潮螺螺真香螺蛳粉

Open Now

Now Closed

第一次食傳聞臭名遠播既螺獅粉，之前唔食係怕陣味，入店未睇餐牌，聞到味已經想流口水，唔怪之得咁多人都話好野啦，我怕辣同怕更大味所以試食招牌乾撈，成惠50蚊。試食螺獅粉經驗，聞係微臭，食唔臭，好多花生同配菜，同螺師粉既螺肉，係有D似潮州蜆仔D 蜆肉，細細粒有口感又彈牙，上酸筍、花生、油炸腐竹等材都好味，具有酸、辣、鮮、爽、燙的風味。 另一特色，是酸筍經過了特別的醃製發酵後所產生的味道，這一種遠遠都聞到的「香味」或者「臭味」，令人又愛又恨。店家為大家準備一片香口膠，其實一片係唔夠，應該要一盒再加除味噴霧，因為食後成晚個身都有味，唔單止口有😜

螺絲粉興咗幾年，試咗幾次，包括響桂林都食過一次，一直都唔明白點解啲人話好食，又食唔出啲乜嘢螺絲味，直至到有一天遇到呢一間，即管入去試吓，發現原來可以係咁好食嘅，各種配料都好配合，而且食得出好新鮮，最難得嘅就係真係可以食到螺絲味，因為裏便真係有幾十粒螺絲BB。到而家應該食咗四次，不過最近呢兩次，啲花生好似冇之前咁新鮮，希望舖頭留意吓。因為我鍾意食啲螺絲，所以呢兩次都特別嗌多一碟炒螺絲，自己加料落去碗麵度，大滿足。食完呢兩樣嘢，飲多杯凍檸茶，已經飽飽，所以暫時都未試舖頭其他小食。希望搵一次同朋友一齊嚟食，大家可以share多一兩樣小食。

今次係第二次嚟食，上一次叫咗小辣，辣到飛起，所以今次就安全啲要咗bb辣，反而又覺得可以辣少少講返味道，始終冇去過柳州食真正嘅螺絲粉，唔知所謂嘅地道應該係點，但係就覺得呢度嘅口味都幾適合我首先湯底入面有好多螺肉，另外酸筍同埋酸豆角都畀足料，我哋加咗炸蛋，呢個令我好有驚喜，因為佢係發爛咗嘅蛋擺落去炸，非常之蓬鬆，吸咗啲湯汁，我個人覺得好好味粉方面其實有少少似米線，不過我覺得可以煮淋少少本身覺得佢個碗好淺，但係唔知點解食極都食唔曬啲粉，最後我同朋友都食淨咗，但係已經好飽如果想試下螺絲粉嘅朋友，可以畀個機會呢間小店

叫左個招牌螺絲粉，份量極少，應該仲少過買包返去自己煮。加左個咸蛋黃牛丸，圖係3粒，但黎到得兩粒，咁就18蚊，完全好似食左空氣咁。味道還好啦，但又冇特別到想再食，可以唔駛再食！

螺螄粉這個廣西柳州地道麵食很久之前吃過一次，當時那間店做得不太好，印象一般。今日路過這間的小店，決定入去試試。一進去，已經有一種螺螄粉獨有的「香」味撲鼻而來。店子不太大，裝修簡潔開揚，坐位之間有合理的空間，以小店說算坐得舒服。以Ａlipay或WeChat Apps 落單，但操作上有點難，最後還是請老闆／職員手寫落單。點了一碗臭豆腐酸菜肥腸螺絲粉，加一隻炸蛋，少辣，其實本人可以吃辣，但未知這店的辣度，所以先試小辣。螺螄粉奉上的時候，上面的配料挺豐富，差不多鋪滿碗面，除了主菜和酸菜之外，還有酸荀、腐皮、酸豆角、青菜等。先喝一口湯，小辣對於我來說實在不太夠辣，但卻能嘗到湯的真正味道，鮮味不涸喉。後來請老闆幫我加辣一點，就更合我心意。炸的嗅豆腐和滷的肥腸都做得不錯。米線分量不算多，可能跟某間米線連鎖店的「小米」份量相若，女士應該夠飽，男士可能因人而異，而我是足夠的。整體來說，讓我從新認識這地道麵食，味道稍濃但好吃，應該會再來試另一口味。此外，湯底似乎真的如廣告上說「不添加」，整碗湯給我差不喝掉大半碗，也沒有味精的那種口乾感覺。

