燚火鍋專門店 (Closed)

天氣轉冷，自然想吃火鍋，但太座喉嚨有點不適，唯有點些較清淡的菜式。典型小火鍋店格局，熱鬧但稍擠，可幸尚算整潔，火鍋醬料款式多。簡單來個豆腐雞湯鍋。想不到十分足料，有不少旺菜，香菇，可以點少些蔬菜。清熱之選為店家自製的菊花茶，甜度適中，十分清香。始終是夜清淡至上，再要個蔬菜盤，竟比面盤還大，種類豐富，且都只有給中間鮮嫩的部份。吃下爽甜，只收$48實在超值。丸類材料新鮮，不用很多調味已味道十足。打得十分彈牙，且$88已有五款，兩口子一款一粒，小食多滋味。$98位的海鮮拼盤同樣出色，已有原隻開邊龍蝦、鮑魚海蝦各二，蜆和貝類。全都新鮮，龍蝦和鮑魚還在動，吃下肉質結實飽滿，龍蝦頭蝦膏十足，令人滿足。火鍋最能呈現食物質素，而這裏實在出色，且價錢相對便宜，值得推薦。

平時都會食吓不同味道嘅菜式，至於款式由街頭小吃食到酒店都有，會盡量去品嚐不同特色食物，從而發掘出更多美食俾大家分享，早幾日又去咗九龍城一帶尋找美食，至於食乜就係火鍋原來係呢度都已經有幾十間火鍋店，真係唔知食邊間是好，最後去咗南角道其中一間火鍋店品嚐，見到內裏都幾爆場應該有番咁上下質素，其他店就未見到有咁場面，入去坐好先點湯底再選火鍋配料。係餐牌見到有個好抵食海鮮時令拼盤每位$98包5種海鮮，最少2位起就可以點用，咁當然第一時間先點咗佢。跟住係大多數人都會必點肥牛點咗本地新鮮手切牛肉(大）同時點啱其他火鍋料就可以開餐。先來係本港手切牛肉，牛肉色澤鮮明脂肪平均，就咁睇未食都知道味道不錯，好啦先放一片係湯度浸一浸，入口食到肥牛肉質嫩滑肉味香濃，真係好食到停唔到口再來係有海鮮拼盤分別有海蝦，生蠔，鮑魚，蟶子同龍蝦半隻，睇到海鮮仲有D會郁動就知道新鮮，就先食蟶子入口爽滑鮮甜，鮑魚肉質彈口，生蠔肥美又多汁，最後龍蝦食落啖啖肉食得好滿足除咗食美味牛同海鮮外，仲有西班牙黑豚五花片，五花片肥瘦適中，入口一D都唔肥又估唔到咁好味再來有手打丸，食到丸用料足食落零舍好味，其後火鍋料逐一品嚐一番，打邊爐又點可以

食火鍋係我既喜愛之一，不分平與貴火鍋都會去品嚐，咁先可以食到各式各樣食材，有時候會發覺平火鍋未必唔好食只係食材問題，貴嘅都係食D新鮮材料先至會咁貴，當然有時人多就會食D火鍋配料逐碟計，貪佢食落價錢差不多都係貴小小，人小就會去食任飲任食比較方便，是日又去咗九龍城同好友食火鍋，火鍋店位於南角道鍋底就點咗普通口味，至於火鍋配料就叫咗本地手切肥牛+刺身拼盤套餐，再點埋其他火鍋配料一齊品嚐先來係刺身拼盤，分有三文魚肉質豐厚夠肥美，象拔蚌入口爽滑鮮甜同蝦肉大隻鮮味十足超彈牙輪到本地手切肥牛，肥牛雪花平均分佈各處，放落鍋底輕輕燙一燙等變色就可以享用，入口食到肥牛肉味濃郁香甜肉質鮮嫩，真係食完一片又一片食到嘴舐舐除咗食到以上呢D外，當然唔少得丸類有手打五寶丸同雲吞呢D必點推介，食到手打丸每粒用咗真材實料製作，食落另捨不同口感十足火鍋配料一款又一款逐一品嚐一番食得好滋味，再來有炸響鈴同什菜籃中又可以和一下食得冇咁滯最後唔少得食埋手打烏冬放入火鍋吸收湯汁嘅鮮味已食得好滿足，唔經唔覺又品嚐咗一餐飽滿火鍋

