玖子貴 (Closed)

經過咗好多次，今日終於買來試，買咗佢哋嘅A餐，包括有粟米魚餅，溫泉蛋魚餅，同埋一舊三文魚唔知乜嘢。只可以話，完全沒有魚餅嘅感覺，只係一堆粉，最後嗰舊三文魚唔知乜嘢，只係食咗一啖，就掉咗。收人差唔多$80呢三舊嘢，其實真係幾呃錢。真心：大家唔好嘥錢試。

2021年9月2日 晴今日黎左銅鑼灣sogo, 想食下小食就試下位於地庫都開左好耐ge 玖子貴烏賊鬚魚餅 $23, 一見到俾佢個外表吸引, 成隻八爪魚咁, 就佢la首先一開始食佢d 鬚都幾好, 正常la, 因為冇翻熱佢都已經凍左, 食落唔特別香口。到個魚餅, 一咬更有一股油膩感, 好像d 油唧返出黎咁味道都ok, 食質感有d 粉（又唔算好粉）同有d 淋...如果可以翻熱會更好呢

今日行經sogo有少少餓就諗起超市有間小食店係我想試好耐嘅 所以去揀左一個魷魚鬚魚餅（$23）同一個帶子魚餅（$19）試下 見到店員炸緊魷魚髮魚餅覺得好吸引 滿心期待係熱辣辣或微暖嘅 影完相一咬只係覺得魷魚鬚炸到乾晒又硬 個魚餅完全唔熱或暖之餘咬落去只係覺得滿口油 帶子魚餅都不相伯仲 粒帶子好乾個魚餅又凍又咬 滿懷希望買左個失望同脂肪⋯咁細粒野大部分索價$20 up 估唔到係咁普通 完全唔值 連價格一半都唔值 到底係香港人太有錢定我唔識欣賞?! 依間店咁嘅質素同價錢如何屹立銅鑼灣sogo？中一次伏就夠 真心冇下次

有時經過見到都成$19-$29一粒，覺得超貴😅😅，一直都冇試過！今次放工經過見到佢有一盒三粒賣只係買$52，雖然唔知邊粒打邊粒，睇返逐粒計都貴過$52，就買來明日帶飯嘅餸菜啦！😚😚叮翻熱嚟食其實都唔會好乾，裏面嘅質地都仲係好有彈性，同埋都幾大粒，夠實淨，食得都幾飽！其中黃色個粒咬落仲要帶少少甜味，其他兩粒味道都幾濃！😊😊估唔到隔咗一晚味道都仲keep到🥳🥳果然有水準👍🏻👍🏻下次再經過嘅時候試吓買埋其他款式先，當然都係特價套裝先買啦😝😝

平時比較少經過銅鑼灣，所以比較少留意Sogo地庫內食品店既變遷。(雖知道Sogo地庫除和菓子店區域店鋪係永恆不變外，熱食區好多時都會因應Sogo裝修而改變)玖子貴於Sogo地庫都已經有3年多時間，從朋友口中得知呢間既魚餅比以前紀文個類魚餅店更好味，既然難得經過Sogo就當然要試試啦。於晚上8點幾人流疏落既情況下，玖子貴都將平時價錢$19-$23既魚餅以$52/4件(不得自選款式)發售，既然有接近30%的折扣下就當然買啦! (但外賣自取既唔好處就係需要響屋企用微波爐再翻熱一下)返到屋企打開包裝個陣，魚餅仲仍然令包裝盒有少量既水蒸氣，證明包裝個刻仍然有餘溫。今次買既呢4件包括2件紅薑烏賊粒魚餅($19)﹑1件毛豆芝士魚餅($23)﹑以及1件大蒜蜆肉魚餅。1) 紅薑烏賊粒魚餅: 好食! 烏賊粒比想像中份量多好多 (4-5粒)，當初仲以為會較似章魚丸既口感，但因為入面加入咁多烏賊粒，食起黎彈牙而爽口，推介! (紅薑味會比較重，如果接受唔到可以食魷魚鬚版本既魚餅)2) 毛豆芝士魚餅: 驚喜! 本身毛豆無太強味道，而芝士味算淡口下，會食到本身魚餅既香味，而且粒粒既毛豆感覺令人健康而唔邪惡既感覺!

