生記粥麵 (Closed)

天氣凍凍地，最好的選擇就是食粥，不用想太多嘛！生記已在東方街開店很多年，印象中無論是甚麼時候，客人都是那麼多。店裡可以走路的空間不多，檯凳已佔了很多地方，用餐時大家很常要搭檯。大伙人坐得會有點迫，但一個人去不會感到尷尬因為大家都是一個人去嘛。下單後，店員會先為你送上薑蔥豉油。如果不夠的話要加$2要額外一碗，會裝得滿滿的。近幾次去吃，我都是點袖珍版肉丸粥，或者可以叫做'細肉丸'。雖然是袖珍版，但份量也不會袖珍啊！肉丸粥裏會有8粒肉丸。粥底很綿很香，放些蔥下去我覺得更好吃呢。肉丸不是很大顆，但很有彈性味道好，應該加了點特別的食材令肉丸的質感那麼好吃 有時我也會點生記的淨食牛丸。質地結實，食得出有牛肉味，食辣嘅朋友加點辣椒更能夠吊一吊味。兩個人一人一碗粥再share個牛丸就perfect喇！見到都有comment講收銀啊姐態度有點問題。Well，我食完站在門口兩分鐘阿姐行開了都未翻來，收錢個樣都有點趕客其實食完都有覺得少少口渴，不過味道搭救！

今晚沒有太大食慾，清淡一點想吃碗魚腩粥，8：00來到不用等位直接入座。可惜所有魚都沽清了，只剩鯪魚球，建議大家提早一點過來多選擇。沒有魚粥就來碗袖珍牛肉粥加一份煎魚餅啦！袖珍一點都不袖珍牛肉很足料，牛肉跟粥的比例有5：5！幾乎每一口都食到牛肉！正常一個女仔食袖珍版已經好夠飽～粥底好綿但不會太濃稠， 不會太濃味只有味精。而牛肉調味剛好，味道不會蓋過牛本身鮮味，但又帶出到牛肉的香味。烹調時間掌握得很準確，厚度適中，食起來滑得來帶有口感。魚餅彈牙，明顯地在打魚肉的過程中下過工夫。但味道不及牛肉入味，比較適合愛清淡味的客人。

呢幾日食濟左想食碗粥，同事們一呼百應😂 去了這間位於油麻地A出口的粥麵鋪晚餐，六點鬆少少去到已經冇咩位，要搭枱。呢度有細碗粥選擇，我怕唔夠食所以嗌普通size。這是同事的雙拼粥，好多料。我點了鯪魚球粥（$39），鯪魚球份量超多！全部粥都有薑蔥豉油跟，點豉油食好美味同事點的細豬潤($30) ，只係細我果碗少少，豬潤份量都係好多，好味呀！爽口又入味，非常大塊。不過食完會有d口渴呢度要扣少少分。整體來講算唔錯，會再去食。

剛剛經過油麻地見到生記有分店，即管入去試吓。叫咗清湯蘿蔔牛腩河、骨腩肉丸粥。對佢嘅食物水準非常之失望！牛腩偏硬清湯淡而無味蘿蔔硬而不甜河粉唔滑粥底杰而不綿肉丸冇味但係唔明點解仲有好多人幫襯.........唔通係我對食物嘅要求過高？！不過我自己覺得佢嘅食物水準極之不合格！

又再一次來老字號，粥界明星店"生記"開餐....對我來講，上環老店始終太隔涉，縱然知道我會在總壇能吃到更出類拔萃的出品，但還是較鍾情於交通對我而言更方便的油蔴地分店....老習慣，下單後侍者就送上一小碗青蔥豉油。用來醮粥料，一流....今天沒點我平常叫慣的魚腩，取而代之是三元及第。一衆內臟皆屬鮮貨，豬肝爽又起沙；豬心爽脆；豬腸帶少許苦有點失色；肉丸軟綿有肉鮮香....粥底非常甜且超綿，滲著點點米香。論全港排名，必屬三甲之內....有靚粥，此時必要叫條油炸鬼來醮粥吃，這才是王道。縱使油條不熱也不脆，但也顧不了那麼多，吃了才算....通常在此吃粥，我的個人喜好是點一碟炒米粉同吃。這兒的炒米一向下很多料，除有紅蘿蔔及椰菜絲外還有肉絲以及用來吊味的榨菜....有這樣的陣容，這碟炒米就算收得貴點，亦是正常事.....要吃一頓令人稱心滿意的粥餐，這兒確是本人的不二之選....

