深井陳記燒鵝海鮮酒家

Open Now

Now Closed

次次黎深井食燒鵝朋友都係提意食裕記, 所以上次食陳記己是10多年前的事, 今次竟然有人提意食陳記, 我當然奉腳讚成。位於深井這間陳記是老店。招牌深井燒鵝 ($270/半隻)燒鵝最忌唔熱, 我地叫時問服務員 : [ 燒鵝是否新鮮出爐? 熱唔熱架?] 佢話包熱,唔熱唔收錢咁話。上檯夾起燒鵝果然熱到有煙出, 頗香, 皮唔算十分脆, 可接受, 肉質也嫩, 燒鵝肥糕不多, 可以全部食得落肚, 燒鵝汁也很不錯, 鹹甜適中。椒鹽九肚魚 ($88)惹味程度無得輸, 椒鹽唔太重手, 惹味得黎唔太鹹, 脆漿非常薄, 九肚魚好鬼嫩滑。九制陳皮骨 ($85)排骨入晒九制陳皮味, 陳皮味頗重, 味道幾得意 酸酸甜甜的九制陳皮用黎煮餸原來又幾好食。椒鹽茄子脆漿厚到傻, 成團粉似的, 雖然炸得好脆口, 但實在太油膩了, dislike。

今天的下午茶，選了深井的陳記燒鵝，到這裡，當然要吃碗招牌燒鵝湯瀨粉。熱騰騰的上桌，急不及待，先吃一口靚燒鵝，微溫的外皮，帶著一層油潤的脂肪，香脆可口，肉質結實，有嚼勁，蘸上美味的酸梅醬，非常惹味。而瀨粉質感亦十分彈牙，可惜湯底味道較淡口及混濁，如可添加一點鵝油香，相信更為美味，再來搭配著一些翠綠靚菜，相信亦會更出色，但現在只可以說得上是，一碗香味俱全的燒鵝湯瀨粉，欠了一色。

外國朋友到訪話要食香港地道野，馬上訂定枱，唔洗等!燒鵝超靚超大隻，樣皮燒得好脆，好香，肉質好嫩滑，而且味料相當足，食到肚位味道好濃！夏日必點冬瓜盅冬瓜燉得好冧，配料豐富，有蝦蓮子同元貝等~無味精，清清地帶點鮮甜!啫啫通菜煲好惹味，菜嫩，唔係太辣!鮮百合甜豆炒花支百合同甜豆鮮嫩爽甜，花支夠滑炒鵝腸不是我杯菜，無食所以不評價其實深井燒鵝店咁多，但係我都係比較喜愛哩間，無他，因為我覺得哩度夠地道，而且實而不華又抵食！

講真果句. 屋企食飯要斬料加餸, 或食燒鵝, 已經同陳記完全斷絕關系.多年來, 都比左好多次機會佢地.口碑亦所有人都已經心知肚明. 唔洗多講d乜.亦試過斬雞番屋企食. d雞咸到好似食緊咸魚.我老豆老母都一向最愛燒味. 難得多年前搬左入深井, 以為可以經常食到好燒味.但真係事與願違. 而陳記, 可以話係已經被列入黑名單之中最差既一間.但係出面既分店, 質素竟然比本店好. 實在奇怪.而值得一讚既係佢地既燒乳鴿!!!成差唔多$40蚊一隻. 但係幾好食.得閒都會買兩隻番屋企送酒.明知佢地既燒乳鴿係炸既. 因為佢地個炸爐擺正係門面.但炸得幾香口, 雖然炸完d肉難免有D韌. 但試問香港地有邊間乳鴿真係會續隻燒比你食?讚完, 都係一定要彈下. 佢地既點心小菜, 絕對係九流之中既九流之作.當年食佢地既點心, 比超市既雪藏點心更難食. 真係做得極為難能可貴的差.小菜? 我有時懷疑為何他們的廚沒有被炒!連未煮過即食麵既人, 都可能比佢地煮得好.可能係老闆自己煮, 所以多年來食物質素都勁差而改進唔到?唔理佢地既理由係乜. 總括一句. 唔洗諗.

先講燒鵝, 味道同外面分別不大而且可以話中下, 價錢卻特別貴, 肉鞋沒有香味.煲仔蠔, 味道不錯, 蠔吸晒汁味道濃郁, 價錢稍貴但值得推介.蛋魚腸, 很醒而且魚腸的份量很少, 但綜合的味道不差.豆苗很貴, 而且很難食, 是否炒菜的是新人? 服務態度也很差, 以為自己出名就大晒.