有齊晒蟶子, 鮑魚, 海蝦, 龍蝦, 蠔, 墨魚仔都只係每位$98!?我同朋友係海鮮控聽到D個消息超開心, 我地今晚就黎見證D件事!就係D間燚火鍋搞緊D個優惠, 其實九龍城比想像中方便, 有好多巴士小巴黎到入到黎見到D張MENU真係放心晒!冇呃人架, 我地就係為左佢而來前菜有少少辣既前菜, 開胃岩晒!自家制菊花茶-$28D個菊花茶好大陣菊花味, 好清熱解毒, 打邊爐岩晒, 而且只有微甜, 健康一族實最鐘意海鮮拼盤: $98/位D個就係期待已久既海鮮拼盤啦, 上枱睇到個樣就知冇呃人, 好似好好食咁龍蝦: 真係大隻到你唔信, 輕輕由殼一拉, 飽滿, 厚肉既龍蝦已經在眼前, 食落鮮甜, 彈牙, 一定好過吉X家加錢換果D鮑魚: 上枱放左一陣仲係動緊既, 可以新鮮程度, 食落有咬口得黎唔靭, 有鮑魚味蠔: 算幾大隻, 淥熟完都唔會點縮水, 我覺得算唔錯, 但友人覺得略略有少少腥味蟶子皇: 好大隻, 千奇唔好淥咁耐, 如果唔係會靭, 我地就淥得岩岩好, 鮮甜彈牙, 好味蝦: 好易剝, 食得出新鮮, 蝦味重, 不錯的說自家制蝦滑X白松露-$88D個蝦滑非常彈牙, 而且個白松露超香, 我地沙嗲湯底都唔

天氣涼涼地, 邊爐胃又想出黎活動下,經朋友介紹D間燚火鍋超正, 梗係同男朋友收左工黎食餐好啦想食既野全部齊晒, 牛都有N咁多種, 全部都好想食晒佢!!!但我覺得另一個重點係我欣賞燚既一個點係佢夠環保, 點餐紙係過膠左, 之後想食咩就用箱頭筆係上面寫, 落完單用火酒抹左去, 可以再用, 好欣賞!!!等男朋友黎果陣, 係門口見到燚有好大隻"保羅"係度, 咁大隻"保羅"真係好少見, 做刺身一定係一流沙嗲湯底-$68: 今次男朋友想還原基本步, 食返最原始既沙嗲湯底, 一上枱已經被超香濃沙嗲味吸引住, 好好味, 但係我下次黎都係想試下佢D特色湯底!!!頂級手切牛仔(大)-$268: D碟牛一上枱真係已經知我地冇黎錯, 大家睇到D個色澤, 紋路相信我已經唔洗我講大家都知幾好味啦, 個牛味係新鮮, 重, 食完塊牛, 陣牛味係口停留一段時間, 超常高質!!!而且D個份量先$268, 我覺得係好抵食牛丸-$38: $38有11粒牛丸我覺得係誇左張, 實在太抵, 雖然D個牛丸唔係自家手打, 但係我地都覺得係比出面食到既一般牛丸係好食的, 有牛味且唔鞋口白鱔片-$88: D個鱔片都係新鮮之選, 食落嫩得黎

