潮興海鮮酒家

Open Now

Now Closed

荃灣打冷食小菜每次都會嚟呢一間舖頭 對上嗰一次嚟食 我諗都應該有兩年前🫢今日朋友講開 所以大家再嚟呢一間舖頭食飯🍚🍲🥘我哋得兩個人所以淨係嗌咗三個小菜 分別嗌左鴛鴦柳馬拉盞炒🥬通菜,蒜蓉粉絲蒸鮮魷🦑,豉汁蒸䱽魚🐠鴛鴦柳馬拉盞炒通菜🥬系雞柳同牛柳組合成,雞柳冇乜味,牛柳好難咬好un😖味道都偏咸蒜蓉粉絲蒸鮮魷🦑呢一味餸最重要就係個汁,味道好鹹,鮮魷太大舊 都超級un,感覺食多幾嚿都消化唔到🤢豉汁蒸䱽魚🐠呢個就不過不失 份量都大另外我哋嗌咗兩個白飯,啲飯都太硬,我同朋友每人食咗半碗都冇就食唔落😖吾會再有下一次🙄

假期一家三口黎左呢個三坡坊既大排檔，呢度全條街都full晒咁滯，咁岩呢間有位比我地，咁我地就唔諗咁多啦，點知中伏！！！我地叫左個鹵水鵝，味道係幾好既，不過豆腐就好硬，好似豆乾咁，我就比較中意食滑豆腐多d啦，出面好多鹵水店都做到。蠔餅：大伏！！！我都唔expect佢會好好心機咁煎比我，都知係炸，但多粉到咁都係第一次見，入面數埋都唔知有冇10隻蠔仔，全部係豆豉咁細粒既蠔！我地食左一半都冇食，係比d粉漿suck飽左，超級大伏！！！我地仲叫左個酥炸魷魚(唔記得影)，又一大伏！凍既！！！炸野最基本就係要熱，咁都做唔到？D 魷魚唔知係因為凍左而硬晒定因為佢炸得差，硬到咁我都係第一次食，唉。仲有個呀姐，我地叫啤酒，飲完第一支再叫第二支，飲完第二支再叫第三支，有咩問題？佢話我地點解一早叫定，咁多人要招呼。。。第一叫定會熱晒，第二想再飲先叫，我點會預知自己想飲幾多支？野食唔好食仲要受氣，呢間BLACKLIST得。

今日同屋企人諗住去打冷食飯 但就覺得一般般🤣首先食咗個沙拉骨！味道唔錯 但外貌就有d hea😢😢數量又唔多 同埋冇乜肉食：（黃金鮮魷係唔錯 份量都多～但係太salty 同埋唔夠乾同脆

好耐無同呢位朋友食飯, 又知佢鍾意啤啤佢, 大排擋就至岩!我地6點未夠就黎到, 所以仲有好多位置選擇避風塘炒蜆 - 第一次食呢個做法, 超惹味香口, 非常夠辣豉汁蒸鱔 - 有點細碟, 味道唔算太濃, 若果重味少少會更好鵝片 - 大大碟又厚切, 啖啖肉最過引, 抵食蒜蓉蝦 - 雖然同樣較細碟, 但好入味, 唔係只在蝦殼表面雖然餐廳有點嘈, 但最後果然全場爆滿, 真心好味! 慢慢坐吹下水輕鬆下, 又唔會好似其他餐廳要限時

好耐無打冷了，今日三五知己食飯飲啤酒吹水，人生一大樂事。7點鐘去到，已經坐咗9成半，好誇張，連住三至四間舖，我諗超過100張枱。價錢都唔算係平，我哋叫在咗5個餸。辣酒煮花螺，但落單落咗清蒸花螺$158，呢個鮮甜好食。炸大腸$98，炸得乾身無脂肪，好食👍豆豉鯪魚油麥菜$78，好辛苦先揾到一兩舊好細的豆豉鯪魚，味道正常。鵝片$128，味道可以，但得幾塊，下面墊晒豆腐。咕嚕蝦球$98-蝦肉大舊，有啲彈牙，好食。總結：仲有叫咗4支啤酒，4個人叫5個餸，埋單$700，小炒來講唔算平，但整體都是好味的。

難得約幾個朋友食嘢，荃灣又就腳，所以求其揀左呢間。。叫個姐姐點下菜，內容精彩！👦🏻要過鹵水雜拼鵝👩🏻鵝定鵝片呀！👦🏻鵝Y唔該！👦🏻黃金蝦 👩🏻蝦定蝦球呀！講清楚呀！寫錯唔負責ga！我心諗X丫！咁串ge。。算，開開心心食飯，由佢之後叫兩支大啤。。👩🏻3支啦，一陣唔得閒招呼你！（問題係4個人得我一個飲）食物好味與否已經冇感覺，總之谷氣！我呢世唔會再幫襯！PS 呢張相已經係食完既時候影！垃圾！

小炒王之所以一定要配啤酒， 因為佢真係夠惹味，不過今日我地冇人叫啤酒，就咁送白飯，即刻覺得佢好喊，而且蝦乾好硬，硬到咬唔開， 隊啤個陣dap佢又唔覺佢咁硬大過我個頭既蠔餅，除左視覺上一流之外，都唔係冇實力既，當然係用左大量既粉先可以發到咁大，不過蠔仔既數目都唔小，啖啖都食到蠔仔，而且食到尾聲都仲未漏氣，勁（由於size都有咁上下大，建議有三五知己一齊先好叫， 食唔哂打包反去一定唔好食傢，其實五個餸都好有份量，值回票價）