我唔抗拒其他國家既文化 但凍檸茶真係唔少得～ 欣賞佢有凍檸茶同凍奶茶咖啡～ 雖然好普通 但好緊要 對於我呢間環境都唔錯 都算坐得幾舒服我今次係食lunch 叫左份鴨血牛肉藤椒風味以份量 男生應該唔夠 但女仔都算夠飽bb辣都真係微辣 係幾啱我有比紙巾同塊香口膠 真係算係甘加油 用心做吧！

路過見到，無係香港試過螺螄粉，睇價錢都可以接受，就入去試下。一入門就充滿酸筍嘅「臭」味🤣第一眼睇以為漏左俾米粉，肥牛得4-5塊，鴨血，其他配菜都好少。另外湯底可能係自家煮，所以比較淡。有一匙羹螺肉，同樣配菜好少，口味偏淡。成碗米粉得咁少，女仔食都要食兩碗（同譚仔$29下午茶份量差唔多）口感偏幼同埋硬身。份量少得可憐，不過味道都說OK香辣口味唯一比較有驚喜係臭豆腐，係香港人可以接受嘅白色。豆腐吸滿湯汁，好好食。不過食辣廢柴就覺得太辣，食一嚿要抖返3分鐘。個嘴都會腫。可能係尖沙咀地舖太貴，因此份量咁少，但口味又比較普通，相比之下自己買包$18嘅螺螄粉返屋企煮仲滿足。如果繼續只靠路人貪新鮮，無回頭客幫襯，餐廳都好難繼續營運⋯

嗌咗好多次外賣，都唔錯，冇漏過嘢，不過啲粉的確係少咗啲，次次都會另外加，同埋個辣度真係偏辣（對於香港人嚟講），我自問自己係食得辣嗰啲人嚟嘅，譚仔可以食到中辣，但係呢個中辣真係好辣，小辣都仲係有啲辣，不過我接受到，但我屋企人個個都覺得好辣，佢哋平時打邊爐會食麻辣湯底，但係呢間螺螄粉佢哋剩係食到微辣，你哋可以參考下。但係番茄螺螄粉又冇咁辣，我食中辣完全冇feel，下次可能會試下番茄大辣，但係招牌同乾撈千祈唔好一嚟就中辣大辣，我建議由小辣食起，如果辣就轉微辣，如果唔辣就自己慢慢加上去，我就冇勇氣再食一次招牌中辣，辣到流鼻水……以前住係尖沙咀想食螺螄粉只能夠買一袋袋嗰啲自己煮，而家終於有間近近哋嘅螺螄粉店，想食就直接嗌外賣，好方便，一個星期食三次😂已經成為我尖沙咀外賣top3😂

之前都係食開即食，覺得幾好味行過見新開即刻入去試下bb辣對我嚟講都好辣加咗個雞腳，味道普通湯味道無即食既咁濃筍都唔算好臭整體都覺得幾好味但係米粉份量真係好小，女士都食唔飽

老細好niceeeee 好夠辣 唔食得辣記住唔好嗌咁辣 好鍾意咁大個匙羹 仲有個椰子冰超正 ！解辣一流🤍🤍🤍😙店舖新，出產都快，啲面係比較彈缺點就係啲面有啲少 價錢普通冇話特別平，冇話特別貴

一直對螺絲粉這東西都好好奇以前買過包裝的回家煮除了覺得勁大碗外還是一點都不臭應該說是香香的後來得知旺角開了家螺絲粉店也一直沒機會光顧今日隨便進家店吃飯結果就遇上螺絲粉他們的螺絲骨湯熬足六個鐘頭不過味道又沒有很濃🤔在下點了蕃茄螺絲粉的大辣$46也理所當然一點都不辣微微的酸味還有香醇的筍不過在下最不喜歡的是在麵裡面的小螺..別問我為什麼就是不太喜歡份量很細 雖然最近很沒胃口但還是擔心這東西填不飽肚或者需要再加點小食吧整體而言食物 普普通通服務 正常茶記模式環境 有點局 但乾淨整齊會錢 合理不過在下大概沒興趣再回來

