生記茶餐廳 (Closed)

沒抱住任何期望第ㄧ次光顧, ㄧ入去老闆娘便友善地微笑, 打開餐牌, 蟹粥、蟹飯、蜆、炸丸全部也合我地胃口, 可惜我們只有2個人, 今次點了細荷葉蒸蟹飯、小食size的椒鹽白飯魚、炸八爪魚丸6粒、蠔仔春卷2條、油菜-菜芯上有齊豉油、蒜溶、蠔油及2支大啤, 二百零蚊而且非常新鮮好食, 每碟餸上枱時都香氣撲鼻, 蟹飯尤其出色,膏多飯香。可能是星期五晚, 人頗多而且有2張訂枱,好彩我們早到仍有張細枱, 下次再來還是先訂枱較穩陣, 要留意上菜時間稍耐的。

每次到生記必定要蟹粥，今次一於試下佢地個蟹蜆籠仔蒸飯，真材實料，蟹蜆飯～有一只膏蟹，仲有好多蜆，蒸出來的飯很鮮甜，不須加任何醬油調味，我一個人已經可以K.O兩碗飯！哈哈！如果係要挑剔，只係蜆殼有啲破碎，食果時要小心～另外點了炸八爪魚丸，正，有八爪魚粒係裡面，彈口，伴上酸甜醬，好味！炸默魚咀，朋友點的伴酒菜，起初怕有海腥味，結果冇事，都幾好，不過偏愛八爪魚丸多啲～炸雞軟骨，一般，不過伴酒一流！蒜蓉蒸茄子，也頗喜歡！

紅磡是個福地。 真心好多好出色既味道。寒寒地去食番個蟹粥， 其實以前黎食，主打食峴飯，用竹籠蒸。熱騰騰！非常好食。不過今日隔離條友話好寒，同埋只有兩個人就只好食個蟹粥啦～我地6點鬆就入左去 ， 所以完全唔洗等位。到七點幾其實就已經坐滿左．所以想黎既朋友仔多人既記得BOOK 位。其實叫左無耐就有粥食了， 真心香到暈， 好食到暈， 好有蟹味，勁多蔥，粥入面又有少少蟹膏。一流呀大佬蠔仔卷，都幾得意，不過就好似咸左少少，不過係可以一試，幾有趣。總括，非常值得一試， 老闆人都好NICE

生記茶餐廳除咗蟹粥 / 蟹飯出晒名好食外, 其實小食都好正! .蠔仔水晶粉卷從晶瑩剔透的水晶粉皮內見到一隻隻漲卜卜的蠔仔排列卷內, 已經覺得好滿.水晶皮口感QQ, 絕對係 #煙靭控 超愛的, 咬開水晶卷, #蠔仔 香味溢出, 放心!! 無腥味....

紅磡有一間食粥嘅店舖好出名，有一日咁岩病咗就同朋友來呢度食粥，不過其實佢唔係食普通嘅粥所以一啲都唔清淡。生滾蟹粥＄128 1隻蟹上到嚟嘅時候上面仲有好多起泡，我指蟹有好多膏有啲溶左落去個粥，個粥都好作了比較清淡，即係啲肉質就唔算豐富，始終隻鞋都比較細隻少少，味道尚算鮮甜。蠔仔水晶粉卷＄58@4件 出面個皮有啲似腸粉皮但係晶瑩剔透而且有咬口，入面蠔仔有好多，幾肥美口感同味道都唔錯。

一大班人抵食好去處。今次一行8人21:00來到，冇乜人，可能係大閘蟹新聞既關係，少左人食蟹haha 不過我地唔怕既！蟹粥(大) - 有2隻蟹，粥綿，好清甜蒸飯 - ok但冇我想像中的海鮮飯既香, 我比較喜歡食個粥lol 蒸聖子 - delicious! 好大隻，肥美炸八爪魚丸 - 大大粒 nice !蝦春卷 - 有驚喜 nice!蒸矮瓜 - ok蠔春卷 + 雞軟骨 - 麻麻地

昨晚係睇左openrice食評黎，點知中伏😰😰，激發起小妹一定要寫呢個食評，唔好有其他人中伏！叫左4款菜：蟹粥、蠔仔粉卷（店舖職員推介😓）、墨魚丸（唔記得exactly個餸名）、豉油王炒麵作為招牌菜：蟹粥已經無蟹味同鮮味，而且味精重，食左一碗已經唔想添蠔仔粉卷：一咬落去成口砂，而且一路食一落覺得自己會肚痾豉油王炒麵：咸到腎虧，連普通一檔粥舖嘅炒麵都比它好食墨魚丸：係4碟中比較ok,但並不代表好食，只係比較！昨晚食完極口渴，真係一次非常唔好嘅體驗

琴日大約8點到店，平日來說都好full,好彩行快兩步，否則相信要等位。點菜時，因同男友第一次光顧，老闆娘亦細心為我倆介紹有乜特色菜可以點，兩人點左6樣(慣性大魚大肉):蟹粥係招牌菜，相信點都要嗌返個先叫不枉此行!份量方面係絕對夠一家4口一同享用，賣相十分吸引，粥底呈黃色似係蟹膏嘅色，但食落又無乜蟹味，但勝在粥底棉，亦不易生水，上枱時仲係處於沸騰狀態!蒜茸粉絲蒸聖子皇，一隻38蚊。上枱時已經係微暖，食落口聖子應是蒸過火，咬唔開兼要成舊塞入口。味道方面唔腥唔臭，蒜茸用生蒜加炸蒜混合成，但味道偏淡。加加埋埋仲貴過鍋粥，老實說唔抵。炒麵亦有很多人點選，炒得乾身不油膩。惟調味不均，一啖鹹一啖無味，粗粗地幾廿蚊所以無需太太大要求。泰式炒蜆，蜆肉鮮甜，唔會成碟得d殼咁搵笨!如果辣少少會更佳。老闆娘誠意推介，老實說味道一般，水晶粉皮一點也不特別，不Q不彈。入面約有4~5隻蠔仔，蠔仔有點苦腥味，整體麻麻有點失望。炸八爪魚丸，十分彈牙，炸得金黃香脆，味道似即食麵嘅調味粉，但38蚊有6蚊，認真抵食!埋單500幾，兩個人食係過份左少少! 其實每碟都幾夠份量，食量細可以點少d~

