潮人私房菜 (Closed)

人越大，就越難再約到班老朋友齊腳聚舊，今日有幸可以成團去嘆私房菜。潮人私房菜位於尖沙咀，好近地鐵站，咁就腳大家放工去都唔使趕頭趕命。呢度的裝修好似屋企，簡單得黎又一應俱全，客人係房入面仲有晚飯必備的冷氣同電視XD又可以開壺靚茶傾下計先，至於餐枱有轉盤，非常方便夾餸。齊人上菜！！靚湯除左係tvb的是非精，亦係住家飯的靈魂，胡椒豬肚湯十分暖胃，豬肚乾淨，胡椒味夠辣。如果係冬天飲對驅寒好有幫助。荷葉的香味同海蝦的汁滲晒入飯，炒香過的蒜蓉超級可口，再將炒蒜蓉的油贊少少上面，令到飯又軟熟唔乾身又香口。廚師創作的菜色，有咬口又有肉味應該係用上牛坑腩，自家製的咖哩汁味道唔辣仲有少少甜，加上潮人二字同蝴蝶形番茄伴碟，色香味俱全係我心目中，扇貝同粉絲蒜蓉永遠係最好的同伴，蒜蓉可以除去海鮮的腥味同時吊出鮮味。粉絲本身無咩味，吸收左扇貝同蒜香就一流。不過今次的蒜蓉同油係多得滯。雖然係一條平平無奇的海班，但係要準確蒸熟條魚又唔會過火，係好講經驗。大大條又咁新鮮，其實係屋企都唔成日食到。豆醬雞，個醬唔知係用咩豆整成，有點似媽媽煲湯用的花生眉豆。味道不太濃，但係整到個雞滑嘟嘟。雖然係普通菜色，勝在廚師用料夠靚。勝

母親節又到啦 我個肥媽媽成日咁辛苦每日煮好野俾我食 母親節梗係要帶番佢出去食好野啦 因為正日我要番工 所以唯有提早幾日慶祝啦 媽媽都話正日出街食好貴 會肉赤我😂媽媽係好傳統既肥女人 唔鍾意食西餐 所以就帶佢去試下私房菜啦 其實我地成家都係第一次食私房菜😆朋友介紹既呢間私房菜好似係新開的係尖沙咀漢口道 非常易搵入到去好似去左人地屋企咁 個feel好住家有電視飯枱仲有好似屋企既廚房😂入面有幾間房 隔音都幾好 好秘密😂無論要同屋企人哈哈大笑或者同朋友傾野都唔錯 又可以坐得耐d第一個上既就係大白菜豬肺湯一黎就有湯飲 真係好有屋企溫暖住家feel 😍我第一次食豬肺 豬肺好QQ好嫰好淋呀完全唔似食緊內藏 無個d內藏既腥味或者難食既味 媽媽話d豬肺洗得好乾淨 同埋個湯會連埋成碟湯料一齊上 好足料仲有紅蘿蔔 個湯好鮮甜 好好味花雕蛋白蒸蟹一上枱已經聞到好香既花雕酒味蛋白滑嘟嘟 食落口好香花雕酒味 但又唔會有酒既苦味 仲有蟹既鮮甜味 又滑又好味隻蟹真係全隻係個底度架 蟹又大隻又新鮮肉質實的的 一d都唔削 啖啖肉 😋糟滷桂花魚我問媽媽咩叫粗魯 媽媽話係糟滷🙈糟滷係一種汁黎既原來😂 食落有少少似醉雞汁 清清

