生記茶餐廳 (Closed)

老闆on medication, 又唔食得煎炸, 又唔食得生野. 係我完全諗唔到有咩選擇既情況下, 佢提議去生記試下.其實我地之前有試過去, 不過下午佢地無開.今次去之前打個電話confirm 佢有開門先. 因為夜麻麻行個頭都有D驚驚地 (係大酒店隔幾條街)去到一望, 好舊式既鋪頭. 木接檯, 膠櫈, 光管燈.不過D野好唔好食最緊要, 海鮮種類唔係多, 不過都有幾款食法蒸聖子皇 - 我唔覺得佢係皇囉. 唔係好大隻油鹽水煮蜆 - 多蜆,不過唔大隻, D蜆新鮮, 不過有部分有沙蒜容蒸茄子-啱口形, 一啖過, 味道唔錯蜜汁燒雞翼 - 味道好, 不過有D細隻蟹粥-粥底靚, 蟹肉鮮, 又多膏. 超正!

是日不停下雨.....跟豬大人最佳的節目就是躲在戲院看電影。 連續兩套有趣的電視過後, 又是晚飯的時候了~我倆不斷搜尋附近可取的食店時,終於找到了它-- ''生記茶餐廳''。網絡上說明要有等位的心理準備,也許是日下雨的關係, 一到達便可以入座 ^^生滾蟹粥人氣十足的招牌粥, 幾乎每檯都會order!!我倆的一鍋偏白色, 不及同檯食客的蟹粥多蟹膏而帶黃。粥底的芫茜味十分強烈, 倒不太合青蛙胃口~而且亦不如青蛙想像中甜.......反而蟹肉極為鮮甜, 幸得豬大人拆肉給青蛙伴粥吃~令粥底頓時生色不少 ^^蒜蓉蒸茄子其實就是簡簡單單的蒸茄子,但蒸的時間恰到好處, 茄子入口不會太腍而失去口感~如果蒜蓉能再多一點點更好。蠔仔水晶粉卷挺特別的一道食物~蠔仔挺大顆、又不腥是意料之外;而且粉卷滑中帶有嚼勁, 口感豐富。只是青蛙極討厭的莞茜因為要去除蠔的腥味而下太多,令青蛙要花時間挑走莞茜才能吃~但本身喜愛莞茜的人定必喜歡這個粉卷呢 ^^自家製蝦膠嚮鈴卷像是吃了一陣風, 而且完全吃不出有蝦膠~即使青蛙點了沙律醬來吃, 也不覺得有什麼味道.....不過嚮鈴即炸夠熱, 而且入口夠酥化。

點解我會話百無禁忌呢, 因為要去生記, 附近有不少賣先人用品的店舖, 地點都幾隱蔽, 幸好有位像人肉google一樣的男人, 識路帶我去0者, 嘰嘰~ 時間尚早, 未到七點, 仲未見人龍, 前兩次去也等了好一會兒, 見有個位子就坐下, 阿姐就跟手俾埋d碗筷我地, 生記蟹粥就出哂名, 唔少人慕名而來添, 當然我都係其中一份子, 哈哈! 印象中仍記得第一次來食過佢地既蟹粥之後, 仲誇張到去澳門搵食, 都要找蟹粥食, 就係想睇下有冇其他地方既蟹粥好食得過佢!!! 生記呢到要晚市才有蟹粥供應, 除左蟹粥之外, 當然也有幾道唔錯既小吃, 等我介紹下先, 炸墨魚丸, 以size來講, 好大粒下, 食落去都唔會好多粉, 唯一要彈是表面偏油, 如隔一隔油會更好吧!另外一款小吃, 是他們首創, 蠔仔春卷, 男友愛死這道「熱氣野」, 每次也例必叫的, 春卷炸得香脆, 內裡既蠔仔肉厚肥美, 唔係"孱弱"迷你蠔, 食完一件會停不了口再食, 可惡!!! 煎炸野始終少食多滋味接著叫左蟶子, 佢地既海鮮夜D去就會賣曬, 所以今次真係好lucky, 每隻$38, 雖然貴, 但是食過方知是值得喔蟶子好新鮮, 同埋都唔細

