生記粥麵 (Closed)

因為早陣子天天買粥去看爺爺，然後就迷上了這家，粥底很棉滑😂這家的粥只要是雙拼（約$55）份量都有點大，大慨可以分著吃當兩天的中餐～最近中午都在吃這個，希望調理腸胃，也清減一下... 畢竟在台灣幾天吃太爽了🤦🏻‍♀️.『肉丸豬心粥』🐷❤️很喜歡吃內臟，基本上除了肝以外都很喜歡。可是內臟不常買得到新鮮，買了要清洗也是有點麻煩...所以基本上我每次去都點豬心再配任何一款料.『腸粉』我覺得腸粉就別在晚上吃了，應該是比較早之前弄好放冰箱再翻熱，吃得出邊邊有點乾硬了... QAQ

因為唔係太舒服所以就嚟到食粥叫咗個皮蛋瘦肉粥皮蛋瘦肉粥都算分量足夠然後叫咗個腸粉腸粉正正常常每一坺嘢咁不過呢度冷氣唔係好夠有啲熱之後就叫咗杯熱豆漿不過不失啦haha

老字號粥店，位於不是大街大巷當眼處，而是橫街內，竟然爆滿，果然老街坊老熟客的聚腳點。粥品有袖珍版和普通版。點了一碗袖珍版豬潤粥，竟然儍眼了，對我而言是普通版，大碗啊！豬潤多到滿瀉，爽口。粥底好綿，由於有豬潤的關係，粥底變得鮮甜。油炸鬼可叫一碟或一條，彈性比較大。蘸粥來吃，一流。

以前喺油麻地返地，lunch唔知食咩好，就上OpenRice睇吓邊度多正評，見生記粥品都好多正評，就走咗去試，之後就變成長期食客。依家唔再喺油麻地返工，但每次病咗都會諗起生記嘅靚粥。今次又病咗兩個星期啦，就專登過嚟食返碗粥。今次揀咗雞粥同豬膶魚腩粥，啲雞好滑好入味，而魚腩就更加唔使講啦，係必食推介。加埋佢啲豉油同葱，真係好好食！不過原來lunch time多好多嘢揀，去到dinner好多嘢都賣晒，例如豬肚同腸粉。之後仲追加左正蘿蔔牛腩，啲蘿蔔糕好淋好入味。佢嘅肉丸粥都唔錯架，有機會再嚟食！

星期六早上去完米埔半天遊，回程時係旺角落車。係旺行左商場一會，覺得有些肚餓，突然醒起油麻地生記，於是行過去食碗粥。及第粥 - 粥料包括豬潤，豬腰，豬肚好新鮮及粥料好足夠。如果粥底稀些主這碗及第粥就非常完美。鮮牛肉粥 - 真如其名，牛肉好新鲜及份量足夠。但可能用同一粥底，粥底结左些。值得一提，這二碗粥屬於珍珍類，但其實一啲唔䄂珍，一個人食足夠。懐舊豬腸粉 - 滑滑的腸粉怖滿醬汁，好好味，有些兒時的味道。炒米粉 - 初時以為齋米粉一碟，點知食落先知碟米粉好豐富，內有肉碎，最惹味係炸菜，好正。

今日lunch time同同事咁啱都想清清腸胃所以去食下粥~ 雖然話清腸胃但係都要搵間好食嘅🤣。 呢間生記開咗好耐，一直都有幫襯開。今日決定幫佢寫返篇食評。大約一點嚟到已經坐滿人，兩個人等咗大約五分鐘有位。 叫咗個袖珍魚片粥同埋一份煎魚餅。 千祈唔好以為就抽珍係好細碗， 除非係比較大食嘅男仔，如果唔係一碗袖珍都夠食。大約五分鐘就有嘢食啦~ 同以往一樣碗粥有極多魚片， 魚片新鮮唔腥，亦唔算多骨。魚餅煎得好香，真材實料。雖然係鯪魚肉但係冇腥味，反而有薑味闢咗啲腥味之餘仲好食好多。每人只係38蚊~抵到爛~

从细到大，最讨厌食粥。又热又无味，除左感冒发烧，基本从来五lai呢味也！可以讲，唯一例外就系生记！点解，首先，我喜欢无米粥，生记粥品比其他老火粥最大不同，系熬到基本无来米，米完全化晒，淡淡香浓。其次，生记的粥品的鲍鱼粥，鸡粥，及第粥真系好鲜甜，基本叫咩料就有咩料既味，换个讲法，就系啖啖都系稠，滑口感加上鲜甜浓汤滋味…无论系旺角，定系港岛，基本1公里范围内，我都会兜去整翻碗，对于爱粥人事，或者“不知道吃什么早餐”的游客，生记都系不二之选

又黎到生記喇 每次去到旺角想食清清地 就會諗起佢 今日直程帶埋朋友黎tim 上環同油麻地都食過 水準差唔多 唔會話分店就差d咁 我次次黎到都係食魚腩肉丸粥 今次都係 而朋友就叫佐豬潤肉丸粥 我地重叫多碟腸粉好多醬呀！！ 以為會好濃味 但食落又唔係wor 我覺得整體ok既 唔算特別好食 可以唔叫豬潤肉丸粥 $48朋友叫既 因為我唔食豬潤所以冇試 朋友話好食 好食過肉丸 咁我諗應該都幾好食既魚腩肉丸粥 $52sorry呀 食完先記得未影相 講番個粥先 粥底好綿 好夠味 魚腩同肉丸都好多！！ 重有 個粥由頭食到尾都好熱 好神奇完全冇凍過 haha 呢個組合既味道就唔洗講啦 睇我次次都叫就知啦評語: 必定番食 大大碗又足料 cp值很高呀

