清真牛肉館 (打鼓嶺道)

Open Now

Now Closed

自問是牛肉餅的支持者,此分店剛開張時已第一時間幫襯.午膳時間與友人叫了牛肉餅、牛肉水餃、嫩雞煨麵及牛肚絲粉皮.牛肉餅:邊皮太薄,咬了二、三口,另一邊皮已穿,肉汁已流出,咬多二口,連牛肉塊都穿皮而出,吃時必須加倍小心(以前的皮薄而適中的).牛肉水餃及嫩雞煨麵: OK,不過建議叫了牛肉餅,改叫其他水餃.牛肚絲粉皮: 不俗,青瓜絲(用"條"字形容更為洽當)新鮮,友人是醬人,要求阿姐加多點厤醬,她想了一想,整碟取去廚面,回來便向我們說;"下次要加醬要係落單時講埋,因為要入機架!"嘩!加多點厤醬都要入機?那麼有系統?以前加醬阿姐會俾一小碗添!吃完這餐飯,感覺無以前咁好.是食物變了?阿姐變了?還是制度變了???

清真牛肉館的名物是羊肉咖喱及牛肉餅。因為咖喱本身出式，香辣惹味，不喜羊的可以選擇牛腩。牛肉餅香脆可口，小心爆汁。因為前兩者都做得好出色，反而覺得他們的新菜色不外如是。

2011除夕午餐相當豐富,可以跟2位honhon到九龍城開飯,靈機一動的不如去吃牛肉餅一拍即合下由她們先找位置,結果因舊店仍要在門口等位而去了新店,新店地方更大,人客不多坐得也較舒服,對我們來說更好。馳名清真牛肉餅點菜後很快便送到,沒有想像中般要等得久,是否剛好煎多了呢!排列如米老鼠的三個牛肉餅從其金黃微焦外表也感到其一定香脆,看了多年食評知道吃這個餅要有技巧,不然就很狼狽,以咬破餅皮再輕力一啜下,果然勁多湯汁在內,能燙傷舌頭的熱熱肉湯真的鮮美,好味!牛肉餅看似死實一餅,其實肉質蠻鬆軟多汁,隱約見有綠色疑是茴香在內,令本已很牛肉味的肉餅更有香氣,餅皮擀得很薄但保持彈性,的確如估計般香脆。三者分開各有出色之處, 一同來吃更有化學作用,在未吃過本店的牛肉餅情況下,我們也覺得這分店的已非常好吃唷。牛肉小籠包從外表也看到大包湯汁在包子裡蕩漾,比牛肉餅更能吸引視線。深啡色的牛肉湯味道鮮甜,與牛肉餅略帶油份的湯汁相對較為清新,不過兩者湯汁是同樣美味;摺工仔細的包子皮也是很薄,連平時會最厚的包頂也不厚硬,有麵粉香略有嚼勁的包子皮跟有肉香的牛肉餡配合得宜,不用沾所附黑醋也沒問題。印象中首次吃牛肉做的小

離開左潮洲順後, 肥鄧, 串爆, 大聲同吹雞四人就沿路搵野食, 其間喺街上見到好鬼大隻老鼠, 四圍出沒, 完全唔驚人的, 亦都間接帶出九龍城呢一區嘅環境係比較污漕的! 正當遊街時吹雞忽然提出去城寨風味淨係食左乳豬, 可惜和議聲唔多; 之後吹雞又提議去食牛肉餅, 呢一次就一至和議; 黎得大聲呢一區, 又冇咩理由唔黎呢間食店, 於是黑食會之突襲亦正式展開!雖然黑食會裡每一個辦事人都一定黎過呢間食店, 但一齊黎就肯定未試過, 於是肥鄧就話去新店唔去舊店, 主要原因係坐得舒服啲! 入到去食店, 人唔算多, 坐底後大定就商議下有咩好食, 基本上牛肉餅食必食, 但為免太濟, 所以只柯打了兩件牛肉餅, 再加多一客牛肉鍋貼和羊肉鍋貼! 落完單後, 伙計行埋黎話呢張單未達最低消費的要求, 未加單前張單都已經八十幾蚊, 而最低消費係要每人廿四蚊, 呢間食店都要攪最低消費, 真係相當串咀; 於是大聲就簡簡單單柯打左涼伴雞絲海浙! 正所謂遲黎先上岸, 所以第一道登場的就係涼伴雞絲海浙, 涼伴雞絲海浙嘅賣相都幾精盈, 入口發覺清新爽口, 皆因海浙係非常爽身, 勁有咬口, 絕對唔韌, 配上青瓜新鮮清爽, 而雞絲嘅

