潮福蒸氣石鍋 (Closed)

之前已經食過潮福蒸氣鍋，因為覺得佢真係好抵食，所以今次就係屋企附近再同一班朋友一齊嚟食。鍾意嚟呢度食嘅其中一個原因係因為覺得店員服務周到。黎親呢度都好似食殘廢餐咁，因為店員會幫你上每一道菜，會將每一道海鮮計好時間蒸同埋上碟，確保食材處理得剛剛好。今次叫咗淮山雞粥底因為今天沒有大閘蟹，所以三個定食係脆皮乳鴨、貝殼盛盤同生猛龍蝦。不過剛剛好今天全部朋友都唔吃蟹。不得不提個生猛龍蝦，真係超生猛，放落蒸盆前仲係跳下跳下，超新鮮。之後我地仲揀左生猛大元貝、鮑魚、蟶子皇同龍躉件。鮑魚好大隻用蟲草花蒸，好滋補養顏嘅感覺。元杯係計龍蝦之後嘅第二最愛，肉質柔嫩又新鮮，一定要叫。最後食埋個粥作結，起初以為啲味會怪怪地。但最後估唔到個粥非常鮮味，同埋煲得好綿，簡直係成餐嘅精粹。

都應該有一年冇食蒸氣石鍋啦，今晚我地一家人去食，去到西灣河就家姐收工即食。我地去都好方便，地鐵一出行兩三分鐘就見。入到去地方都好大，舒服整潔。有店員招呼周到，上碟都快，蒸完一鐘響就幫我地起菜，全部都真材實料，好食，吾錯。當中我比較喜歡江蘇大閘蟹，好多膏，肉都有，都鮮味嘅，另外大元貝都好大粒，成隻碟咁大，好食，嫩滑。除咗海鮮 集古都好好食有金針菇冬菇秀珍菇， 雜菜南都好受歡迎， 可能因為食得太多肉同海鮮，食番啲菜舒服d。整體都好滿意，價錢又平，因為我地20:30後入，所以每人都只係二百幾蚊， 抵食呀。

最近好多飯局要食飯， 嚟緊又冬至又聖誕，所以推介一下啲好餐廳俾大家啦。食左潮福，係一家大細食飯首選，佢人人有得食， 先喺餐單選擇好自己想食嘅嘢， 有店員就會幫你蒸同分畀每一個人食，服務好好。食物種類都好多，先講海鮮，已經有四款自選， 有貴妃蚌 ，龍躉件 ，鮑魚，大蝦，桶蠔 ，象拔蚌，大元貝，聖子等，一定有岩你心水，全部好新鮮美味，即蒸即食又健康又好食。肉類都好多選擇，雞牛豬樣樣有，瓜菜都有不同種類，食到好飽都一定要食粥，好好食又好鮮甜，正。

今晚氣溫10度，凍到變雪條，一定吃飽暖一下。今晚到西灣河探朋友，就試一下潮福海鮮蒸氣鍋暖一暖身。店內坐位寬敞，而且全晚都有侍應招呼，適合我這種懶人。任食任飲，仲有多款海鮮揀，另有啤酒、汽水、韓式飲品選擇。跟餐奉送老火湯，我點了姫松茸燉螺肉，湯很清甜，沒有味精嘅感覺。這種天氣飲一口湯，真的很滋潤。小菜奉上乳鴿，炸得很乾身，皮骨肉都一咬即開，味道適中，不用點醬汁，不錯！首生落鍋是龍蝦，鮮甜肉嫩，蒸好加豉油已經好夠味！ 海鮮其實新鮮就夠好味了！再來又蜆蜆一家，無沙肥大。另外蒸帶子，帶子厚肉，加辣椒豉油，最後蟶子係最好味嘅，啖啖肉。當然仲有蒸菜、丸物等等，不過本人覺得粥品係最正嘅，吸收了日月精華，戒左飯都要食番兩碗！

