潮人私房菜 (Closed)

呀爸生日，所以就book左呢間位於尖沙咀既私房菜，地方都好就腳,總體黎講都無令人失望。我地一家四口，坐一間獨立房，環境闊絡，光線充足，仲有電視睇添！岩哂屋企人電視汁撈飯😂 首先上個胡椒豬肚湯，胡椒味好濃郁，啖湯都幾清甜，微辣，啱曬鍾意食辣既本人，豬肚都冇唔好聞既腥味。再黎就係滷水拼盤，賣相好攪笑！有紅腸、雞腎、腩肉等，有好香既麻油吊味。鵝掌冬菇炆花膠，鵝掌、東菇同花膠都妏得好入味，連呀媽都讚不絕口！Ｄ醬汁可以撈到幾碗飯添，而冬菇就係我既至愛，好厚肉，又夠曬彈牙。金華火腿娃娃菜，都夠晒入味，鹹甜適中，湯底清甜，同娃娃菜好夾！炸蝦球係呢餐飯既亮點之一！！蝦丸好有蝦味，咬落中間，係流心架！佢用左一樣好出奇不意既食物去做成呢個creamy既流心效果，大家一定要去試試！令傳統中菜更為破格，啱晒我哋呢啲後生嘅😏總結黎講，今次私房菜既質素都唔錯，值得再回頭！

適逢佛誕長假期剛過, 與三五知己來到位於尖沙咀漢口道的潮式私房菜餐廳短聚. 餐廳裝修不錯, 有回到家食飯既感覺. 我地一行幾人坐係廂房入面, 私隱度極高. 閒聊一番之後點左個套餐, 菜式包羅萬有, 沒想到私房菜廚房都一樣能夠煮出咁多花款.我地先一人飲左一盅胡椒咸菜豬肚湯. 湯底胡椒味香濃, 豬肚軟硬程度適中, 沒有內臟腥臊味, ,確實不錯. 咸菜經長時間淆製後咸味亦減退, 容易入口.第二到菜係個潮式滷水拼盤. 滷水拼盤包括紅腸, 腎片, 豬肚, 咸肉等. 滷水相當出色, 味道突出, 咸度亦適中. 仲有個可愛笑面佛做伴碟, 十分應節.不得不提的係呢個鮑魚蒸水蛋, 最初以為鮑魚會蒸到硬晒難以咀嚼, 放入口後卻估唔到有驚喜. 鮑魚不但唔會韌, 食落仲保持到鮑魚原有既鮮味. 另外, 水蛋亦蒸得非常滑溜, 值得推篤俾各位為食之友.不得不提既當然係呢一味爆漿蝦丸. 蝦丸炸到金黃香脆, 粒粒都好似網球咁大粒.食落啖啖蝦肉, 簡直大滿足!!! 呢味蝦丸有別於一般潮州酒家食到既炸蝦棗,分別在於佢入面既爆漿. 我地最初唔知道入面既流心係咩東東, 有人估係芝士, 又有人估係沙律醬. 我地最後忍唔住問左侍應入

出完placement 要慶祝下！但個個同學都唔知食咩好，竟然有人提議食私房菜，因為個個都未食過~ 於是揀係呢度食，見價錢適中，好似幾OK咁。 去到成個格局都好似去人左屋企既感覺(私房菜嘛)😂, 入到去有自己一間房，傾計大聲都唔怕晚餐菜式係由佢地提供，所以上菜果陣會有驚喜。 茶水好乾淨衛生。首先係鹹菜豬肚湯！係燉湯夠哂熱！好滋補❤️個陣好想飲多一盅架。😂😂😂（我最鐘意飲湯😙）醬爆蝦球，真係酒樓食既水準，好香口~同埋呢個真係好新奇，入面個醬爆係甜架，雲呢拿味！你地估下係咩？重頭戲之一應該係呢個鮑魚蒸蛋白。我竟然係俾個超滑蒸蛋吸引左！送10碗飯都得鮑魚竟然都岩我呢個冇牙婆（cool牙嘛），因為整到好林, 又夠鮮甜!呢條班已經幫我地去晒骨，切成一塊塊好方便食，重點係佢好滑，唔鞋口，調味岩岩好！大家都食清光～回過神來果陣佢地已經食得七七八八， 好受歡迎！😂原本諗住食完就走，竟然仲有送甜品俾我地，女仔們都歡呼XD 咁大個布甸幾個人食，差d食唔晒呀！食完之後個個都捧住個大肚腩走...滿意既一餐😌😌