本來去的是主店，但因為太多人所以店內店員出來帶路去新店，中途另一位接頭不久便走到分店。 分店地方的確大得多而且很多空位於是便選了卡位座，來此店必要試的當然是牛肉餅，小籠包也想一試，本來還想試蔥油餅但怕太熱氣於是叫了碗醬牛肉湯麵。等了一會意想不到先上的竟然是湯麵，醬牛肉的確入味用了牛展部份 薄薄的配了濃味但帶清的湯底尤是出色，反之麵太多軟身缺少了麵本身的咬感失色了些許。 牛肉餅接著上，皮非常通透因為未咬已可以見到入面的汁在流動，一咬更不得了肉汁滿瀉！！ 而皮竟然什是香脆真的難以置信。 小籠包上台時反而有點失望，因為賣相有點兒難看，但一咬入口也是汁滿瀉 非常入味 跟本不用蘸附送上的醋。估唔到好味竟然唔係主菜而係份量較小的食物，下次有機會必定再試其他小吃如蔥油餅等！

同gogo去街,又去九龍城食野呀,因為之前試過牛肉餅好正,so想戴gogo去試下,去到總店,好多人呀,之後個職員問介唔介意去分店食,我估分店味道應該唔會差好多卦,於是就照了,好像係1,2條街之隔而已~!分店係近乎冇人的.....即有少少懷疑...唔通分店係冇咁好食?!不過來到就照食啦~牛肉餅之外,仲要左幾款出名小食~!酸辣湯~唔算係好大碗,不過份量適中,酸酸辣辣,好足料,幾好味~!牛肉餅,主角來了~!分店......原來真係有分別呀,雖然都係咬落去多肉汁,幾好味,不過d餡既味道同口感有少少唔同,總店牛肉味濃點,有牛肉既咬口,分店喱間餡料冇咁濃牛肉味同似牛肉餅質地多D,雖然係差少少,不過都好味既~!咖哩角,上次本身都想試,不過冇試到,喱次試返呀,一碟有成5件咁多,賣相唔錯呀,好大件,同好似多餡料咁呀~!果然真係好足料呀,外層薄脆,餡料豐富,辣辣地又未到好辣,岩我食,咖喱味又香,幾好味~!雖然都知總店同分店多數有分別,同入去分店冇乜人就知...不過當試一次確定下啦~牛肉餅都係總店好味點,咖喱角同酸辣湯都幾好味,唔知總店會唔會更加好味喱~

往九龍城，當然一定要食牛肉餅啦今天下午氣溫都有三十幾度，所以往新店，貪坐得舒服，冷氣又足夠．點了：兩個牛肉餅（＠＄１２）：新鮮熱辣．餅皮煎得微焦香口，咬落肉汁豐富，帶甜味．牛肉餡料厚厚．吃起來味覺相當豐富．咖喱羊腩　（＄５９）　：－上枱，已聞到咖哩香味和羊肉的羶味．真正用上羊腩部位，不是用羊肉代替，所以羊腩帶有少許的骨．至於味道，咖喱羊腩帶有香香的羶味，香而微辣，肉質腍嫩但不失咬口．薯仔吸收了豐厚咖哩汁香味，吃起來味覺相當豐富．蒸銀絲卷　（＄１３）　：用來沾咖喱汁相當惹味這店的服務尚算幾好，但要要求加水先會加，如果可改善一吓．就真係完美的一餐．

