潮興海鮮酒家

Open Now

Now Closed

兩口子好耐冇出去食飯, 去丁到三陂坊呢間星期五六勁多人等位既餐廳冇咩人等, 一於同我愛人試下先好好味, 以為佢有D黑色一粒粒感覺好似煮燶左, 但食落真係好好味, 出面仲有D蜜糖包住, 好正!!!呢個好夠WOK氣, 叫呢個我都隱唔住要叫支啤酒, 有D魚乾仔同蝦乾炒起黎,好香好好味呢個都好好味, 但呢左前2個,而家食佢會有D滯, 佢D鵝腸應該係用新鮮既,每條腸都會有D肥膏, 食起反好香口,同彈牙, 而仍既份量都真係好多, 如果多D人食就會岩岩好

自從上次係三坡坊食過《心夜來潮》之後，一直想揾機會試埋三坡坊其他餐館，於是前幾晚就以幫阿妹慶祝畢業為名，再次黎到三坡坊，不過今次就試下另一間又係長期滿座既餐館  - 《潮興海鮮酒家》~~適奉周末，餐廳一如意料滿座，好彩一早打左電話訂位~~~餐廳有個“潮”字，顧名思義餐廳當然應該係主打潮州野啦，但睇完餐牌，潮興定位比較似係一家海鮮小炒店，多過似走純潮州菜路綫~~~之前聼過朋友講，潮興既潮州菜水準不俗，於是我地就特登叫左個蠔仔粥試下~~~蠔仔粥 - 蠔仔唔算特別多同大支，不過好彩味精味唔重，整體感覺清清地並食到少少蠔既甜味~~~羊腩煲 - 開頭就甘望個窩以爲羊腩唔係好多，但原來食落發覺都幾多下~~~煮熱左既羊腩連同枝竹等配菜十分入味~~~豉椒炒花甲 - 花甲厚肉而鮮甜，加上用豉椒炒，十分惹味~~當晚另外叫左既西蘭花炒斑球，由於用新鮮龍躉炒，故此比一般外面既班球厚肉同新鮮，其餘既白灼花螺等則屬合格之作~~~埋單人均$250 （其實主要貴係個羊腩煲度），整體而言尚算抵食~~但係食物質素上則大部分既菜式都未能帶給我們驚喜~~~

行過見呢問多人幫襯，諗住一定有穩陣，今晚去這間餐廳叫了一個黃金蝦，得半碟的份量兼且蝦肉不新鮮又細隻並且有點梅，用大量粉漿包住，所以只食到炸粉，我問伙記為何，他說死蝦$108就是這樣，新鮮要收$158，就是這樣的回應，吹賑。另一個是金牌方魚肉碎粥，一粒仔方魚都冇，只有冬菜同芹菜，死鹹味，同在家𥚃吃隔夜飯老湯差不多感覺，豈有此理，簡直可以去海關投訴用商品說明條例，地方又嘈雜，下次一定不會再光顧....

果晚約左表哥表姐傾旅行野咁緊係去D嘈雜地方啤啤佢啦黃金魷魚, 熱辣辣脆卜卜, 食完一舊又一舊韭菜豬紅方面, 因為我唔敢食豬紅的, 所以, 試左一粒, 其實都OK好味, 所以之後我不停咁夾D韭菜食另外都點左蠔餅, 鵝片同埋一碟內臟, 蠔餅超級脆, 但因為太大塊了, 所以有時一夾就夾一大舊炸粉漿 鵝片肉質柔軟, 唔錯

椒鹽賴尿蝦點解有豆瓣醬，我都係第一次食到，問咗兩個夥計，都話唔知喎人手不足，某D夥計唔知食咗藥，定未食藥，叫佢攞刀切蛋糕同攞碟，碟就有攞，但係就係佢呢度無刀，很奇怪，無刀再奇怪係唔知有無食藥個顆計，攞咗我哋張單去埋單再比佢激死就係，全晚無人執枱，無食藥個位走嚟執枱，將成碟川辣汁倒瀉晒，全部落在我兩個朋友條腳同對鞋上面，但係佢依然係無反應，好似呆呆地咁，亦無話攞紙巾比你抹叫佢搵經理或話得事人過嚟，就耍我話行開咗，唔知幾時返

對上一次吃羊腩煲，可能是在太興餐廳🤔，份量非常少，好像一個細鍋上面，只有四至五件羊腩，如果你大費周章，特意去吃，肯定會失望。這次去荃灣三坡坊這間小菜店，之前來這間小菜店，都是中學朋友聚會的時候，小菜款式又多，收費又便宜。這次，看到圖片，這兒有羊腩煲，於是便立志一試。羊腩煲，以鑊子呈上，的確非常大件，煮了5至10分鐘，出煙便吃。羊腩數目非常多，吃極也吃不完，有些比較瘦的，吃起上來可能會比較痴牙；而較肥膩的，也不算非常之肥，皮完全沒有毛，算是處理得不錯。竹笙味道非常好，吸了汁，味道更加濃香。另外就叫了一碟滷水拼盤，這碟很快便端來了，但是亦都熱騰騰，可能因為旁邊廚房煮了很多，立即盛起上來即成。滷水拼盤裏面有墨魚、鵝腸、豬大腸、腎、底下還有豆腐以及芽菜。滷水味非常入味，但是又不覺得太鹹，但礙於我們吃羊腩煲，以及滷水拼盤，還是叫幾個白飯來送飯比較好。

