潮人私房菜 (Closed)

最近工作繁忙，經常都沒空下廚，出外食或飯盒已成一日三餐的慣例，很懷念住家飯呢，今次試了這間私房菜，令我重拾住家飯家的感覺，“多麼溫暖！大白菜豬肺湯用料十足，真材實料，飲得出沒有落味精，豬肺洗得好乾淨！蒜蓉粉絲蒸帶子蒜蓉多到滿瀉，帶子大大粒， 粉絲吸盡蒜蓉味，加上帶子的鮮甜，十分美味！蘋果片炒咕嚕肉平日食菠蘿咕嚕肉，想不到用蘋果片味道會那麼夾，好清新，小了肥膩感。這款小菜下飯一流！• 潮人私房菜• 尖沙咀漢口道漢威大廈5樓42號室

最近實在太忙，沒有時間煮飯，又想約朋友聚一聚。朋友就介紹我去潮人私房菜，果然冇介紹錯。環境潔淨，裝修簡單，有一般住家的感覺。這裏有獨立房間，私隱度甚高，朋友歡聚，不會受到打擾。想一班朋友歡聚，又不想自己下廚，但又想食得清淡，不油膩，這裏是不錯的選擇。一坐下，老闆娘就端上一壇老火靚湯。今次是白菜豬肺湯，豬肺洗得十分乾淨，一點腥羶味都沒有。湯，一看就知道非常足料，完全清甜潤肺，就是媽媽湯的味道。我最喜歡這個花雕鮑魚仔蒸蛋白。花雕味非常濃厚，每口蛋白都有濃郁的花雕味，能吃得出用的花雕酒並不是一般貨色。鮑魚仔比我想像中大，而且十分新鮮，有咬口。蒜蓉蒸龍躉球荷葉飯，蒜蓉味香，龍躉球大大片的，魚油完全滲透到飯香中。每粒米飯都被魚油包裹著，加上一點點豉油，只吃白飯都已經鮮味十足。蟲草花水晶雞也有濃濃的花雕味，花雕混合雞油香，就用雞汁撈白飯就可以吃上一大碗。雞本身也十分嫩滑，而且十分入味，就連雞胸肉也又香又多汁。最後還有甜品芒果布甸，就賣相已經吸引力十足。味道也不錯，有淡淡的芒果香，布甸香滑，甜度剛好。不用自己煮到一頭煙就有一頓豐盛的煮家飯，可以輕輕鬆鬆和朋友談天說地。

話說約了同事吃私房菜，居然碰巧遇著八號風球！但難得約了幾個同事，再加上是等了很久的聚會，所以我們還是決定冒雨去了！ 私房菜其實在一所大廈中，乘升降機到5樓就到了！門口有一個大招牌！ 進去後，環境相當不錯，光線充足，地方又清潔，洗手間也是！對腸胃不太妥當的小弟來說是多麽重要！而我們就去了其中一間包廂。包廂算寬敞，而且有電視，很貼心呢！ 私房菜都是店主安排的，客人可以在訂桌有一點特別要求，當然價錢就會有點調整啦！讓我們來看看今天有甚麼好吃吧！ 先來一客大白菜豬肺湯！湯非常清甜，明顯是煲了很久，味道都出來了！另外也會端上湯料，放了不少豬肺呀！一定很補身！大白菜的份量也不少，所以才這樣甜呀！ 接下來有花雕蛋白蒸鮑魚仔，蛋白的份量非常多，看相片就知蛋白有多厚!而且它的味道並不單1調，因為拿來調味的花雕都滲進蛋裡，每一口蛋白都有淡淡的酒味，很醉人哦！鮑魚也算大，而且很爽脆，並不是下價貨哦！ 然後也是海鮮，是金銀蒜粉絲蒸扇貝。每隻扇貝也很大，肉質鮮甜，加了蒜，變得非常惹味，蒜味也進到粉絲裡，很有家人煮海鮮的感覺呢！ 主食方面有蒜蓉蒸龍躉球荷葉飯，這