之前番工食過鰂魚涌既生記, 發現原來油麻地都有分店, 方便好多, 即刻搵機會去試下。 袖珍雞粥 $30 袖珍其實都已經幾大碗, 一個人好夠食, 而且雞肉既份量一啲都唔少, 好足料! 熱辣辣既粥好綿密好夠味, 如果口味偏淡既人可能會覺得略咸, 不過我覺得啱啱好。 啲雞肉係完全無骨, 食得好方便, 肉質係好嫩滑, 而且醃得好入味, 基本上都唔需要點另外既葱薑絲豉油。 油炸鬼 $11 相比起粥, 油炸鬼就普通好多啦。感覺炸起放咗一段時間, 下次會再試下其他小食。

老字號品牌粥麵店不乏捧場客，係油麻地東方街一條比較靜街仔有間生記粥麵經常要座無虚席，今晚路過見唔使等位順便試番碗，menu都好多款粥品，我選了喜歡的豬潤肉丸粥和齋腸熱熱的腸粉上面巳由厨房舖了滿滿的甜醬，入口醬流流的，而熱腾騰和滿滿的粥底，再加埋厚厚塊的滑豬润，肉丸大粒又弹口，的確一流

去廣華覆診，聽到護士們討論中午要去生記粥麵午膳，反正我下午又要回醫院檢查，近近地揀左生記食粥。平日嘅十二點幾，當時客人唔算多，入座率大約6-7成。多年冇幫襯過生記了，唸住望清楚個餐牌先，一坐底店員已經企喺旁邊，不停問我哋食乜，我哋話睇多陣轉頭先，佢真係轉個頭唔夠20秒就再企喺旁邊有點不耐煩的問我哋點得未。問店員袖珍類同正常的單併類有乜分別？佢話䄂珍類細碗d喎🤔睇唔切個餐牌，唯有靠記憶點呢度最出名的魚腩粥、單併豬肉丸粥，再點碟油炸鬼啦。招牌鯇魚腩粥有大約6件魚腩，鮮甜👍🏻，配薑蔥豉油食一流，保持到當年水準。我反而對豬肉丸粥不抱太大期望，但將匙羹攪動碗粥時，發覺攪唔旭，因為肉丸數量太多，數一數有成13粒肉丸(相片只影到浮面果層肉丸)，肉丸結實彈牙，有驚喜👍🏻而個油炸鬼呢，絕對絕對不建議大家點，唔脆，用筷子夾已經覺得林，油炸鬼的味道但牛脷酥嘅口感，一個字，實！下次都係食返佢最拿手的食物～粥！食食下留意到身旁有個客人叫左袖珍類肉丸粥，發覺碗粥嘅大細同單併類一樣，只係肉丸少d，6粒左右。原來袖珍唔係碗粥細碗d，而係少餸d啫。

食粥黎呢間穩陣嘅，價錢不過有點貴，但有袖珍版👍其實袖珍版一啲都唔袖珍，鯪魚球粥，一碗有至少五粒，冇骨，撈佢另外配嘅蔥豉油絕配，夠入味 👍👍 我見有啲男食客都會點袖珍版，所以真材實料，飽肚清淡非袖珍版要大約 $40，所以都食返平啲。

我一向都好鐘意去**上環生記**食粥。今次經過油麻地分店諗住買碗外賣番屋企嘆，一入門見有人喺櫃面比緊錢於是我就乖乖咁企喺後面跟機。排到我，我連“唔該要一碗及第...”都未講完，個亞姐就黑住面兼望都無望我就吠咗聲“嗌外賣同樓面講！” 。我平時去餐廳買外賣都係喺櫃面落單比錢一次搞掂，點會知道生記嘅做法會咁特別？我去得粥鋪都唔會預咗有乜嘢服務，但係佢有冇需要用咁惡劣嘅態度去教育客人？我轉身即走並決定唔會再黎呢間分店

屋企人剛做完手術，指定想食生記粥。同收銀個位 （阿姐）定老闆娘？落單，佢就掛住整野，好快講左一堆野係聽唔到。係收銀等左10幾秒無人理，見到（阿姐）定老闆娘整完野，再問多次外賣可唔可以係度落單。佢就呼喝，'同樓面落咗未呀。'，個副咀臉真係好令人難受。我明白每間舖頭有佢自己一套營運方法，自問自己問問題都有唔該前唔該後，但我不認為自己要咁受氣。細細個屋企人已經帶我嚟食，加上我以前中學係附近讀書成日都嚟堂食，係因為佢啲出品真係好。但真係唔會再嚟，情願過海去上環個間了。

多年幫襯上環生記粥店，今天路經油麻地便試下油麻地的生記粥品，知道是上環的分店，水準應差不多。叫了魚片粥，粥來到後未有慣常的豉油蔥跟上，便叫侍應拿來，怎知她説"魚粥內已有蔥一起煮，不會另配豉油蔥，我如晴天霹靂，從未聼過這似是而非的答覆，想問一下老闆是否他的規矩，這省了多少豉油？其實這碗豉油是生記粥品的靈魂，沒有它，生記的粥會打了大折扣！我在上環生記二十年來都未曾聽到有此規定→魚片粥不跟豉油蔥，希望查證一下是小人過失，還是老闆所訂規矩！希望店主回應一下。