突然想食蟹，放學後同朋友黎食，仲諗住貴D都冇所謂，結果好失望諗住2個人應該食唔哂一煲粥，所以冇叫蟹粥，叫左蟹烏冬($183)，湯底係冬陰公，結果發現剩食烏冬唔夠飽(早知叫蟹粥)，所以另外叫左2條蠔春卷($29)蟹烏冬湯底夠辣但冇酸味，最重要係隻蟹既蟹膏超級苦，仲苦過飲中藥，雖然D肉質唔錯亦都多肉，所以整走左蟹身D蟹膏都幾好食，但個蟹蓋係完全放唔落口，另外個烏冬都幾好食因為之前睇左食評，講到蠔仔春卷D蠔汁好似噴泉咁噴出黎，所以叫左蠔仔春卷。食落完全冇咁既效果雖然都好食，但冇期望咁好食

第一次黎已經係三年前, 嗰時兩老鐘意食海鮮, 尤其係呢到出名嘅蟹粥同只此一家嘅蠔仔春卷及腸粉仲記得我係喺呢到學識食蟹肉 , 帶朋友黎食過兩次, 佢地都會問我點解識黎呢間餐廳因為係呢區食飯都唔算方便, 除非自己開車黎, 而且宣傳唔多, 但靠口碑呢間餐廳都好多食客都慕名而來生炸蠔仔春卷$58/4件 (5/5)鮮味隨住第一粒蠔仔碌落口裏面, 我一口咬落春卷可怕的事就發生啦… 蠔嘅肉汁好似噴泉嘅噴上個個鼻到, 第二日鼻嘅軟身位就有個深色傷口 講返個味道先, 春卷炸到金黃色, 平均有四至五粒蠔仔, 好鮮, 原汁原味, 每次食都絕讚不絕口, 認真唔可以錯過!!!!!芝麻雞軟骨$26 (1.5/5)椒鹽白飯魚$29 (1/5)我家姐姐又起勢嗌炸野食…我都會食炸物, 但好唔鐘意呢種炸粉, 食落得炸粉同胡椒粉, 食唔出魚嘅鮮味, 兩款都炸得太乾身, 吸引唔到我再食 蠔仔水晶粉卷$58/4條仔 (3.5/5)腸粉好薄, 完全可以清楚睇到裏面嘅蠔仔, 佢地就好似幾隻迫埋係被窩裏面取暖等我靜靜地食咗佢地先  可以見到一條都有3粒中形蠔仔, 有手指公第一節咁大, 好鮮味, 唔食熱氣嘢嘅朋友可以試呢個

今年平安夜又看演唱會了, 當然必想起生記蟹, 今天公司收早所以大約六時多已到達生記了, 由於太早一個人客也沒有, 我們就做了當晚第一枱客人, 誰不知入座後不久已客似雲來~~上次試了蟹飯今次試冬陰功蟹伊麵但仍然沒有試蟹粥因為太大煲了~冬陰功湯底確實不錯絕對差不過泰國菜館, 蟹今次不是太多膏真是要靠彩數, 但肉質仍是鮮甜. 只是伊麵比較有咬口, 但過了一會兒可能浸了湯底所以麵質變軟, 入口剛剛好. 如果初初入口剛好的話現在可能已經變了淋淋的伊麵~熱辣辣蠔香味十足內裏應有大約六七隻肥美蠔仔, 清蒸原汁原味, 真是值得推介~本身想點炒蜆但老闆娘說今年沒有炒蜆配料所以只好清蒸, 其實都不錯清清地能吃出原味來, 蜆肉份量都很多沒有沙, 吐得很乾淨, 蒜蓉薑絲一拼來吃還不錯.當晚很多人當我們走時已全場滿座了, 老闆娘十分有禮貌還跟我們說笑, 所以每次看演唱會都會來吃就是這原因, 好味還有人情味~~

大家都知道紅磡是美食天堂之一時新 媽咪 蒙面 上海飽餃店 美味佳 糖蓮子等等一直仍有不少美食on my list 今次挑戰生記只有2個人 可以order的食物有限menu有多走款美食 心大心細最後叫了2款1) 冬蔭公蟹烏冬 $180 (4/5)烏冬加$15 所以合共$180個人不喜歡食粥 唯有叫另一馳名的面吧份量夠3個人食 湯底好濃郁 當中有點點蟹味不像冬蔭公那麼酸 辣味有卻不會太刺激恰到好處 烏冬彈牙 相當入味 湯油分少 令人飲完又飲蟹方面 偏細隻 但一早剝了 方便進食散發淡淡冬蔭公味 十分滋味但定價過高 因為用的蟹也非多肉及上乘一試無妨2) 炸蠔春卷 $28 (3/5)2件 都不算便宜但既是推介之一 也是少有的美食香口脆身 外層厚薄剛好而且有肥美蠔肉 算是不錯店員樂意作出推介 態度誠懇店子空間不大 多人來的話可能坐得迫一點仍有好多小食未試 有機會再回來吧

