 這裡的鹽焗雞真的很有雞味, 唔試就走寶. 亦可自攜海鮮作加工, 椒鹽瀨尿蝦加工費只須三十蚊, 亦做得很好味.唯一唔方便就是這店距離巴士站比較遠, 要行十五分鐘先到, 但為左食好嘢, 行遠D都值得.

復活節長假期，約了班死黨去東涌踩單車，然後去死黨極力推介呢間素菜館。隔離間東方小祇園就食得多，呢間都係第一次食。已一早訂定素翅、鹽焗雞同腰果露，個fd話好出名。大約6點已全院滿座，如果walk in就應該冇位。環境就麻麻，一路食一路有蚊飛來飛去。先o黎係素翅，每條素翅都大大條，材料亦十足，我就嫌太過糊狀，食完一碗都幾飽肚。鹽焗雞-唔係雪藏雞，係有雞味，有好濃煙燻味，不過略咸。素鮑片-買相好似酒樓個d菜胆 鮑片，而素鮑片切得好薄，口感同鮑魚兩回事，好腍沒有咬口。素墨魚餅-買相同口感同食魚蛋粉麵個魚片好似，幾彈牙。荔竽卷-腐皮炸得好脆，但係芋蓉較少。紅燒豆腐-豆腐真係好滑，係市區真係少有。清炒西蘭花-炒得又黃又老又諗，唔合格。菠蘿素山根-與一般酸齋不同，薦汁還比生炒骨酸，唔係人人接受，我就非常鍾意。當然唔少得係生炒骨-水準ok，炸得夠脆，唯一係略為甜。食食下我fd又話豆漿一定要試，係咱家磨的，點知買剩半渣，個老細送俾我o地飲，每人分了少少，真係唔錯喎，好有豆味又唔甜。最後係甜品腰果露，朋友極力推介，聞落幾香，食落就唔夠腰果香味，可能質感好滑，所以好糊狀。其實呢間都不錯，但如果俾我揀，我會揀