熊本牛鍋 (永勝商業中心)

Open Now

Now Closed

睇評價個個都讚 點知去到食落真係好普通 四個人嗌左個和牛套餐 雞煲食份量偏少 隻雞又老 真係好失望 唯一既優點只係因為可以座三個鐘 如果真係咁需要座咁耐既你可以揀距 不過真係周街都好食過距 又唔係平 四個人埋單過2000 大家自己捻啦

21/10/2022今晚一行5人去尖沙咀（佐敦）嘅熊本牛煱打邊爐慶祝朋友生日。Book咗7pm , 話可以食到11點。首先食咗‘和風海鮮雞煲’，佢同坊間嘅雞煲有啲唔同，佢冇話大小中辣嘅，佢呢個係完全唔辣嘅（亦都冇免費encore)，雖然冇辣味，不過都有啲芡汁，幾好味。我地5個人佢分咗兩煲俾我哋，每人都有一隻鮑魚，跟住就有雞、有蜆（初時淨係其中一煲有，另一煲冇，我哋同職員反映，都即刻俾返一兜仔蜆我哋👍🏻），有大量豆卜，有少少番薯同紫薯。但係有少少唔均勻，有一煲就好多雞件，另一煲就好多雞翼尖。不過唔緊要啦，反正都會打邊爐。打邊爐可以選擇直接用返雞煲加湯（ 免費）或者轉另一煲湯（加錢），我哋選擇一煲用返雞煲加湯一煲就轉做豬骨湯。肉類會有牛小排同牛肩胛，兩樣嘅第一round都好’靚仔‘,之後嘅就每況愈下，不過都預咗㗎啦，任食通常都係咁。亦都有喺出邊攞丸呀蔬菜啊炸皮啊生根啊麵啊等等。咁又唔會食唔飽你嘅。任飲嘅飲品都係大路嘢啦，汽水呀烏龍茶荔枝茶嗰啲，不過都有幾款啤酒（泰國同日本）可以選擇。雖然話食到11點，其實佢10:00就會last order , 不過其實都已經好飽㗎啦，志在坐低吹吓水唔使咁

天氣凍冰冰，2隻餓鬼表示一隻牛都吃得下，於是去了這間評語不錯的雞煲火鍋放題，最便宜的套餐也可以任飲任食180MINS，一定捧著肚子滿足而歸！皇牌和牛套餐 $268一貫隊形，先雞煲、後邊爐！店員先送上海鮮雞煲，2人份量剛剛好。除了有啖啖肉雞件外，海鮮也不失禮，鮑魚、中蝦和大蜆都很新鮮，配以濃郁的蒜味醬汁，甜味、辣勁都足夠，惹味非常。如果想Encore，可以+$98追加半份雞煲，不然就可以直接加入清湯開始打邊爐。本身對火鍋放題的配料沒有太高的要求，但求不漏單、Refill快又種類多。這裡的牛小排和牛肩胛都在質素之上，不但雪花脂肪紋理吸睛，牛味濃郁，每次清光都有店員瞬間清碟，同時詢問是否需要Encore，親切有禮，是日戰鬥力中上，Encore幾輪，質素依然保持，無限任點一飽肉望！除了牛肉質素不錯外，其他一般配料都應有盡有，特別推介超甜粟米和脆爆魚皮，豚肉也嫩滑豬味濃。最驚喜是有無骨黑魚片，即酸菜魚常用滑溜溜的那種魚片，可以無限任食超級爽！店內除了一般Soft Drink和啤酒，也有自家製夏枯草和冰糖紅棗燉雪耳，少甜又養生。

皇牌和牛套餐(268hkd)本身已經有個和風海鮮雞煲，居然有2隻鮑魚😍仲要唔韌，仲有花甲同埋蝦，有成半隻雞，唔多骨雞煲加湯可以打邊爐，湯比較清淡，可以任食牛小排和牛肩胛，兩款肉嘅油花都幾均勻，食落軟淋，唔會太多根膜，個人比較喜歡牛小排，比較有牛味同有咬口🥰以呢個價格嘅任食放題，仲要喺尖沙咀，cp值幾高😍仲有火鍋料啤酒飲品任拎😍有爆漿芝心丸同蟹柳可以瘋狂encore🥰#foodiblum日式