上次冬至去過裕記食, 覺得麻麻. 今次試吓同樣咁出名既"陳記", 可惜都係失望而回。我唸我唔會再試喇, 叫咗幾名都係普普通通, 最出名既燒鵝亦不外如是. 三個人叫咗四個餸, 一個飯, 三枝啤酒, 埋單五百幾蚊, 比起出面既大排檔係貴咗少少, 可能因為隻鵝既關係, 例牌$118, 不過我覺得唔值囉~

很久沒到陳記, 再次來臨, 希望吃到好鵝來一個例牌燒鵝, 事關人少, 賣相很不錯, 燒鵝啖啖肉, 很入味, 很少骨, 皮亦很香很少肥羔, 很難得, 果然是招牌貨! 例牌份量非常不錯, 很合理!很大碟的炒蜆, 味道都很好, 最難得是超過九成都蜆都有肉, 很多其他地方都有可能有很多空殼, 肉不是很大粒都可接受, 多數都炒開了口看似很吸引, 非常碧綠, 苗真得很新鮮, 很美味, 一點渣都沒有, 很多腊肉, 臘腸及潤腸, 真是不吝嗇呢

中午我和焯焯約了英英到荃灣飲茶之後，到深井探望她兒子一家，我有10年未到過深井，晚上梅梅和她兒子亦到來，於是一行6人行路去陳記吃飯，原本去裕記，但無位。我們點了6個菜。燒鵝半隻 – 和暖燒鵝斬成大大件，皮下脂肪雖不多，但皮不脆，肉是有些「嚡」，尤其是胸肉，入口欠缺燒鵝肉香，肯定已燒好了一段時間，流失燒鵝汁液，在室外吃很快凍，比剛剛燒起的味道差很遠。椒鹽九肚魚 – 外脆內軟，起了骨的魚非常易吃，不用點任何醬汁，點了淮鹽就過鹹。花膠鵝掌煲 – 蠔汁調味，只吃了一件薄薄的花膠，煲內還有冬菇、鵝掌和椰菜，焯焯說掌翼夠稔。薑汁炒芥蘭 – 入口不太覺有薑汁味，芥蘭青綠爽脆。西蘭花炒斑球 – 不腥的斑球厚身又大件，西蘭花稔度適中，不鹹很好。

講起黎真係把鬼火,,話說有一次O係到食燒鵝,係因為朋友識人,咁就非常好食,咁事隔兩年有多,今次同另一位朋友食。咁呢日出開荃灣行街,就諗起燒鵝,即興入黎食啦!一開頭我地睇下個餐牌先,,佢地係咁SALE,,我話好早未肚餓,.,個員話唔肚餓咪坐下先囉。咁兩個人緊係叫例裨燒鵝啦,點知佢生到咁樣,,,你地望下相,,仲要除左呢四件鵝比之外,底下O個D一係肥高,一係冇乜肉,一係就UN到咬唔開,,其實見佢咁生,,仲要生O係鵝比到,,諗住換,,但係始終驚換野會比人加料,,咁就$130一碟咁野!!!D皮既色唔靚!我見隔離枱都唔係咁既,,人地都好深色,,點解我既咁淺色,,根本搵笨!!!問佢有乜菜,,佢UP左一堆..之後叫左豆苗,,咁佢問用乜炒,,咁我指住個牌話係咪有清炒,,佢話OK,,咁我指住個牌清炒係$58,結果埋單係$78,,我問佢點解,佢話豆苗係加錢,佢話個牌係冇寫的,,咁你冇寫,又唔講,我點知呀,我知豆苗係一向街市都貴少少,但豆苗有分幾PART,,我以為你50蚊比D冇咁嫰既比我咋,,不過平心而言,,個道OK的茶錢5蚊位..白飯10蚊碗今次好嬲!!!!!坐多陣都唔想!!擺明恰人同搵人笨

美國的朋友來香港旅遊, 帶他們到深井食燒鵝, 去到深井有不同的食店都是說燒鵝出名, 但最終選了像大牌檔式的陳記燒鵝酒家, 未坐下來之時, 服務員熱情推介, 說過不停, 一直在推銷海鮮, 但我們這次去一心只想食燒鵝, 所以只簡單點了一隻燒鵝及一碟炒菜, 1碗瀨粉, 1份粟米魚肚羹, 但未知是否點菜不多又或是他們所推介的我們都沒有點, 服務員的語氣態度明顯不同, 問有那種汽水時, 只不悅地說"都係果幾種, 可樂果D", 很快燒鵝便到, 外國人未知是否未食過, 所以有點害怕, 但都說味道不錯, 肉質不硬, 但若是熱的更加好味, 因為皮做不到脆皮.

去完三聖很快就出現在深井吃燒鵝.因今餐不是我埋單.也不是我媽媽埋單.而且落單叫食物也不是我話事.呢篇食評.價錢方面我是不清楚的.我看到呢間是陳記正店.所以就選擇呢間店.環境主要是室外.室內有冷氣.但只有3張枱.而且要在洗手間門口吃.我估沒有人願意,天氣炎熱.室外有一大把風扇.坐室外也十分舒適.燒鵝瀨:我本身不知深井燒鵝何時出名?多數出名後品質會不斷下降.全碗燒鵝都夾住大大件肥油.肉質又鞋.只有皮好食.皮的確香脆.我忘記說根本肥油同肉比例.肥油八成.肉二成.很平凡的燒鵝,為何會出名?椒絲腐乳通菜:上枱時青綠,沒有草青味,調味也不會太鹹.而且吃到最後也不會太油.調味恰到好處...大家如果想專登去深井食燒鵝不必,食物不算好,服務亦不禮貌也無效率,找不到再來的理由