可愛的同事要嫁人做幸福少奶奶la, last day佢最後請左我地條team食飯farewell!! 揀左lei間潮人私房菜, 佢話之前有朋友食過, 推介的。地點都方便, 位於九龍公園附近, 交通方便!!!好秘密甘上到去, 一早約左,所以老闆佢地都知, 帶左我地入房。雖然第一次食私房菜, 但都知道好似日本菜ge omakase甘。餐廳有4間房, 有1間可以打通開2圍, 仲有2張4人枱, 環境都保持私隱而且隔音唔錯, 廁所乾淨整潔!碗碟少少似大理石紋, 幾得意!首先上左個老火湯豬肺湯, 平時飲ge都係杏汁豬肺, 今次係白菜豬肺, 湯底清晰, 少油, 飲完唔會口渴, 好似媽媽住家湯!!魯味拼盤有好多唔同料, 有紅腸, 墨魚同腩肉等等。魯水唔會太咸, 內臟冇異味, 好味。蛋白花雕蒸蟹, 一上碟, 已經聞到花雕ge香味, 肉蟹大勁大隻, 大過我心掌ar。蛋白滑溜溜, 酒味唔會太濃。肉蟹蟹肉結實, 味道鮮甜, 好正!! 鍾意食蟹ge我連手指都吮埋!!!籠仔蝦蒸飯大大籠, 有唔少蒜蓉, 蒜味香, 撈埋d飯, 味道剛剛好, 米飯粒粒分明, 勁好味, 食左兩碗飯ar!!! 蝦肉彈牙, 有鮮味, 好好食

朋友介紹呢間新開既私房菜話潮州菜整得好正，1星期前book 好半圍，價錢320蚊1位，有獨立房有大電視，裝修簡約優雅，同朋友相聚一流。另一間可以打通既房，可以打通坐2圍。菜乾豬肺湯先行上枱，清潤非常，豬肺洗得好乾淨，非常嫩滑。肉蟹花雕蒸蛋白，蟹肉非常鮮甜，朋友都吃得津津有味，蛋白好滑，襯上花雕月，香味特別出。蒜蓉蒸元貝好大隻，好鮮甜，好多好多蒜蓉，作為大蒜控的我特別喜歡。蒜蓉大蝦蒸籠仔飯，有蝦的鮮味，蒜蓉既香味，加少少甜豉油已經非常惹味。滷水併盤好多款式，滷魷魚特別好食，滷到好稔，淡淡魷魚鮮味，滷豆腐亦不錯，豆腐好香滑，滷腩肉餸飯一流。糟滷炒桂花片，用糟滷炒桂花魚魚片同雲耳，魚片片得好靚，淡淡肉，估唔到炒都可以保持到肉質嫩滑，糟滷帶點點酒香，非常細緻既味道。上湯腿片津白，用金華火腿煲成既上湯煮津白，津白煮得好幼滑，仲有大片金華火腿，份量充足。甜品鯉魚芒果布丁係淡奶中躍動，朋友都唔忍心整爛呢，好靚整體來說320蚊物有所值，最欣賞自家制既心機菜，環境亦很舒適，非常適合一大伙朋友家庭聚會。

上班一族成日食無定時、OT挨夜，經常外出食飯，平日食埋食埋唔少油膩、重味精嘅食物，攪到腸胃皮膚差哂，容易滿面暗瘡。上星期朋友就帶左我去食健康好味既私房菜，餸菜健康少油，食完仲唔會覺得口渴，相信没有加味精。由於菜單由師傅發板，菜單會根據人數而有所不同，所以需要提早預約。若果有食物敏感或特別要求，可以預先通知餐廳。進入餐廳，環境光猛整潔。除咗大廳外，仲分設數間廂房，私隱度高，又唔怕嘈到其他人，好適合大伙兒聚餐。大白菜豬肺湯— 真係好足料呀！個湯清甜好味之餘，d湯渣都好好食。紅蘿白又嫩又甜、豬肺洗得好乾淨，豬肺口感Q彈，份量仲好多，真係好好味。呢個湯而家呢個天時飲最適合不過，清熱潤躁又下火。花雕蛋白蒸蟹— 一般用花雕煮做既餸煮完都只剩淡淡酒香，但呢個花雕蛋白蒸蟹酒香撲鼻，卻不帶苦澀味道，肉蟹肉質飽滿結實，蛋白吸收咗肉蟹既精華及酒香，鮮甜滑溜。糟滷桂花魚片— 師傅好刀功，將桂花魚切成一片片冇骨魚片，片片連皮、完整均勻，賣相甚為吸引。火喉控制亦非常到家，魚片没有過熟老身，滑嫩入味。配上又滑又爽口既貓耳仔，正！上湯腿片津白—我最鐘意呢個餸，出奇地好味。腿片大大塊，唔係淨係得個樣架，淆到個上湯勁清甜