熊本牛鍋 尖沙嘴3小時火鍋吃到飽年底聚會多，朋友揀咗可以慢慢食3小時❗️熊本牛鍋，最正係唔駛趕時間一路傾計一路食地點位於尖沙咀山林道夠哂方便，7點左右到已經接近full哂，人多記得提早預約！ 我揀咗最平$268的頂級牛小排/牛肩胛，首先會吃和風海鮮雞煲，甜甜辣辣好易入口入口，唔駛擔心會太辣用料都幾豐富，海鮮有鮑魚、蜆、大蝦，用上惹味雞煲汁打邊爐，又有另一番風味，每款牛都點了幾碟，肉質都唔錯，色澤呈嫩紅唔會太肥，都係即點即切，個人偏愛軟嫩的牛小排，而且厚度唔會太薄，口感較佳，直接同店員落單都幾快手（太懶掃code)自助區食物款式多🥩火鍋配料有大量不同丸類、蔬菜類，驚喜發現羽衣甘籃夠健康，重回必試「脆鯛魚片」、「鯛魚下巴」，入口爽脆彈牙幾滑溜好食，「手工水餃」及「鮮蝦雲吞」🥟都相當高質，平時任食火鍋少見飲品方面除了 有罐裝汽水，日本啤酒都無任飲，最愛當然係無糖茶類飲品—————————————————熊本牛鍋 (永勝商業中心) (尖沙咀)尖沙咀山林道21號永勝商業中心2樓A號舖—————————————————

✅熊本牛鍋今次又帶大家去打邊爐🤙🏻😜單點火鍋同放題火鍋 始終都係鐘意食放題多啲🤣可以仼食仼飲！而呢到亦都有3個唔同價位既套餐仲要食足3小時添！ 認真抵食啊🧡🔆皇牌套餐 $258一開始會上左海鮮雞煲先雖然係只係得一次 冇得refill 但雞件同配料都好多啊！啲雞件都係以雞髀位為主 所以都好滑身！另外仲有唔少海鮮！ 有鮑魚 蜆同蝦啊😍其餘既豆卜 洋蔥就索哂啲汁 好正😍個味道就係微微辣又好惹味 所以唔使擔心會辣得濟！食完雞煲就會加返湯打邊爐🍲呢個套餐可以仼食牛小排同牛肩胛兩款都夾左啲肥肉 食落都好香牛味👍🏻😋除左牛 仲有豚肉同雞肉仼食！豚肉片好薄身 勁快就熟！ 唔會好似平時食既豬咁鞋身除左肉類 仲可以係出面既自助吧拎配料有各種既丸類 黑魚片 菇類 菜類 仲有薯角 炸蝦丸食🤣 飲品都有多款汽水 涼茶 仲有啤酒㗎！食飽仲有甜品😝有雪糕同泡芙💕呢到既性價比好高啊👍🏻 抵食之選！味道: 7.8/10賣相: 7/10地址: 尖沙咀山林道21號永勝商業中心2樓A號舖

終於到天氣凍啦😆又係時候打邊爐！就咁打邊爐有點滿足到我咁為食嘅人呢🤪今次同朋友一於試下雞煲兼火鍋！位於山林道嘅熊本牛鍋地點都幾方便🍲到去見到座無虛席，未食就已經覺得一定好正！店員首先上一個二人份量嘅雞煲，呢個雞煲非常豐富，除咗有好嫩滑嘅雞件之外🐥仲有好多蝦！最正嘅係有兩隻已經炆到好腍嘅鮑魚仔！配菜有芫荽、乾蔥頭、洋蔥等等！成個雞煲甜甜地輕微辣，好惹味🥰食到咁上下，店員會幫我地加湯就開始打邊爐🍲呢度有得無限任食牛肩胛肉、牛小排、豚肉片😇牛肩胛相對地牛味濃、牛小排偏滑身！牛魔王任君選擇🤩豚肉片都幾厚切架，質素都唔錯🐷另外出邊仲有好多火鍋配料可以任拎，有各種各樣嘅丸類、炸魚皮、竹笙、腐皮等等😜就連水餃都有好幾款，有芫荽控最愛嘅芫荽水餃入邊有好多粒好甜粟米嘅粟米水餃，仲有原隻蝦仁嘅鳳城水餃🥟打邊爐唔少得蔬菜啦，呢度嘅蔬菜品種都幾多，就連秋葵同羽衣甘藍都有得拎✨食飽飽之後店員不忘提我地出去拎雪糕🍦呢度嘅雪糕係dreyer's！呢日口味有曲奇、士多啤梨同芒果，全部都係任食架！飲品方面超級欣賞佢地自家製嘅冰糖紅棗燉雪耳同夏枯草！食完成個火鍋都唔覺得好熱氣😚熊本牛鍋 (永勝商業中心) (尖沙咀)尖沙咀