天寒地凍，緊係要去打邊爐暖下身啦九龍城一向俾人感覺有好多好野食，所以收工後同同事去燚火鍋打邊爐一去到見到已經爆場，仲以為要等位，跟住火鍋店侍應就叫我地上2樓，原來樓上都有位，唔洗天寒地凍等位坐低後侍應拎左碟青瓜俾我地，辣辣地，幾好食勁多湯底，好多湯底都好似好正咁，我地叫左個最普通嘅蕃茄薯仔鍋勁足料，薯仔同豆腐有好多舊，雖然價錢平，但一d都唔馬虎，待湯滾左一陣時，我試飲一匙湯，完全感覺無味精，蕃茄味好濃，有少許蕃茄酸，好開胃美國肥牛，好大碟，2個人食份量剛好叫左半隻花雕雞，大大舊，食落去雖然花雕味不太濃，但勝在夠滑呢個墨魚豆卜食落去好正，因為豆卜完全吸滿蕃茄湯，好味叫左牛腩小食，炆得夠淋呢個花甲個汁好好味，好似西餐白汁咁樣，最後叫返個自家制菊花茶清下熱氣，溫度暖暖地，好飲下次試下呢個海鮮先，價錢好吸引吖

今日同我家姐去左九龍城揼骨，比泰國師傅揼完成身係就係鬆晒，但係就連我地個肚仔都扁晒！呢排天氣又涼返，於是乎我地吃貨姊妹花決定打邊爐XD九龍城真係好多食肆，我地揼完骨是但喺附近見到呢間燚火鍋就入左去！我地叫左半隻椰子雞做湯底（$148）d雞夠嫩、個湯有好濃椰子味，好足料！由於我對海鮮敏感，所以我家姐唯有自己一個獨吞一份八隻嘅日本蠔（$88）佢話d蠔都好新鮮、肥美！另外我地叫左金錢牛𦟌（$128）牛𦟌唔鞋口、好滑嘟嘟XD炙燒芝士丸（$38）用椰子湯底煮令到芝士丸出面有份清甜味，而入面就係濃濃嘅芝士，簡直係雙重享受~雜菜籃（$48）完全比個size嚇親，個籃有個煲咁大。我家姐食晒d蠔居然叫飽，呢兜菜係我自己ko。每款菜都好新鮮，d菜吸收晒椰子雞湯嘅精華，正呀！炸響鈴（$38）雖然係打邊爐必備，但其實佢嘅油份同飽和脂肪都好高，大家偶爾淺嘗一下唔好食太多~自家製菊花茶（$28）好有媽媽feel嘅菊花茶，唔會太甜，啱晒一路打邊爐一路下火XD另外，值得一讚係伙計們好nice，服務一流！食食下我家姐見到隔離枱叫左時令海鮮拼盤（$98一人/要兩人或以上叫）之後，覺得今晚因為我而食唔到海鮮好失望，話下次一

九龍城多泰菜就人人知，其實火鍋店都唔少，今晚去了依間個名好特別，有火鍋有刺身又有小食嘅火鍋店鍋底有好多選擇，我們兩個人本身簡清酒花甲鍋，點知店員話花甲賣哂，結果我們選了椰子雞鍋（半隻），椰子鍋好香椰子味，半隻雞都好足料，絕冇偷工減料，店員分開兩樣上枱，就在我們面前落料而家做緊時令海鮮拼盤$98/位，海鮮足5款，仲好新鮮，啲鮑魚仲郁頂級手切肥牛（例）$178，油花比例平衡，肉質鮮嫩，滾一滾，入口嫩滑，牛味十足炸響鈴$38，香脆可口魚皮餃$48有10隻價錢合理，椒鹽鮮魷$88即叫即炸依個真係要必試自家制菊花茶$28，（（微甜）），菊花茶味清新自然門口有魚缸養住海鮮，所以海鮮好新鮮