去到九龍城食牛肉餅好多人都會想去到清真牛肉館食，想想已經一段時間沒有來食過就搭車來試試，但去到附近時看見總店這一邊門口好像有人在等候中時，心中想想不如去下在打鼓嶺道這一間分店來試試，一來希望少一些人，二來可以比較到和總店的分別。果然去分店這個決定沒有錯的，去到時見到店內得很少的客人在進餐，二話不說就選了一張枱坐下了。其實心中都已經想到食什麼了，當然牛肉餅是必叫的，再叫了醬牛筋湯麵、咖哩羊腩飯和酸辣湯。牛肉餅(2個$24)來到這店牛肉餅真是必食的，不過價錢都比以前貴了，沒有辦法現在什麼都貴的呢，通脹猛於虎，但如果味道可以保持到都沒有所謂，食落和以前食的差不多，薄中有少少韌的外皮包著入面的湯汁和肉餡，肉餡的鮮味仍然可以保持到，但湯汁真的少了，不過都是一個高水準的牛肉餅來。醬牛筋湯麵($39)以前食過牛肉麵，見其他人客叫的牛筋麵牛筋是分開上的，所以今次就叫這一個來試試，不過價錢都要比多$9，來時見到有六片切得厚薄適中的牛筋，透明的牛筋和牛肉分佈都十分之平均，食落就知道比多$9都是值得的，沒有放落湯時的凍食可以食到食筋的鮮味，夏天十分適合，但如果放落湯食又有另一種的風味，吸了湯汁的牛筋片十分之

朋友原本話想去九龍城食甜品當晚飯點知佢見到對面有間清真牛肉館話個個都話好食心思思又想試結果呢晚食完呢間又食甜品裡面都幾多人不過唔駛等位朋友話聽講牛肉餅係必食就order左一客另外話明係牛肉館點都要試下牛肉牛肉餅 2個$24呢個最少要2件嘅牛肉餅熱騰騰一夾起見到唔少油喎...食落去又好好味牛肉一d都唔騷仲有好多肉湯流出黎流極都仲有嫩雞煨麵$35見到雞嘅份量唔多麵就OK原來湯好似d茨咁『杰杰地』但又好好飲d麵質唔錯唔會『淋』得滯一條一條幼麵好分明醬牛肉湯麵$30咦？點解唔係牛肉而係普通牛展嘅?????我係想食牛肉唔牛展呢mad唔知係咪黎到放左幾分鐘食落去d粗麵淋左而牛展..普通啦已經唔係預期嘅牛肉...最好味嘅係牛肉餅而煨麵反而出奇嘅好味服務就好普通好似茶餐廳咁嘅服務又唔至於粗聲粗氣冇禮貎

新店比舊店舒服, 但食品卻 "差勁"。 牛肉餅: 牛肉得個鹹, 好似免治牛, 飲完一杯水喉嚨仍然覺得不舒服, 得半湯匙汁。 鍋貼: 同牛肉餅一樣, 可能無人搶鹽, 鹽平, 皮不夠薄。 咖哩牛腩: 得個辣, 無牛腩味。 酸辣湯: 得個酸字。總體上, 調味汁搶去主體。 夥計服務態度ok。 舊舖水準更勝一籌。 論食物質素，始終不及舊舖好。同老闆功夫 "絕對" 不可同日而語 。師父仍需勞力, 有大量改善空間。人多不是解釋藉口 / 理由。

本來是在舊店苦苦等候中, 但店員姐姐提出帶路去新店, 當然馬上跟上...原來新店在轉彎轉彎轉彎....還蠻遠呢~甫入新店, 環境比舊店要大很多呢, 至少可以好好的放下我大大的袋子說回食物, 牛肉餅是必點的 ( 今次也是因為憶起它的味道而再來的)另外, 就是咖哩羊腩, 咖哩的辣度適中, 羊腩也不"SO"呢...配起蔥油餅, 還真吃得耳朵也動起來~今次還選了牛三寶, 牛肚牛展牛筋...最特別是牛筋, 一片片的, 膠膠的, 跟尋常對牛筋的認識又是另一體會呢....最後, 還是一桌也是美味, 很滿足...