今晚得10度真係凍到暈咁~所以要係要食啲暖笠笠嘅嘢~但係今日老婆又話唔想食打邊爐話熱氣煲仔飯又唔啱口味,真係諗到我頭都大埋終於俾我搵到間正嘢！就係"潮福蒸氣石鍋"一次過滿足晒所有願望！ 就係呢個蒸氣海鮮餐海鮮餐第一炮就係燉湯！我揀咗個淮杞龍躉骨燉湯~一飲落口感覺到冇加味精之餘，湯味濃厚,凍天飲真係成身暖返唔少再嚟三小碟做前菜，餐入面仲包埋乳鴿，乳鴿炸到啲皮脆卜卜一口咬落去啲肉汁咇晒出嚟！我嚟食蒸氣鍋竟然可以食到呢啲嘢...真係感到驚喜師傅將一粒粒肥啫啫嘅珍珠米放落煲底... 好想知一陣個粥會有幾好食蒸蒸第一擊~龍蝦~超彈牙勁新鮮蒸大蜆！鮮甜度十足蜆肉一粒沙都冇帶子爽滑加埋蒜蓉粉絲蒸只可以講好好味~大聖子加象拔蚌仔新鮮度又係爆燈食完海鮮就食下啲蔬菜類，啲菇吸收晒海鮮嘅香氣因為蒸嘅關係蔬菜味完全冇流失到！大家仲可以任飲韓國果汁或者氣水就咁食海鮮都已經好飽，但係佢個蟲草花滑雞太吸引忍唔住叫咗一份，雞肉好滑喔~最後就緊係要食埋個粥底啦吸晒啲食物精華各位大食皇如果都仲唔覺飽嘅話可以考慮勁叫任食單入面嘅食物喔～

一家人冬天食乜好 ，我首選係潮福海鮮任食石鍋，佢海鮮係自選嘅，另外仲有肉丫菜丫丸丫都係任食，當然都係任飲，我丫爸至愛，食到飽一飽。我哋揀咗鮑魚，大元貝，桶蠔， 象拔蚌，樣樣都好正好新鮮，不過我覺得最正係佢每人都有嘅大龍蝦，超新鮮，肉質鮮甜彈牙， 蒸出嚟即刻食，原汁原味呀，正。另外任食方面，我推介留肚食馬拉糕，因為蒸完出嚟軟棉棉，熱辣辣，好鬆軟好味丫，同埋食到尾，佢呢粥先係精華，雖然食到好飽，但食返d米飯，又熱，食完好舒服。

今日星期日氣溫開始跌到落11度終於有聖誕同冬天嘅感覺喇！冬天除左打邊爐之外，蒸氣鍋都係一個好選擇有海鮮有任飲又有任食任點雞牛同肉丸揀左粥底之後梗係叫住前菜先先來一客滋潤燉湯，姫崧茸燉螺肉都幾足料喎！好潤！乳鴿熱辣辣上枱，唔好睇潮福做蒸氣鍋佢熱盤都好ok 重頭戲來了龍蝦，貝殼類，大桶蠔好新鮮，蒸真係保留到海鮮嘅原汁原味，鮮甜同打邊爐係兩種唔同嘅風味精華都係哂個粥底度因為唔係蒸左好多肉個粥底好清海鮮味，唔會好咸

開開心心請人食飯，一行六人。點知...個經理一開始就唔耐煩，聽到我地要散點個時經理態度極差話師傅唔會做，唔比人散點就唔好擺d餐单係度，同埋早d話人知啦，我地可以去其他地方食。之后個經理唔知邊度拿咗張套餐單出來。今時今日咁咯服務哈哈哈...念住人地可能壓力大啊之类就算了……最后食咗1288套餐同餐前小食花生、青瓜、木耳各一碟，無叫其他。埋單1712蚊，唔明除咗加一另外三百係收么費，唔通係醬料費？每人要50蚊？冇下次。服务个粒星係比阿姐的，阿姐d服务都几好

踏入12月天氣更加凍， 又係時候食蒸氣海鮮鍋，食邊間，緊係潮福。佢嘅任食海鮮套餐有改過， 先嚟都係先選粥底，今次要左淮山瑤柱粥， 另外都係每人一個燉湯， 要咗松茸螺頭湯。再送咗個人半隻乳鴿，一大盆硯，同埋有龍蝦半隻或大閘蟹選擇。冇記錯，之前好似冇大閘蟹嘅，最後再自選海鮮，共四款。再有任食menu， 例如污糟雞，冬蟲草蒸雞，和牛，各種手打丸類，菜類等，都係任食嘅。 飲品都係咁嘅， 有竹蔗茅根，汽水同各款茶等， 最後食埋碗粥，超正又飽丫。當中大閘蟹好唔錯 ，好多膏呀。 另外鮑魚都好好食，蒸得啱啱好，新鮮彈牙， 大元貝都必嗌嘅，超大隻丫，成隻碟咁大隻好味道，價錢每人都係三百多d，食到飽晒，又新鮮正丫。