風雨不改的晚餐，嚟到一間沒有華麗的裝修但充滿家嘅感覺嘅餐私房菜！ 這個家位於一個非常方便嘅地方就係尖沙咀地鐵站附近。老闆就安排我們於一個房間內進餐，一張圓桌、一部電視機，令我覺得置身於家的客飯廳之中。大家朋友也享受這環境！老闆為我們送上大白菜豬肺湯，真材實料 沒有味精 同媽咪煲的是一樣美味花雕蛋白蒸鮑魚，沒想到花雕蛋白嘅效果係咁夾，配上軟淋淋嘅鮑魚非常美味！在菜單上有一道菜叫糯米雞，以為只係一碟普普通通荷葉糯米雞。 想不到老闆抱著一個大籠上枱打開的時候，我們也Wow了一聲，竟是一隻雞。我們把它切開的時候，原來雞身釀滿了 糯米飯，在焗蒸的過程中糯米吸收了雞的精華。分量非常之多，我們食完也飽了四成！非常新鮮的海斑，師傅掌握的火候也非常好，十分嫩滑脹卜卜的蔥花炒蠔爽， 蠔身非常美味一點都不肥膩，而且個醬汁是出面很少機會食到的，正！這個私房菜仲有我很喜歡的咕嚕肉，在酸酸甜甜的肉加入蘋果，感覺非常清新，減少 啖啖肉的肥膩感！無論中西餐當然都唔少得甜品喇！最後我們食咗一條鯉魚芒果布甸， 在花奶中暢泳，栩栩如生！這晚私房菜每人平均大約$350非常抵食!

同一班朋友去食飯， 有時真係想搵多地方傾計多過食。 今次朋友搵到個地方真係合哂荷車。 我地一行四人去到有間房比我地， 咁就真係點傾都得啦！ 朋友仲話已經決定左食咩， 唔駛諗， 正！傾傾下， 一碗老火白肺湯就出現左，比你潤下個口， 你都咪話唔爽。 個湯都算係足料， 湯渣都比我地清左一半， 不錯！之後黎個鮑魚蒸蛋白， 個味好似醉雞， 感覺好似食緊fusion菜， 好得意， 鮑魚都幾鮮同彈牙。 不過食到一半就停左， 因為下一味餸出現左。 當伙記拎個籠入黎個時， 我真係估唔到係咩黎， 開蓋之後見到成隻雞， 心諗， 仲咩唔切左隻雞？ 莫非要當手撕雞咁食？ 但當師傳切開左之後， 呢個真係好驚喜！！ 答案留返比你地去試個時個時就知。魚我覺得不過不失， 再到下一道菜， 黃金四季豆！！ 勁香口！！ 明明已經七成飽， 但係都食到停唔到。 點知跟住個餸更加合我心水， 蠔丫！！ 唔好睇佢好似細細隻， 但係佢個表面脆脆地， 食吓食吓... 比我清左一半。 可能我已經好飽， 最尾個咕嚕肉我只係食左一舊， 微酸， 相比起來之前兩味餸比較香口。甜品係鯉魚芒果布丁， 勁多花奶 ， 好耐冇見過係成條大魚咁上。 總括黎講