三五知己聚舊，想安安靜靜，一邊吃飯，一邊敘舊，又有住家的感覺，潮人私房菜正合我們心意。在尖沙咀地鐵站附近，交通十分方便，無論朋友住港島九龍新界，都是一個中心點。環境乾淨企理，就這樣看會完全以為是一個住家。我們走進獨立包房，雖然感覺地方不大，但勝在夠私隱，不會被騷擾，十分自由自在。住家菜當然少不了一碗老火靚湯。今日飲到精心炮製的白菜豬肺湯。味道既清且濃，湯料足，完全沒有味精，就是住家的感覺。花雕蛋白蒸鮑魚仔，雖說是鮑魚仔，但是一點都不小，而且鮑魚肉身厚，口感爽，又十分新鮮。另外，蛋白夠大碟，滑如豆腐花，蛋白味香濃。金銀蒜粉絲蒸扇貝，蒜味剛剛好，一點都不太濃烈，粉絲完全慘透了蒜蓉的味道。扇貝也像鮑魚仔般新鮮，而且非常大粒，一口吃下，那種鮮甜的滿足感，實在令人滿意。胡椒蝦，胡椒味十分濃郁，加上蒜蓉和香料的味道，令到新鮮的蝦鮮甜之餘不失野味。

私房菜興起原因近年香港租金昂貴，係地舖開餐廳成本大於毛利，有見及此好多大廚都會在商住大廈訪尋幾房單位做出廚師有特式小菜，一定比出面連鎖集團更創新及別具精緻的美食。在朋友介紹下我涊識「潮人私房菜」，一於在平日晚上訂枱食飯。他們會因應客人多寡及喜好編排菜式，消費為每人$320。而且會在當日早上選購食材，令海鮮做到最鮮為目標。人算不如天算，食飯當晚是香港今年首個懸掛8號風球，我們仲猶豫今晚如何是好？於是打去私房菜詢問今晚會否營業？他們有禮回答他們會繼續營業。如果你們真的要取消都無辦法。我們最後因「為食」二個字一行七日如期進行飯局。一入到私房菜地方，室內裝修及佈置好有家的感覺，一個大聽及三個獨立房組成。我們自成一角，房內仲有大電視，一大班朋友高談闊論唔會騷擾其他人。一開始每人一碗大白菜豬肺湯，我仲問姐姐為何沒有湯渣？原來佢已經進準上枱给我們吃。我好喜歡吃豬肺奈何豬肺製作需要很多功夫，好少地方有得吃。它是爽甜的及沖洗得很乾淨，令整個湯水變得清甜。第二碟又備上檯，花雕蛋白蒸鮑魚仔，個蛋白又厚身又滑，食落仲充滿花雕酒味道。配一杯白飯撈蛋白吃真昰人生一大樂事。鮑魚仔用花雕酒浸過，有濃濃酒香,再到蛋將熟

6月12日，香港迎來2017年的第一個八號風球。風雨飄搖，仍不阻一群食力堅毅過人的貪吃鬼。一早約好到潮人私房菜共聚，本擔心會因八號風球而告吹。怎料，老闆仍開門，真敬業樂業！店內有4間廂房，坐位舒適，私隱度高。一行數人濕答答地來到私房菜館，老實說，我還是第一次嚐私房菜侍應態度可親，帶我們到一廂房，安排好放雨具的地方。麻雀雖小但五臟俱全一來當然喝碗湯洗洗塵、潤一潤肺大白菜豬肺湯湯水清潤，清甜，一喝下去有家的味道。豬肺眾所皆知是手工野，要洗乾淨好難。這豬肺處理的好好，咬下去彈牙，爽脆不吃豬肺的我都吃了很多蒜蓉蒸龍躉球荷葉飯這個飯是全晚的焦點龍躉嘅油脂經過蒸煮滲入白飯之中，而白飯又有荷葉嘅香味，再加上甜豉油提鮮，令人會一碗接一碗吃下去！花雕蛋白蒸鮑魚仔蛋白帶有花雕酒香味，酒香撲鼻令人未吃先醉。蛋白很滑，有蛋香。鮑魚仔彈牙嫩口， 火候控制得剛好。金銀蒜粉絲蒸扇貝扇貝新鮮，金銀蒜十分出色，蒜粒切得幼細綿密，令蒜香散發。再加上粉絲吸了味，配合得這一餐私房菜令我吃得十分開懷每道菜都令我留下深刻印象，招呼不錯，環境舒適。很適合一大班至親好友聚餐，談天說地

私房菜食得多，海鮮私房菜就應該第一次啦。一大班老友搵左呢間，三百五十全包。先黎避風塘鮑魚，鮑魚鋪滿晒蒜粒同辣椒，鮑魚肉相當彈牙，而且趙落都滑滑地，加上避風塘煮法，味道惹味之外就令人胃口大開。跟手黎荷葉蒸飯，係用海蝦鋪面，伴上蒜蓉去蒸，白白既蝦肉彈牙帶點膏，膏味同蒜蓉味既混合，呢種濃厚既煮法，襯以荷葉香既白飯，係非常有對比但係超夾煮法，我個人食左3碗飯呀。蒜蓉真係唔停得，蒜蓉蒸扇貝，味道非常香，扇貝香滑而多汁，口感夠滑而厚肉，粉絲正好吸收左扇貝精華，蒜蓉與蔥花味道惹味，係無得輸既菜式。海鮮仲有雲耳蒸桂花魚，廚師細心地幫我們起肉，魚肉相當滑溜，魚汁與雲耳份外夾，用料絕對正確。最後食碟菜係金華火腿津白，津白細細條，口感爽甜，金華火腿香濃，將幾條津白夾住一塊火腿食就更惹味了。