大大話話幫襯佐無數次,有咩聚會食飯做節都係度食😤但一次又一次失望!d 員工態度差到死!! 又唔係多人熱鬧!舉佐手10次都直行直過!如果唔係貪方便樓下真係唔會去食!依家寧願行遠少少去路德圍果邊食!睇你串得幾耐😡😡😡😡😡

越來越差！在這裹已食左6，7年了，喺呢道得一間舖到現在有四間舖，但食物每況愈下，單單最基本的滷水一樣的食物，都可以全沒味道的，很失望😞，希望主持人日後可以認真控制出品質素。

成條巷飄香餓到極，八點幾，只有潮興才有位都有中伏感覺。豬肚雞個雞係半隻好鞋的冰雞188。避風蜆好味,椒鹽魷厚重，其他唔知點評，服務態度尚可。七人五支beer＄15XX下次再去三陂坊會試第二間不會回頭。

同朋友好耐無見，想搵個地方輕鬆下食餐飯，於是去左呢間打冷食，而且貪佢吾會有限時就趕人走位置吾算容易搵，不過原來都好多人食，等左15分鐘位，終於入得！不過環境幾嘈，大家都傾得好大聲先聽到，哈哈叫左個生菜煲，大蝦粉絲煲，凍烏頭同炸蠔餅，菜色既份量都多，味道都幾好，尤其係個生菜煲同大蝦粉絲煲，相當入味，配飯一流，至於個凍烏頭我覺得麻麻，吾算多肉，而個炸蠔餅就對我黎講太油，不過整體黎講都算ok!最重要係我地真係食左成2.3個鐘都無人趕，正！

嚟荃灣搵食真係唔會餓親，淨係三坡坊已經有好幾間餐廳，今次又食潮嘢！黃底紅字嘅招牌，離遠都見到，好似有兩個鋪位好熱鬧！室內室外都有座位，大熱天時，緊係坐入面涼冷氣睇電視。食潮嘢，其實都離唔開果幾樣，事關人少唔叫得幾多，唔同以前返夜校放學，十幾個同學一人叫一樣都十幾樣餸食！好懷念啊！蠔仔肉碎粥味道普通，蠔仔偏瘦同好少。雙蝦通菜煲蝦米同蝦醬爆炒通菜簡直係絕配，野味香口，不過食到最後，d菜浸住係d汁度，好鹹！都係避免唔到㗎嘞！後尾發現呢碟菜係最餐飯價錢最貴嘅，點解菜會貴過肉嘅呢？？真係唔知點解？！韭菜豬紅我細個時食豬紅有一個奇怪嘅食法，因為豬紅個心係特別熱，為左趕時間返學，碗車仔麵入面既豬紅必定比我攪碎晒！哈哈哈！呢個豬紅味道一般唔特別，份量都算適中，但兩個人食一碗，太密集啦！如果佢有分大同細嘅話就好，我可以叫細份量再點其他餸。炸BB乳鴿平時係屋企樓下茶樓食嘅炸"BB"乳鴿，成日都比人搵笨，食嘅通常都係普通乳鴿。但呢度呢隻堅係"BB"乳鴿，新鮮熱辣，即叫即炸！外皮香脆，裡面肉嫩。好味！

今日去開荃灣打波，就去附近食埋飯。見到「潮興」門口人山人海就梗係要試下啦。第一道菜係蒜香骨，一淡擺入口， 第一個感覺好Juicy， 肉有D口感， 但唔又會太硬。蒜味唔會太鹹。亦唔會太乾食完好口渴。第二道菜係辣子雞軟骨， 雖然係港式大排檔， 但係做起川菜都有板有眼。 用上指天椒乾， 大蔥，大蒜，花椒等川菜材料大火炒成 ， 雞軟骨同平時D雞丁比較口感更可口。第三道菜係蝦仁炒蛋， 有時候越簡單嘅餸菜就越難做出水準。廚師工價十足，蝦仁炒蛋唔會太濕，雞蛋依然好滑，但又唔會太油膩。

好耐都未去過荃灣，所以就約左幾個朋友出左去食晚餐，最後我地簡左食打冷，間鋪好大好多人，但就唔洗等位，同埋黎餸都幾慢下，可能一次過煮，再分幾碟咁上介紹下d野食先豉椒炒大蜆，好鮮，好大隻蠔餅，好大份，蠔仔就好少炸大腸，冇以前咁好食，好快凍滷水拼盤，冇得輸總括黎講，比以前差左少少

同家人一齊黎開餐叫了四個餸鹵水雜拼+鵝片有鵝肉，墨魚片，紅腸，豆腐，豬耳，豬大腸，每件都厚薄適中，口感，醬汁都是一流的。連平時好少食的豬頭肉都很細緻，很乾淨冇毛，而且爽口韮菜豬紅韮菜新鮮，辣椒油同豬紅好夾雙蝦通菜味道太咸，蝦米碎和配料（薑絲，蒜頭，辣椒）很有誠意，如果落少d蝦醬會更出色這個是必點菜式避風塘茄子非常惹味香口，配啤酒可以食兩碟家人都非常滿意同滿足

尋晚無去食明記，走左黎好耐無食過既潮興，果然keep到以前一樣水準 - 唔係好食！我同女友兩人食左四樣野：魯水墨魚併鴨腎、方魚肉碎粥、豉椒炒蜆、油鹽水浸勝瓜魯水野算ok，鴨腎亦唔會太硬，但粥同勝瓜呢啲有水既餸，味精好重好咸，個粥係多方魚，重幾大舊，但竟然舊舊都有骨，食到刺到我女友個咁損左！而炒蜆好明顯係浸熟左後兜兩兜加個汁，所以無乜味。最後加多支大啤，埋單$318，重貴過明記......