九龍城一直都係美食既集中地，淨係打邊爐都起碼十幾間，要生存除了要價錢夠抵外，食物質素亦好重要，今日又俾我發現到一間抵食又高質的火鍋專門店。火鍋店的名字好有趣，<燚>，真係三把火都唔夠要整夠四把內裡沒有太花巧的裝修，不過最基本的乾淨和企理是做得足的。打邊爐湯底非常重要，我們選了豆腐雞湯鍋，來到嘅時候真係嚇親，點解有咁多菜，菇同豆腐係入面的個湯底$68炸喎，老闆你唔驚我食飽左唔叫餸？？講返正經，個湯底足料又夠味，真係話係一個上湯咁賣都ok！！打邊爐當然要叫肥牛！！牛肉顏色好靚，雪花好均勻。輕輕一焯好快就熟，入口軟滑，牛味濃郁，而且仲好大份！！老公不太喜歡海鮮，不過我就超喜歡，見到有優惠：5款海鮮只係$98位，雖然要2位起計，但實在太吸引，真系抵到爛，計返埋200蚊都不用就有依盤新鮮海鮮，2人份量有一隻龍蝦，蠔同蟶子同鮑魚各二，仲有4隻鮮蝦，我絕對有信心可以一手包辦。食緊其他野嘅時候我忽然發現隻龍蝦郁吖！！就咁講大家未必信，來來來！有圖有真相！圈埋俾大家睇煮好既龍蝦大大隻好厚肉，龍蝦肉呈雪白色，口感彈牙又非常鮮味新鮮到會郁既唔止龍蝦，仲有鮑魚果下真係有小小因為要親手煮佢來食

「燚」這個字很特別，有一次在九龍城見到這間火鍋便說了下一次要試試所以前幾天就相約好友去食位於九龍城南角道門口好光亮顯眼，很容易找到坐下有青瓜作前菜，看看餐牌先點了湯底和椒鹽鮮魷醫下肚先椒鹽鮮魷超香脆的鮮魷，外層好炸得好薄又鬆脆，超好美大愛椰子雞鍋超香濃的椰子味半隻滑雞，待湯滾起時放入鍋，待熟後即食滾啦！終於可以食啦，雞好新鮮，肉質嫩滑，加上椰子味濃郁海鮮拼盤賣相已經好吸引好新鮮$98/位 實在是很低食，各樣海鮮都很鮮甜美味頂級手切牛肉份量都很足夠，肉質鮮美可口而且入口很嫩滑點了其他火鍋配料：響鈴、山根魚皮餃、蝦滑豆卜自家制菊花茶飲落清清甜甜，仲可以消除一下飽膩感各樣食品都很新鮮美味，而且服務一流，上菜都很有效率，會再次光臨的餐廳🍴

呢四個火字，都同朋友研究左好一陣子。究竟點讀，最終都係要上網搵答案，仲順便查埋三個火三個金嘅讀音lol。呢間燚火鍋位於九龍城，咁我地之前都已經有朋友黎過，今晚涼涼地，就約左幾個朋友過黎打邊邊🤟🏻火鍋店地方唔算好大，有七、八張枱，主打海鮮、刺身、靚牛、手打丸。湯底本身有十幾款可以選擇，我地今晚揀左胡椒豬肚雞(半隻)，貪大家本身都鐘意飲呢個胡椒豬肚湯，飲完暖身👍🏻酸菜酸度很足，胡椒又辣辣地，加上雞件俾足半隻，仲要大隻果隻，飲完湯有雞食，呢個湯底148都幾抵。另外叫左碟本地手切牛(大)，牛肉賣相唔錯，油花紋理都好清晰，食落又腍又滑。略嫌牛味爭少少，但以呢個價錢，都係抵食。呢度本身有個主打嘅海鮮set，今日我地就冇試到，有機會可以試，因為睇落都好抵，有5款海鮮都係98蚊位。另外我覺得佢地嘅手打丸系列，都好出色。有四款口味可以加10蚊點：白松露、黑松露、麥提沙、芝士。咁我地就揀墨魚丸配麥提沙、蝦丸配芝士。麥提沙入饌，糯米糍就聽過，所以覺得好特別。墨魚丸好彈牙，一口咬落麥提沙都有爆出黎，食落係甜嘅，可以接受👌🏻芝士蝦丸就好多地方都有，但呢間嘅芝士係成條必出黎，比較杰身，所以芝士味真係好濃，好食。蝦