一場嚟到見到有個優惠就係食牛，價錢仲做緊推廣388。其他牛都非常之好食，但今次主打係食入口即溶的和牛，食幾碟都回本。其他配菜都不錯餐廳職員服務10分好，上菜超級快。係雞煲味道比較一般，唔夠spicy. 但嚟到最主要都係想食和牛。必定再食.

尖沙咀🚇山林道呢間🐓雞煲火鍋店，雖然地點比較難搵，不過佢勝在幾💰抵食，尤其係個🏯和風🦐海鮮雞煲🍲用料十足，入邊仲有😍鮑魚添！上到去全層🤩地方好大，而且有包廂👍，自助區有各式火鍋🍲配料，又有小食又有糖水🥣，十分之豐富🥰！飲品🧃款式都唔少，亦有啤酒🍺任飲，不過最正係有佢哋自家製💪嘅夏枯草同埋冰糖紅棗燉雪耳👍。🏯和風🦐海鮮雞煲🍲，一上枱就☺️香噴噴，用料十足。除咗🐓雞件之外仲有🦐蝦、蜆同埋😍鮑魚，正呀！🐓雞件嫩滑入味，配埋蒜頭🧄同埋洋蔥🧅，十分滋味。雞煲🍲皇牌套餐🤩可以食足三個鐘🕒只係$258💰一位，牛肉🐂主打頂級牛小排同埋牛肩胛🥰，肉質鮮嫩有牛味👍。另外仲有🐖豚肉同🐓雞肉任食，質素亦都唔錯🤤。火鍋🍲配料款式亦都😍十分之多完化，我尤其❤️鍾意墨魚🦑滑同埋蛋餃🥟。雪糕🍨有 cookies 🍪 and cream，士多啤梨🍓同埋芒果🥭三種口味😍，而且仲有泡芙添。

凍冰冰❄️唔係唔打邊爐呀麻~今次去尖沙咀山林道既熊本，試左皇牌套餐！一開始有和風海鮮雞煲，入面勁足料，有鮑魚、硯肉、蝦等等，汁料偏甜超級惹味😋😋鮑魚好爽口，好驚喜🤩食完雞煲就可以開始打邊爐，呢個套餐有三款肉可以任食，包括豚肉、牛小排、牛肩胛。我自己最鍾意食牛肩胛，充滿雪花，油脂分佈均勻，牛味好重🐮自助區仲有脆肉鯇魚片，好少任食會有咁高質既魚，係我最愛😍當然，打邊爐基本要有嘅蔬菜 、丸 、炸魚皮等都有，選擇好豐富。最後梗係唔少得食埋雪糕，仲有自家製飲品添～