今晚6:45pm分來到, 已差不多全滿了。如果遲些便要等位。而我們要7:30pm離開門口已聚集了十多人，可見這間小店多麼受歡迎！差不多全場也叫蟹粥，我們也不例外，叫了一個例牌蟹粥($128), 又叫了一個推介的新菜式 - 蠔仔春卷($29/兩件)。碗生滾蟹粥用一大湯碗盛着，份量多得要2人分享才行。內有一隻大大奄仔蟹。蟹粥很鮮甜，很綿，有薑及生菜絲，很好味！我們發覺愈底下的粥愈鮮甜，所以我建議大家要先攪勻一下粥才吃。蟹很大隻，又多膏，很好吃!蠔仔春卷熱燙燙，蠔仔鮮甜沒有海水味，和春卷味道很夾！

今同一大班朋友試左呢個紅磡蟹粥環境：茶餐廳格局，　我地一行１５人已經差吾多霸左佢成間鋪地點：吾近地鐵站，　要睇地圖，　位置偏僻食物價錢平食物味道好味蟹粥，　蟹肉新鮮俾軟綿綿既粥吸Ｄ哂蟹膏，　正。籠仔蒸飯好味，　一個類似中式蒸蘢入面放左荷葉包住既飯，　蜆肉同蟹肉，　熱辣辣另外蠔仔做成既菜都好味，　好似蠔仔春卷，　出面香脆蠔仔ＪＵＩＣＹ，　蠔仔水晶粉卷粉皮滑身，　同多汁既蠔仔亦都好ＭＡＴＣＨ八爪魚丸夠彈牙，　而響鈴蝦膠係將蝦滑放入腐皮卷入面炸，　手工好，　但吾夠蝦味總括而言係幾好食既

參與太座小學同學行山活動，從慈雲山行至沙田散隊，本約人在尖沙嘴晚飯，惟友人因事未能出席，遂與太座另尋地方著落。先前聽聞小妮子曾於紅磡某處吃過蟹粥，查問下得知在曲街附近，坐言起行，在火車到站便徒步前往。在這區，要路經一些紙扎舖，花圈店，長生店是無可避免之事，唯生老病死仍人生必經階段，但求做人處世無愧於心，便是快樂人生。生記原來是一間茶餐廳，地方狹窄，但其門如市，門外等位的人不絕，我們等了數分鐘便有檯，是搭檯，約半張細圓檯分坐兩家共四人。吃蟹粥是每檯客人入來的指定動作，有蟹粥，蟹拼蜆粥，蟹拼蠔粥，蟹拼豬潤粥等。蒜蓉粉絲蒸蟶子 $70，看見鄰座點吃，也點兩隻試試，每隻$35，以蒜蓉粉絲蒸，蒜蓉香口，粉絲份量不多，蟶子不算肥美，但也新鮮可口。蠔仔水晶粉卷 $58，以水晶粉皮包著蠔仔來蒸，粉卷包得有些求其，一挾就散開，味道則不錯，蠔仔亦多。生滾羔蟹粥 $128，雖說是即叫即煮生滾粥，但不消十分鐘便送來，用瓦煲盛著，整煲粥冒著氣泡像溫泉，粥裏泛著點點微黃色的蟹黃，有一隻中蟹，已切成數件，粥底很綿，惟粥底所含蟹的鮮味不濃，說實話，一隻蟹有幾多味，蟹身的肉也不多，但有鮮味，也許沒有常撥弄煲粥，吃至差不