其實以私房菜來說......,質素真的不好....味道及煮法其實好一般一般一般...價錢不值..,人均$320... 真心十萬個唔抵.....,如果以以下菜單黎講相信無乜理由要$2000蚊,仲貴過酒家半圍酒😟😟😟... 所以真係無下次....,重點...上菜勁耐勁耐勁耐..,其間各房間客人都崔促左3,4次.... 無得選擇都唔好揀呢到👎🏻餓暈咗又醒番，醒番仲未有得食，再餓暈again 😡食物, 環境, 服務 ❎❎❎❎❎***外賣飯盒仲要放哂入厠所,所以建議盡量唔好食剩免打包***** 6位用菜單1.花雕疍白蒸蟹 2.荷葉蒜蓉蒸蝦飯 3.蒸海斑4.蘋果咕嚕肉5.鮮魚湯津白6.金銀蒜粉絲蒸扇貝7.大白莱豬肺湯8.甜品每位$320免收加一奉送汽水1罐

潮人私房菜並不是潮流的潮, 而是潮州的潮, 我們既不是流潮人士也不是潮州人, 只是愛吃的人, 被這私房菜吸引過來。一向都喜歡食私房菜, 感覺比一般餐廳更用心, 將自己最拿手的菜式, 製作給客人品嚐。潮人私房菜在尖沙咀很近地鐵站的樓上位置, 上到去格局好似住家, 有點像到朋友家吃飯的感覺, 無論是在自己家吃飯或朋友家吃飯, 對我來說都是稀有的, 而我亦都好珍惜的。我們被安排坐在一間房裡, 餐廳被分為幾間房, 方便客人暢快聊天, 不怕吵到別人, 也有私隱度, 房間有電視播放大台節目, 睇電視食飯, 真有種似層相識的溫馨感覺。大白菜豬肺湯叫一聲可以開飯啦, 就有人捧著湯煲入來, 為我們每人倒一碗湯, 湯是熱辣辣的, 色澤金黃, 老火湯的樣子, 嚐一口, 味道濃又甜, 無味精感, 真材實料製作, 四個人每人只有一碗, 如果可以添飲就好啦, 但又不好意思問。湯料裝在碟子上, 附上豉油給我們吃, 我就原汁原味的吃, 不用蘸豉油也可, 雖然烋過湯, 但原味仍在, 少點調味也比較健康吧,  特別喜歡豬肺, 平常較少機會吃到, 因為這是心機之作, 要洗得好乾淨才可, 這裡的豬肺口感清爽無異味。金銀蒜粉絲

潮人私房菜私房菜地點好方便，位置尖沙咀的中心，乘地鐵在尖沙咀站A1出口行一分鐘就到！店內環境不錯，地方乾淨，簡簡單單的裝修，有種親切感！店員安排了坐獨立房間，一班朋友談天說地最適合不過，不用擔心聲量過大影響旁邊客人！點好菜一會兒就開始上菜，跟大家分享一下其中數款菜式！大白菜豬肺湯無味精！非常足料，清肺潤喉！冬菇花膠炆鴨掌冬菇同花膠炆得好入味，小棠菜吸盡精華所在的汁！黃金蝦蝦炸得好香脆，連殼都可以食，上面還有層蛋黃包著，食下去更加香口！

前一陣子，跟朋友們聚會來來回回不是食西餐，日本菜或韓國菜，大家都開始有點兒悶了，有人立時提議改一下口味去食私房菜，所以今次聚會，我們選擇了一間位於尖沙咀漢囗道的一間潮州私房菜。選擇這間私房菜的原因是地點十分方便，友人們全都在尖沙咀附近返工，大家這樣便可以一放工馬上上去開飯😋。這間私房菜的裝修間格以簡約為主，但亦算是闊落整潔，的確有住家的感覺。好不容易，終於等到8點人齊，開以開飯了！首先，當然先來一碗大白菜豬肺湯。味道不錯，湯清不油膩。飲完一碗熱湯暖胃後，就開始上第一度菜：花雕蛋白蒸鲍魚👍蛋滑，花雕味道恰到好處，不會太淡或太濃，鮑魚口感柔軟，味道亦滲有淡淡的花雕香。鮑魚與花雕蛋白嘅味道互相襯托，不溫不火。看看菜單上的下一道菜是糯米雞，應該只是一道普通不過的菜式吧了，殊不知.......當老闆把盛著這道菜的大大竹籠端上枱上然後打開.......大家都＂嘩＂了一聲😲糯米在那兒了？原來.....全部釀入雞嘅肚裏面了~😋這一道菜真的要給個👍。由於糯米釀入了去骨的雞殻內的關係，糥米內的水份及嫩雞本身的油份能完全被鎖住在雞內，使糯米保持濕潤晶盈，雞油的香味亦完全滲入糯米內，米香飯軟。此外，雞肉幼嫩，