雖然已有其他人評論過這態度好差嘅收銀，但只要你都體驗過，就忍唔住要黎呢度俾負俾。之前媽媽已領教過呢位收銀嘅黑面態度，本人入到去，亦只問有無xx賣,因為有時太早未有，個收銀只答，“問阿姐“，問野收銀都係全程唔望你。去過都知間鋪有幾大，根本好窄，阿姐又做緊野，無人招呼，我就要專登行入去條窄巷搵阿姐，呢個時候又有阿叔出緊粥，之後搵到阿姐再跟佢行返出黎。 我想問個老闆點請人，仲有，如果因為咁我發生意外，俾d熱粥倒到，係唔係你負責?其實個收銀叫得個客去搵阿姐，佢都用咗啖氣叫阿姐出黎啦？老闆一係就搵個侍應全程企喺門口招呼，唔係就請炒咗個阿姐。 如果服務呢項可以唔俾星，我會唔俾攞，請著個咁嘅人簡直趕客! 我都去過另一間喺鰂魚涌嘅分店，人地收銀正正常常，有笑容，呢位簡直黑面神!

今日放工又要喺油麻地上興趣班，時間很趕，周圍看看附近有乜好食，結果，揀咗生記！生記有數間分店，之前食過上環那間，生滾豬肉丸粥、煎魚餅都很好吃。由於趕住上堂，叫了碗貢丸牛丸麪。 已經同侍應阿姐說我趕時間，但結果都等了約15分鐘，碗麵先上桌😅😅😅我通常去生記都吃生滾粥，好少點麵吃。單看賣相都唔錯。習慣先喝口湯，很香牛腩味道，又唔太肥膩，再吃麵，爽滑彈牙，唔會有太濃䶨水味，牛丸爽口，吃到啖啖新鮮牛肉，非常好！可惜，貢丸完全無味，令成碗麵大打折扣。

如果呢間舖嘅規矩係收銀唔落外賣單，就應該喺當眼位置大大隻字寫明，收銀阿姐嗰種惡劣嘅態度真係令人嘆為觀止，第一次幫襯買外賣，正常人都會去收銀落單，同佢講咗兩聲唔該都完全唔應你，跟住眼尾都唔望你一眼黑口黑面咁指住個侍應講一句：「阿姐落單。」，大佬，你唔講，我會知你唔落單嘅咩？望住人講嘢同找錢找落人隻手好基本禮貌啫，收錢你又識伸手同人拎？到找錢又掉喺張枱度？仲要全程望都唔望你一眼先好嘢，啲粥都只係不過不失，我做咩仲要受氣？呢間嘢，服務應該連一粒星都無，不可一不可再。

難怪說是不老店，味道不老，懷舊得來又好味。今日就係想揾一間呢d傳統得嚟又有質素的粥店。我最鍾意就係食豬膶粥，要整到嗰舊豬膶肥嘟嘟，咬落有爽脆又唔會搶咗粥嗰陣甜味，其實係要有一番好高嘅工藝先至可以做得到嘅。本身來都諗住食魚腩豬膶粥，但係話魚腩已經一早賣晒。原來係一件好搶手嘅，如果下次想食魚腩嘅話呢就一定要早啲嚟幫襯啦。最後就揀咗豬潤豬心粥，豬心又係我好鍾意食嘅內藏。首先講一講個豬膶先，真係整到有好飽滿，咬入去爽脆唔會太老，另外仲會比一碗葱豉油點，如果要加薑嘅話，加多一蚊。豬膶攞出黎再點埋啲薑蔥豉油一齊食，絕配。豬心都很不錯，一舊好大舊，咬落去都好爽，但豬潤都係正d，哈哈。至於粥底係好綿，唔會見到粒粒的米，因為已經煮到好綿，仲有淡淡粥香，飲口有粥的黏感，好正。