其實我們是漫無目的去揾食，殊不知穿過小巷後，竟然别有洞天😅😆，一片喧鬧聲, 每張枱坐得滿滿，甚至乎放到出面了! 這就是我們港人所喜愛的: 吃氣氛、吃環境了🎉🥳兩小伴碟，甚得我歡心: 酸蘿蔔和鹹花生椒鹽九肚魚 - 較早前在很多大排擋吃不到，說是來貨漲價沒入貨｡｡。難得這裡有，一定要叫 😋😛肉質新鮮，可惜未夠肥美🐟炸粉中規中距，火喉剛好!炸大腸 肥美，炸得外皮脆口 👍😍內裡脂肪軟綿，我超愛，一口啤酒🍺，一口內臟，可不能經常吃，quota 有限呢😂鹵水鵝片潮州酒家要必試吧 💁不過不失，鵝肉香，吃落也有層次感啲!

上次星期三同朋友去食呢一間餐廳 ， 我特別印象深刻嘅係呢個水煮魚片 。水煮魚片嘅麻辣味令人回味再三， 我特別建議食家要加粉絲底， 先至可以再將啲香味吸收到盡， 同埋最好三五知己嗌幾支啤酒， 邊食水煮魚一邊飲啤酒， 夫復何求！！！！！

女人化妝Set頭是慣性，慣到我連等她，也漸漸成為我自己的一個習慣，我等得不耐煩，忍不住問她現在到哪裡了，她說"就得啦，到眼眉了"。我:"......"終於出到黎，怒髮衝冠(因)為紅顏的我又爆佢："邊個得閒望你姐，你咪以為自己係世界既中心先得架?"瞬間見到她的臉灰過大灰熊，一早登記轉數快的我，即刻來個腦袋急轉彎："不過最重要既係，你係我世界既中心呀嘛"。她的臉才像新年的霓虹燈一樣，由灰轉白，再轉紅，所以，我一向都話，駛乜特登出街睇燈飾姐，你又試下激嬲女人，然後氹返佢，保證好看過幻彩詠香江。我拎左手袋，行得啦，今晚女人想去哪兒?潮興海鮮飯店，打冷是也。鹵水拼盤$128：潮汕之地誕生的傳統名菜，經典是因為其鹵味純厚的黃金比例，鹵水拼盤每樣佔幾件，以一個最低的價錢吃盡鹵味，共8-9種，紅腸、大腸、鵝、墨魚、鴨腎、豬耳、鹵水豆腐、芽菜，頗有金玉滿堂之感，可惜鹵水拼盤的樣子就..."圖片只供參考"，不過咬下去，尚算鬆軟而不爛，富有彈性，吸收了鹵水的濃香，吃不完也好，打包回家，時不時用手偷吃幾件，讓隨後的幾日也能品嚐鹵味的餘味，盡可能將美味的效果最大化。二至四位用餐 $3681. 豉汁蒸倉魚：魚肉鮮

四位閨蜜在新一年又聚會了，又是吃我最愛的大排檔小菜，總共叫了六款菜式，實在太豐富了，個個吃到捧着肚子走，哈，蠔仔粥超多料，烏頭魚勁多黃油，好有油香和鹹香味，魚肉嫩滑，再點普寧豆醬，實在太配合了，滑蛋蝦仁炒的火候剛剛好，一點老的感覺都沒有，黃金鮮色勁多鹹蛋黃，炸粉又不多，魷魚勁新鮮，確實一絕，另外豉椒炒聖子，聖子肉又肥又厚又飽滿又彈牙，最後來一碟青菜（蒜蓉炒白菜仔），為這一餐做個完美的句號，正！掂！

夜晚同女友來到食飯，人數爆滿，我地坐坐係廁所位出口，人多所以都好逼。之後落單，到食野都無咩問題，食物味道幾好，分量都都足，總體評分唔錯，但係最後埋單時，我計左下單上面寫既價錢（只有寫3款菜既價錢，一瓶汽水和後加的一碗飯無寫，只在單下面寫左“正”字前2筆）係324蚊，埋單時佢計好話366蚊，開頭無留意俾左之後就走左，翻到屋企之後諗翻條數好似唔啱咁，雖然無影張單無相你唔信，但係都要提醒大家自己計翻數線埋單，保障一下自己PS:店員話支汽水係10蚊既，即係366-324-10＝32，如果碗飯係12蚊既就即係收多我20蚊！！

好耐無去食，以前去食覺得好好味嘅，但今晚去有點失望，啲食物樣樣都好咸，個小炒皇咸到唔想食，人流都無以前咁多了，蠔仔粥都好奇怪，食落完全唔好食，下次可以不用再來了。

今晚喺荃灣唔知食乜好，行下行下見到一條街入邊好多大排檔，見到呢間潮興海鮮酒家好多人，諗都唔諗就入去食。兩人點咗一個滷水拼盤，豉椒炒花甲，馬拉盞炒西蘭花同埋蠔仔粥。坦白講，幾個菜味道偏鹹少少，但蠔仔粥多蠔仔味鮮甜，無點錯，埋單人均二百多，ok啦！

荃灣食大排檔。第一時間梗係諗起三坡坊啦！嗰度成條街都係充滿香港地道風味嘅大排檔。但係我最鍾意就係去呢一間。全部嘢食都好好味。最鍾意就係食通菜煲。歡迎其他地方嘅人經過荃灣一定要嚟食！