以前食過好多即食碗裝同要煮嘅包裝，價錢十幾至廿幾都有，諗住有新鮮嘅去試吓，失望到不得了叫咗「走辣」湯底，點知黎到好辣，臭豆腐辣，鴨血都辣。大大個碗，得個底少少米線，充分表現咩叫「圖片只供參考」，同餐牌上嘅相完全對唔上。所有餸都係得少少，一碗話有牛肉但得兩三塊，但張相有一堆；另一碗話有酸菜，但我爭啲搵唔到酸菜喺邊🙄話湯底用幾多時間煮，但…冇鮮味，唔知煮咗乜？！平時食譚仔會好想飲下啲湯，但佢個湯冇味到唔想飲。更離譜係，個米線係煮定放喺碗好耐，上檯已經結埋一舊，用筷子都爭啲叉唔開。你煮定唔緊要，有人叫，你放返入個煲滾返開佢都好掛？！總括黎講，叫走辣但辣過譚仔5小辣，一個辣到個嘴腫咗，一個辣到灌咗成支水；份量少到喊，女仔食都未必夠，男仔食一定唔夠，你冇咁多俾人，用咁大個碗其實有咩意義？唯一可以讚係新舖，所有嘢都仲乾淨同新，冇喇😐BTW我一星期前lunch行過，想試，點知店員話未開，叫我遲啲再返黎，即閒日1點幾2點，個個放lunch都唔開，係咩玩法？

尖沙咀打工族嘅午飯時間呢個天氣熱，又焗。本身諗住去雲南度食碗粉。又多人仲要搭枱走咗出嚟之後就見到呢間又新又潮嘅螺螺粉。環境舒服，仲有一邊單人枱。啱晒好似我咁一個食飯嘅毒L#起碼唔使搭成件事升華咗。落單，QR code要用WeChat先開到嘅。第一次食一間舖頭，梗係食佢招牌餸。就叫咗個招牌螺螺粉。個程式好盞鬼嘅，套餐係貴過分開嗌。所以要嗌飲品嘅記得一碗麵，然後額外再喺飲品嗰度落單。辣度方面，會自動預設為BB辣。螺絲粉，超級彈牙份量呢就好似譚仔小米咁。對我嚟講，啱啱好本身諗住呢一個招牌係冇餸嘅。所以額外加咗$12叫個炒螺，就係途中左上角嗰兜。係啲細細隻嘅螺仔，幾特別。唔使特別加㗎，原來招牌裏面已經有呢味餸。最欣賞呢間鋪，個匙羹又夠大，完全明白湯愛好者又想食麵又想飲湯個精神！最體貼係會附送綠箭香口膠。總體而言對呢間印象非常好環境乾淨，冷氣夠大。已經預計到會成為將來午餐嘅其中一個飯堂。

作為螺絲粉超級粉絲 呢間真係掂 我係香港都試過其他間螺絲粉 呢間可以係我no.1，除左炸彈不夠脆 其他完美 最緊要裡面有螺絲肉，其他間比較少有，我會繼續光顧 希望可以係港島開間分店

在尖沙咀見到一間新開張的螺螄粉店，光猛整潔。開張第一天光顧。未食前只常聽螺螄粉的氣味很臭，入到店是有一點點特別氣味但不是臭吧。叫了一碗海鮮螺螄粉微微辣。湯夠熱，粉夠滑，味道足，沒有坊間所講的臭味😊。老闆說酸荀是用山水製作，所以沒有坊間臭味。份量足夠，對於我來說已很飽肚。叫了一個酸梅湯。用膠袋盛載再放入一個小鋁桶內，有特色。可能第一天開業，冰凍程度稍為不足，和甜了少許。老闆問了意見，應會改進吧 （不過人人口味不同。）絕對會光顧。