去開油麻地睇牙醫，記得屋企人講過附近有一間粥店幾好食，咁就開map睇吓。因為係食飯時候，所以全店滿座，仲有好多人等叫外賣。等咗大概5分鐘就有位，not bad!都幾肚餓，所以叫咗一碗大嘅鯪魚球粥+油炸鬼。好快就上菜，唔記得咗exactly有幾多粒鯪魚，淨係記得好似食極都食唔完。鯪魚好有鮮味，咬落去覺得係真材實料，最正就係有果皮味，而且仲有一碟仔豉油加蔥去點。粥底亦好綿，亦有幾塊生菜，成碗比我ko晒！ 至於油炸鬼⋯⋯ 非常普通。雖然係繁忙時間，一班靚女們都好有禮貌，服務算唔錯！

生記一向都很受歡迎，無論Weekdays 或Weekends 的午飯時間都排長龍！今日食左魚片魚蛋麵，加菜，再有淨撈麵。魚蛋的彈力十足這裡的菜，份量相當滿意，適合健康人士。撈麵都好大碟。

老婆話想食生記粥，今天專程由官塘搭車去油蔴地外賣，一入去櫃檯，對住個收銀講“唔該”，佢黑口黑面，冇反應，見佢在處理舊單，等左一陣再同佢講想外賣，佢望都唔望一下，求其揾隻手指，指一指出面，啱啱有個亞姐行理黎，先有人同我落單。除非老婆話想再食，如果唔係，一定無下次。幫襯你，仲要睇你面色，簡直不知所謂。

午餐吃粥，我的牛肉粥超多鮮嫩牛肉，粥底很綿但畧嫌稀薄點了，沒有太重味道，吃很感覺舒服，因為很怕吃過後口部乾涸那種感覺，每碗粥品都另上一小碗葱花醬油，是值得一讚。同行朋友都選及第粥，我們還點選一碟三件的煎魚餅，剛好每人一作，煎魚餅見到、吃到鯪魚肉，爽口有魚肉味，煎到小小金黃又不油膩，很好吃的煎魚餅，不過我沒有為煎魚餅拍下照片分享，因為之前沒有想到會很滿意！中午的生記粥麵坐無虛席，相信是上班一族的人客居多，很快吃飽就離開，所以我們到達很快便有坐位，看見來外賣也不少。埋單人均消費$33真係抵食！

米飯班主是潺仔經常都病由於病菌太厲害小妹還是如果是與福都躲不過被傳染了感謝米飯班主特意給我送粥生記粥麵款很多，牛肉，雞，魚等等通通都有而且基本上都是百搭它有的餸你都可以自己隨意非常配搭另外還有不少麵款，也是十分好味道鮮牛肉粥走蔥粥底十分綿滑,米粒已經完全爆開,不會米水分離調味又剛剛好不會太淡亦不會太咸雖然只是袖珍但亦算十分大碗配料亦多有成七八塊牛肉牛肉嫩滑,有牛肉味雖然少不了是落左鬆肉粉但是亦能保持份量不會破壞牛肉本身的肉質和味道好味道總括而言，粥味道好而且配料非常足和質素好這碗粥cp值極高

肥仔個肚唔舒服，所以今日食粥清清腸胃。佢話食呢間，我話呢間野喺上環嗰陣我食過好好味。去到梗係食魚腩啦但係話賣晒喎😞。叫碟菜食，仲要得返一碟生菜俾我哋叫埋。之後叫嗰啲人全部得返白蘿蔔😅生意到呢。因為冇魚腩令到我又要諗過食乜嘢，咁係肥仔嘅推動下就叫左雞肉。其他兩樣餸我都係照舊叫返豬膶，同埋唔係度度有得食嘅豬心。肥仔就叫咗豬膶雞肉牛肉粥。叫完野就上咗碟蔥段豉油。因為上咗呢碟野所以啲粥就冇晒啲蔥🙄＄18嘅西生菜跟蠔油一齊上都幾大碟。不過蠔油生菜同粥其實唔係太夾，因為食食吓會令到個粥好似有酸味。講返個$54粥，粥底好綿有見到散左既米👍🏻，唔係開米粉又唔係加左白果同腐竹煲嗰啲粥底。因為我哋兩個都叫咗三樣餸所以啲料係凸咗出個粥面嘅，豬膶好爽好大塊，豬心好味😋牛肉正常，雞肉呢就麻麻哋，食到好大浸酒味（諗住要黎癖左啲雪味但太多了）啲料食到底都仲有好足料喎食到咁上下就覺得鹹咗喇。飲品有支裝汽水＄10得細支，好似食水深左啲🙄