今日同個朋友去尖沙咀行街買野，之後就約左屋企人食飯，今晚食私．房．菜，無錯，真係食私房菜，平時比較少食，不過有朋友推介呢一間海鮮私房菜，適逢一家人去食飯，就book 呢一間私房菜，食私房菜一定要預約位置非常方便，由海運行過去大約10分鐘左右，一上餐廳，老闆熱情招待，每一枱都有一間房，房入面都有電視機，私隱度極之高，好適合一家大細或一大班朋友一齊歡聚！菜乾豬肺湯一飮就知道呢個係老火湯，好甜，而且冇味精，全部都用真材實料泡製，個豬肺好好味，洗得好乾淨，菜乾好香荷葉蒜蓉開邊蒸蝦飯平時食蒜蓉開邊蒸蝦食得多，但呢個飯係荷葉包住咁蒸，淡淡既荷葉香滲透於蝦同飯入面，用蒜蓉蝦配飯，味道一流避風塘鮑魚避風塘鮑魚好惹味，避風塘炒蒜好香蒜蓉味，而且非常之脆，但係惹味得黎又唔會搶走鮑魚既鮮味，而且鮑魚已經起咗出黎，一夾即刻食到，方便我哋食蒜蓉粉絲蒸扇貝呢度菜非常之好食，蒜蓉味好香，粉絲索哂扇貝嘅鮮味同埋蒜蓉嘅味道，而扇貝非常之鮮甜，又唔靱，蒸到啱啱好食咗咁多度海鮮，每人都只係＄300左右，性價比非常之高，不過一定要預早預約，因為我去到有好多客人！

成日都要為朋友既生日飯而抓哂頭 攪盡腦汁。今個月既壽星女喜歡食中菜，我忽法其想諗起私房菜！貪佢有私人空間可以任傾計 任影相 任玩唔嬲，仲要唔洗諗食咩，廚師比番驚喜我上網search左幾間私房菜，見潮人私房菜新開無耐，地點便利；而且評語唔錯，就揀呢間！食私房菜就梗係要預早d訂位，等店主可以預時間準備菜單同買材料。我地今次早成個禮拜book,實無問題啦(店主話正常三日前訂枱就ok,不過最遲當日下午一點前都仲可以**如果人地當日無booking 既話**)好舒服既環境無華麗既裝修，簡簡單單，好似返左屋企咁，哈哈。我地五個人安排左呢間房。第一道係～頭啖湯菜乾豬肺湯。識食係食湯渣簡單點個豉油，菜乾同豬肺都變左上等食材！！好美味*蒜蓉蒸扇貝*超級豐富既蒜蓉粉絲鋪滿左扇貝，撈飯一流大啖咬落去 真係好治癒喔！讚*蒸海斑*成日都覺得斑類既魚肉質結實彈牙點，所以比較好味。但係蒸既時間就好難掌握，稍為過時，魚肉就會變得鞋口同埋韌；咁就浪費左條魚了。呢度既蒸斑時間拿揑得非常到位上碟時熱辣辣的，魚肉又嫩又滑，鮮味十足！*黃金蝦*我好中意食黃金 (咸蛋碎 ) 炒既食物。呢味黃金蝦炒得好均勻，咸蛋夠碎夠黏，令全隻蝦