今晚黎慶祝，食餐好GE！朋友介紹左呢間私房菜，話好食同坐得舒服！預先WHATSAPP訂左位先，每位$320，個廚定埋menu唔駛自己諗收工趕過黎，一坐底就有豬肺大白菜湯飲！好足料豬肺好食！然後有花雕蟹蒸蛋，聞落好香濃花雕味，食落就岩岩好！蒜蓉蝦籠仔蒸飯，又係色香味俱全呢味蒸帶子大大粒100分好足料！滷水拼盤好多選擇，滷得好入味食完滷味就隊翻罐可樂先，透心涼當然唔少得食翻碟菜啦，呢個津白清清地又有腿片調一調味！食完已經好滿足，仲有甜品上，成餐都很是驚喜！而且呢間私房菜可以包房坐，非常舒適，好o岩一大班人黎聚餐暢所欲言，價錢都適中！

實不相暪，本人係大鄉里第一次食私房菜環境比我想像中光鮮 😂首先呢度係一個個房咁坐（都係嘅，嚟得食都一大班人好似我咁）啲房整得好靚好企理，同酒樓差不多 level我第一個到，本身間房已經開定冷氣跟住一入房店員又第一時間開電視比我睇親切到有少少似去親戚屋企食飯咁一嚟到先上咗個【大白菜豬肺湯】我心急想相機食先啦女店員話先「不」湯比我哋潤一潤陣間仲會上返個湯料，到時影嗰個仲靚果然好明白港女心意 😂唔怪得之個湯咁甜啦，原來咁足料 😝啲豬肺整得好乾淨，同埋勁滑我食咗成四五嚿！【糟鹵桂花魚片】桂花魚片好哂，方便懶人享用魚肉肉質好嫩【蒜蓉粉絲蒸帶子】啲蒜蓉粉絲好爆滿，但係又無整到好鹹咁就咁食都 OK扒開啲粉絲驗明正身先 😂粒帶子真係好好肉，食落都好鮮味我最鍾意呢味【花雕蛋白蒸蟹】！蛋白蒸得好滑溜，充滿濃濃嘅花雕酒香食到最尾我仲飲埋啲汁朋友問我會唔會醉 🤣蛋白下面係有成隻蟹㗎隻蟹都有成隻碟咁大，又係好好肉蟹肉好甜【蒜蓉蝦籠仔蒸飯】賣相好壯觀，一大堆開邊蒜蓉蝦個飯好惹味，勁有荷葉香唔知點解撈匀哂嚟食又唔會好油喎唔錯 👍🏻 呢道菜係我第二推介仲有好多菜式食食下懶得影一跳就跳到甜品啦 😂個芒果布甸勁得意，搞到

今次嚟到潮人私房菜搵食！ 早就聽過朋友介紹名人私房菜～之前openrice介紹工作地點附近新開了一間叫潮人私房菜的餐廳～膽粗粗的打去問是不是同一老闆～果然被我猜中～而且地點更近公司～那就約同事們去試一下吧！喧鬧的彌敦道、海防道附近竟然有一家環境清靜的私房菜～一坐下已有驚喜！小小的廂房更有電視和獨立冷氣～關上門便可自成一角～胡椒豬肚湯第一口的確是有點辣～但喝下去便是暖胃的感覺～胡椒很香～湯內充斥著其香氣酸菜味道不濃～大慨是因為精華已滲透湯中豬肚粉量不多～不過爽口彈牙～不錯！蒜蓉蒸海蝦荷葉飯非常香的蒜蓉味～而且師傳最後有贊油～即使是私房菜也絕不馬虎海蝦很新鮮～啖啖肉～而飯除了有蒜香～亦有陣陣荷葉香！脆皮咖哩牛腩師傅用咖哩汁擠出潮人兩字～玩味十足！伴碟的蕃茄更切成蝴蝶模樣～牛腩吃得多～炸牛腩都是第一次！脆脆的炸粉包著軟熟的牛腩～加上咖哩汁～令人不禁吃完一件又一件！蒜蓉蒸扇貝平時家裡都會蒸扇貝～但總比不上餐廳的香～這個充滿粉絲跟蒜蓉的扇貝一上枱已香氣四溢！而扇貝亦厚肉兼彈牙～好味道！蒸海斑蒸得時間剛好～魚肉是剛剛離骨～可見廚師控制火候十足！因為是游水魚的關係～魚肉鮮味又不失彈牙～不過以渴望食潮