流心蛋魚餅 ($29)呢個食品係用魚漿包住粒半熟蛋，下層仲有個餃子皮做承托，再攞去輕輕一炸，令到外層變到金黃色咁，睇落好吸引。店員比小編嘅係擺凍咗嘅成品，所以魚肉外層同餃子皮冇咁脆。魚餅薄加內層雪白，魚油同魚肉鮮味濃郁又彈牙🐟，完全feel到深海領域清純透徹嘅風味😎，連埋內層軟實入味嘅雞蛋，口感豐富兼和諧，油膉味亦唔重。可惜嘅係雞蛋有啲過熟，蛋黃做唔到流心嘅效果，加上唔夠熱，導致整體層次同邪惡感覺減半，唔太夠喉嘅感覺🤓。Btw，好食還好食，但係一粒半個拳頭大嘅小食要我成30蚊好X貴😑，仲要唔係即整，小編要為我空咗嘅銀包默哀下。------------------------------整體評分：6.8/10小編回頭率：5.5/10

流心蛋魚餅 ($29)呢個食品係用魚漿包住粒半熟蛋，下層仲有個餃子皮做承托，再攞去輕輕一炸，令到外層變到金黃色咁，睇落好吸引😍。店員比小編嘅係擺凍咗嘅成品，所以魚肉外層同餃子皮冇咁脆。魚餅薄加內層雪白，魚油同魚肉鮮味濃郁又彈牙🐟，完全feel到深海領域清純透徹嘅風味😎，連埋內層軟實入味嘅雞蛋，口感豐富兼和諧，油膉味亦唔重。可惜嘅係雞蛋有啲過熟，蛋黃做唔到流心嘅效果，加上唔夠熱，導致整體層次同邪惡感覺減半，唔太夠喉嘅感覺🤓。Btw，好食還好食，但係一粒半個拳頭大嘅小食要我成30蚊好X貴😑，仲要唔係即整，小編要為我空咗嘅銀包默哀下。------------------------------整體評分：7.3/10小編回頭率：5.5/10

好幾年呢個月份我都係飛左去日本，而家無得去我唯有行下Sogo FF下去左旅行。無論去邊到旅行我都好鍾意行supermarket，日本d supermarket好多時都有呢d #さつま揚げ 即係炸魚餅嘅東東，咁當然就唔會係就咁魚肉啦，例如好似我食呢d 有款係#北海道粟米魚餅 爆多粟米係入面，好鬼正，另外有個#流心蛋魚餅 又係好正，本身隻流心蛋已經整得好入味，跟住包住d魚漿去炸，幾重口感🤤其他就想知再講啦🤪我懶😂

今天是一個新嘗試，源於道崇光百貨地庫的時候，時間已經接近關門，很多小食店店員都已經清潔進行中。今次不是第一次如此晚光臨，熟悉的情景餘下玖子貴沒有溫度的炸物小吃，沒有選擇的情況下唯有去看看，發現新出品的定食，我選擇了牛肉定食。其實每次來到玖子貴，視覺上都有一種日系氛圍的興奮，但每次看到炸物少吃放久了，就失去購買的意欲⋯⋯回家再將食材用心地各樣翻熱，發現不差。我在飯煲將白飯慢速翻熱，米當然是日本米，軟綿好吃。日式洋蔥炒牛肉，洋蔥炒得焦糖化散發出微甜，他們的日式牛肉汁也夠惹味。牛肉我也是微微翻熱，不會太韌，整體份量頗多。配菜亦見心思。溏心蛋切半，顏色金黃。不用港幣70蚊，如要我自家炮製價錢也差不多，值得一試！

每次去親銅鑼灣，就算只係買樣野，短暫停留，都忍唔住買啲野食番屋企。每次我既選擇都係佢。佢的確係唔平架，所以我只會買佢既套餐。A 我揀咗流心蛋，王牌嚟㗎，如果唔叮返黎食，裏面仲係流心㗎，好正！B 我揀左檸檬鹽葱魚餅，超香葱味，啖啖都係葱。愛葱人仕最啱C 我揀左蜆肉魚餅，真係有蜆肉架試過其他款，始終最鍾意呢三款。