好友生日話想打邊爐，我就揀左呢間位於九龍城的餐廳，貪佢附近有間TONY WONG，可以俾我順便買埋蛋糕，九龍城D餐廳一向都有質素，所以就算未試過呢間我都好有信心除左打邊爐，冬天仲可以黎食羊腩煲，九龍城差唔多條條街都有街錶，燚都唔例外，但相信你同我都清楚明白，假日要係九龍城搵到個錶位簡直好似中六合彩咁難，而我地就竟然真係中左六合錶，搵到個位係正餐廳門口，實在係太好彩打邊爐首先一定係揀個湯底，店員向我地推介是日藥饍魚湯，大家都即係叫好，其實去到餐廳，最鐘意就係有店員主動推介食品，因為唔好都唔會介紹，又可以唔洗自己諗食物藥饍魚鍋 ($318)就係呢個推介藥饍魚鍋，一睇就知用料十足，有大量藥材，夠晒養生，原汁原味，一點味精都無，好味到我地每人淨飲左兩碗，呢個藥饍鍋會跟一碟魚片，魚片起到大大塊又夠厚，唔會咁易灼到散晒炭燒芝士丸 ($38)芝士丸係我的打邊爐最愛之一，呢粒芝士丸唔太覺得佢係炭燒，但就芝士十足，灼完之後一口咬落去溶化左的芝士湧住咁出黎雲吞拼粟米餃 ($68)雲吞同水餃類可以雙併，咁就可以試多D野，全部都係自家製，雲吞有大大隻蝦，皮夠薄，正宗皮薄餡靚本地手切鮮牛 - 大 ($318)近

雖然短暫嘅聖誕假期就已經完結左，但同朋友嘅聚會係未完的，今日收工黎到九龍城食飯，都好方便我地幾個。我地幾個就唔係黎食泰國菜，反而就揀左呢間火鍋店，應該唔係開左好耐，但網上評語幾好架，加上我地身邊都已經有朋友黎過，我地決定都試下。雖然係假期後首日，仲係平日，火鍋店位置唔多，接近8成入座，所以如果週六日黎，都最後book位喇店內位置唔多，但枱櫈間都唔會話好密麻，坐得舒適。佢地其中一樣招牌就係98蚊位嘅海鮮拼盤，所以見到店門外都有好多生猛海鮮。咁我地略略睇過餐牌，選擇都幾多，湯底有成2X款，價錢唔貴，最靚料嘅花膠雞同人蔘雞都係288，而大部分其他湯底係百零蚊配料有肉、丸、餃、海鮮、小食、刺身、蔬菜、麵食等，價錢唔貴，人均二百蚊左右，個人認為幾抵食。如果黎到九龍城唔想食泰菜，可以試下。首先點左個【胡椒豬肚雞鍋】，我地四個人，點左半隻啫，因為雞嘅份量頗多，除非唔想食太多其他配料。基本上半隻份量好足，點一隻可能會太飽。胡椒豬肚雞湯好快上枱，湯底好吸引！因為湯底好足料啊，除左半隻雞、大量豬肚，仲有豆卜、芽菜、粟米、冬菇、蘿蔔片，勁抵食最正係裡面仲加左酸菜，酸菜入味，煲到個湯好出味，加埋胡椒辣辣地，又

我個人好喜歡吃火鍋的, 通常晚上想不到吃什麼就想吃火鍋. 男友住在九龍城, 附近也有不少火鍋店, 這間我是覺得不錯的.晚上7點, 客人不算多~我們本想叫個胡椒豬肚湯, 可惜當天沒有賣T_T太可惜了, 我下次一定要試下. 這次就叫了蕃茄薯仔湯, 濃濃的, 好香呢~食物質素不錯, 份量也挺多的我是不吃牛的, 男友說肥牛很好吃~蝦滑好嫩, 好吃老闆太好人了, 還送了花膠筒比起外面任食的火鍋, 價錢當然不能比啦, 但這裡的食物質素是非常不錯的!