被雨淋濕後去到潮人私房菜尖沙咀) 好像回到家的感覺，老闆很細心給我們一人一碗大白菜豬肺湯，我最喜愛飲豬肺湯，味道清甜，很滋潤的湯水花雕蛋白蒸花蟹或蝦都常常吃，花雕蛋白蒸鮑魚真是第一次食，食後只講了2個字「好野」👍🏻 第一好野蛋白唔老，第二好野花雕配鮑魚味道適中👍🏻第三好野，鮑魚爽脆👍🏻名副其實「糯米雞」老闆親自為我們開刀儀式，No.1 親民服務👍🏻當打開時真的「估不到」驚喜萬分黃金蝦由細食到大真是食唔少，但黃金比較油膩，配蝦食後很快飽肚，但配四季豆，不但減低黃金油膩更令人不停地吃炒豪爽，味道鮮甜，爽口，配啤酒，白酒一流👍🏻👍🏻蘋果咕嚕肉夠創意，我本身很喜歡很咕嚕肉，生果很喜歡吃蘋果，2樣加埋新組合，令人回味無窮

今次係我第一次光顧私房菜， 覺得有個家既感覺！非常窩心先來一個滋陰補腎潤肺養顏嘅老火湯－紅蘿蔔大白菜豬肺湯－味美清甜又不肥膩。另上湯渣蔬菜當然唔少得， 上湯浸金銀蛋莧菜！ 莧菜吸收哂湯底既味翠綠既菜真係好清又好甜。 最欣賞木耳炒桂花魚片，我最怕食魚， 怕魚骨，廚師真係好有心思，細心照顧到我呢Ｄ另類顧客，將桂花魚起骨片肉，炒香魚身，頭及尾部用蒸方法烹調，再把黑木耳鋪上面。魚肉味鮮冇腥味， 食過讚不絕口！大家都食到抱住個肚！！荷葉蒜蓉蒸蝦飯大大隻開邊蒸蝦，再用蒜蓉蒸飯，蒜蓉味浸透晒入飯裏，滋味無窮👍👍👍👍上埋甜品香芒布丁魚，真係不能抗拒！又唔會太甜做飯後甜品一流

現今社會，對飲食文化非常講究。 最緊要健康， 少油同少鹽食材又要新鮮， 唔通日日親自下廚才避免有三高嘅危險咩？ 其實亦有其他選擇~~ 私房菜菜館位於尖沙咀商廈樓上鋪非常方便。而菜館已經早一日與食客溝通， 度身訂做啱客人嘅菜式！花雕蛋白蒸鮑魚， 花雕味濃蛋白真係滑到不得了！！very very sofa 再配上鮑魚， 真不簡單！鮑魚煙煙unun好有彈性蒜蓉粉絲蒸扇貝， 廚師掌握嘅時間剛好， 緊緊熟， 扇貝味鮮配搭惹味蒜蓉粉，冇得弹😘😘😘仲有蘋果咕嚕肉酸甜開胃， 咕嚕肉皮脆肉滋味無窮👍仲用左鹽整左個大彿出黎好有heart估唔到原來私房菜都可以有咁高水準，除餸菜健康，少油少鹽，仲好有私人空間感！ 三五知己， 聚首一堂必然之選