不潮不花錢今次同fd食呢間私房菜，系一次好特別既體驗，唔系普通食餐飯甘簡單。平時成日聽人講私房菜，硬系覺得系d好高級，冇一千蚊走唔到既餐廳。今次食呢間主打潮州私房菜，價錢絕對比我想象中平民，每個人$320免加一。朋友介紹話食之前要先打黎book枱，講低有d咩唔食，餐廳老闆就會幫你安排餐牌，唔洗自己諗（岩曬我呢d懶人）。餐廳位於尖沙咀住宅大廈入面，我同fd都系第一次上樓食飯，感覺好新奇有趣。上到去，格局都幾似一間屋企，似去人地屋企食飯，我地都勁興奮。因為我地得四個人，所以餐廳安排左我地入細房坐（好似仲有兩間大房，岩聚會）房入面仲有電視！！100%家的感覺！胡椒豬肚湯，激讚！豬肚洗得好乾淨，唔臭。平時出街食豬肚好糾結，一黎好中意食，但街外豬肚冇次系洗得乾淨，食落唔開胃。今次個豬肚真系洗得同屋企整一樣乾淨，食得出師傅既心機。師傅可能怕我地覺得腥，所以落重胡椒，飲落好暖胃，我仲搶左男友個碗黎飲。花雕蛋白蒸鮑魚仔。淨蛋白冇蛋黃，食落夠滑，唔老。鮑魚一樣洗得好乾淨（我呢d有飲食潔癖既人，又要驚污糟，又要出街食，今次終於唔洗驚！！！）蒸蛋好match花雕味，正！酥皮牛腩，而家好少地方可以食到。牛夠嫩

今日同朋友book左私房菜食飯我地4個人 就book左一個四人餐單 每位320$ 價錢都合理 老闆話 如果有咩想食都可以講低 價錢再會適量調節而且，食物既用料係當日即刻去街市揀選同購買 所以用料保證新鮮我地四個人 就坐一間都幾大既房 仲要電視睇下 首先食既係胡椒咸菜豬肚湯好入味 飲得出煲左好耐的而且豬肚洗得好乾淨 好開胃之後係花雕蛋白蒸鮑魚仔花雕同蛋白配搭一齊 帶出香味而且令蛋白好滑 鮑魚都幾大粒 正！我最鐘意係荷葉蒜蓉蒸蝦飯 d飯好綿 同時蒜蓉蒸蝦好香 我搶哂d飯黎食 自己都食左一半飯接著係爆炸蟹 呢個幾勁 用左好多配料去整非常香口 而且對於一個唔識食蟹既我黎講d殼炸到鬆哂 就好易食真係好香 甚至連殼都想食埋 呢個係話梅蝦 酸酸甜甜咁 幾特別 而且蝦都幾大隻最後甜品係反沙芋 我屋企係潮州人 我知道呢個好難整的但原來師傅係專煮正宗潮州菜！反沙芋好吃 熱熱地 香香甜甜 做甜品真係一流其實仲有其他餸 不過我唔記得影低菜式會轉 所以下次可以再去食 又可以試新野 又有一個舒適既空間 同朋友傾下計 睇下電視食下飯！