成日一落Sogo地牢搵野食就見到呢間，但選擇繁多，而且小編覺得玖子貴偏貴，所以每次最後都無試到呢間。今次專程來到Sogo幫襯玖子貴。咁啱想叫嘅又有一個套餐可以$65就買到：日本流心蛋魚餅、明太子醬小丸魚餅、魷魚球~睇落就吸引啦，但我哋下午六點左右買，凍咗真係好難食，好粉有d唔知食緊D咩嘅感覺最後怕浪費嘅小編竟然係食剩。。。我唸下次除非係即叫即整，如果唔係小編唔會再買嚟食（或者要番到屋企先整翻熱...）

佢有個大玻璃見到入面既野食，排到好整齊甘樣，望見都吸引到目光！有啲$29 一粒，最平係$19。最中意食佢既流心蛋☺️☺️☺️☺️$29！望流都會覺得有啲吾抵，$29蚊買粒蛋喎！但係食落又會覺得佢既價值係返到！另外，自己都中意食佢既粟米果個，成個都包粟米，好似以前茶樓有得食果啲粟米球💕💕不過佢有啲款入面有紅薑就吾係幾中意啦😩😩🙈同埋佢有優惠set既！$65就會係a+b+c!仲有一個set係$198六件！果個好似係任揀6件既！

#玖子貴 (銅鑼灣)銅鑼灣軒尼詩道555號崇光百貨B2樓15A號舖-----鹿兒島安納芋甜番薯魚餅（$28）呢間日本人氣薩摩魚餅（さつま揚げ）店係日本曾經橫掃多個美食獎項 SOGO分店係佢首間海外分店 係香港開左成年 一直都好想食 但次次路過都咁啱已經食飽😂終於今次SOGO thankful week 血拼完非常餓 就落左supermarket買個魚餅試下～由於好好奇甜ge番薯同鹹ge魚餅夾唔夾 所以就選擇左呢個口味 果然😂甜鹹交織ge味道確係唔特別夾 成個魚餅炸得金黃 好靚 但係唔夠熱 番薯雖然甜 但質感偏硬身 而且番薯份量太多 以致魚餅部分太少 所以只食到魚餅ge彈牙 但唔太食到魚餅ge味道 可能期待已久 期望有d高 整體只能說係不過不失 並無令人驚艷～下次會再試下佢鹹ge魚餅 睇下會唔會出色d😆-----👶🏻B仔整體評價：7/10個👍🏻👶🏻B仔抵食程度：5/10個👍🏻👶🏻B仔環境評分：買走yo👶🏻B仔味道評分：7/10個👍🏻👶🏻B仔回頭機會：7/10個👍🏻-----#swallowhongkong跟住我一齊吞食香港啦！🤤#swallowcwb

係銅鑼灣Sogo B2/F，開咗好多日式小食，好多本身都喺日本有開本店嘅美食，依家由喺Sogo引入喺香港開分店，等我回味吓去日本旅行嘅味道😋呢間主售鹿兒島薩摩魚餅，第一串係北海道噴火灣帶子魚串($29)，炙燒咗嘅帶子加上幾彈牙嘅魚串，味道唔錯，而且魚串比一般魚餅有更濃魚味👌🏻不過就唔太夠熱有點扣分。至於另一串鹿兒島甜蝦芝士魚餅串（$29），呢串就幾夠熱，芝士味份量剛好唔會蓋過魚餅鮮味，表層有少少紫菜，整體味道都幾夾，略嫌係無咩甜蝦味。如果行街行到攰要醫下肚，呢間都不失為其中一個選擇～

經常在 sogo 地庫走走～ 呢間魚蛋野 display 係擺得吸引🤩～ 不過唔平，而且一定唔飽🤤，所以一直冇試～ 今次食完飯有點口痕就買一隻 🤤🤤日本產半熟蛋魚餅 $29～店員問係咪即食？ 是的～ 飢詩還以為他會翻炸？翻焗？ 雖然睇唔到佢翻熱嘅爐具，但肯定係翻叮 🤣 大家需知很多食肆都會叮叮～ 但你知道用叮叮都要技巧吖 😆😆呢個叮到好熱～ 熱到練過鐵沙掌都差D攞唔到 🤣魚肉鬆軟 微彈～ 蛋靚 所以蛋香十足🤩～ 有點覺得這個蛋和魚各有各好，但湊在一起就唔特別 😆講返翻可～ 呢個蛋有一部分好熱，一部分熱到熟咗， 仲有一部分凍凍地🤣🤣 玖子貴可能要出返本員工翻叮手冊 學下專業翻叮啦～ 😉飢point: 6 /10 #hungermarch #飢詩 #非飢詩