好耐都未去過紅磡喇, 今日係比朋友約左去黃埔睇戲, 當然晚餐都會一齊食,佢就帶我去左生記食蟹粥,佢話非常好食,一定要去,咁就跟著佢去,佢都搵左一陣,我估唔到既原來只係舊式茶餐廳,而裹面都唔算太多得幾張枱,坐唔到幾多人,好彩既係,好快我地就有一張枱坐低,好彩,仲以為有排,不過依到既餐牌同我睇到既有大不同,就係非常之靚,D圖真係做得好靚,有圖有真相唔通,之後就叫左一個生滾蟹粥,好似全場都無人無叫到依個蟹粥,佢話係即煲既,但唔夠10分鐘就黎到喇,都好快手,賣相唔係話好靚,無咩色水,先試啖粥先, 好綿好滑,又唔會得水有口感,唔錯, 食食個蟹先,蟹肉連著蟹殼,應該係好新鮮,蟹肉非常之鮮甜,不過個蟹味如果可以再滲入粥底到會仲正,不過可能係生滾先好食,之後叫多個椒盬白飯魚,份量都夠既,睇落已經覺得好好食,而且每條魚仔都好粗, 炸得好香口好鬆化,但又唔算太油膩。

上個禮拜食蟹粥嘅時候，就決定咗今次要食蟹烏冬。今日來到，即刻點咗。烏冬比粥要慢一些。同時其他人點嘅粥出先。來到啦，好大盆啊，我把拳頭放在旁邊以示對比。大家如果兩個人食，食呢盆烏冬都夠飽啦。湯底有冬陰功同清湯可選，我地選咗冬陰功。今次蟹膏比上次多，可見要碰運氣。冬陰功味道適宜，不會太酸，有點點辣椒，不會太辣，酸酸辣辣很開胃，我飲咗好多碗湯。入面除咗有只蟹，有點番茄，覺得番茄再多點就好了。本身係伊麵，加15蚊可轉烏冬。烏冬健康啲，好彈牙。一共可以分到5細碗左右。建議店家提供拉麵可選就好了。食完好滿足啊！開心

久闻蟹粥驰名 只是鄙人晚餐很少大吃大喝 所以一直无缘 那日友人有兴致 我便推荐了这家 地点有点难找 抵达的时候六点差10分 门口已有等位 可见很火啊当然必食蟹粥 此外还点了青菜 蒸蛏子 炒蚬子 蟹粥份量刚好 蟹很香甜 明显新鲜 蟹膏给粥更添美味 蛏子等都很新鲜 结帐时看别人在吃蟹乌冬 看着也很美味呢

今晚小熊上完堂，就近係紅磡搵食。上openrice見到呢間，好正喔，所以就選咗呢間。5點九左右來到，間鋪還在從茶餐廳向大排檔轉化中，等到6點，第一個入座啦。第一次來，緊係食招牌蟹粥啦，驚食粥太寡，又加咗蠔仔水晶粉卷。 蟹粥 128上來果陣重咕嚕咕嚕緊，熱辣辣，令人食指大動。入面真係有成只蟹加，蟹殼入面有黃，流到粥裡，令成碗粥提升惹味指數。可惜宜家啲蟹唔夠肥美，相信秋冬來食，蟹會更加啖啖肉。粥底味濃，相信是加了唔少上湯來煮，食到最後，有啲粥焦，刮落來食，集粥之精華，好似煲仔飯焦咁。 蠔仔水晶粉卷 58薄薄嘅粉卷，包住好多只蠔仔，有呼之欲出之感，用筷子夾，一不小心，蠔仔全部跌曬出來，真係足料。啲汁好似蒸魚豉油，能夠吊出蠔仔嘅鮮味，好滿足啊!

聽這呢度食蟹粥出名就同老係屯門揸車秜食。其實之前都想來但總係抽唔到時間，今天抽到時間真係冇令我失望！我地呢曰係星期六，去到要等一等，老闆話廚房出菜快咗等一陣就有位，除了我們還有一兩班客都等緊，但不到十幾分仲便到我們，oK喎！老闆火記友善有人情味，這都是舊店有的特色，呢D係大型連食店揾唔到架！我地2公婆叫咗蜆蟹蒸飯，蟹粥，蒸新鮮聖子皇，仔春卷一般人可能唔覺……我地食開海鮮就知呢度抵食！蟹粥一百蚊多D成煲，蟹size仲唔算細，自己去街市買一隻都要咁多錢，另外粥底線滑，蟹味好濃，正！蜆蟹饭鮮味十足，正！蒸聖子皇三十幾蚊隻，勁抵，老闆話仲要有時係會做買4送1，真係未食過咁抵，仲要係肥大肉厚！蠔仔春卷是全港首創，鮮甜肥美……必食下次一定再去！