大白菜豬肺湯, 入口非常清甜, 這老火湯值得一讚, 另外就係有埋湯渣, 點一點鼓油食, 感覺滋味花雕蛋白蒸鮑魚, 這道菜係私房菜裡面我覺得最好食嘅餸菜, 上菜時花雕嘅香味真係醉人, 入口之後蛋白非常嫩滑, 入去喉嚨之後, after taste非常之強!另外鮑魚非常q彈, 滲進不少花雕酒香荷葉蒜蓉蒸蝦飯, 這一味飯 係我今餐私房菜第2讚嘅菜, 荷葉嘅香味, 蒜蓉同鼓油 既精華, 放在飯裏面, 飯嘅軟熟度恰到好處, 每一口都有豉油蒜蓉荷葉, 嘅香 滋味無窮 另外蒜蓉蝦嘅味道不錯, 咬口彈牙松露炒桂花魚片, 桂花魚片折了肉, 方便大家進食, 經過油泡之後, 桂花魚片嘅原味非常之特出, 非常之滑口食咗咁多肉, 係時候食金銀蛋 莧菜平衡一下, 莧菜爽口, 加埋金銀蛋嘅調味 不錯不錯食咗咁多主菜, 仲有芒果布甸, 魚形既布甸, 賣相吸睛, 入口又香又滑, 大滿足!

店內明亮寬敞、環境乾淨，食具的挑選亦見心思，店內亦已間成大小不同的包廂，方便同良朋知己高談闊論，難得食物水平亦不俗，別具特色!蟲草花水晶雞的賣相相當吸引，顏色鮮艷，紅紅橙橙、香氣四溢，令人食指大動。雞肉唔會過熟，嫩身多汁，略帶微辣，配上蟲草的獨特清香味，配搭得宜。更重要係雞味仍舊濃郁，但無帶來油膩的感覺，雞味亦無被蟲草花壓下，色、香、味俱全，難怪成為店內的招牌菜，吸引不少粉絲。天氣變幻無常，時冷時熱，潤肺止咳滋補湯水不可缺小，而慢火煲煮的大白菜豬肺湯清甜可口，有助解膩。令人驚喜的是豬肺稔滑彈口，亦無一陣陣的腥臭味，用料十足，味道香濃，實乃誠意之作。享用靚湯時無需另加調味品，而切成一塊塊的豬肺亦可蘸獨家的醬料，尤其好吃。蛋白看似容易製作，實則非常考基本功。要做到溫潤綿密，滑嫩非常絕非易事，而呢道花雕蛋白蒸飽魚仔就完全做到! 用匙羹輕輕係蛋面一刮，軟綿但不易散開的蛋白已經散發陣陣酒香，但無過於濃郁，酒香同蛋香層次分明。飽魚仔亦絕無欺場，十分足料，軟腍鬆化，正到爆!

同事們訂了私房菜慶生，恰巧掛起八號風球！不過，一群瘋狂的，無懼風雨，有飯繼續食；店家也一口應承，照舊款待，抵讚！店舖不難找，見鉅記，在旁邊的住宅坐𨋢上去即可，一出𨋢就會見到大大過「潮人私房菜」的招牌！安頓後，店家先送上一人一碗湯，咩都唔洗講，鮮甜，家的味道！湯渣的豬肺也超好味！我一個人悄悄地食左幾舊！鮑魚爽脆，蛋白香濃！真係唔知店主用咗幾多隻雞蛋，先有咁大盤蛋白，而且整碟餸菜散發出淡淡花雕香，令人多吃幾口也不覺得飽膩！帶子當然鮮甜，最令人驚喜的是金銀蒜，唔通一般街買的乾身，但勁香，一試難忘！津白軟，又鮮味，令不愛吃菜的我，都大口大口吃下！用蘋果代替菠蘿，有新意之餘，每舊蘋果都好好味，清甜又惹味！一大盤飯，一見到就諗，全台才兩位男士，一定浪費！誰知？魚油全深入飯中間，一碗碗的白飯，充滿香氣，再配上秘制醬油，再飽也吃可以吃上兩碗！結果，一大盤全都被消化了！胡椒蝦，香口惹味，粒粒胡椒被咬破，辛辣得令人上癮，欲罷不能！蒸雞滑，但略嫌與剛才籠仔飯差不多！最後，黎個鯉魚布丁，為豐富晚餐，劃上完美句點！總體而言：一人$320 包房，高質住家飯，一班朋友暢談，值回票價！