私房菜我比較鍾意海鮮為主的。潮人是表妹介紹我去的，地點在尖沙咀，又近地鐵站，方便已經夠正！裝潢就好像屋企一樣，有自己的房間，有高清電視，想傾計或者煲膠劇，都很自由，這就是我喜歡私房菜的其中一個原因。大白菜豬肺湯。住家湯的味道，小時候婆婆常常煲豬肺湯，我還記得洗豬肺要花她一個下午，婆婆過身後，就沒有再飲過豬肺湯了。媽媽是無飯主婦，怎麼可能會花時間洗豬肺呢！豬肺湯好足料，好清甜 豬肺好軟熟而且乾淨 眨下眼已經食曬湯渣，連平時不喜歡湯渣的姐姐都搶著食。荷葉蒜蓉蒸蝦。蒜蓉愛好者的我，見到這道菜，歡呼了一下。鮮蝦的份量很多，雖然不是很大隻，但是亦是很新鮮爽口。蒜蓉和蝦的比例很均勻，正的時候蒜蓉和蝦汁都融入在下面的白飯中，再加上一點的甜豉油，荷葉的味道也浸入白飯中，非常惹味！蒜蓉粉絲蒸扇貝。扇貝很大隻，非常新鮮，彈牙而且鮮甜。扇貝洗得很乾淨，裙邊完全沒有沙。粉絲又夠軟熟 呢道菜一向冇得輸。避風塘鮑魚。 很讚！蒜蓉辣椒炸得好脆好香口 鮑魚非常新鮮 火喉控制得剛好 口感軟熟唔會過老 而且出奇地入味。糟鹵炒桂魚。 第一次嘗這道菜～ 我一向麻麻地魚類 怕腥。但呢個煮法充滿酒香 而且桂魚都新鮮 肉質幾滑。配

話說上星期和多年沒見的中學朋友聚舊。時間飛逝，大家不再是黃毛小子，每人都挺著肚子來。縱使外貌改變，但慶幸心境依然年青。由於有無盡的話題，識飲識食嘅老朋友滔哥 就介紹了這一家私房菜給大家盡訴心中情，回顧一下大家年少時的快樂時光。這家位於尖沙咀漢口道的【潮人私房菜】地點非常方便，無論是住在港九新界的朋友，都有直達車，而且更有獨立房間，就算大家高聲暢談，都不怕影響到周邊的食客，更加能夠盡情交流。由於滔哥已一早預約，廚師已經幫我們寫好菜單，今晚的菜單就以海鮮為主。一坐低便有家常靚湯，大白菜豬肺湯。這個老火湯非常有家的感覺，味道清甜、清熱潤燥，順喉止咳。大白菜乾無沙，而且豬肺亦清洗得非常乾淨，白雪雪，咬落彈牙。就算連煲湯的湯料亦不比湯水遜色。第一道海鮮，籠仔荷葉蒜蓉蒸蝦。大廚用上新鮮海蝦開邊，上面釀入金黃蒜蓉，再放上白飯上面蒸。由於白飯同蒜蓉蝦以荷葉包裹，荷葉的清香更能滲入白飯，蝦膏亦融化於白飯之中，令平平無奇的白飯亦都佈滿鮮味甘香。第二道海鮮，椒鹽鮑魚。鮑魚口感嫩滑，咬落彈牙爽口。外面的椒鹽炸蒜非常香脆，味道惹味，用以配襯啤酒，非常出色。第三道海鮮，蒜蓉蒸扇貝。扇貝味道鮮甜，烹煮時間適中，就算

今日適逢考完試，朋友就話帶我地來呢度試吓私房菜，講真上黎果陣好似好暗，我哋都有少少驚，一禁門鐘主人家就好熱情咁招呼我哋入嚟，地方仲相當企理！我哋叫咗一個套餐，朋友神神秘秘我都唔知道其實裏面有咩菜式，一開頭就嚟咗個胡椒豬肚湯，我本身唔食豬肚，因為我覺得內臟會污糟，朋友鼓勵之下我就試一試，結果一試就愛上啦，豬肚嘅味道唔怪而且吸收左胡椒嘅香氣勁好味呀。頭盤係三款潮式嘅滷水食品，我比較欣賞嘅係個豬肉，你見到一層層冇乜肥肉，開頭我擔心感受嘅豬肉會好硬，點知唔單止入味肉質仲好易入口。呢個鮑魚花雕蒸水蛋都係一個好吸引嘅菜式，有四隻咁大嘅鮑魚唔在話下，蛋白真係好好味，本身我怕淨係蛋白會冇普通蒸水蛋咁好味，點知我送左兩大碗飯哈哈 另一個推薦菜式係爆汁蝦丸，唔好意思整到個賣相咁肉酸，因為唔記得咗影。入面有少少好似芝士嘅流心效果，一食點知竟然係甜嘅！店員叫我地估下係乜嘢材料，我覺得好似係燒嘢食會食到嘅但又醒唔起係乜嘢，原來竟然係棉花糖啊，用咗嘅棉花糖同蝦丸出奇地咁夾，係今晚最大嘅驚喜！