今日第二次去紅磡食蟹粥，冇去一排都係咁美味!店内亦留露住舊式茶餐廳嘅特色，還记得樽裝可樂，每人点了一枝，不到一會便涼透心。等左一陣熱.騰腾嘅蟹粥到吖，瓦煲上枱，滾熱辣，煲蓋一打開一陣香氣冒出，白煙四散，香氣撲鼻，比澳門的更勝一酬。打開蓋子已有5分鐘之久，但仍在翻腾滾着，這是瓦煲的特有的持久保溫作用!這裏之所以出名是因為蟹和粥一起在瓦煲滚的，所以蟹味和粥融為一体，不會像澳門那樣蟹有蟹味，而粥冇蟹味。蟹以乎是用了奄仔，雖不是爆膏，但蟹味濃郁，蟹肉結實，明顯是新鮮的!粥底夠棉滑，入口香甜真的美味! 另外强烈推介這店的蠔仔春卷，外皮入口起化，内裏仔鮮嫩多计，兩者合起來，真是回味無窮!可說是填店之實，聖子皇也是推介之一，蒸得路剛好，很新鮮，三十幾蚊一隻已平絕全港，有時還會買4送一，超低吃x10，其他特色的還有蝦膠響玲卷和肉躁茄子！

一家人黎到紅磡 細佬話朋友推介好味蟹粥 就試一試！先叫個特窩淨蟹粥 之後緊係配炒面"浪浪"胃Umm...這個比較普通 無鑊氣冬蔭公炒蜆 係幾新奇嘅 辣辣地 幾開胃但都係欠鑊氣 比較乾身 份量亦偏少炸八爪魚丸呢個有驚喜啊 意想不到大大粒 亦非常彈牙 八爪魚肉比較多 有點真材實料嘅感覺最後來到 大大鍋蟹粥首先 粥底比較杰 蟹嘅份量應該係隨意 因為一個蟹蓋 但有四個蟹鉗唔知係咪候節問題蟹肉不多 蟹膏亦比較少 粥只帶微鮮甜 未至於食過番尋味下次蟹季再試一次

經朋友指引，經過“大酒店”,穿過“藍箱車”,百無禁忌只為食好野。晚上來時座無虛席，證明有不少同道。蟹粥是必點，多加了蜆。蟹在粥內是一整隻煮，鮮味足夠，蟹黃在最後也變成綠色融在粥內，增加鮮味。可惜似是用河蟹，塊頭較小，但168這價錢來說，性價比已經很高。炒麵不會太油，味道還可以。而蠔仔粉卷蒸的比用蠔仔做內料的春卷好食多多聲，因保持到蠔仔的原味，不會給油膩味蓋過。埋單時，老細話粥是四季都有的，夏天也可以去一試啊。

男友放工見到話想食，第一次去，去到時6點幾，一去到冇人招呼但見到9成坐滿，覺得好奇怪，等左一陣見到老闆娘先知原來樓面得老闆娘一個人忙，唔洗排隊但要搭枱。叫左蟹粥，再喺老闆娘推薦下叫左蠔仔蒸粉包。蠔仔蒸粉包($58)味道唔錯，蠔仔大粒飽滿又新鮮，粉皮夠薄夠滑，但就係太薄一夾就散晒啲蠔仔出黎，分開食。 蟹粥($128)啲羔有啲生，但蟹肉夠鮮甜夠嫩滑，一上枱成窩仲要滾住上，夠晒熱，但食食下食到成舊未融晒既味精就完全明白晒點解啲蟹咁鮮甜，同埋點解啲羔仲依附喺蟹上面但啲粥會係金黃色，而且粥底都唔夠軟綿，可能叫飯會仲好。

雖然未到冬天，不過已經好掛住依度個蟹粥啦2個人食，叫左個例牌蟹粥熱辣辣的蟹粥，上枱個時仲滾緊架，入面有成隻蟹，好鮮甜，不過今次略嫌蟹膏吾夠多，之前食過蟹粥會變左淡黃色的，不過成落都好夠味，good good good另外叫左個椒鹽白飯魚，份量吾多，細細碟，普普通通，都幾好食的，可能因為未到冬天，所以無咩人食，仲有好多位剩，鋪頭係傳統老店的感覺，門口仲有膠條擋住冷氣

Craving for crab congee and we went there early to avoid the queue.Except the signature congee, the oyster spring rolls are amazing too.And so is their crab steam rice.  It smells so good and the rice absorb all the sauce.

蟹粥鮮甜蟹飯好香聖子大隻得黎係新鮮好食既蠔仔蒸粉包都幾滑值得一試炸多春魚好脆蒜香茄子唔會太漏同幾香幾好食最後叫左個飯後甜品-擂沙湯丸 不俗👍🏻成餐飯三個字 「鮮、香、甜」👍🏻