踏入冬天成日都要圍爐取暖🔥同朋友聚會又要抵食嘅話，火鍋放題就啱哂👍🏻今次就發掘到係尖沙咀同元朗都有分店嘅熊本牛鍋，皇牌套餐$258可以任食3小時，有齊海鮮雞煲、火鍋、啤酒飲品、甜品，另外仲有$158同$298套餐，好抵食😍😍🥘雞煲皇牌套餐和風海鮮雞煲一入座先嚟個雞煲，有鮑魚、蝦、蜆、鮑魚大大隻又彈牙😻意想不到地有紫薯😂都幾甜幾粉。整體雖然唔辣不過鹹鹹香香幾惹味😗😗啲豆卜索哂汁💦💦頂級牛小排、牛肩胛、豚肉片食完雞煲已經飽飽地，先開始任食火鍋🤣🤣先嚟三款肉，食咗濃味嘅雞煲，食返豬骨湯配靚牛肉已經幾好，牛小排油香重、牛肩胛肉味濃啲、豚肉片腍滑😋😋任食火鍋配料大路嘅丸、餃、菜等選擇幾豐富，仲有唔少海鮮，當中嘅韭菜餃好飽滿足料、墨魚滑🦑都幾值得食，彈牙有墨魚鮮味😛😛啤酒飲品人均消費：$280推介指數（10分為滿分）：7.5分熊本牛鍋尖沙咀山林道21號永勝商業中心2樓A號舖

今個星期天氣寒冷，所以今晚約咗朋友打邊爐，朋友選了位於尖沙咀山林道的熊本牛鍋。到達是有點不相信這個位置會有餐廳的，還擔心自己走錯路。到達樓層，把門推開，便有陣陣邊爐及雞煲味了。店員很好，安頓我們的座位後，便把雞煲拿出來，並溫馨提示我們需要以慢火加熱避免黐底。我們選了$258的皇牌套餐，可以吃雞煲及任食邊爐。雞煲的材料比較特別，除了一般的洋蔥🧅、豆卜及芫荽，是以海鮮主打，有鮑魚、蜆、蝦🦐等等，還有番薯🍠及紫薯，都是一些比較特別的材料。雞煲雖然沒有辣到可以選擇，但亦非常惹味，不會太油及太鹹。吃畢雞煲後，店員會為你加上清湯，並送上牛小排、牛肩胛、豚肉片，三款肉均切得很薄，肉味還算濃郁。亦有量多的材料可以自己選擇。這鋪的食材，雖然不是非常高貴及高質，但是這個價錢，亦可以接受。

冬天凍冰冰，又係時候打邊爐啦~今次係尖沙咀山林道既邊爐店，試左個皇牌套餐$258，一開始仲有和風海鮮雞煲，已經有鮑魚、硯肉、蝦，超級惹味，之後就可以打邊爐~ 👧🏻任食肉類呢個套餐有3款肉可以：豚肉、牛小排、牛肩胛，全部肉類都唔會好肥，亦唔會得雪味~ 👧🏻自助區-打邊爐配料有魚片、丸類、麵類，選擇好多，其中芝士獅子狗好特別！ 👧🏻自助區-飲品有自家製冰糖紅棗燉雪耳，好滋潤，亦有其他果汁、茶、啤酒。 👧🏻自助區-甜品熱既有蕃薯糖水，凍既有3款雪糕+泡芙~ 雖然有3小時任食，但我地食左2個鐘已經食得好滿足~

上星期和老友去咗元朗熊本牛鍋試咗澳洲和牛😅早兩日見天氣凍凍地順勢去埋尖沙咀店試吓日本A4和牛，兩間店嘅食物質素無得輸，唔同嘅係元朗店舗位較大，座位比較闊落舒適，食得更加暢快🤣唯一唔同嘅可能係自家制糖水方面，元朗店正常甜，尖沙咀店少甜清淡一點，健康一點🤭

尖沙咀地鋪都有不少火鍋店，但這間樓上的，座位都能坐得滿滿的，當中食物就一定很不錯了～餐廳是以自助餐形式的，外面主要有兩個雪櫃放食物，上下放了兩層，食物種類都很多，另外，雪櫃頂上還放滿了各種麵類及餃子類～一坐下便有一鍋雞煲奉上，雞件鮮嫩，還有鮑魚、金菇、蜆、豆卜、鮮蝦、黃蕃薯、紫蕃薯及洋蔥等，材料十足，雞煲醬汁惹味，但吃後沒口乾情況～牛肉就有牛肩脊及牛小排，肉味濃而脂肪分佈平均，而豬肉也是同樣好吃～飲品方面，有兩個大雪櫃，汽水及無糖飲品等，當中以自家製的夏枯草及冰糖紅棗燉雪耳最特別，不太甜的～而甜品就有雪糕及泡芙，很滿足呢～