好耐好耐都冇食燒鵝啦, 突然諗記, 一於坐言起行, 去 ! 因為好耐冇食, 都唔知邊間好食, 見 lee 間寫住 '正鋪 ', 就入去試試啦. 服務 唔算好好但又未算好差. 其實都冇咩 services 可言, 不過我哋見多數人於室外食嘅時候都會吸煙, 問服務員有冇非吸引煙區, 佢就安排我哋坐室內, 都算 ok la. 環境 比較舊, 有大排當風味 深井燒鵝半隻 鵝肉都幾嫩, 但冇咩鵝味. 鵝皮冇太多肥膏, 咬落有鵝油香. 椒鹽魚扣 唔一定有, 要睇吓是否沽清, 因為一碟魚扣已經用咗好多條魚 ga la. 好彩我哋 order 時仲有. 椒鹽惹味又夠鑊氣, 魚扣微辣又爽脆, 好好食 砵仔焗魚腸 用油炸鬼, 雞蛋, 少少唐芹同魚腸一齊焗. 面焗得好脆, 非常熱, 魚腸唔腥, 但略嫌魚腸唔夠多, 所以蛋同油炸鬼唔係吸收到好多魚腸味, 味道亦略淡. 百花蒸釀豆腐 即蝦膠蒸釀豆腐. 蝦膠幾彈牙, 豆腐估係用布包豆腐, 幾香豆味. 淋上豉油熟油蔥花, 清清哋, ok. 總結 燒鵝又未算非常差, 但小菜反而好食過燒鵝

今日同屋企出外食晚飯，因為朋友有揸車，所以咪選擇去深井，仲要帶埋家中小霸王 - 史立莎小姐一齊出發，原先想去裕記，但落車後，佢一見到隻小狗就話吾可以入，一係將小狗放係車內，我哋當然吾肯。咁惟有改地方，轉去陳記，睇下佢俾吾俾狗仔入先，問下個待應，佢話坐出面就冇所謂，咁當然吾理咁多，坐低再算，五人一狗，叫左：陳記燒鵝一隻 - 老實話，真係吾得囉，又肥又「UN」，一啲都吾好食XO醬炒朱頸肉 - 啲西芹好多渣，朱頸肉都好入味，但就好咸，屋企人就話好辣菠蘿咕咾肉 - 咕咾肉又係太「UN」，又係吾得蘭度炒雙蚌 - 其實係介蘭炒桂花蚌和珊瑚蚌，我哋就覺得依個係全晚最好味的一道菜白灼鵝腸 - 無咩特別，鵝腸算係吾太肥，仲好爽，但配菜多過主菜，感覺有少少吾抵始終都係覺得裕記啲炭燒燒鵝好味好多，下次惟有吾帶小霸王去。

上年父親大人生日試了另一間大牌的燒鵝店，可能期望過高，覺得食物一般。今次長假期就試下呢間陳記，book左位，我地遲到十五分鐘都能入席。是晚點了︰*招牌燒鵝半隻*豉椒炒花蛤*蝦醬通菜鮮魷*豆腐班腩煲*味菜炒鵝腸五人食，大滿足﹗燒鵝 -- 入味而唔會過咸豉椒炒花蛤 -- 好味蝦醬通菜鮮魷 -- 入味，d鮮魷炒得岩岩好。豆腐班腩煲 -- 呢個較為普通，我食個舊班腩炸粉太厚。味菜炒鵝腸 --- d 鵝腸ok，唔會好似上次個間拖水拖得太勁攪到d 鵝腸無哂味。

上星期日(27/3)冇喇喇想食燒鵝, 同朋友仔一齊揸車,出發去深井, 之前去過陳記, 都好似幾OK, 再去多次, 記得代客泊車要20HKD , 去到個人話食飯下晝4點前唔收錢,我地泊左車, (有2間陳記) 問係咪同一間, 佢地話係, 去到舊陳記, SHOW左張泊車卡俾個伙計, SHOW左張泊車卡, 問呢度食, 係咪都有免費泊車, 呢張你地都可以蓋印, 佢話係。安心食。食完要收我地20HKD, 我地問一入來唔係話免費? 個伙計叫我地同個收銀傾, 我地想同個收銀講件事由來, 佢一句都唔聽我地講, 淨係話我地不嬲都要收20蚊, 我話唔係20HKD 個問題, ( 我地食3個菜都400蚊喇), 只係想問清楚, 但個收銀就一味不停話一路都要收錢, 冇試過唔收錢, 個態度都有D差, 我話唔係呢個問題, 我地之前都有來過, 再返來, 但係點解你唔聽人講埋, 個態度仲要咁差, 令我地以後點想返來幫襯。點知佢話: 你唔鍾意咪唔好來,-真係好嬲, 我話咁我叫D人都唔好來幫襯!!佢仲應, 好呀, 你咪唔好叫!嬲到我~~~最後問佢點稱呼, 佢話自己姓石。(只不過20蚊, 好聲氣D講野唔得咩?, 唉~~)最慘仲