第二次光顧。服務都係好好，今次叫左個半任食任飲定食。要啤下佢，釋放下。太多壓力了。任食，只限於丸丸類，菜同馬拉糕。。。等海鮮依然新鮮，三百幾文一人，有龍蝦，鮑魚，象拔蚌，蜆仔，乳鴿，。。。。但龍躉就差d，太薄，有大條骨。肉丸叫左幾輪，好味。蝦丸同梅豬肉丸夠味，爽口。細細粒，可以食多幾口。荷葉飯，冇花冇假，有荷葉有飯😑。但太冇內涵了。可以唔點。仲有個粥底。極飽滿。本來想叫桶蠔，但計落又好似唔抵要單叫加百幾文，雖然有人服侍又唔須要有落手落腳煮同洗。😬如果三，四個人，提議叫套餐，抵d。荷葉飯，草花蒸雞，馬拉糕都會用籠仔上。(下方：兩個月前舊照)

一行六人叫左個六人餐 $1288今個月每位送石蠔1隻，好大隻但有點腥，湯系冬瓜唐排，好清冇乜味，似一般例湯盅上。乳鴿味道不濃，炸得未夠身，普通。鮑魚彈牙爽口，有點蟲草花在一起同吃，幾好。粉絲元貝，粉絲濕潤，吸曬元貝d鮮味，好食。黑椒和牛粒，啱啱熟，一咬即開，肉質淋身又有點油分，好快食曬。貝殼盆，有青口、東風螺、蜆等，新鮮清甜，唯獨東風螺比較細隻。龍躉件，得二、三件是魚肉件，其他比較多腩骨，處理得不徹底，有點魚鱗，蒸好後也比較腥，麻麻地。蒸雞，細細件，蒸得時間啱啱好，肉嫩得黎仍有肉汁，不錯。蔬菜盆，粟米好甜，勝瓜淋淋，南瓜清甜，芋頭好粉。馬拉羔，鬆軟得黎有點蔗糖香，食了2件，好好食。最後，南瓜排骨粥，好鮮好甜，似一個海鮮濃湯，因為太飽，所以打包一合回家。埋單$1520，抵食。

今日 daddy 帶咗我哋一家人嚟食呢一間潮福蒸氣石鍋，蒸海鮮都興咗好幾年，印像中呢間係我第四次嘅蒸氣石鍋，睇吓有乜好嘢食先。餐廳嘅格局同酒樓差唔多，有啲位置會比較靠近冷氣出風口，怕凍又或者怕熱嘅朋友可以研究下自己個定位應該喺邊度，基本上每一枱都有啲位比較熱時又有啲位係比較凍嘅。我哋揀選咗任食套餐，只係338蚊一位，已經有右手邊嘅丸類四款，菜類六款，兩款雞兩款牛一款豬，釀花菇豆卜 葱花卷，馬拉糕荷葉飯等等任食，而配給嘅部分就有每人一盅燉湯，半隻龍蝦，半隻乳鴿，北韓鮮鮑魚，美國桶蠔，蘇格蘭蟶子皇，生劏龍躉件同埋青口各一隻，仲有好幾隻花甲同埋鮮蜆添，真係食呢個配給嘅份量都幾乎飽哂咁滯。撇除以上海量嘅各式新鮮生猛海鮮之外，最啜核嘅係呢度連朝日啤酒都係任飲架，需知道呢隻牌子嘅啤酒喺出面超級市場都賣好貴加嘛，真係淨係飲啤酒都回到一半本啊。滋潤燉湯每位一款，揀咗姬松茸燉螺肉，嘩，真係勁足料啊。必食粥底二選一，瑤柱鮮淮山粥。脆皮乳鴿每位半隻，乳鴿嘅外皮被炸得極度香脆，味道完全入哂啲鴿肉裏面，用嚟送啤酒一流。生猛龍蝦每位半隻，呢度嘅龍蝦新鮮彈牙，肉味鮮甜，完全唔需要點半滴多餘嘅豉油，淨係食龍蝦嘅鮮味經