今日老友話有間私房菜好正，誠邀我上去試吓，放工之後就二話不說，往尖沙咀奔去。間私房菜唔算難搵，個入口就係喺海防道同埋漢口道交界嘅鉅記隔離。一坐低一人一碗老火湯，今日係豬肺紅蘿蔔大白菜湯，碗湯上枱嘅時候仲係熱辣辣，一啖入口，家嘅味道即刻湧上心頭，巧滾動啊，隔左一陣湯渣送上，豬肺呢樣嘢真係好耐都無食過，又要啤幾次水又話落醋又再汆水又盛盛盛咁多功夫，老媽子多數唔會整，今日我哋有食神喇。荷葉蒜蓉蒸蝦飯，蒸蝦入口新鮮彈牙，嗰隻彈牙嘅口感一食就知道係正嘢，隻隻蝦嘅面頭都佈滿蒜蓉同埋香蔥，鍾意食蒜嘅我就啱哂喇，蝦嘅精華喺蒸嘅時候都滲哂落底下啲飯入面，令到啖啖飯都充滿著鮮味，yummy。椒鹽鮑魚，鮑魚隻隻都成半隻手板咁大，上面鋪滿被爆香嘅椒鹽，炸蒜粒，莞茜同埋辣椒，一放上枱已經香氣四溢， 鮑魚口感一啲都唔靭，特別鍾意上面嘅椒鹽辣得嚟甜甜地，好有個人嘅特色。糟鹵炒貴魚，一聽到侍應小姐放低條魚嗰陣，介紹呢個係用咗糟鹵嚟炒嘅桂魚已經即刻心心眼，心諗糟鹵咪係用嚟整醉雞嗰隻膽嚟嘅！？ 用糟鹵嚟整魚真係未試過，亦都唔係度度都有得食，果然一啖入口，糟鹵嘅香味即刻走勻成個口腔，連魚肉嘅最深深處都入哂味，我選呢個為今晚

話說咁大個都未去食過私房菜，之前聽朋友講過有間新開私房菜好好味，今日一於去試一試先！ 依度地點真係好就腳啊，係地鐵站行2-3分鐘就到，早一日訂位就可以，大廚會問定你有咩吾食就會安排好晒，真係啱晒懶到出汗既我啊！又可以睇住電視劇食飯，好似係屋企咁啊 先嚟個正正菜乾豬肺湯，好夠火喉啊，完全好似飲緊媽咪煲既靚湯咁，又無味精又吾油，好正啊！ 飲完湯就即係黎個豆菇花膠炆鴨掌！勁好味呀，啲花膠炆到好稔，入口即溶，個汁又較得好好，完全入曬味，無得彈啊！ 跟住就到我好中意食既黃金蝦，炸得好脆，連個殼都可以食埋，蛋黃味好重好香口，真係越食越開胃！ 跟住就到左清蒸石斑，條魚好新鮮，蒸得時間又剛剛好，又滑又吾痴骨，啲魚味出曬嚟，廚師抵讚！ 最後甜品係芒果布甸，淨係個賣相都引死人，吾知以為又有魚食仲要我最中意既多奶，真係食到lam lam脷 今次真係要多謝我朋友介紹我嚟依度食我人生第一次私房菜，完全啱曬口味，下次一定再嚟嘆住家飯

禮拜日出親去食飯都人山人海，咁啱約左幾個朋友食飯傾下計，想搵間有自己空間，傾計大聲d都唔怕嘈到人，又唔怕人地大聲嘈親自己既地方真係唔容易！咁啱上兩個禮拜，有朋友試左間私房菜話好OK，有自己房，d野又好味，我就即刻book左睇下咩料！ 今晚去到，未食飯都加左分，因為地點便利，尖沙咀地鐵站行去3，4分鐘就到，入到去好似自己屋企格局，好乾淨！ 私房菜有度好，只要講低有咩唔食，佢就幫你揸哂fit，街市咩靚咩新鮮就煮咩！啱哂我呢d懶諗食咩既人！ 我地5個人去食，有1湯6餸1甜品。 第一道上湯先，係大白菜豬肺湯，肯煲呢d咁花功夫既湯，證明有誠意！豬肺洗得乾淨，湯都夠老火，我地連湯渣d豬肺都唔放過，清哂！ 其中花膠冬菇鴨掌令人印象深刻，花膠同鴨掌入哂味之餘，鴨掌仲入口即溶，連側邊d冬菇咁厚肉，都炆到稔哂！好味！ 仲有黃金蝦熱辣辣 炸得好好，連殻都可以食埋，加埋咸蛋黃勁香口！ 全晚最欣賞個蘋果咕嚕肉，有別平時食開用菠蘿整既咕嚕肉，蘋果入口非常爽口，比菠蘿更為清新，啲咕嚕肉唔會一味得d 粉包住稔pat pat，反而好脆身，一定要即整又較啱火候先做到！外脆內軟有邊個唔鍾意？我地眨下眼就清哂啦！