龍崗道正店地方好狹窄 坐得唔舒服 兩人去必定搭六人或八人檯同吃點解門口仲有人等? 鎮店"牛肉餅"之功勞今次三行人 走到新店試下 地方企理好多 人客相對少必點牛肉餅2客 好熱騰騰 肉汁四溢 香口美味 *****水煮牛肉麵 多牛肉 麵條彈牙 湯味香濃 卻欠熱度咖哩牛肉飯 個汁夠香辣 牛腩好淋滑咖哩角 鬆脆香口上海粗炒 都色香味俱全 實屬意料之外總括來說: 滿意非常 比起舊店 有過之而無不及!!

地方闊落!! 服務較好..寫單既阿姐 成日都同你傾計@@ 問佢有咩招牌菜都講左幾樣幾好食既菜最重要上菜速度快 唔洗10MINS 已經上哂菜咖哩夠SPICY! 同羊肉個味混得好出色! LO 飯食可以食2碗以上酸SPICY湯 小弟唔好~冇試 但係D朋友就話好好味=] 牛肉餅好正好多好多汁! 好大舊肉! 塊皮好脆好明題係新鮮做的! 蔥爆牛肉~ 並無特別 係咁上下小龍包同上三絲雞皮好好味=] 可以再雪凍D!!!最後唯一一樣差少少既係水煮牛肉~ 冇咩味@@ 失察一定會再食!!!

我一行四人本來想去舊店食,但見門口企滿人等位,所以走左去分店.去到門口見企左十幾人以為有排等,點知一入去就即刻有位,可能佢地係等大枱掛.環境方面:比舊舖大,牆上貼滿藝人既相片,裝修就普通茶餐廳咁啦.咖哩牛腩完全唔覺辣,牛腩都幾淋.但就少左份突出既地道風味.不過不失咁啦!清真併盤每樣野上面都加左麻油,好野味,壞處就食落好似油左少少.但每樣都好入味.唔會太咸. 個人比較喜歡牛展,牛肚同牛根片,由其牛根片食落去膠膠地滑滑地咁,口感唔錯.正!小籠包夠熱,外皮厚度適中加上入面既鮮肉有好多肉汁.正!雞絲冷麵凍凍地,麵條比較長加埋個底有好多麻醬,唔錯!不過夾時要好小心,因麵條長,醬汁好易彈到成身係.牛肉包食呢個要小心d熱.個皮煎得好香,一咬開,嘩!入面既鮮牛肉加上勁多既牛肉汁,可以當湯咁慢慢吮,好味!家鄉煎餅我個人覺得煎燶左少少,食落有少少燶味,個心就軟軟地帶少少咸味,用來點之前叫既咖哩牛腩個汁來食都唔錯.唔知係唔係好肚餓既關係,樣樣都覺得好好味.需然人客源源不絕,但又唔會吹落單吹賣單,可以同朋友邊講邊食都算係咁.價錢方面: 四個人加埋三百七,大家都食得好飽,都算合理.總括成餐都食得好開心,下次一定

不久之前試過舊舖的美食，貪新鮮的我今趟多走兩步，看看新店的水準是否一致。第一眼看見舖面的裝修，這裏明顯光猛新淨，坐位亦較為寬闊。夥計全部客客氣氣，服務態度明顯贏十條街。柯打了跟上次一樣的菜式，好作比較。牛肉餅：外皮薄脆，餡料鮮濃，肉汁洋溢。兩店不相伯仲，打成平手。咖喱羊腩飯：油光滿碟，咖喱不及舊舖冶味。羊腩瘦肉太多，欠缺脂肪的香，甚至有點痴牙。綜合今次的比併，結論是：論環境及服務，新舖更勝一籌；論食物質素，始終不及老店好。