同屋企嘅老人家食飯，最緊要就係食得健康，同埋食物夠新鮮。呢間位於西灣河文娛中心隔離嘅《潮福蒸氣石鍋》，輕易地就達到呢兩樣要求。 屋企人無論係阿婆定阿媽， 都食得稱心滿意。呢間蒸氣鍋推出咗海鮮任飲任食套餐，價錢都係三百幾蚊一個人， 就可以食到多款嘅生猛海鮮，以及其他嘅配菜，非常抵食。一坐低就每人有一盅滋補燉湯， 我就揀咗老黃瓜燉唐排， 燉湯夠曬熱辣辣， 飲落非常順喉， 色澤清澈， 夠曬滋補。另外每人仲有半隻脆皮乳鴿， 乳鴿皮燒得脆卜卜， 而且乳鴿亦都啖啖肉， 用嚟送啤酒飲番杯，就最適合不過。呢度嘅支裝啤酒仲要係任飲， 仲有老豆最鍾意嘅朝日啤， 就算係唔飲啤酒嘅媽咪， 都可以飲竹蔗茅根， 味道唔會太甜， 夠曬清熱潤喉。每位有生猛龍蝦半隻， 由於龍蝦非常之新鮮， 清蒸之後加入少許蒜蓉同青蔥， 就成了我最喜歡嘅食法。 龍蝦肉爽口彈牙， 味道鮮甜， 一食就知道係新鮮嘅貨色。貝殼盛盆有青口同埋花甲， 我最欣賞嘅就係青口， 青口肉脹卜卜， 而且充滿海水嘅鹹味， 一定要係新鮮嘅青口， 先至可以食到青口獨有嘅鮮甜味。自選海鮮方面可以揀四款，生劏龍躉件非常肥美， 龍躉嘅魚皮非常彈牙， 充滿骨膠原， 龍躉嘅

一坐低即刻一人一盅燉湯，個湯係老黃瓜燉唐排湯，老黃瓜湯真係好耐無飲過喇，難得個湯夠哂火候，係名副其實嘅老火靚湯，飲完又唔會覺口乾喎，好明顯係無落到味精嘅，啖啖都飲得出燉湯嘅鮮甜味道。美國桶蠔，作為配給嘅項目，呢度嘅桶蠔無論質同量都十分之高，件頭大隻之餘，蠔身重好 juicy，餐廳用咗少少粉絲落去同啲蠔一齊蒸，啲粉絲索哂啲蠔味，絕不比主角遜色。蘇格蘭蟶子皇，隻隻都巨大到無朋友，目測連埋殼有成呎長，唔止中間嘅肉身爽滑鮮甜，蒸嘅時間掌握得好，就連裙邊都十分之爽脆。貝殼盛盆，估唔到連感覺上比較下欄嘅蜆嘅質素都相當之上乘，蜆肉飽滿無沙，海水味仲勁過隻蠔，大細啱啱好，咁肉質就唔會靭啦。百花釀花菇，花菇嘅菇味香濃，喺上面釀滿飽滿嘅魚肉， 魚肉經過適當嘅調味，同隻花菇成為絕配。手切和牛粒，手切和牛粒嘅牛味要比起手切和牛肉嚟得強烈，和牛粒比較優勝嘅地方係比較容易掌握到個熟嘅程度，和牛肉基本上一放入去蒸經已即刻熟哂，但係和牛粒就可以控制住佢喺 medium-rare 嘅程度，嫩滑 juicy 好多架。瑤柱鮮淮山粥，來到終結的一剎，飲埋嗰集百家之大成嘅粥底，海鮮嘅鮮甜，和牛嘅肥美，就連花菇嘅香味都結集哂喺個

有好多分店既潮福蒸氣火鍋 ，今次喺西灣河分店，食蒸氣套餐3百幾蚊一位，如果8點半後入座仲有折，都幾抵， 啤酒汽水任飲，仲有湯可以自選 。送了湯，絕對落足料，十分鮮甜， 而且老火湯味十足。粥底 我點左南瓜排骨粥底 ，蒸晒海鮮食物最後先食粥嘅，所以最後嘅粥好棉好多海鮮精華好夠味嫁。仲有乳鴿 龍蝦同埋蜆係每人都有。乳鴿好夠鑊氣，咬落去個皮脆卜卜 ，入面既肉十分軟滑。龍蝦大隻夠新鮮用蒜蓉蒸超正，蜆都肥美，蒸得岩岩好。飽魚用姬松茸絲去蒸好香食落好彈牙新鮮 另外 仲有任點任食嘅menu，包括有各種肉丸，牛肉，蝦丸等。手切牛肉，荷葉飯，涼瓜釀魚肉，污糟雞糟和牛粒等等都係任食。以性價比黎計，食到甘多海鮮又有任食，食到飽，正過放題同buffet丫。